Tag: امیر جماعت اسلامی

لاہور: امیر جماعت اسلامی سینیٹر سراج الحق نے کہا ہے کہ کشمیر کی تقسیم کسی بھی صورت میں ناقابل قبول ہے۔

تفصیلات کے مطابق امیر جماعت اسلامی سینیٹر سراج الحق نے منصورہ لاہور میں پریس کانفرنس کرتے ہوئے کہا کہ مقبوضہ کشمیر کی خصوصی آئینی حیثیت کو طے شدہ منصوبے کے تحت ختم کیا گیا ہے، بھارت کے اس اقدام کے نتیجے میں خطہ جنگ کی زد میں آسکتا ہے، ہمیں جارحانہ طرزعمل اپنانا ہوگا۔

انہوں نے کہا کہ کشمیر کے بغیر پاکستان نامکمل ہے، مقبوضہ کشمیر کی صورت حال انتہائی نازک ہے، کشمیری قیادت نظر بند ہے یا جیلوں میں ہیں، کشمیری کی خصوصی آئینی حیثیت کو ختم کرنے کے باعث کشمیر کی بین الاقوامی حیثیت میں تبدیلی آگئی ہے اب یہ جنگ زدہ علاقہ بن گیا ہے۔

سینیٹر سراج الحق نے کہا کہ کشمیر کی خصوصی حیثیت کو ختم کرنا شملہ معاہدہ اور اقوام متحدہ کے چارٹر کی خلاف ورزی ہے۔

مزید پڑھیں : بھارت نےمقبوضہ کشمیرکی خصوصی حیثیت ختم کردی

امیر جماعت اسلامی نے کہا کہ کشمیر کے معاملے پر پارلیمںٹ کا مشترکہ اجلاس طلب کرنا خوش آئند ہے، سیاسی جماعتیں سیاسی معاملات کے برعکس کشمیر کے معاملے پر ایک ہوں۔

سراج الحق نے کہا کہ بھارت کے اس اقدام کے سبب افغانستان میں امن کی کوششوں کو بھی نقصان پہنچے گا، بھارت نے یکطرفہ اقدامات کرنے خود اعلان جنگ کیا ہے۔

انہوں نے کہا کہ حکومت کشمیریوں کی حفاظت کے لیے ہر وہ اقدام کرے جو بس میں ہے، حکومت کشمیر کے معاملے پر بین الاقوامی مہم شروع کرے اور سلامتی کونسل میں بھی جائے، او آئی سی اجلاس اور کشمیر پر بین الاقوامی کانفرنس مظفرآباد میں بلائی جائے۔

پشاور: امیر جماعت اسلامی سینیٹر سراج الحق نے کہا ہے کہ پاکستانی قوم کشمیریوں کو تنہا نہیں چھوڑے گی۔

تفصیلات کے مطابق امیر جماعت اسلامی سینیٹر سراج الحق نے میڈیا سے گفتگو کرتے ہوئے کہا کہ کشمیری رہنما سید علی گیلانی کو یقین دلاتے ہیں کہ پاکستانی کشمیریوں کے ساتھ ہیں۔

سینیٹر سراج الحق نے کہا کہ عالمی برادری کشمیر میں بھارتی مظالم کا نوٹس لے، ایل او سی پر بھارت کی اشتعال انگیزی میں اضافہ ہورہا ہے۔

امیر جماعت اسلامی نے کہا کہ بھارت خطے کو جنگ کی آگ میں دھکیلنا چاہتا ہے، بھارت کلسٹر بموں سے بڑی تباہی کی کوشش کررہا ہے۔

سراج الحق کا کہنا تھا کہ خون کے آخری قطرے تک کشمیریوں کا ساتھ دیں گے، اب وقت آگیا ہے کہ حکمرانوں کو مذمتی بیانات سے آگے بڑھنا ہوگا۔

یہ پڑھیں: بھارتی حکومت یاسین ملک کو قتل کرنا چاہتی ہے، مشعال ملک

واضح رہے کہ مقبوضہ کشمیر میں بھارتی فوج نے ریاستی دہشت گردی کے دوران آج بھی فائرنگ کرکے مزید 7 کشمیری نوجوانوں کو شہید کردیا ہے۔

گزشتہ روز بھی قابض بھارتی فوج نے دو الگ الگ واقعات میں سرچ آپریشن کے دوران ریاستی دہشت گردی کا مظاہرہ کرتے ہوئے 2 کشمیری نوجوانوں کو شہید کردیا تھا، شہید ہونے والے نوجوان مقامی یونیورسٹی کے طالب علم تھے۔

