اسلام آباد: بیس مئی کو مردان میں جلسہ کیوں کیا،الیکش کمیشن نے جماعت اسلامی کے امیر سراج الحق کو انتخابی بے ضابطگی کا مرتکب قرار دے دیا۔
الیکشن کمیشن نے جماعت اسلامی کے امیر سینیٹر سراج الحق سے کہا ہے کہ بیس مئی کو مردان میں کیا جانے والا جلسہ اتخابی ضابطہ اخلاق کی خلاف ورزی تھا ۔
سراج الحق دو دن کے اندر اس کی وضاحت پیش کریں، انتخا بی ضابطہ اخلاق کے مطابق اراکین پارلیمینٹ ایسے حلقوں کا دورہ نہیں کرسکتے جہاں انتخابی سرگرمیاں جاری ہوں۔
شیخوپورہ: امیر جماعت اسلامی سینیٹر سراج الحق نے دیر میں خواتین کے ووٹ نہ ڈالنے کے جواز کی وکالت شروع کردی، انکا کہنا تھا کہ خواتین کو اپنے مردوں پر اعتبار ہے وہ گھریلو مصروفیات کے باعث ووٹ نہیں ڈال سکیں۔
امیر جماعت اسلامی سراج الحق نے شیخوپورہ میں ایک تقریب سے خطاب کرتے ہوئے کہا کہ جمہوریت کے نام پر ملک میں تماشہ ہورہاہے، را اور موساد ملک میں دہشت گردی کررہے ہیں۔
اسلامی نظامت تعلیم کی تقریب سے خطاب میں سراج الحق نے کہا کہ دیر میں خواتین کے ووٹ نہ ڈالنے کی وجہ سیاسی جماعتیں نہیں بلکہ وہاں کا کلچر ہے، جس کی وجہ سے خواتین ووٹ نہیں ڈالنے جاتیں۔
انھوں نے کہا کہ چترال ، سوات سمیت پختونخواہ کے دیگر علاقوں میں خواتین ووٹ کا حق استعمال کرتی ہیں۔
سراج الحق کا کہنا تھا کہ دیر کی خواتین کو اپنے مردوں پر اعتبار ہے کہ ووٹ کا صحیح حق استعمال کریں گے۔
امیر جماعت اسلامی کا کہنا تھا کہ یا تو حکومت ووٹ نہ ڈالنے کو جرم قرار دے مگر دیر کی خواتین کو جاہل قرار دینا زیادتی ہے، ان کا کہنا تھا کہ حلقہ این اے ایک سو پچیس کے فیصلے کے بعد حکومت کی چارپائی کا ایک پول گرگیا ہے۔
سراج الحق کا کہنا تھا کہ مغرب نے یمن ، عراق، شام پر جنگ مسلط کی اور ایران اور عراق کو دس سال تک لڑاتے رہے مگر خود یورپی یونین بنا کر اتحاد کا مظاہرہ کرتے رہے۔
انہوں نے کہا کہ ملک میں وی آئی پی کلچر کینسر بن چکا جسے ہر صورت ختم کریں گے۔
اسلام آباد: امیر جماعت اسلامی سراج الحق نے کہا ہے کہ کراچی ضمنی انتخابات میں ان کی جماعت پاکستان تحریک انصاف کے ساتھ اتحاد کر سکتی ہے۔
اسلام آباد بار ایسوسی ایشن سے خطاب اور میڈیا سے بات چیت میں انہوں نے کہا کہ ملک میں محاذ آرائی کی بجائے میرٹ اور خدمت کی سیاست کے لئے سیاسی جماعتیں آگے آئیں۔
ان کا کہنا تھا کہ پی ٹی آئی کے ساتھ کراچی میں انتخابی اتحاد کے لئے بات چیت کی جا رہی ہے، انہوں نے کہا کہ برسراقتدار آکر جماعت اسلامی بڑی بیماریوں کا مفت علاج اور کھانے پینے کی کئی اشیاء پر سبسڈی فراہم کرے گی۔
سراج الحق نے کہا کہ ملک میں کھوٹے سکے، سیاسی اور معاشی دہشت گرد عوامی مسائل پر قابض ہیں اور انہی کی وجہ سے ملک دو لخت ہوا۔یہ عناصر سیاسی جمود نہیں توڑنا چاہتے اور موجود ہ سیاسی نظام کسی طرح بھی عوام کے حق میں نہیں کیونکہ عام آدمی کے لئے پارلیمنٹ میں پہنچنا ایک خواب ہے۔
