لاس اینجلس : امریکی شہر لاس اینجلس کی پولیس نےخاتون کی شکایت پرگلوکار کرس براؤن کو دھمکانے کے شک میں گرفتار کر لیا.
تفصیلات کے مطابق ملکہ حسن بیلی کرن کا کہنا ہےکہ وہ کر س براؤن کے دوست کی جیولری کی تعریف کر رہی تھیں جب براؤن نے ان کے چہرے پر پستول تان دی.
ملکہ حسن بیلی کرن کی جانب سے ایمرجنسی کال موصول ہونے پر پولیس براؤن کے مکان پہنچی،اس وقت تک بیلی کرن پارٹی سے جا چکی تھیں.
انہوں نے بتایا کہ وہ براؤن کے ایک دوست کے ہیرے کے نیکلس کی تعریف کر رہی تھیں جب وہ شخص غصے میں آ گیا.
پولیس کافی دیر تک کرس براؤن کو حراست میں لینے کے لیے ان کے مکان کے باہر موجود رہی اور آخر کار کرس براؤن نے اپنے آپ کو پولیس کے حوالے کر دیا.
واضح رہے کہ کرس براؤن کو پہلے بھی تشدد کرنے پر سزائیں ہو چکی ہیں،2009 میں انہوں نے اپنی گرل فرینڈ ریانا پر تشدد کیا تھا جس کے بعد کرس نے خود کشی کرنے کے بارے میں بھی سوچا تھا.
