Tag: امریکی ٹیرف

واشنگٹن : امریکی وزیرخزانہ اسکاٹ بیسنٹ امریکی ٹیرف پر دنیا کو خبردار کرتے ہوئے کہا ٹیرف عائد کیے جانے کیخلاف ممالک انتقامی کارروائی سے گریز کریں۔

تفصیلات کے مطابق امریکی ٹیرف پر جوابی ٹیرف لگانے والوں کو امریکا نے خبردار کردیا۔

امریکی وزیرخزانہ اسکاٹ بیسنٹ نے کہا ٹیرف عائد کیے جانے کیخلاف ممالک انتقامی کارروائی سے گریزکریں، میرا ہر ملک کو مشورہ ہے جوابی کارروائی نہ کریں کیونکہ امریکی ٹیرف کے خلاف جوابی کارروائی سے کشیدگی بڑھے گی۔

یاد رہے امریکا نے ٹیرف جنگ کو دنیا بھر میں پھیلا دیا اور یورپی یونین سمیت سو ملکوں پر بھاری ٹیکس عائد کردیا ، جس میں پاکستان سمیت پچیس ملکوں پر جوابی ٹیرف لگایا۔

مزید پڑھیں : ڈونلڈ ٹرمپ کا پاکستان سمیت مختلف ممالک پر بھاری ٹیرف عائد کرنے کا اعلان

صدر ٹرمپ کا پاکستان پر انتیس فیصد، بھارت پر چھبیس فیصد، برطانیہ پر دس، یورپی یونین پر بیس، چین پر چونتیس، جاپان پر چوبیس، اسرائیل پرسترہ، سعودی عرب، قطر اورافغانستان پر دس دس فیصد ٹیرف عائد کیا۔

بعد ازاں امریکی ٹیرف کے جواب میں دنیا بھر نے شدید ردعمل دیا، یورپ نے امریکی ٹیرف کو تجارتی جنگ قرار دے دیا۔۔ یورپی یونین کا جوابی اقدامات کا اعلان کیا جبکہ چین نے بھی اسے بلیک میلنگ قرار دیتے ہوئے جوابی اقدامات کے عزم کا اظہار کیا۔

امریکی صدر کے ٹیرف پر دنیا بھر کے ممالک نے شدید ردعمل دیتے ہوئے اسے تجارتی جنگ قرار دے دیا، جس کے باعث نئی تجارتی جنگ کا خدشہ پیدا ہوگیا۔

تفصیلات کے مطابق امریکی صدر کے جوابی ٹیرف کے بعد نئی تجارتی جنگ کا خدشہ پیدا ہوگیا، بین الاقوامی سطح پر سخت ردعمل سامنے آرہا ہے۔

چین نے اسے بلیک میلنگ قرار دیا اور جوابی اقدام کا عزم ظاہر کیا، چینی وزارتِ خارجہ کا کہنا ہے اس سے بین الاقوامی تجارت، اقتصادی ترقی اور ترسیلات کو خطرہ ہوگا۔ یورپ نے امریکی ٹیرف کو تجارتی جنگ قرار دے دیا۔

یورپیئن کمیشن کی صدر نے امریکی ٹیرف کو بین الاقوامی معیشت پر بڑا حملہ قرار دیا، یورپی یونین نے جوابی اقدامات کا اعلان کرتے ہوئے کہا اگر مذاکرات ناکام ہوئے تو مزید جوابی اقدامات اٹھائے جائیں گے۔

اطالوی اور آئرش کے وزرائےاعظم نے کہا امریکی ٹیرف غلط ہے، اس کا مناسب جواب دینا چاہیے جبکہ ہسپانوی وزیراعظم مائیکل مارٹن کا کہنا تھا کہ اس سے کسی کو فائدہ نہیں ہوگا۔

آسٹریلوی وزیراعظم انتھونی نے بھی شدید ناراضی کا اظہارکرتے ہوئے کہا یہ کسی دوست کا کام نہیں جبکہ جرمن کیمیکل انڈسٹری نے افسوس کا اظہار کیا۔

مزید پڑھیں : ڈونلڈ ٹرمپ کا پاکستان سمیت مختلف ممالک پر بھاری ٹیرف عائد کرنے کا اعلان

کینیڈین وزیراعظم نے کہا صدرٹرمپ کےاقدامات سے بین الاقوامی تجارت پرمنفی اثرات پڑیں گے جبکہ جاپانی وزیراعظم نے کہا امریکا میں سب سے زیادہ سرمایہ کاری کے باوجود ٹوکیوپرٹیرف پر حیرانی ہوئی۔

جاپانی وزیرتجارت یوجی موٹو نے کہا امریکا سے کہیں گے جاپان کو ٹیرف سے مستثنیٰ کرے۔

اس کے علاوہ ملائیشیا، تائیوان اورجنوبی کوریا نے بھی امریکی ٹیرف پرشدیدردعمل کا اظہارکیا ہے جبکہ میکسیکن صدر کلاڈیا شین بام نے امریکی ٹیرف کے جواب میں جامع پروگرام لانے کا اعلان کیا ہے۔

یاد رہے صد ڈونلڈ ٹرمپ نے امریکی درآمدات پر جوابی ٹیرف لگادیا ہے، پاکستان پر انتیس فیصد، بھارت پر چھبیس فیصد،برطانیہ پر دس، یورپی یونین پر بیس، چین پر چونتیس، جاپان پر چوبیس، اسرائیل پرسترہ، سعودی عرب، قطر اورافغانستان پر دس دس فیصد ٹیرف عائد کیا ہے۔