Tag: امیرجماعت اسلامی حافظ نعیم

لاہور: حافظ نعیم الرحمان نے کہا ہے کہ ہر بار یہ چند چہرے ہی خرید و فروحت کا جمعہ بازار لگاتے ہیں، یہ پارلیمان کےتقدس کو پامال کرتے ہیں۔

امیرجماعت اسلامی حافظ نعیم نے کہا کہ بولیاں لگ رہی ہیں، خرید و فروحت ایک بار پھر جاری ہے، یہی لوگ پارلیمان کے تقدس کو پامال کرتے ہیں، عوام پارلیمان میں ہونے والے کھیل کی مذمت کرتے ہیں، کہتے ہیں جمہوریت اورپارلیمنٹ آگےہونی چاہیے۔

حافظ نعیم الرحمان نے کہا کہ پارلیمان میں موجود اکثریت عوام کی رائے سے منتخب ہی نہیں ہوئی، یہ ہمیشہ اقتدار میں آکر پارلیمان کا تقدس پامال کرتے ہیں، ملک کو امن، جمہوری آزادی، سستی بجلی، مضبوط معیشت کی ضرورت ہے۔

انھوں نے کہا کہ ملکی حالات بہت گھمبیرہیں، اجلاس شروع ہوچکا، بولیاں لگ رہی ہیں، پارلیمنٹ میں بیٹھے افراد پارلیمنٹ کی حیثیت کم کرتے ہیں۔

امیرجماعت اسلامی حافظ نعیم الرحمان نے کہا کہ پوری قوم پریشان ہے، ہمیں سستی بجلی چاہیے، ملک معاشی طور پر مستحکم چاہیے، آئی پی پیز بجلی پیدا نہیں کرتے لیکن عوام خون پسینے کی کمائی دیتے ہیں۔

انھوں نے کہا کہ حکمرانوں کی عیاشیوں کا بوجھ عوام اٹھاتے ہیں، ووٹوں کی قیمت کے ساتھ انھیں ڈرایا دھمکایا جاتا ہے، اس منڈی میں وہی بکتا ہے جس میں جرات کم ہو۔

حافظ نعیم الرحمان کا کہنا تھا کہ جماعت اسلامی کے احتجاج کے نتیجے میں مہنگائی کم ہوئی، حکومت یہ نہ سمجھے کہ اتنے اقدامات سے جماعت اسلامی خاموش بیٹھ جائےگی۔

انھوں نے کہا کہ لانگ مارچ کی کال دیں تو عوام ہمارا ساتھ دے گی، چند روز میں 3 روزہ شٹرڈاؤن ہڑتال کی کال دیں گے۔

راولپنڈی: امیرجماعت اسلامی حافظ نعیم نے کہا ہے کہ پہلے حکمران امریکا سے ڈراتے تھے اب بھارت سے بھی ڈراتے ہیں۔

دھرنے سے خطاب کرتے ہوئے حافظ نعیم الرحمان کا کہنا تھا کہ کہتے ہیں کہ ہماری معیشت مضبوط نہیں اس لیے بھارت سے نہیں لڑسکتے، حسینہ واجد کو تو بھارت نے ائیرلفٹ سے اٹھالیا، شہباز شریف صاحب ایسا نہ ہوکہ یہاں ائیرلفٹ نہ پہنچ سکے۔

امیرجماعت اسلامی نے کہا کہ حکمران غیرت کا مظاہرہ نہیں کرسکتے تو جو بنگلادیش میں ہوا وہی انکا مقدر ہوگا، زرداری اور شہباز شریف تمہارے لیے ہیلی کاپٹر بھی نہ پہنچ سکا تو کیا ہوگا؟

بنگلا دیشیوں نے پروپیگنڈا مسترد کردیا، فسطائیت کا 15 سالہ راج ختم ہوا، بنگلہ دیش اور پاکستان آگے بڑھیں گے، انگریز کے یاروں سے جان چھڑائیں گے، ہم ملکر حقیقی اور سچی آزادی حاصل کریں گے۔

انھوں نے کہا کہ بنگلہ دیش میں جو ہوا وہ تصور میں نہیں تھا، حسینہ واجد کو خاتون آہن کہا جارہا تھا، شیخ مجیب کو اپنے باپ کا مقام دیا جارہا تھا۔

حافظ نعیم الرحمان نے کہا کہ حسینہ واجد طاقت کے بل پر حکمران تھی، بھارت کو مسلط کیا ہوا تھا، بنگلادیش میں حسینہ واجد کو کچھ کہا جاتا تو غدارقرار دیا جاتا تھا۔

انھوں نے کہا کہ مکمل کشمیر شمشیر کی طاقت سے ملےگا، کیا ہم بھارت کے آگے جھکنے لگیں؟ کہا جاتا ہے معیشت خراب ہے اسرائیل کا مقابلہ نہیں کرسکتے۔

حافظ نعیم نے کہا کہ خاندانی انٹرپرائزز نے ملک کی معیشت تباہ کی، یہی لوگ آئی پی پیز، مہنگائی اور آئی ایم ایف ہم پرمسلط کرتے ہیں۔

امیرجماعت اسلامی حافظ نعیم نے کہا ہے کہ ایک نہیں ہزاروں اسماعیل ہنیہ پیدا ہوں گے، فلسطینیوں کی تحریک آزادی دبائی نہیں جاسکتی۔

تفصیلات کے مطابق جماعت اسلامی پاکستان کے امیر حافظ نعیم الرحمان نے کہا ہے کہ اسماعیل ہنیہ کی شہادت سے فلسطینیوں کی تحریک آزادی دبائی نہیں جاسکتی، اسرائیل حماس کو ختم نہیں کرسکتا اس لیے سویلین کو نشانہ بنا رہا ہے۔

حافظ نعیم الرحمان نے کہا کہ مسلمان حکمرانوں کی طرف سے آج بھی کوئی مزاحمت نظرنہیں آرہی، امریکا سب سے بڑا دہشت گرد ہے۔

امیر جماعت اسلامی کا دھرنے سے خطاب کرتے ہوئے کہنا تھا کہ امریکا افغانستان، عراق اور دیگر ممالک میں ہزاروں لوگوں کا قاتل ہے، حماس اقوامِ متحدہ کے چارٹر کے مطابق مزاحمت کا ایک حوالہ ہے۔

حافظ نعیم نے کہا کہ 3 اگست کو فلسطینیوں کے ساتھ اظہارِ یکجہتی کے طور پر منائیں گے، حماس کی طاقت ان کا نظم وضبط ہے۔

انھوں نے کہا کہ انشااللہ فلسطین آزاد اور اسرائیل برباد ہوگا، دنیا بھر کے باضمیر انسانوں کے لیے حماس ایک رول ماڈل ہے، اسماعیل ہنیہ آج پوری دنیا کے لوگوں کے آئیڈیل ہیں۔