Tag: امن وامان

آرمی چیف جنرل قمرجاوید باجوہ کوئٹہ پہنچ گئے

کوئٹہ : آرمی چیف جنرل قمرجاوید باجوہ امن وامان کی صورت حال کا جائزہ لینےکےلیےکوئٹہ پہنچ گئے۔

تفصیلات کےمطابق پاک فوج کےسربراہ جنرل قمرجاوید باجوہ کو ئٹہ پہنچ گئے۔ دورے کے دوران آرمی چیف جنرل قمر جاوید باجوہ کو سیکیورٹی صورتحال پر بریفنگ دی جائے گی جبکہ انہیں دہشت گردی کے حالیہ واقعات سے بھی آگاہ کیا جائے گا۔

کوئٹہ فائرنگ، ایس پی قائدآباد سمیت 4 پولیس اہلکارشہید

یاد رہےکہ گزشتہ روزکوئٹہ میں نامعلوم مسلح افراد کی فائرنگ سےایس پی قائد آباد مبارک شاہ سمیت 4 پولیس اہلکار شہید ہوگئے تھے۔

پولیس کے مطابق فائرنگ کا یہ واقعہ کوئٹہ کےعلاقے کلی دیبہ میں پیش آیاتھاجب مسلح افراد نےعلاقےمیں گشت کرتی پولیس موبائل پرفائرنگ کی تھی۔

کوئٹہ پولیس پرفائرنگ‘جوابی کارروائی میں3دہشت گرد ہلاک

واضح رہےکہ گزشتہ شب کوئٹہ میں پولیس اورسیکیورٹی فورسزسےفائرنگ کےتبادلے میں 3 دہشت گرد ہلاک ہوگئےتھے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

جولائی 14, 2017
کراچی میں رینجرز کی کارروائی،گینگ وار کے2کارندے ہلاک

کراچی: شہر قائد میں سندھ رینجزر کی کارروائی کے دوران لیاری گینگ وار کے دوکارندے ہلاک جبکہ دو اہلکاربھی زخمی ہوئے۔

تفصیلات کےمطابق کراچی میں امن وامان قائم کرنے کےلیے گزشتہ شب مشرف کالونی میں سندھ رینجرز نےکارروائی کی جس میں لیاری گینگ وار کے دو کارندے مارے گئے۔

ترجمان سندھ رینجرز کے مطابق فائرنگ کے تبادلے میں رینجرز کے دواہلکار بھی زخمی ہوئے اور ہلاک دونوں دہشت گردوں کے قبضے سے اسلحہ اور دستی بم برآمد کرلیے۔

دوسری جانب کراچی کے علاقے نارتھ ناظم آباد میں بھی مبینہ پولیس مقابلے میں دوملزمان سمیت تین افراد کو گرفتار کر کے اسلحہ برآمد کیا گیا۔پولیس حکام کے مطابق گرفتارتینوں ملزمان اسٹریٹ کرائم کی وارداتوں میں ملوث ہیں۔

ادھر سپر مارکیٹ پولیس نے کارروائی کے دوران مطلوب ملزم ندیم عرف چٹاکو گرفتار کرلیا۔ملزم دہشت گردی سمیت جرائم کی سنگین وارداتوں میں مطلوب تھا۔

پولیس حکام کے مطابق ملزم سے دو آوان بم، پستول،ایک خودکارمشین گن اور گولیوں کےمیگزین برآمد ہوئےہیں۔

واضح رہے کہ کراچی کے علاقے کلفٹن بلاک آٹھ میں مبینہ پولیس مقابلے میں ملزم زخمی حالت میں گرفتار کر کے اسلحہ برآمد کرلیا گیا۔

نومبر 18, 2016
امن و امان خراب کر نے والوں کےلیے زیرو ٹالرنس، وزیر اعلیٰ سندھ

ٰکراچی : وزیراعلیٰ سندھ مراد علی شاہ کا کہناہے کہ کراچی میں امن وامان کی صورتحال کو خراب کرنے والوں کے خلاف سخت کارروائی کی جائے۔

