Tag: امیتابھ بچن

بھارت کے نوجوان کامیڈین سمے رائنا نے کہا ہے کہ امیتابھ بچن نے میرا کام نہیں دیکھا صرف اسی وجہ سے مجھے کے بی سی 16 میں مدعو کیا گیا۔

یوٹیوب پر اپنے شو کی وجہ سے مشہور کامیڈین سمے رائنا نے حال ہی میں کون بنے گا کروڑ پتی میں شرکت کی جس کی میزبانی امیتابھ بچن کرتے ہیں، سمے اپنی حس مزاح اور برجستہ جملوں کے لیے مشہور انھوں نے اس بات کو یقینی بنایا کہ ہاٹ سیٹ پر بھی وہ لوگوں اور میزبان کو ہنساتے رہیں۔

سمے کے ساتھ شو میں شو میں تنمے بھٹ، بھون بام اور کامیا جانی نے شرکت کی، سمے نے شو کے دوران بتایا کہ وہ کون بنے گا کروڑ پتی میں کیوں آئے ہیں، سمے نے اس بات کا مذاق اڑایا کہ انھیں کیسے یقین ہے کہ امیتابھ بچن نے اس سے پہلے کبھی ان کا کام نہیں دیکھا ہوگا۔

View this post on Instagram

A post shared by Samay Raina (@maisamayhoon)

نئی نسل کے نوجوان کامیڈین نے کہا کہ ’سر میں یہاں صرف ایک وجہ سے آیا ہوں کہ آپ نے میرا کوئی کام نہیں دیکھا۔ اگر آپ نے میرا ایک بھی کام دیکھ لیا ہوتا تو لائف لائن سونی والوں کو لگی ہوتی‘۔

اسی شو میں سمے نے میگا اسٹار امیتابھ بچن ک بتایا کہ بالی ووڈ اداکار ان کی دادی کا کرش ہیں، اس پر مسکراتے ہوئے امیتابھ نے ہاتھ جوڑ لیے۔

نوجوان کامیڈین نے کہا کہ ’میں اور میرے پاپا آپ کو بچپن سے دیکھتے آ رہے ہیں، میری بس دادی ہی ہیں جو اپنی جوانی سے دیکھتی آ رہی ہیں، ان کو آپ بہت پسند ہیں، مطلب آپ ان کا کرش ہیں۔

بالی ووڈ کے میگا اسٹار امیتابھ بچن اپنے بیٹے ابھیشیک بچن اور بہو ایشوریا رائے کی طلاق کی افواہوں پر ایک غصے سے بھری ٹوئٹ شیئرکردی۔

سوشل میڈیا پلیٹ فارم ایکس پر کون بنے گا کروڑ پتی کے میزبان نے ایک غصے سے بھرپور ٹوئٹ کی ہے، پیر کو شیئر کی جانے والی اس پوسٹ کو دیکھنے کے بعد بالی ووڈ سپراسٹار کے مداح تذبذب کا شکار ہوگئے ہیں۔

امیتابھ نے پوسٹ کے کپیشن میں لکھا ’’T 5210 – چپ!‘‘ ساتھ ہی انھوں نے غصے سے بھرے چہرے کی ایموجی کا بھی استعمال کیا، اس کے بعد مداح یہ سوچنے پر مجبور ہوگئے کہ بگ بی نے ایسا کیوں کیا۔

منگل کو امیتابھ بچن نے ایک اور ٹویٹ شیئر کی جس میں انھوں نے لکھا ’’T 5211 – چپ چاپ، چڈی کا باپ (ساتھ ہی انھوں نے زپ کے منہ والے چہرے کی ایموجیز بنائیں)۔‘‘

صارفین ان کی ٹوئٹ کا مطلب یہ نکال رہے ہیں کہ ’آپ سب بولنے کے حوالے سے بہت معمولی حیثیت رکھتے ہیں‘، ان دو پوسٹس نے شائقین کو مزید الجھن میں ڈال دیا ہے اور وہ اسے ایشوریہ اور ابھیشیک کی طلاق کی افواہوں پر کی جانے والی پوسٹ سمجھ رہے ہیں۔

امیتابھ بچن نے بالآخر ابھیشیک، ایشوریہ کی طلاق کی خبروں پر خاموشی توڑ دی

ایک صارف نے لکھا کہ ’آپ کی ٹوئٹ سے مایوسی یا ناامیدی کے گہرے احساس کا اظہار ہوتا ہے، اس سے لگتا ہے کہ کسی نے کچھ غلط کیا ہے‘، ایک اور شخص نے لکھا کہ ’سرجی یہ کیا ہوگیا ہے آپ کو، سب خیریت ہے نہ؟‘

خیال رہے کہ کچھ دنوں پہلے بھی امیتابھ بچن نے اپنے بیٹے اور بہو کے درمیان طلاق کی جاری افواہوں پر اظہار خیال کیا تھا، کون بنے گا کروڑ پتی کے میزبان نے ایک لمبا نوٹ لکھا تھا اور بتایا تھا کہ کیوں وہ اپنے خاندان کے گرد ڈھال بنا کررکھتے ہیں۔

امیتابھ نے اپنے بیٹے اور بہو کی طلاق کی افواہوں کے حوالے سے لکھا تھا کہ ’دوسروں سے مختلف ہونے اور زندگی میں اس چیز پر یقین رکھنے کے لیے بے پناہ حوصلے اور خلوص کی ضرورت ہوتی ہے‘۔

