لاہور: پی ٹی آئی کے احتجاج کے موقع پر حکومت کواورکچھ نہ ملا تو ایمبولینسوں میں اموات کا ذمہ د ار تحریک انصاف کو ٹھہرا دیا۔
لاہور میں تحریک انصاف کےدھرنے کے باعث جاں بحق ہونے والے ساٹھ سالہ امانت کے گھر میں مشیر برائے صحت سلمان رفیق تعزیت کے لیے گئے جاں بحق ہونے والے امانت کے رشتہ داروں کا کہنا تھا کہ اسے ہارٹ اٹیک کے باعث اسپتال منتقل کیا جارہا تھا لیکن پاکستان تحریک انصاف کے کارکنوں نے رستہ روک دیا جس کے باعث امانت کو اسپتال پہنچنے میں تاخیر ہوئی اور وہ دم توڑ گیا۔
سلمان رفیق نے دھرنے کے باعث جاں بحق ہونے والے چارافراد کے اہلخانہ کو انکوائری کو یقین دہانی کرائی اور لواحقین کے لیےامداد کا بھی اعلان کیا سلمان رفیق کا کہنا تھا کہ دھرنوں اور پرتشدد احتجاج کرنے والے کارکنوں نے ایمبولینسز تک روکیں جس کے باعث چار افراد اپنی زندگی سے ہاتھ دھو بیٹھے ہیں۔
وزیر اعلی پنجاب کے مشیر صحت سلمان رفیق کا کہنا ہے کہ شاہدرہ اسپتال میں زیر علاج سترہ دن کی بچی ٹریفک جام کے باعث دم توڑ گئی، جبکہ شاہدرہ اسپتال کے ایم ایس کا کہناہے کہ بچی کی ماں کا کہنا ہےکہ بچی کی موت شیخوپورہ سےآتےہوئے ہی واقع ہو گئی تھی۔
تحریک انصاف کی رہنماشیریں مزاری نےدھرنےکےباعث ایمبولینسوں میں ہلاکتوں کی تردید کرتے ہوئے کہاہےکہ حکومت بوکھلاہٹ کی شکار ہو چکی ہے۔
