Tag: امریکی ڈالر

کراچی : امریکی ڈالر مزید مہنگا ہو کر ڈبل سنچری کے قریب پہنچ گیا، آج ڈالر کی قیمت میں ایک روپے 25 پیسے اضافہ ہوا۔

تفصیلات کے مطابق ملک میں ڈالر کی قیمت کسی صورت قابو میں نہیں آرہی ، انٹربینک اور اوپن مارکیٹ میں ڈالر تاریخ کی بلند ترین سطح پر برقرار ہے۔

امریکی ڈالر آج بھی مزید مہنگا ہو کر تاریخ کی بلند ترین سطح 196 پر پہنچ گیا ہے۔

فاریکس ڈیلرز کا کہنا ہے کہ ٹریڈنگ کے دوران انٹر بینک میں ڈالر ایک روپے پچیس پیسے مہنگا ہو کر 195 روپے 44 پیسے پر فروخت ہو رہا ہے۔

فاریکس ڈیلرز کے مطابق اوپن مارکیٹ میں امریکی ڈالر 196 روپے سے 50 پیسےپر پہنچ گیاہے۔

گیارہ اپریل سے اب تک ڈالر بارہ روپےانتیس پیسے مہنگا ہوا ، جس سے پاکستان پر قرضوں کے بوجھ میں چودہ سو ارب روپے سے زائد کا اضافہ ہوچکا ہے۔

ماہرین کا کہنا ہے کہ سیاسی عدم استحکام اور آئی ایم ایف سے مذاکرات کی ناکامی ڈالرکے بے قابو ہونے کی بنیادی وجوہات ہیں۔

کراچی : شہباز حکومت میں معیشت کا دھڑن تختہ ہوگیا، انٹربینک میں ڈالر مزید 1 روپے 64 پیسے مہنگا ہو کر 191 کی بلند ترین سطح پر پہنچ گیا۔

تفصیلات کے مطابق شہبازحکومت نہ پاکستانی روپے کو استحکام دلاسکی اور نہ ہی مہنگائی کو روک سکی، انٹربینک اور اوپن مارکیٹ میں ڈالر مسلسل تیسرے دن بھی تاریخ کی بلند ترین سطح پر برقرار ہے۔

ٹریڈنگ کے دوران انٹر بینک میں ڈالر ایک روپے 64 پیسے مہنگا ہو کر191 روپے 66 پیسے پر جاپہنچا۔

کرنسی ڈیلرز کا کہنا ہے کہ اوپن مارکیٹ میں امریکی ڈالر 192 روپے75 پیسے پر فروخت ہو رہا ہے۔

پہلی اپریل سے اب تک ڈالر سات روپے بارہ پیسے مہنگا ہوچکا ہے، ماہرین کا کہنا ہے کہ سیاسی عدم استحکام اور آئی ایم ایف سےبات چیت میں ناکامی ڈالر بے قابو ہونےکی بڑی وجہ ہے۔

خیال رہے یکم اپریل کوجوڈالرایک سو بیاسی روپے سے زائد پر تھا وہ آج ایک سو اکیانوے روپے کوٹچ کرگیا۔

گذشتہ روز اوپن مارکیٹ میں ڈالر ڈھائی روپے مہنگا ہوکر 190 سے 192.50 روپے کی بلند ترین سطح پر پہنچ گیا تھا جبکہ انٹر بینک میں ڈالر 190 روپے 2 پیسے پر بند ہوا۔

کراچی : امریکی ڈالر ایک بار پھر اُڑان بھرنے لگا، انٹربینک میں ڈالر 2 روپے 26 پیسے مہنگا ہوکر 184 روپے سے تجاوز کرگیا۔

تفصیلات کے مطابق موجودہ حکومت کے آتے ہی روپیہ کی قدرمیں استحکام سوالات اٹھنے لگے ، انٹربینک مارکیٹ میں ڈالر پھر تگڑا ہونے لگا۔

ٹریڈنگ کے دوران انٹر بینک مارکیٹ میں ڈالر دو روپے چھبیس پیسے مہنگا ہو کر ایک سو چوراسی روپے اسی پیسے پر پہنچ گیا۔

