ARYNews.tv | Urdu – Har Lamha Bakhabar

Tag: امریکی کمانڈر

  • خطے میں پائیدار امن کے لیے پاکستان کا کردار اہم ہوگا، امریکی کمانڈر

    خطے میں پائیدار امن کے لیے پاکستان کا کردار اہم ہوگا، امریکی کمانڈر

    واشنگٹن: امریکی سینٹرل کمانڈ کے سربراہ جنرل جوزف ووٹل نے کہا ہے کہ خطے میں پائیدار امن کے لیے پاکستان کا کردار اہم ہوگا۔

    غیرملکی خبررساں ادارے کے مطابق امریکی سینٹرل کمانڈ کے سربراہ جنرل جوزف ووٹل نے امریکی سینیٹ کی آرمڈ سروسز کمیٹی میں گفتگو کرتے ہوئے کہا کہ امریکا کے لیے پاکستان ہمیشہ ایک خاص اہمیت کا حامل ملک رہے گا۔

    جنرل جوزف ووٹل نے کہا کہ امریکی فوج کی جنوبی ایشیا میں حکمت عملی مرتب کرتے ہوئے اس بات کو یقینی بنایا جائے گا کہ افغانستان میں مستقبل میں ہونے والے کسی بھی معاہدے میں پاکستان کے مفادات کو تسلیم اور ان کا خیال رکھا جائے۔

    انہوں نے کہا کہ پاکستان کے ساتھ ہمارے تعلقات میں امریکی محکمہ خارجہ میں موجود لوگوں کی حمایت شامل ہے کیونکہ یہ افغانستان میں تنازع کے خاتمے کے لیے سفارتی حل کی کوششوں میں مصروف ہیں۔

    مزید پڑھیں: مذاکرات میں پیشرفت پر افغانستان میں فوج کی تعداد کم کریں گے، ڈونلڈ ٹرمپ

    امریکی کمانڈر نے کمیٹی کو بتایا کہ پاکستان خطے کا ایک اہم ملک ہے جس کی وجہ صرف افغان تنازع نہیں، پاکستان امریکا کے لیے ہمیشہ ایک اہم ملک رہے گا۔

    انہوں نے کہا کہ افغانستان میں 17 سال سے جاری جنگ کے خاتمے کے لیے مذاکرات میں پاکستان نے مثبت کردار ادا کیا، امریکا بھی جنگ کے خاتمے کے ہدف کے لیے پاکستان کی ہر ممکن مدد کرنے کو تیار ہے۔

    جنرل جوزف ووٹل نے قطر کے دارالحکومت دوحہ میں امریکا اور طالبان کے درمیان مذاکرات کے انعقاد میں پاکستانی کوششوں کو سراہا اور امید ظاہر کی کہ یہ تعاون جاری رہے گا۔

    واضح رہے کہ امریکی سینٹرل کمانڈ کے سربراہ کی حیثیت سے جنرل ووٹل پاکستان اور افغانستان میں امریکا کے فوجی اور انسداد دہشت گردی کے آپریشنز کا حصہ ہیں۔

  • افغان طالبان قیادت کوئٹہ اورپشاورمیں پناہ گزین ہے، امریکی کمانڈرکی ہرزہ سرائی

    افغان طالبان قیادت کوئٹہ اورپشاورمیں پناہ گزین ہے، امریکی کمانڈرکی ہرزہ سرائی

    کابل : امریکی صدر کے بعد امریکی فوجی کمانڈر نے بھی پاکستان میں دہشت گردوں کی پناہ گاہوں کا الزام عائد کردیا، انہوں نے کہا کہ کوئٹہ شورٰی اورپشاور شورٰی حقیقت ہیں۔

    ان خیالات کا اظہار افغانستان میں تعینات امریکی فوج کے کمانڈر جنرل جان نکلسن نے افغان ٹی وی کو انٹرویو دیتے ہوئے کیا، اس موقع پر افغان ٹی وی چینل طلوع کا میزبان امریکی کمانڈرکو پاکستان میں حملے کےلیےاکساتا رہا۔

    ٹی وی کا اینکرجنرل نکلسن کو بار بار یہ کہتا رہا کہ کیا آپ افغان سرحد کی دوسری طرف بھی پناہ گاہوں پر حملہ کریں گے؟ جس کا انہوں نے کوئی خاص جواب نہ دیا۔

    جنرل نکلسن نے کہا کہ کوئٹہ شورٰی اورپشاور شورٰی حقیقت ہیں، افغان طالبان کی قیادت پاکستان کے شہروں کوئٹہ اور پشاور میں رہتی ہے اور وہ اس سے باخبر ہیں۔

    جنرل نکلسن نےانٹرویو میں یہ بھی کہا کہ وہ دہشت گردی کیخلاف پاکستان کی قربانیوں اورپاکستانی فوج کی پیشہ ورانہ صلاحیتوں کااحترام کرتے ہیں۔

    مزید پڑھیں: پاکستان نے دہشتگردوں کی پناہ گاہیں ختم کردیں، آرمی چیف

    جنرل نکلسن نے مزید کہا کہ دہشت گردوں اور باغیوں کی حمایت کو بھی روکنا ہو گا اور ان کی مالی امداد روکنے کے لئے بھی اقدامات کرنا ہوں گے، افغانستان کے باہر دہشت گردوں کی پناہ گاہیں سنگین مسئلہ ہے اور اسے حل کرنا ہو گا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