Tag: امر خان

پاکستان شوبز انڈسٹری کی معروف اداکارہ امرخان نے کہا ہے کہ انھیں انسٹاگرام اکاؤنٹ پر بھارتی صارفین کے نامناسب اور گھٹیا حرکات کا سامنا کرنا پڑا۔

حالیہ انٹریو میں گفتگو کرتے ہوئے امرخان نے بتایا کہ بھارتی صارفین نے انھیں سوشل میڈیا پلیٹ فارم انسٹا گرام پر ڈائریکٹ میسیجز بھیجے، انھوں نے کہا کہ میں نہیں بتا سکتی کہ بھارتی شہریوں نے ڈی ایم میں کیسی تصاویر بھیجیں اور کس قدر نامناسب الفاظ کا استعمال کیا۔

پاکستانی اداکارہ نے کہا کہ اس طرح کی اشتعال انگریزی چند انتہا پسند افراد پھیلاتے ہیں، اس طرح کے لوگ ایک مخصوص پروپیگنڈے اور ایجنڈے پر کام کرتے ہیں۔

امرخان کا کہنا تھا کہ اگر میں آپ کو وہ میسیجز دکھا دوں تو اس سے پتہ چلتا ہے کہ وہ کیسے لوگ ہیں، حالانکہ وہ چند ایک ہیں، بھارت کی پوری عوام یقیناً اس طرح کی نہیں ہوگی۔

بھارتی فلموں کے پوسٹرز اور گانوں سے پاکستانی اداکاروں کے نام اور تصاویر ہٹانے کے حوالے سے امرخان نے کہا کہ ان انتہا پسند افراد کی جانب سے پاکستانی اداکروں کی تصاویر ہٹانا بچکانہ حرکت تھی۔

https://urdu.arynews.tv/hania-amir-message-indian-actress-received-threats/

شوبز انڈسٹری کی معروف اداکارہ امر خان کا کہنا ہے کہ شاہ رخ خان سے اکثر خوابوں میں میری ملاقات ہوتی ہے۔

اداکارہ امر خان نے حال ہی میں نجی ٹی وی کے شو میں شرکت کی اور اس دوران اپنے ڈرامے اور دیگر معاملات پر کھل کر اظہار خیال کیا۔

انہوں نے کہا کہ میں شاہ رخ خان کی بہت بڑی مداح ہوں، دنیا میں ہر لڑکی اپنے شوہر، بھائی، دوست، چاچا میں صرف شاہ رخ خان دیکھتی ہے اور اگر وہ نہیں ملتے جب گلشن گروور نکل آتا تو پھر غصہ آتا ہے۔

امر خان نے کہا کہ لڑکی کو دو چیزوں کا سب سے پہلے پتا چلتا ہے ایک جب کوئی اس سے چیٹ کررہا ہو اور دوسرا جب وہ شاہ رخ کی نقل اتار رہا ہوں۔

اداکارہ نے کہا کہ رومانس کریں لیکن کسی کو دھوکا نہ دیں۔

اداکارہ کا کہنا تھا کہ شاہ رخ خان ’کنگ آف رومانس‘ ہے، ان جیسا کوئی اور نہیں بن سکتا، وہ جس طرح خواتین کو عزت دیتے ہیں، اس طرح کوئی دوسرا نہیں دے سکتا۔

امر خان کے مطابق ایسا نہیں ہے کہ شاہ رخ خان صرف خواتین کو عزت دیتے ہیں بلکہ وہ مرد حضرات کو بھی اتنا ہی پیار اور عزت دیتے ہیں، تاہم وہ خواتین پر زیادہ توجہ دیتے ہیں اور اسٹار کی یہی خوبی ہوتی ہے۔

 انہوں نے کہا کہ ممکن ہے کہ ان کی باتوں پر لوگ انہیں گالیاں دیں اور پوڈکاسٹ کو بالی ووڈ پوڈکاسٹ کہنے لگیں، کیوں کہ وہ بالی ووڈ کی زیادہ باتیں کر رہی ہیں۔

اداکارہ نے کہا کہ بالی ووڈ کی فلمیں دیکھنے، گانا سننا اور پھر بولی وڈ پر بات نہ کرنا منافقت ہوگی، اس لیے وہ اس پر بات کریں گی۔

پاکستان شوبز انڈسٹری کی معروف اداکارہ امر خان نے کہا ہے کہ ان کی والدہ چاہتی تھیں کہ وہ پڑھیں‌ اور فر فر انگریزی بولیں.

اے آر وائی کے پروگرام دی ناک ناک شو میں گفتگو کرتے ہوئے پاکستان شوبز انڈسٹری کی معروف اداکارہ امر خان نے کہا کہ میری ماں نے مجھے کہا تھا کہ میرے پاس وہ آسائشیں نہیں تھیں تمہارے پاس وہ ہیں تو میں چاہتی ہوں کہ تم پڑھو۔

اداکارہ امر خان نے دلچسپ انداز میں بتایا کہ میری والدہ چاہتی تھیں کہ میں اسکرین پر آکر فرفر انگریزی بولوں۔

ان کی والدہ اداکارہ فریحہ جبین نے اس موقع پر کہا کہ میں یہ کہتی تھی کہ میں بڑی آرٹسٹ بنوں یا نہ بنوں میں تو سی کلاس آرٹسٹ آج تک ہوں، میں نے اپنے آپ کو سی کلاس کرکے اپنی بیٹی کو اے کلاس لانے کی کوشش کی ہے۔

فریحہ جبین نے کہا کہ میں یہ چاہتی تھی کہ میں بھلے جوتا تبدیل کروں یا نہ کروں بال رنگوں یا نہ رنگوں، میری بیٹی پڑھ کر آئے تو پھر مزہ آئے گا اور اللہ پاک نے میری سن لی۔

امر خان نے اپنی والدہ کے بارے میں بتاتے ہوئے کہا کہ یہ ملنگ ہیں، میں نے انھیں باہر سے کوئی بھی برینڈڈ چیزیں لا کردی ہیں وہ ہمارے خاندان میں آگے ٹرانسفر ہوگیا ہوگا اور وہ میں نے کسی اور کو پہنا ہوا دیکھا ہوگا۔

انھوں نے میزبان کو مخاطب کرتے ہوئے کہا کہ اس پر ہماری لڑائی بھی ہوتی ہے آپ نے ہماری دکھتی رکھ چھیڑ دی ہے۔ والدہ نے اپنی زندگی میں خود اپنے لیے کچھ نہیں کیا نہ اپنے اوپر سرمایہ کاری کی۔

اس پر ان کی والدہ نے انھیں مخاطب کرتے ہوئے اور ان کی طرف اشارہ کرتے ہوئے کہا کہ یہ میں نے سرمایہ کاری نہیں کی جس پر امر خان نے بھی کہا کہ انھوں میرے لیے ہی سب کچھ کیا۔