Tag: امیر بالاج

لاہور : امیر بالاج کو قتل کرنے والے شوٹر مظفر سے متعلق اہم انکشافات سامنے آئے ، شوٹر طیفی بٹ کا قریبی تھا،مظفر بطور گن مین طیفی کے بیٹے تعظیم کی شادی میں شریک رہا۔

تفصیلات کے مطابق امیر بالاج قتل کیس کی تفتیش میں مزید پیش رفت سامنے آئی، امیر بالاج کو قتل کرنے والا شوٹر مظفر طیفی بٹ کا قریبی تھا۔

طیفی بٹ کے بیٹے تعظیم کی شادی کی تصاویر میں مظفر کی نشاندہی ہوگئی ہے ، مظفر بطور گن مین طیفی کے بیٹے تعظیم کی شادی میں شریک رہا۔

پولیس کا کہنا تھا کہ قتل کی واردات کےفوری بعد مظفرکوگولی مارنےپرتفتیش جاری ہے، شبہ ہے مظفر کو دانستہ طور پر موقع پر ہی قتل کرایا گیا۔

حکام نے کہا کہ زیر حراست افراد سے مختلف پہلوؤں پر پوچھ گچھ کی جاری ہے ، طیفی بٹ کے بردار نسبتی کابیٹا بلاول بالاج کےقتل ٹیم کا سرغنہ ہے۔

پولیس نے مزید کہا کہ بلاول کو بیرون ملک سے واپس لانے کیلئے کوششیں کی جاری ہیں۔

یاد رہے امیر بالاج ٹیپو قتل کیس میں آرگنائزڈ کرائم یونٹ نے ملک سہیل کو گرفتار کیا تھا، ملک سہیل نے احسن شاہ کی ملاقات طیفی بٹ سے کرائی تھی۔

ملک سہیل احسن شاہ کو کلمہ چوک سے طیفی بٹ کے گھر اپنی کارمیں لے کرگیا۔ احسن شاہ نے ملاقات پر جاتے ہوئے اپنا موبائل فون بند کردیا تھا۔

تفتیشی ذرائع نے بتایا تھا کہ احسن شاہ اپنا چہرہ چادر سے ڈھانپ کر ملاقات پرگیا۔ ملک سہیل نے احسن شاہ کی طیفی بٹ سے پہلی ملاقات جنوری میں کرائی۔

لاہور: امیر بالاج ٹیپو قتل کیس کی تفتیش میں اہم پیش رفت ہوئی ہے۔

اے آر وائی نیوز کے مطابق امیر بالاج ٹیپو قتل کیس میں ملوث دوسرے حملہ آور کو بھی پولیس نے گرفتار کرلیا ہے جس کی شناخت ایاز کے نام سے ہوئی ہے۔

پولیس ذرائع کا بتانا ہے کہ ملزم ایاز حملہ آور مظفر کے ساتھ شادی میں پہنچا تھا، امیر بالاج ٹیپو پر حملہ کرنے کے لیے دو شوٹرز شادی میں موجود تھے۔

ذرائع کا کہنا ہے کہ حملہ آوروں کو ملک سہیل اور علی شادی میں چھوڑ کر گئے، امیر بالاج ٹیپو کے قریبی دوست احسن شاہ نے طیفی بٹ کو مخبری کی۔

پولیس ذرائع کا کہنا ہے کہ احسن شاہ اور طیفی بٹ کی ایک ماہ قبل ملاقات ہوئی تھی، احسن شاہ، طیفی بٹ میں مخبری کی پانچ کروڑ روپے میں ڈیل ہوئی تھی۔

احسن شاہ نے طیفی بٹ سے 50 لاکھ روپے وصول کرلیے تھے، امیر بالاج کے گھر کے افراد کو بھی شامل تفتیش کرنے کا فیصلہ کیا گیا ہے۔

واضح رہے کہ اس سے قبل ٹیپو ٹرکاں والا کے بیٹے امیر بالاج قتل کیس میں اس کا دوست احسن شاہ ملوث نکلا تھا، پولیس نے احسن سمیت 2 ملزمان کو گرفتار کرلیا تھا۔

خیال رہے کہ امیر بالاج ٹیپو ٹھوکر نیاز بیگ کے قریب ایک نجی ہاؤسنگ سوسائٹی میں سابق ڈی ایس پی اکبر اقبال کے بیٹے کی شادی کی تقریب میں شریک تھا، شادی کی تقریب کے دوران وہاں موجود ایک حملہ آور نے فائرنگ کردی جس سے امیر بالاج ٹیپو سمیت تین افراد زخمی ہوگئے جنہیں اسپتال منتقل کیا گیا۔

پولیس کے مطابق امیر بالاج ٹیپو زخموں کی تاب نہ لاتے ہوئے دم توڑ گیا، مقتول امیر بالاج ٹیپوکے محافظوں کی فائرنگ سے حملہ آور بھی موقع پر مارا گیا تھا۔