تفصیلات کےمطابق وزیراعلیٰ سندھ مراد علی شاہ کے زیرصدارت سندھ کابینہ کا اجلاس جاری ہے جس میں آئی جی سندھ اے ڈی خواجہ کی جانب سے کابینہ کو کراچی میں امن وامان سے متعلق بریفنگ دی گئی۔

آئی جی سندھ کی جانب سے سندھ کابینہ کو بریفنگ کے دوران بتایا گیا کہ شہر میں امن وامان کو خراب کرنے کےحوالے سے اہم گرفتاریاں ہوئی ہیں۔

سندھ کابینہ کے اجلاس میں وزیراعلیٰ سندھ مراد علی شاہ نے کراچی کے امن وامان پر عدم اعتماد کا اظہار کرتے ہوئے کہا کہ میں امن وامان کی صورت حال سے خوش نہیں ہوں۔

وزیراعلیٰ سندھ کا کہناتھا کہ کراچی آپریشن کو ہرصورت جاری رکھا جائے گا،انہوں نے واضح کردیا کہ شہر میں امن وامان خراب کرنے والوں کے خلاف زیرو ٹالرنس ہے۔

مراد علی شاہ کا کہناتھا کہ مجھے خوشی تب ہوگی جب شہر میں مکمل امن وامان ہوگا،انہوں نے کہا کہ پولیس رینجر زاور حسا س ادارے مل کر کراچی میں امن کو برقرار رکھیں اورفرقہ وارانہ نفرتیں پھیلانے والوں کےخلاف ذبردست کارروائی کی جائے۔

وزیراعلیٰ سندھ مرادعلی شاہ کا کہناتھا کہ سابق وزرا،ریٹائر سرکاری افسران کو 24 گھنٹے کی مہلت دی جائے کہ وہ سرکاری گاڑیاں جمع کروادیں اور اس سلسلے میں انہوں نے چیف سیکریٹری سندھ کو 24 گھنٹے کا نوٹیفیکیشن جاری کرنے کی ہدایت کردی۔

مرادعلی شاہ کا کہناتھا کہ 24 گھنٹے کی مہلت کےبعد مجسٹریٹ کی موجودگی میں سرکاری گاڑی کی واپسی یقینی بنائی جائے۔

وزیراعلیٰ سندھ نے سندھ کابینہ کے وزرا کو بھی ہدایت کی ہے کہ وہ بغیر نمبر پلیٹ والی گاڑیاں نہ چلائیں ورنہ ان کے خلاف بھی کارروائی کی جائے گی۔انہوں نے اس کے علاوہ179 پرانی گاڑیوں کی نیلامی کرنے کی بھی ہدایت کی ہے۔

نومبر 7, 2016
وزیراعلیٰ سندھ کی زیر صدارت امن وامان سے متعلق اجلاس منعقد

کراچی :شہر قائد کے امن وامان سے متعلق اجلاس وزیراعلیٰ سندھ قائم علی شاہ کی زیر صدارت منعقد ہوا، اجلاس میں وزیر اعلی نے اویس شاہ کے مبینہ اغوا پر شدید غم و غصے کا اظہار کیا، اجلاس میں اکیس رمضان کو یوم علی کے موقع پر سیکوریٹی انتظا مات کا بھی جا ئزہ لیا گیا۔

وزیراعلیٰ سندھ قائم علی شاہ کی زیر صدارت امن وامان سے متعلق اجلاس ہوا، اجلاس میں وزیر داخلہ سندھ ،چیف سیکریٹری، ڈی جی رینجرز اور مشیرقانون بھی شریک تھے، آئی جی، ڈی جی رینجرز اورانٹیلی جنس اداروں نے وزیراعلیٰ سندھ کوشہر میں امن وامان اور اویس شاہ کی بازیابی کیلئے کی جانے والی کوششوں پر بریفنگ دی ۔

وزیراعلیٰ سندھ نے واقعے کی ہر طرح سے انکوائری کی ہدایت دی،قائم علی شاہ کا کہنا تھا کہ کیا یہ اغوابرائے تاوان ہے،یا دہشت گرد عدالتوں پراثرانداز ہونا چاہتے ہیں، اجلاس میں یوم علیٰ کے سیکیورٹی انتظامات پر بھی غور کیا گیا۔