خیال رہے کہ وزیر اعظم عمران خان نے بھی مقبوضہ کشمیر اور لائن آف کنٹرول پر بھارتی جارحیت کی شدید الفاظ میں مذمت کرتے ہوئے کہا ہے کہ کلسٹر بم کا استعمال عالمی قوانین کی خلاف ورزی ہے، عالمی برادری بھارتی جارحیت کا نوٹس لے۔

فیصل آباد: امیر جماعت اسلامی سینیٹر سراج الحق نے کہا ہے کہ پیپلزپارٹی کا ایجنڈا زرداری اور ن لیگ کا ایجنڈا نواز شریف کی رہائی ہے۔

تفصیلات کے مطابق امیر جماعت اسلامی سراج الحق نے مرکز اسلامی کے دورے کے بعد میڈیا سے گفتگو کرتے ہوئے کہا کہ حکومت مدینہ کی ریاست کی طرف بڑھتی ہے تو حمایت کریں گے۔

امیر جماعت اسلامی سراج الحق نے کہا کہ سینیٹ الیکشن ہوگا تو اپنا فیصلہ عوام کے سامنے رکھیں گے۔

انہوں نے کہا کہ چیئرمین نیب کا تقرر وزیراعظم، اپوزیشن لیڈر کی صوابدید نہیں ہونی چاہئے، سپریم کورٹ اور ہائیکورٹ کے ججز مل کر نیب چیئرمین کو مقرر کریں، موجودہ نیب کو تحلیل کرکے نیا نیب سسٹم لایا جائے۔

سراج الحق نے کہا کہ تاجروں کی ہڑتال کے باعث کراچی سے چترال تک ملک بند تھا، لوگ حکومت کی پالیسیوں سے خوش نہیں ہیں۔

مزید پڑھیں: سودی نظام نے معیشت تباہ کردی ،خمیازہ پوری قوم بھگت رہی ہے، سینیٹر سراج الحق

امیر جماعت اسلامی نے کہا کہ پشاور میں روٹی کی قیمت 15 اور نان کی 20 روپے مقرر کردی گئی ہے، غریب آدمی اب کیسے کھانا کھائے گا۔

واضح رہے کہ چند روز قبل سراج الحق کا کہنا تھا کہ سودی نظام نے معیشت تباہ کردی ہے جس کا خمیازہ پوری قوم کو بھگتنا پڑ رہا ہے۔

ان کا کہنا تھا کہ ملک کے نظریاتی تشخص بچانے کے لیے مسلسل سرگرم ہیں، ہم نے اسلامی نظام کے لیے مسلسل آواز اٹھائی ہے، اس سلسلے میں اسمبلیوں میں قراردادیں پیش کیں اوربعض قوانین منظور کرائے ہیں۔

سراج الحق کا کہنا تھا کہ قومی صوبائی اسمبلیوں اور سینیٹ میں ہماری تعداد محدود ہے مگر اس کے باوجود ہم ملک کی اسلامی و جمہوری شناخت کو قائم رکھنے کے لیے اپنی جدوجہد جاری رکھیں گے۔

کراچی: امیر جماعت اسلامی سراج الحق نے کہا ہے کہ مسلم لیگ ن اور پیپلزپارٹی کی سیاست کا ساتھ نہیں دیں گے، ہم خود حکومت کے خلاف اپنی تحریک چلائیں گے۔

تفصیلات کے مطابق امیر جماعت اسلامی سراج الحق نے عوامی مارچ سے خطاب کرتے ہوئے کہا کہ قوم کو سنیماؤں کی نہیں تعلیم کی ضرورت ہے، بھارت ہمارا دشمن ہے اس کا کشمیر کا تنازع پاکستان کے ساتھ ہے، آج کا مارچ آخری نہیں، آئندہ بھی کرتے رہیں گے۔

انہوں نے کہا کہ جس ملک میں سودی نظام ہو وہ ملک ترقی نہیں کرسکتا، خیبرپختونخوا میں وزارت خزانہ ہمارے پاس تھی تو معیشت کو بہتر بنایا، حیران ہوں ملکی معیشت کے لیے کیا باتیں کی جارہی ہیں۔

امیر جماعت اسلامی نے کہا کہ پاکستان حکومت نے بیرونی قوتوں کے دباؤ پر سلامی کونسل کے لیے ووٹ دیا.

