امریکی صدر ڈونلڈ ٹرمپ کی جانب سے امپورٹڈ گاڑیوں پر ٹیرف لگانے پر جاپان اور کینیڈا کی جانب سے رد عمل سامنے آگیا۔
غیر ملکی ذرائع ابلاغ کے مطابق کینیڈا کے وزیراعظم نے ٹیرف کو براہ راست حملہ قرار دیتے ہوئے کہا کہ اپنے ورکرز، کپمنیاں اور ملک کا دفاع کرنا جانتے ہیں۔ کینیڈا کے وزیراعظم نے کہا کہ جلد ہی درآمدی گاڑیوں پر نئے محصولات کا جواب دیں گے۔
جاپانی وزیر اعظم نے کہا کہ جاپان امریکا میں سب سے بڑی سرمایہ کاری کرتا ہے۔ صدر ٹرمپ کی جانب سے تمام ممالک پر ایک جیسا ٹیرف لگانا حیران کن ہے، اس اقدام کا جواب دینے کیلئے تمام آپشنز پر غور کیا جارہا ہے۔
واضح رہے کہ امریکی صدر ٹرمپ نے امپورٹڈ گاڑیوں پر 25 فیصد ٹیکس لگانے کا اعلان کردیا ہے اور آٹوموبیل انڈسٹری کے تحفظ کے ایگزیکٹو آرڈر پر دستخط کردیئے ہیں۔
ٹرمپ نے وائٹ ہاؤس میں میڈیا سے گفتگو میں گاڑیوں کی درآمد پر25فیصد ٹیکس لگانے کا اعلان کرتے ہوئے کہا کہ امریکی آٹوموبائل انڈسٹری کے تحفظ کیلئے ایگزیکٹو آرڈرجاری کررہا ہوں۔
امریکی صدر کا کہنا تھا کہ امریکا میں آٹو انڈسٹری کے فروغ کیلئے اقدامات کررہے ہیں، ایلون مسک نے مجھے کبھی کاروباری فائدے کیلئے نہیں کہا۔
انھوں نے کہا کہ جوابی ٹیرف ہر صورت لگایا جائے گا تاہم ہو سکتا ہے چین پر ٹیکس میں کچھ کمی کردوں۔
پیوٹن نے ٹرمپ کو ایسا کیا تحفہ دیا جس کو دیکھتے ہی امریکی صدر بول اٹھے ’’خوبصورت‘‘؟
ٹرمپ کا کہنا تھا کہ فارماسوٹیکل انڈسٹری کی امریکا واپسی کیلئے ٹیرف لگائیں گے اور امریکا میں کوئلے کی کانوں کو دوبارہ کھولا جائے گا، ہوا سے بجلی بنانے کے منصوبے نقصان کے سوا کچھ نہیں۔