دوسری جانب سابق صدر آصف علی زرداری کا صوبائی وزیر داخلہ سندھ سہیل انور خان سیال سے ٹیلیفون پر رابطہ کیا ،آصف علی زرداری نے چیف جسٹس سندھ ہائی کورٹ کے لاپتہ ہونے والے صاحبزادے کے بارے میں تفصیلات معلوم کیں اور انھیں ہدایات دیں۔

آصف علی زرداری نے وزیر داخلہ سندھ سہیل انور خان سیال کو ہدایت دیتے ہوئے کہا کہ چیف جسٹس سندھ ہائی کورٹ کے صاحبزادے کی بحفاظت بازیابی کو ہر قیمت پر یقینی بنایا جائے اور انھیں لمحہ بہ لمحہ صورتحال سے آگاہ کیا جائے۔

جون 21, 2016
استعفے کی خبریں بے بنیاد ہیں، گورنرسندھ ڈاکٹرعشرت العباد

کراچی: گورنر سندھ ڈاکٹر عشرت العباد خان نے کہا ہے کہ میرے استعفے کے حوالے سے افواہوں میں کوئی صداقت نہیں ہے وزیراعظم کی صدارت ایسا کوئی اجلاس نہیں ہوا جس میں شرکت نہ کی ہو۔

گورنر سندھ ڈاکٹر عشرت العباد خان نے ڈاؤ یونیورسٹی آف ہیلتھ سائنسز اوجھا کیمپس میں پوسٹ گریجوٹس میڈیکل سائنس ریسرچ سینٹراور جدید آپریشن تھیٹر کی افتتاحی تقریب کے موقع پر میڈیا سے گفتگو کرتے ہوئے کہا کہ آپ کو ذیادہ پتہ ہوگا کہ میں استعفیٰ دے رہا ہوں یا نہیں۔

گورنر سندھ کاکہنا تھا کہ بعض اجلاسوں میں کئی شخصیات شرکت نہیں کرتیں، انہوں نے کہا کہ میرے خیال میں امن وامان کے متعلق کوئی اجلاس نہیں ہوا اور استعفے کے متعلق مجھے کچھ علم نہیں ہے، میرے استعفے کے حوالے سے افواہیں چل رہی ہیں۔

گورنر سندھ نے ڈاؤ یونیورسٹی آف ہیلتھ سائنسز کے تعلیمی و تحقیقی منصوبوں کے حوالے سے کہا کہ ترقیاتی منصوبوں ، صحت ،تعلیم، علاج و معالجے کیلئے اہمیت کے حامل ہیں، جدید آپریشن تھیٹر کے قیام سے غریب مریضوں کو علاج کی سہولت حاصل ہوگی۔

مارچ 27, 2015
امن وامان کے حوالے سے اعلیٰ سطحی اجلاس، گورنرسندھ کو مدعو نہیں کیا گیا

کراچی : امن وامان کے مسئلہ پر سول حکومتوں کا اجلاس ایئرفورس بیس کراچی میں ہوا۔ گورنر سندھ کو اجلاس میں نہیں بلایا گیا۔

تفصیلات کے مطابق فیصل بیس کراچی میں وزیر اعظم سے کور کمانڈر کراچی لیفٹیننٹ جنرل نوید مختار اورڈی جی رینجرز میجر جنرل بلال اکبرنے ملاقات کی جس میں انہیں کراچی آپریشن کے حوالے سے آگاہ کیا گیا۔

جس کے بعد وزیر اعلیٰ سندھ سید قائم علی شاہ بھی اجلاس میں شریک ہو گئے۔اجلاس میں وفاق کے نمائندے گورنر سندھ کو نہیں بٹھایا گیا۔

صولت مرزاکے ویڈیو بیان کے بعد پہلی مرتبہ ایسا ہوا ہے کہ امن و امان کے حوالے سے اجلاس وزیر اعظم کی صدارت میں ہوا ہے، جس میں گورنر سندھ موجود نہیں تھے۔