انہوں نے کہا کہ یہ سیاسی اورمعاشی نظام امراء کے لئے ہے جس کی منزل معاشرے کی تباہی ہے۔
ان کا کہنا تھا کہ وہ میٹرک تک دینی مدارس اور سکولوں کا نصاف یکساں دیکھنا چاہتے ہیں اور طبقاتی نظام تعلیم کا خاتمہ کریں گے، سراج الحق نے کہا کہ وکلاء ملک میں نظام کی تبدیلی کیلئے کردار ادا کریں ۔
یمن کے معاملے پر ان کاکہنا تھا کہ جنگ کی مسلے کا حل نہیں اور خلیج میں کشیدگی سے امریکہ اور اسرائیل کو فائدہ ہے، یمن اور سعودی عرب کا مسلہ بات چیت کے زریعے حل کیا جائے۔
لاہور : امیر جماعت اسلامی سراج الحق نے کہا ہے کہ زین کے قاتل کو فائدہ پہنچانے کی کوشش کی گئی تو جماعت اسلامی باقاعدہ تحریک چلائے گی۔
ان خیالات کا اظہارامیرجماعت اسلامی سراج الحق نے سابق وزیرمملکت صدیق کانجو کے بیٹے کی فائرنگ سے جاں بحق ہونے والے طالب علم زین کے گھر لواحقین سے ملاقات کے موقع پر کیا ۔
سراج الحق نے زین کے اہل خانہ سے تعزیت کی اور پرسہ دیا۔ امیر جماعت اسلامی نے کہا کہ زین کا قتل وزیراعلیٰ پنجاب کی ناک کے نیچے ہو۔
سراج الحق نے کہا کہ اگر زین کے قاتل بگڑے امیرزادے کو بچانے کی کوشش کی گئی تو جماعت اسلامی ظالموں کے خلاف بھرپور تحریک چلائے گی۔
امیر جماعت اسلامی نے زین کے اہل خانہ کے ہمراہ میڈیا سے بات چیت کرتے ہوئے کہا کہ نہتے شہریوں کا قتل عام پنجاب حکومت کے لئے سوالیہ نشان ہے۔
لاہور: امیر جماعت اسلامی سراج الحق نے کراچی میں اسلامی جمیعت طلبہ کی ریلی پر فائرنگ کی شدید مذمت کی ہے اور کہا کہ توہین آمیز خاکے شائع کرکے فرانس نے مسلمانوں کی غیر ت کو للکارا ہے۔
جماعت اسلامی کے زیر اہتمام گستاخانہ خاکوں کے خلاف ملتان روڈ لاہور پر احتجاجی ریلی نکالی گئی ریلی سے خطاب میں سراج الحق کا کہنا تھا کہ وزیر اعلیٰ سندھ یہودی اور یورپی لابی کو خوش کرنے کے لئے کراچی میں ریلی پر فائرنگ کروا رہے ہیں۔
جماعت اسلامی آئندہ جمعہ کو گستاخانہ خاکوں کے خلاف کراچی، لاہور اور اسلام آباد میں ملین مارچ کرے گی، انھوں نے کہا کہ قرآن اور رسول پاک کی توہین کرنے والوں کی ہمیشہ یورپ نے حوصلہ افزائی کی ۔
ان کا مزید کہنا تھا کہ مسلمان تمام انبیاء اور الہامی کتابوں کو تسلیم کرتے ہیں، مگر یورپ کا رویہ انتہا پسندانہ رہا ہے۔
انہوں نے کہا کہ وزیر اعظم او آئی سی اور سلامتی کونسل کا اجلاس بلانے کے اسلامی ممالک سے رابطہ کریں، سراج الحق نے گستاخانہ خاکوں پرپوپ کے بیان اور قومی اسمبلی کے ممبران کے احتجاج کو بھی سراہا۔
کراچی: جے یو آئی نے ڈاکٹر خالد محمود سومرو کے قاتلوں کی عدم گرفتاری پر بینظیر بھٹو کی برسی کے موقع پر ستائیس دسمبر کو گڑھی خدا بخش جانے والے راستے سیل کر نے کا اعلان کر دیا۔
