امریکا کی معروف ٹک ٹاک اسٹار نیسایا ٹرنر سینے پر گولی لگنے سے 17 سال کی عمر میں جان کی بازی ہار گئیں۔
غیر ملکی میڈیا کے مطابق ٹک ٹاکر نیسایا ٹرنر کے ساتھ فائرنگ کا واقعہ 18 جنوری کو جنوبی کیلیفورنیا کے ایک شاپنگ سینٹر کے باہر پیش آیا تھا۔
امریکا کی مقامی پولیس کے مطابق گاڑی کے اندر سے نیسایا کی گولی لگی لاش ملی تھی جس کے سینے پر گولی کا نشان تھا، اسپتال منتقل کرنے پر اس کی موت کی تصدیق کی گئی۔
نیسایا ٹرنر کے سوشل میڈیا ایپ پر فالوورز کی تعداد 3 لاکھ 10 ہزار ہے جہاں وہ اپنی ڈانس اور شخصیات کی ویڈیوز پوسٹ کرتی تھیں جبکہ انسٹاگرام پر ان کے فالوورز کی تعداد 36 ہزار ہے۔
امریکی میڈیا کے مطابق نیسایا ٹرنر نے موت سے چند دن قبل اپنی 15 سیکنڈ کی ڈانس ویڈیو سوشل میڈیا پر اپ لوڈ کی تھی۔