مزید پڑھیں: معیشت کو آئی ایم ایف کے حوالے کردیا گیا ہے، سراج الحق

سراج الحق نے کہا کہ موجودہ حکومت نے عوام کو سبزباغ دکھائے کہا گیا تھا روزگار، گھر، صاف پانی اور انصاف دیں گے، کراچی کے لوگ پانی کی بوند بوند کو ترس رہے ہیں۔

امیر جماعت اسلامی نے کہا کہ حکومت پر تنقید کرتے ہوئے کہا کہ کہتے تھے 100 دن میں تبدیلی دیکھیں گے اب کہتے ہیں پہلی باری ہے، ہماری معیشت انڈوں، مرغی اور کٹوں میں پھنس گئی ہے۔

انہوں نے کہا کہ کبھی نہیں سنا مرغی ور انڈے بیچ کر معیشت تھیک کی جاسکتی ہے، موجودہ حکومت جھوٹ کا سہارا لے رہی ہے۔

واضح رہے کہ کراچی میں جماعت اسلامی کی جانب سے مہنگائی، بیروزگاری، معاشی بدحالی، کراچی میں پانی کی عدم فراہمی کے خلاف عوامی مارچ کیا گیا تھا۔

اسلام آباد: امیر جماعت اسلامی پاکستان سراج الحق نے کہا ہے کہ پوری قوم کی طرف سے فرشتہ کے والد سے معافی مانگنے اور تعزیت کرنے آیا ہوں، ایک انسان کا قتل پوری انسانیت کا قتل ہے، اس پر حکومتی مشینری کو حرکت میں آنا چاہیے۔

ان خیالات کا اظہار وہ میڈیا سے گفتگو کرتے ہوئے کر رہے تھے، سراج الحق نے کہا کہ بچی کے اغوا ہونے پر حکومت ٹس سے مس نہیں ہوتی، بچی کے والد کو حوصلہ دینے کی بجائے دباؤ ڈالا جاتا ہے۔

امیر جماعت اسلامی نے کہا ہم شرمندہ ہیں، رمضان میں بھی قوم کی بچی محفوظ نہیں، انصاف اور انصاف دینے والے گونگے، بہرے اور اندھے ہو جاتے ہیں، یہ واقعہ وزیر اعظم کی ناک کے نیچے ہوا، یہ وزیرستان اور کراچی کا مسئلہ نہیں، چند قدم پر وزیر اعظم ہاؤس ہے۔

انھوں نے کہا کہ 5 دن ایک بچی اغوا رہے تو والدین پر کیا گزرتی ہوگی، مہذب معاشرے میں ایک جانور بھی غائب ہونے پر حکومت کارروائی کرتی ہے، ہمارے ہاں رمضان میں بچی کے اغوا ہونے پر حکومت ٹس سے مس نہیں ہوتی۔

یہ بھی پڑھیں:  فرشتہ زیادتی و قتل کیس : ایس ایچ اوشہزاد ٹاؤن اور دیگر اہلکاروں کے خلاف مقدمہ درج

سراج الحق کا کہنا تھا کہ اہل خانہ کے احتجاج پر انتظامیہ کی خاموش کرنے کی کوشش قابل شرم ہے، انسان نے چاند پر تو قدم رکھا ہے لیکن انسانیت اسی طرح مظلوم ہے، واقعے پر انتظامیہ نے غفلت دکھائی، پوسٹ مارٹم کے لیے احتجاج کیا گیا، جب تک لوگ احتجاج نہ کریں، اندھے، بہرے، گونگے حکمران نہیں سنتے۔

امیر جماعت کا کہنا تھا کہ کچھ لوگوں نے اس معاملے کو لسانیت کا رنگ دینے کی کوشش کی، بچی تو بچی ہے کوئی بھی زبان بولنے والی ہو۔

انھوں نے کہا کہ ہمارا وزیر اعظم کہتا ہے کہ حکومت کرنا بہت آسان کام ہے، عمر بن عبد العزیز حکومت ملنے پر ذمے داری کے احساس سے رونے لگے۔

لاہور: امیر جماعت اسلامی سینیٹر سراج الحق نے کہا ہے کہ آئی ایم ایف سے ڈیل کو پارلیمنٹ میں زیر بحث لایا جائے۔

تفصیلات کے مطابق امیر جماعت اسلامی سینیٹر سراج الحق نے لاہور میں میڈیا سے گفتگو کرتے ہوئے کہا کہ آئی ایم ایف سے ڈیل کو پارلیمنٹ میں زیر بحث لایا جائے، آئی ایم ایف سے معاہدے کے خطرناک نتائج برآمد ہوں گے۔