ذرائع کے مطابق امن و امان کا یہ اجلاس گورنر ہاؤس میں ہونا تھا تاہم نہ گزیر وجوہات کی بناء پر وزیراعظم نے فیصل بیس پر ہی اجلاس کیا۔

اجلاس سے خطاب میں وزیراعظم کا کہنا تھا کہ کراچی میں آپریشن تمام جماعتوں کی مشاورت سے شروع کیا گیا۔

علاوہ ازیں کراچی اسٹاک ایکسچینج کی تقریب سےخطاب کرتےہوئےوزیراعظم محمد نواز شریف کا کہنا تھا کہ کراچی آپریشن سے جرائم کو روکنے میں کامیاب ہوئے ہیں۔

شہر میں ٹارگٹ کلنگ میں کمی ہوئی ہے۔ وزیر اعظم کا کہنا تھا کہ کراچی کی ترقی کے لیےدہشت گردی کا خاتمہ ضروری ہے۔

وزیر اعظم محمد نواز شریف نے ایک بار پھر اپنے اس عزم کا اعادہ کیا کہ جو کام شروع کیا ہے اسے ختم کر کے ہی دم لیں گے۔

مارچ 25, 2015
غیر قانونی اسلحہ مہم میں 20فیصدکامیابی ملی،سیکریٹری داخلہ سندھ

کراچی: سندھ کے سیکریٹری داخلہ نیاز عباسی نے کہا ہے کہ سندھ میں امن کیلئے وفاق نےاب تک کوئی مدد نہیں کی ہے اورغیر قانونی اسلحہ مہم میں 20فیصد کامیابی ہو ئی ہے۔

سیکریٹری داخلہ سندھ نیاز عباسی نے گارڈن فارنزک لیب کے دورے میں انکشاف کیا کہ غیرقانونی اسلحہ جمع کرانے کی مہم میں صرف بیس فیصد کامیابی حاصل ہوئی ہے اور غیر قانونی اسلحہ کی روک تھام کیلئے سندھ کے داخلی اور خارجی راستوں پر چوکیاں قائم کی گئی ہیں۔

سیکریٹری داخلہ سندھ کے مطابق پندرہ لاکھ غیر ملکی تاکین وطن سندھ میں مجود ہیں جس کی وجہ سے امن وامان کے مسائل پیدا ہورہے ہیں، نیاز عباسی نے کہا کہ پولیس میں موجود کالی بھیڑوں کے خلاف کارروائی کی جارہی ہے۔

انھوں نے مزید کہا کہ امن وامان کے قیام کیلئے سول سوسائٹی کو بھی حکومت کا ساتھ دینا ہوگا۔

نومبر 25, 2014
پاکستان بدامنی کے لحاظ سے دنیاکا تیسراغیرمحفوظ ملک قرار

کراچی : ورلڈ اکنامک فورم نے عالمی مسابقتی رپورٹ جاری کردی ہے جس میں امن وامان کےلحاظ سے پاکستان کودنیا کا تیسراغیر محفوظ ملک قرار دیا گیا جس کی بنیادی وجہ حکومتی اداروں کی ناقص کارکردگی، کرپشن اورریڈ ٹیپ کلچر ہیں۔

رپورٹ کے مطابق معیشت میں اصلاحات سے متعلق حکومت کو سخت چیلنجز کا سامنا ہے۔ اداروں کی کارکردگی کرپشن کے باعث خراب ہے۔ انفرااسٹرکچر خاص طور پر بجلی کا نظام پسماندہ ہے صحت اور تعلیم کے شعبےمیں بھی کارکردگی غیر تسلی بخش ہے۔

انڈیکس میں کُل ایک سو چوالیس ملکوں کا موازنہ کیاگیا تھا۔ مسابقتی انڈیکس میں پاکستان ایک سو انتیس نمبر پر رہا۔ رپورٹ کے مطابق پاکستان کی رینکنگ میں گزشتہ سال کی نسبت چار درجے کا اضافہ ہوا۔

بنیادی ضروریات کے حوالے سے پاکستان نے بہت کم نمبرز حاصل کئے ہیں اور بنیادی ضروریات کےانڈیکس میں پاکستان کا نمبر ایک سو چونتیسواں ہے۔

ستمبر 3, 2014