،جے یو آئی کی کال پر ملک بھر کی طرح لاڑکانہ میں بھی شہید ڈاکٹر خالد محمود سو مرو کے قاتلوں کی عدم گرفتاری پر احتجاجی مظاہرہ کیا گیا مظاہرین سے خطاب کرتے ہوئے ڈاکٹر خالد محمود سومرو کے بیٹے ناصر محمود سو مرو کا کہنا تھا خالد محمود سو مرو کی شہادت کے بعد سندھ حکومت کاکوئی نمائندہ تعزیت کے لیے نہیں آیا اور نہ ہی کسی نے رابطہ کیا، ان کا کہنا تھا سندھ حکومت مکمل طور پر ناکام ہوچکی ہے ۔
جمعیت علما ئے اسلا م( ف ) کی جانب سے ملک کے بیشتر شہروں میں مولانا فضل الرحمان پر حملے اور خالد سومرو کے قتل کے خلاف مظا ہرے کئے گئے اسلام آباد مظا ہرے کی قیا دت عبدالغفور حیدری نے کی مو لانا عند الغفور حیدری نے مطا لبہ کیا کہ دونوں واقعات میں ملو ث ملزمان کو بے نقاب کیاجائے، لا ہور میں سینیٹر خالد محمود سومرو کے قتل کے خلاف مال روڈ پر مسجد شہدا کے باہر مظا ہرہ کیا گیا۔
احتجاج کے باعث مال روڈ پر ٹریفک جام ہو گیا ،عمرکوٹ، جعفر آباد ،مٹھی، پشاور ،میر پور خاص ،سکھر ،شکار پور، سانگھڑ ، نوابشاہ ، سکھر ، نو شہرو فیروز اور لاڑکانہ میں بھی کا رکنوں نے مظا ہرے کئے جے یو آئی ف سندھ کے رہنما وں نے اعلان کیا کہ وہ ستائیس دسمبر بے نظیر شہید کی برسی کے موقع پر سندھ سمیت لاڑکانہ کے تمام داخلی اور خارجی راستوں پر دھرنا دیکر شاہراہوں کو بند کیا جائیگا۔
دوسری جانب جے یو آئی کے رہنما ڈاکٹر خالد سومرو کے قتل کی تفتیش میں اہم پیش رفت ہوئی ہے، پولیس نے دو اہم ملزمان کو گرفتار کر لیا ہے، لاڑکانہ میں جے یو آئی کے رہنما ڈاکٹر خالد سومرو کے قتل کی تفتیش کے دوران پولیس نے دو اہم ملزمان سمیت بارہ افراد کو ریر حراست لے لیا۔ملزمان کا تعلق لاڑکانہ کے علاقے وارہا سے ہے۔ مولانا فضل الرحمان پر قاتلانہ حملے اور ڈاکٹر خالد سومرو کے قتل کے خلاف کئی شہروں میں احتجاجی مظاہر ے کئے گئے۔
لاہور: امیر جماعت اسلامی سراج الحق نے کہا ہے کہ اگر سیاسی بحران کو مذاکرات کے ذریعے حل نہ کیا گیا تو ملک میں کوئی بڑا سانحہ ہوسکتا ہے۔
لاہور میں دینی ادارہ سنابل الخیر کے آفس کے افتتاح کے موقع پر میڈیا سے گفتگو کرتے ہوئے سراج الحق نے کہا کہ خوشی ہے کہ تحریک انصاف کے بعد حکومت بھی مذاکرات کی میز پر آنے کی خواہش کررہی ہے۔ انھوں نے کہا کہ حکومت کو انا کی لکیر عبور کرکے مذاکرات کرنا چاہئیں۔
سراج الحق نے کہا کہ قوم کو پتہ چلنا چاہیے کہ دھاندلی کس نے کی اوراس میں کون ملوث تھا۔ انھوں نے کہا کہ اصلاحات کے بغیر آئندہ انتخابات کرائے گئے تو کوئی اسے تسلیم نہیں کرے گا۔
انہوں نے کہا کہ قبائلی علاقوں میں ایسے کیمیکل اور ہتھیار استعمال کیے گئے جسکے نتائج ہیروشیما اور ناگاساکی جیسے نکلیں گے۔ امیر جماعت اسلامی کا کہنا تھا کہ طاہرالقادری نے پچیس دسمبر کا کراچی کا جلسہ ملتوی کرکے جماعت اسلامی کو جلسہ کرنے کی اجازت دی ہے۔
کوٹ مومن:مولانا ڈاکٹرخالد محمود سومروکا قتل حکومت کی ناکامی ہے جس کی پرزور مذمت کرتے ہیں، یہ بات امیر جماعت اسلامی سراج الحق نے کوٹ مومن میں مقامی سیاسی رہنماء لیاقت علی وڑائچ کی جماعت اسلامی میں شمولیت اور حلف برداری کے بعد سیال موڑ سروس ایریا میں میڈیا سے گفتگو کرتے ہوئے کہی۔