بالی ووڈ اداکار نے لکھا تھا کہ ’میں خاندان کے بارے میں بہت کم ہی بات کرتا ہوں، کیونکہ یہ میرا ڈومین ہے اور اس کی پرائیویسی میرے پاس ہے، صرف قیاس آرائیاں ہیں، وہ قیاس آرائیاں جھوٹی ہیں، بغیر تصدیق کے۔‘

شعلے کے اداکار کا کہنا تھا کہ وہ اپنے خاندان کے افراد کے بارے میں نجی حیثیت برقرار رکھنا چاہتے ہیں اور اس بارے میں میڈیا میں زیادہ بات کرنا ان کے لیے پسندیدہ نہیں۔

بالی ووڈ کے میگا اسٹار امیتابھ بچن نے اپنے بیٹے ابھیشیک اور بہو ایشوریہ رائے کے درمیان طلاق کی افواہوں کے بعد بالآخر خاموشی توڑ دی۔

کبھی ایک دوسرے کے ساتھ ہر تقریب میں ساتھ نظر آنے والی بالی ووڈ یہ جوڑی ان دونوں ایک دوسرے سے دور نظر آتی ہے، ابھیشیک اور ایشوریا کی طلاق کی افواہوں نے اننت امبانی اور رادھیکا مرچنٹ کی شادی کے دوران خاصی توجہ حاصل کی تھی۔

انٹرنیٹ صارفین کو کچھ شک یوں ہوچلا تھا کہ اننت کی شادی سے سامنے آنے والی تصاویر میں صرف ایشوریا رائے ہی اپنی بیٹی آرادھیا کے ساتھ کیوں کھڑی تھیں۔

اس شادی میں امیتابھ بچن اور ان کے تمام اہلخانہ ایک ساتھ پہنچے تھے تاہم، ایشوریہ اور ان کی بیٹی فیملی کی تصویروں سے غائب تھیں۔ اس عجیب عمل کے بعد ایشوریا اور ابھیشیک کے درمیان طلاق کی افواہیں زور و شور سے گردش کرنے لگی تھیں۔

اب امیتابھ بچن نے اپنے بیٹے اور بہو کے درمیان طلاق کی جاری افواہوں کو بالآخر ختم کرتے ہوئے بیان دیا ہے، جمعرات کو کون بنے گا کروڑ پتی کے میزبان نے ایک لمبا نوٹ لکھا اور بتایا کہ کیوں وہ اپنے خاندان کے گرد ڈھال بنا کررکھتے ہیں اور ان کے بارے میں بات نہیں کرتے۔

امیتابھ نے اپنے بیٹے اور بہو کی طلاق کی افواہوں کے حوالے سے لکھا کہ ’ دوسروں سے مختلف ہونے اور زندگی میں اس چیز پر یقین رکھنے کے لیے بے پناہ حوصلے اور خلوص کی ضرورت ہوتی ہے۔‘

بالی ووڈ اداکار نے لکھا کہ ’میں خاندان کے بارے میں بہت کم ہی باہوں، کیونکہ یہ میرا ڈومین ہے اور اس کی پرائیویسی میرے پاس ہے، صرف قیاس آرائیاں ہیں، وہ قیاس آرائیاں جھوٹی ہیں، بغیر تصدیق کے۔‘

شعلے کے اداکار کا کہنا تھا کہ وہ اپنے خاندان کے افراد کے بارے میں نجی حیثیت برقرار رکھنا چاہتے ہیں اور اس بارے میں میڈیا میں زیادہ بات کرنا ان کے لیے پسندیدہ نہیں۔

میگا اسٹار امیتابھ بچن نے ماضی کا ایک قصہ سناتے ہوئے انکشاف کیا ہے کہ رتن ٹاٹا جیسے امیرترین صنعتکار نے ان سے پیسے ادھار مانگے تھے۔

کون بنے گا کروڑ پتی کے میزبان امیتابھ بچن نے شو کی قسط میں آنجہانی رتن ٹاٹا کی عاجزی کی تعریف کرتے ہوئے ماضی کا ایک بہترین قصہ سنایا ہے، مہمان فرح خان اور بومن ایرانی کے سامنے انھوں نے رتن ٹاٹا کی انسان دوستی اور رویے کی تعریف کی۔

امیتابھ بچن نے کہا کہ رتن ٹاٹا کیا آدمی تھے میں بتا نہیں سکتا، وہ بہت ہی سادہ انسان تھے، ایک بار ہم ساتھ جہاز میں لندن جارہے تھے، ہیتھرو ایئرپورٹ پر لینڈ کرنے کے بعد انھیں پتا چلا کہ جو لوگ انھیں لینے آئے تھے وہ چلے گئے ہیں۔

شو کے میزبان نے بتایا کہ رتن ٹاٹا اس دوران فون بوتھ میں گئے اور کسی کو کال کی، میں بھی وہاں موجود تھا، تھوڑی دیر بعد وہ میرے پاس آئے اور مجھے کہا کہ امیتابھ کیا میں تم سے کچھ رقم ادھار لے سکتا ہوں، کیوں کہ میرے پاس فون کال کرنے کے لیے پیسے موجود نہیں ہیں۔

View this post on Instagram

A post shared by Sony Entertainment Television (@sonytvofficial)

امیتابھ بچن نے بتایا کہ ان کی یہ بات سن کر مجھ یقین نہیں آیا اور میں ان کی بات سن کار کافی حیران ہوا، وہ نہایت سادہ شخصیت کے مالک تھے۔

خیال رہے کہ رتن ٹاٹا بھارت کے امیرترین صنعتکاروں میں سے ایک شمار کیے جاتے ہیں جنھیں بھارت کا چہرہ بھی کہا جاتا تھا، وہ اس ماہ 10 اکتوبر کو ممبئی کے اسپتال میں انتقال کرگئے تھے۔