سراج الحق نے کہا کہ خدشہ ہے کہ اداروں کو گروی رکھ کر مزید قرضے لیے جائیں گے، بیرون ملک پڑے 375 ارب ڈالرز واپس لانے کے لیے کچھ نہیں کیا جارہا ہے۔

امیر جماعت اسلامی نے کہا کہ بچوں کو مادری زبان میں سائنس ٹیکنالوجی کی تعلیم دی جائے، عید کے بعد وسیع پیمانے پر رابطہ مہم چلائی جائے گی۔

مزید پڑھیں: آئی ایم ایف سے معاہدہ طے، پاکستان کو 6 ارب ڈالر قرض ملے گا، مشیر خزانہ کی تصدیق

واضح رہے کہ دو روز قبل مشیر خزانہ عبدالحفیظ شیخ نے تصدیق کی تھی کہ پاکستان کا عالمی مالیاتی فنڈ سے معاہدہ طے پاگیا ہے، آئی ایم ایف تین سال کے لیے پاکستان کو 6 ارب ڈالر دے گا جبکہ عالمی بینک اور ایشیائی ترقیاتی بینک سے بھی تین ارب ڈالرز کا قرض ملنے کا امکان ہے۔

عبدالحفیظ شیخ کا کہنا تھا کہ پاکستان کاآئی ایم ایف سےمالیاتی پیکج پرمعاہدہ ہوگیا، مذاکرات کے بعد آئی ایم ایف کا فل بورڈ معاہدےکی منظوری دےگا، پچھلےچند سالوں سے پاکستان کی معاشی صورتحال اچھی نہیں ہے۔

اُن کا کہنا تھا کہ پچھلےسال ایکسپورٹ اورامپورٹ میں 20ارب ڈالر کا فرق تھا، پاکستان آئندہ 2سال میں ریزرو 50فیصد گرے، آئی ایم ایف عالمی ادارہ ہےجواپنےرکن ملکوں کی مشکل میں مدد کرتاہے، 3سال میں آئی ایم ایف سے 6ارب ڈالر ملیں گے۔

لاہور: امیر جماعت اسلامی پاکستان سینیٹر سراج الحق نے ماؤں کے عالمی دن پر پیغام جاری کرتے ہوئے کہا ہے کہ آج وہ جس مقام پر ہیں یہ ماں کی دعاؤں کا اثر ہے۔

تفصیلات کے مطابق جماعت اسلامی کے امیر سراج الحق کا کہنا ہے کہ اسلامی معاشرے میں ہر لمحہ ماں کی عظمت ہے، یہ ماں کی دعاؤں کا اثر ہے کہ آج میں اس مقام پر ہوں۔

انھوں نے کہا کہ ہم ماں جیسی عظیم ہستی کی عظمت کو سلام پیش کرتے ہیں۔

خیال رہے کہ آج پاکستان سمیت دنیا بھر میں ماں سے اپنی محبت کے اظہار کا دن منایا جا رہا ہے، اس دن ماؤں کی عظمت کا اعتراف اور انھیں خراج تحسین پیش کیا جاتا ہے۔

یہ بھی پڑھیں:  ماں تیری عظمت کو سلام، ماﺅں کا عالمی دن آج منایا جارہا ہے

اس دن کو منانے کا یہ بھی مقصد ہے کہ معاشرے میں ماﺅں سے محبت اور ان کے احترام کو فروغ دیا جائے مگربہت سی مائیں ایسی بھی ہیں جو اولاد کی بد بختی کی وجہ سے اپنی زندگی اولڈ ہاؤس میں گزارنے پر مجبور ہیں۔

1907 میں فلاڈیلفیا کی اینا جاروس نے اسے قومی دن کے طور پر منانے کی تحریک چلائی جو بالآخر کام یاب ہوئی اور 1911 میں امریکا کی ایک ریاست میں یہ دن منایا گیا۔

ان کوششوں کے نتیجے میں 8 مئی 1914 کو امریکی صدر ووڈرو ولسن نے مئی کے دوسرے اتوار کو سرکاری طور پر ماؤں کا دن قرار دیا، اب دنیا بھر میں سے ہرسال مئی کے دوسرے اتوار کو یہ دن منایا جاتا ہے۔

اسلام آباد: امیر جماعت اسلامی سینیٹر سراج الحق نے کہا ہے کہ آئین و قانون کی بالادستی تک ملک آگے نہیں بڑھ سکتا، عوام غربت، مہنگائی اور بے روزگاری سے تنگ آچکے ہیں۔

