Tag: امن دستوں کا عالمی دن

راولپنڈی : پاکستان نے اقوام متحدہ کے امن مشنز میں خدمات اور قربانی دینے والے بہادروں کو خراج تحسین پیش کیا۔

تفصیلات کے مطابق پاک فوج کے شعبہ تعلقات عامہ ( آئی ایس پی آر) کی جانب سے عالمی امن کیلئے کوشاں اقوام متحدہ کے امن دستوں کے عالمی دن پر اپنے پیغام میں کہا کہ ادنیا سمیت پاکستان میں ”اقوام متحدہ کے امن دستوں کا عالمی دن منا یا جا رہا ہے،ا پاکستانی قوم بہادروں کو خراج تحسین پیش کرتی ہے۔

آئی ایس پی آر کا کہنا تھا کہ پاکستان کو اقوام متحدہ کے قیام امن کیلئےاپنی دیرینہ وابستگی پرفخر ہے، 1960 سے لیکر ابتک پاکستان نے 29ممالک میں اقوامِ متحدہ کے 48 امن مشنز میں حصہ لیا، پاکستان نے اقوام متحدہ کے امن مشنزمیں 2لاکھ35ہزار فوجیوں کو تعینات کیا۔

ترجمان نے کہا کہ پاکستان یواین امن مشن میں اپنی افواج کے ذریعے سب سے زیادہ تعاون کرنیوالا ملک ہے، پاکستانی امن دستے مصیبت زدہ علاقوں میں امن کی بحالی تک کام جاری رکھیں گے۔

آئی ایس پی آر نے بتایا کہ اقوام متحدہ کے امن مشنز کے دوران 181 پاکستانی اہلکاروں نے جانوں کی قربانیاں دیں، پاکستان اقوام متحدہ کی صنفی مساوات سے متعلق حکمت عملی پر کاربند رہے گا اور خواتین کی شمولیت بڑھانے سے متعلق پاکستان یو این یونیفارم جینڈر پیرٹی اسٹریٹجی پر کار بند رہے گا۔

پاک فوج کا کہنا تھا کہ پاکستان عالمی امن کیلئے خدمات اور قربانی دینے والوں کو خراج تحسین پیش کرتاہے، یو این پیس مشنز میں پاکستان کی شمولیت بین الاقوامی سلامتی سے وابستگی کا اظہار ہے ، پاکستانی امن مشنز مشکلات سے گھرے خطوں میں بہتری کیلئے کردار ادا کرتے رہیں گے۔

عالمی امن کے لئے کوشاں اقوام متحدہ کے امن دستوں کا آج عالمی دن ہے، پاکستان اقوامِ متحدہ کے امن مشن میں اپنی افواج کے ذریعے سب سے زیادہ تعاون کرنے والا ملک ہے۔

تفصیلات کے مطابق پاکستان سمیت دنیا بھر میں ”اقوام متحدہ کے امن دستوں کا عالمی دن“ منایا جا رہا ہے، اس دن فروغ امن کیلئے کردار ادا کرنے والے بہادر مردوں اور خواتین کو خراج تحسین پیش کیا جاتا ہے، جنہوں نے دنیا بھر میں تنازعات سے متاثرہ علاقوں میں امن اور استحکام کیلئے پوری جانفشانی سے اقوام متحدہ کے امن مشنز میں خدمات انجام دیں۔

یہ دن اقوامِ متحدہ کا امن برقرار رکھنے کی کاوشوں، انسانی مصائب کے خاتمے، جنگوں اور اندرونی تنازعات کے شکار ممالک میں دیرپا امن و امان کی صورتحال قائم رکھنے کے عالمی عزم کی عکاسی کرتا ہے۔

پاکستان اقوامِ متحدہ کے امن مشن میں اپنی افواج کے ذریعے سب سے زیادہ تعاون کرنے والا ملک ہے، 1960سے لے کر اب تک پاکستان نے دنیا کے تقریباََ تمام براعظموں سمیت 29ممالک میں اقوامِ متحدہ کے48امن مشنز میں 2 لاکھ 35 ہزار فوجیوں کو تعینات کیا۔

اس وقت پاکستان کے تقریباََ3ہزارامن دستے ڈیموکریٹک ریپبلک آف کانگو، جنوبی سوڈان،، وسطی افریقی جمہوریہ، قبرص، مغربی صحارا اور صومالیہ کے امن مشنز میں خدمات سر انجام دے رہے ہیں۔

ترجمان کے مطابق پاکستان کو اقوام متحدہ کی قیام امن کی کوششوں میں اپنی دیرینہ وابستگی پر فخر ہے، پاکستانی امن دستوں نے تنازعات سے متاثرہ علاقوں میں امن اور استحکام کو فروغ دینے کے لئے غیر معمولی جرات، پیشہ ورانہ مہارت اور لگن کا مظاہرہ کیا۔

فرائض کی انجام دہی کے دوران مجموعی طور پر 181 پاکستانی امن دستوں نے جانوں کی قربانیاں دیں، امن کے اس عالمی دن پ ، عالمی امن کے عظیم مقصد کے لئے قربانیاں دینے والے اہلکاروں کو خراج تحسین پیش کرتے ہیں۔

پاکستان، اقوام متحدہ کی خواتین اہلکاروں کو بہتر اور یکساں نمائندگی کی فراہمی کی کوششوں کے لئے بھی پرعزم ہے۔

ترجمان نے اس عزم کا اعادہ کیا کہ پاکستان اقوام متحدہ کے امن دستوں کی سیکیورٹی کو بہتر بنانے کے لئے اقدامات کی بھی حمایت کرتا ہے، خصوصا ان کیلئے جو زیادہ خطرے کے علاقوں میں خدمات انجام دے رہے ہیں۔

اقوام متحدہ کے امن مشن میں پاکستان کی شراکت بین الاقوامی امن اور سلامتی کے لئے ہماری قوم کے عزم کا منہ بولتا ثبوت ہے اور پاکستانی امن دستے شورش زدہ علاقوں میں مقامی کمیونٹیز کی بہتری کے لئے کام جاری رکھیں گے۔