فاریکس ڈیلرز کے مطابق اوپن مارکیٹ میں بھی امریکی ڈالر185 روپے پچاس پیسے پر فروخت ہو رہا ہے جبکہ دو دنوں میں ڈالرکی قدر میں3 روپے سے زائد کا اضافہ ہوچکا ہے۔

گذشتہ روز امریکی ڈالر ننانوے پیسے اضافے سے ایک سو بیاسی روپے چوالیس پیسے پر بند ہوا تھا۔

خیال رہے یکم مارچ سے سات اپریل کے دوران ڈالر کے مقابلے میں روپے کی قدر دس روپے ستتر یپسے کی کمی ہوئی تھی جبکہ آٹھ اپریل سے پندرہ اپریل تک روپے کی قدر میں چھ روپے تریسٹھ پیسے کا اضافہ ہوا تھا۔

کراچی : نئی حکومت کے آتے ہی روپے کی قدر بحال ہونے لگی ہے اور امریکی ڈالر  181 روپے کی سطح پر آگیا۔

تفصیلات کے مطابق انٹربینک اور اوپن مارکیٹ میں ڈالر کی قیمت میں کمی کا رجحان آج بھی برقرار ہے ، کاروبار کے دوران انٹربینک مارکیٹ میں امریکی ڈالر کے مقابلے روپے کی قدر میں مزید اضافہ ہوا۔

غیر ملکی کرنسی ڈیلرز کا کہنا ہے کہ امریکی ڈالر روپے کے مقابلے 0.47 پیسے کمی کے بعد 181.35 روپے پر ٹریڈ کر رہا ہے۔

Interbank closing #ExchangeRate for todayhttps://t.co/Gf9kZrroSC pic.twitter.com/SKpegXDM2n

— SBP (@StateBank_Pak) April 13, 2022

تاہم اوپن مارکیٹ میں امریکی ڈالر 182 روپے سے اوپر فروخت ہو رہا ہے۔

گذشتہ روز انٹربینک مارکیٹ میں ڈالربیس پیسے سستا ہو کر 181 روپے 82 پیسے پربند ہوا تھا۔

خیال رہے کہ گزشتہ دنوں انٹربینک میں ڈالر کی قدر 189 تک پہنچ گئی تھی تاہم اب اس میں کمی آنا شروع ہوگئی ہے۔

یاد رہے اسٹیٹ بینک آف پاکستان کا کہنا تھا کہ مارچ 2022 میں کارکنوں کی ترسیلات تاریخ کی بلند ترین سطح پر پہنچ گئیں۔

کراچی : امریکی ڈالر ملکی تاریخ میں پہلی بار 186 روپے کی بلند ترین سطح پر ‌پہنچ گیا، آج ڈالر کی قیمت میں 83 پیسے اضافہ ہوا۔

تفصیلات کے مطابق انٹر بینک اور اوپن مارکیٹ میں ڈالر کی اونچی اڑان آج بھی جاری ہے اور روپے کے مقابلے میں ڈالر ملکی تاریخ کی نئی بلند ترین سطح پر برقرار ہے۔

فاریکس ڈیلرز کا کہنا ہے کہ آج ڈالر مزید 83 پیسے مہنگا ہو کر ایک سو چھیاسی روپے کی بلند ترین سطح پر جا پہنچا۔

فاریکس ڈیلرز کا کہنا ہے انٹر بینک میں ڈالر کی 186 روپے 6 پیسے پر ٹریڈنگ جاری ہے جبکہ اوپن مارکیٹ میں ڈالر 186 روپے 70 پیسے پر فروخت ہو رہا ہے‌۔

خیال رہے یکم اپریل سے اب تک ڈالر کے مقابلے میں روپے کی قدر میں2 روپے 58 پیسے کی کمی ہوئی ہے جبکہ پہلی جولائی 2021 سے اب تک ڈالر اٹھائیس روپے باون پیسےمہنگا ہو چکا ہے۔