تفصیلات کے مطابق امیر جماعت اسلامی نے کہا ہے کہ آئین و قانون کی حکمرانی، بالادستی کا خواب شرمندہ تعبیر نہیں ہوسکا ہے، ابھی کوئی سڑکوں پر نہیں آیا مگر حکومت کے اوسان خطا ہوچکے ہیں۔

سینیٹر سراج الحق نے کہا کہ مہنگائی نے لوگوں کے لیے رمضان کے روزے رکھنا مشکل بنادیا، حکومت اربوں سبسڈی کے اعلانات کررہی ہے مگر ریلیف نہیں مل رہا ہے۔

امیر جماعت اسلامی نے کہا کہ آٹے کے 20 کلو تھیلے کی قیمت میں 75 روپے کا مزید اضافہ کردیا گیا، مہنگائی کو کنٹرول کرنے کے لیے حکومت نے کوئی اقدامات نہیں کیے۔

مزید پڑھیں: شہبازشریف کا عہدے سے پیچھے ہٹنا اچانک نہیں، یہ خاندانی فیصلہ لگتا ہے، سراج الحق

انہوں نے کہا کہ موجودہ حکومت سابقہ حکومتوں کی طرح قانون کو اہمیت نہیں دے رہی ہے، حکومت میں شامل ہر فرد خود کو آزاد اور خود مختار سمجھتا ہے۔

واضح رہے کہ چند روز قبل سراج الحق کا کہنا تھا کہ شہباز شریف کا پی اے سی کے عہدے سے پیچھے ہٹنا اچانک نہیں بلکہ یہ کھیل کا پہلا حصہ ہے، حکومت حقیقی احتساب نہیں کرسکتی۔

ان کا کہنا تھا کہ این آر او دینا حکمرانوں کے بائیں ہاتھ کا کھیل ہے، خود حکومت کے اپنے اندر قابل احتساب لوگ موجود ہیں اس لیے حکمران حقیقی احتساب نہیں کرسکتے، حقیقی احتساب وہی کرسکتا ہے جس کا اپنا دامن صاف ہو۔

لاہور: امیر جماعت اسلامی سراج الحق نے کہا ہے کہ اٹھارہویں ترمیم میں کئی سقم ہیں جن کو دور کیا جانا چاہئے، پیپلزپارٹی یا مسلم لیگ ن کی سیاست کا حصہ نہیں بنیں گے۔

تفصیلات کے مطابق امیر جماعت اسلامی سراج الحق نے لاہور میں میڈیا سے گفتگو کرتے ہوئے کہا کہ موجودہ حالات میں 73 کے آئین کو خطرات لاحق ہیں، آئین کو متنازع بنایا گیا تو پھر قوم کسی ایک دستور پر جمع نہیں ہوسکے گی۔

سراج الحق نے کہا کہ اٹھارویں ترمیم میں کئی خامیاں ہیں جن کو دور کیا جانا چاہئے، الیکشن کے نتیجے میں متوقع نتائج سامنے نہیں آئے، موجودہ حکمران ان مفاد پرستوں کا ٹولہ ہے جس کو دباؤ ڈال کر جمع کیا گیا۔

انہوں نے کہا کہ حکومت 9 ماہ میں ہی چاروں شانے چت ہوگئی ہے، ملک کو اس وقت متبادل قیادت کی ضرورت ہے۔

مزید پڑھیں: موجودہ حکومت سابق حکومتوں کا ہی نیو ایڈیشن ہے: سینیٹر سراج الحق

واضح رہے کہ چند روز قبل سراج الحق کا کہنا تھا کہ وفاقی کابینہ کو دیکھ کر یہی لگتا ہے کہ اب بھی پیپلزپارٹی کی ہی حکومت ہے، جن افراد پر کرپشن اور قومی خزانے کو لوٹنے کے الزامات ہیں وہ کابینہ میں بیٹھے ہیں۔

ان کا کہنا تھا کہ حالات نے ثابت کردیا ہے کہ موجودہ حکومت سابق حکومتوں کا ہی نیو ایڈیشن ہے، پی ٹی آئی حکومت کو اب صاف دامن افراد کی حکومت کون تسلیم کرے گا.

انھوں نے الزام عائد کیا تھا کہ حکومت اپنے تمام وعدے اور دعوے بھول چکی ہے، عوام پر گزرتا ہر دن، پچھلے دن سے بھاری ہے.ان کا یہ بھی کہنا تھا کہ عوام کے مسترد کردہ افراد کو کابینہ میں بٹھانا نامناسب فیصلہ ہے.