انہوں نے کہا کہ دھرنے اور جلسے تحریک انصاف کا جمہوری حق ہیں،اگر آج کے جلسے میں حکومت کی جانب سے پرتشدد کارروائی کی گئی تو ملکی حالات خراب ہونے کا اندیشہ ہے ۔
ان کا کہنا تھا کہ ہم حکومت اور تحریک انصاف میں مصالحت کی کوشش میں مصروف ہیں امید ہے جلد اچھی پیش رفت ہوگی ۔سراج الحق نے کہا کہ خیبر پختونخواہ میں تعلیم ،صحت اور پٹواری تھانہ کلچر میں تبدیلیاں لائی جارہی ہیں۔
کوئٹہ: امیر جماعت اسلامی سرا ج الحق کا کہنا ہے ملک کو سمندری نیلوفر طوفان کی طرح سیاسی نیلوفر کا بھی خطرہ ہے۔ حکومت اور تحریک انصاف سے مطالبہ ہے کہ کو معاملے کو افہام و تفہیم سے حل کریں۔
کوئٹہ پہنچنے کے بعد ائیر پورٹ پر میڈیا سے بات چیت کرتے ہوئے امیر جماعت اسلامی کا کہنا تھا کہ دھرنوں کے باعث پیدا ہونے والی صورتحال تحریک انصاف اور حکومت دونوں کے لئے امتحان ہے۔ حکومت اور تحریک انصاف سے مطالبہ ہے کہ معاملات کو افہام و تفہیم سے حل کیا جائے۔
امیر جماعت اسلامی کا کہنا تھا کہ ہنگامہ ہوا تو نقصان حکمران طبقہ کا نہیں غریبوں کا ہوگا۔ جماعت اسلامی کے امیر نے ایک سوال کے جواب میں کہا کہ مولانا فضل الرحمن پر حملہ قابل مذمت ہے اور حکومت بتائے کہ یہ سب کیوں ہورہا ہے۔
انھوں نے کہا کہ بلوچستان کی محرومی دور کرنے کے سابقہ ادوار کے وعدے ابھی تک پورے نہیں ہوئے اور موجودہ حکومت صوبے کے مسائل اور محرومیوں کا جلد خاتمہ کرے۔
اسلام آباد: اپوزیشن کے مذاکراتی جرگے نے اُمید ظاہر کی ہے کہ حکومت ، عوامی تحریک اور تحریک انصاف کے درمیان مسائل جلد حل ہوجائیں گے۔
اسلام آباد میں میڈیا سے گفتگو کرتے ہوئے اپوزیشن جرگے کے سربراہ اور امیر جماعت اسلامی سراج اُلحق کا کہنا تھا کہ بحران پُرامن طریقے سے حل ہو جائے گا، انھوں نے کہا ہے کہ سیاسی جرگے نے اپنا کردار ادا کرنے کی کوشش کی ہے، پہلے لوگ سفارتخانوں کی طرف دیکھتے تھے، اللہ کا شکر ہے آج اپنے لوگوں کی طرف دیکھا جارہا ہے۔
سراج الحق کا کہنا تھا کہ ہم ناامید نہیں بحران پُرامن طریقے سے حل ہوجائے گا، ہم پاکستان،عوام اور انصاف کا ساتھ دے رہے ہیں،ہمیں مصیبت کے لمحات میں سیلاب متاثرین کی مدد کرنی چاہئیں۔
اپوزیشن جرگے کے اہم رُکن اور سابق وزیرِ داخلہ رحمان ملک کا کہنا تھا کہ موجودہ صورتحال قوم کے صبر کا امتحان ہے، درمیانی راستہ نظر آیا ہے لیکن فی الحال سامنے نہیں لائیں گے۔
انکا کہنا تھا کہ وزیرِاعظم جتنا تعاون کر رہے ہیں شاید کوئی اور نہ کرتا، حکومت سے گزارش ہے کہ گرفتار کارکنوں کو رہا کیا جائے، حکومت نے بہت عقلمندی کا مظاہرہ کیا ہے۔
اپوزیشن جرگہ کے دیگر ارکان کا بھی کہنا تھا کہ مسئلے کا بات چیت سے حل دور کی بات نہیں، دوسری جانب لیاقت بلوچ نے اس یقین کا اظہار کیا ہے کہ جرگہ اپنے مقصد میں کامیاب ہوگا۔