ARYNews.tv | Urdu – Har Lamha Bakhabar

Tag: امیر شیخ

  • ڈاکٹر امیر شیخ اے آئی جی کے عہدے سے فارغ، غلام نبی میمن نئے کراچی پولیس چیف تعینات

    ڈاکٹر امیر شیخ اے آئی جی کے عہدے سے فارغ، غلام نبی میمن نئے کراچی پولیس چیف تعینات

    کراچی: ایڈیشنل انسپکٹر جنرل (آئی جی) کراچی ڈاکٹر امیر شیخ کو ان کے عہدے سے ہٹا کر غلام نبی میمن کو کراچی پولیس چیف تعینات کر دیا گیا۔

    تفصیلات کے مطابق سندھ حکومت کی جانب سے پولیس آرڈر پاس ہونے کے بعد پہلا بڑا فیصلہ کرتے ہوئے ایڈیشنل آئی جی کراچی ڈاکٹر امیر شیخ کو ہٹانے کا حکم دے دیا گیا۔

    ایڈیشنل آئی جی کراچی ڈاکٹر امیر شیخ نے تقرری کے بعد اپنی مدت بھی پوری نہیں کی، ان کی تقرری کی مدت ملازمت ڈیڑھ سال بنتی ہے۔ امیر شیخ 11 ماہ قبل کراچی پولیس چیف بنے تھے۔ ذرائع کا کہنا ہے کہ ارشاد رانجھانی کیس کے بعد سندھ سرکار امیر شیخ سے سخت ناراض تھی۔

    ڈاکٹر امیر شیخ کو ہٹانے کے بعد غلام نبی میمن کو کراچی پولیس چیف تعینات کر دیا گیا۔ ان کے علاوہ بھی سندھ پولیس میں بڑے پیمانے پر تبادلے و تقرریاں کی گئی ہیں۔

    امیر شیخ کو ایڈیشنل آئی جی آپریشن تعینات کیا گیا ہے، ایڈیشنل آئی جی حیدر آباد کا بھی تبادلہ کردیا گیا۔ ولی اللہ ڈل کو ایڈیشنل آئی جی اسپیشل برانچ سے ایڈیشنل آئی جی حیدر آباد تعینات کردیا گیا۔

    عمران یعقوب منہاس کو ایڈیشنل آئی جی اسپیشل برانچ، فرحت علی جونیجو کو ڈی آئی جی اسپیشل برانچ اور قمر زمان کو ڈی آئی جی ٹریفک لائسنس اور ٹریننگ تعینات کر دیا گیا ہے۔

    تمام تقرریوں اور تبادلوں کے نوٹیفکیشن جاری کردیے گئے ہیں۔

  • کراچی میں بد امنی کبھی واپس نہیں آنے دیں گے: ایڈیشنل آئی جی کراچی

    کراچی میں بد امنی کبھی واپس نہیں آنے دیں گے: ایڈیشنل آئی جی کراچی

    کراچی: ایڈیشنل آئی جی ڈاکٹر امیر احمد شیخ کا کہنا ہے کہ کراچی میں اسٹریٹ کرائم میں پڑھے لکھے نوجوان ملوث ہیں۔

    تفصیلات کے مطابق اے آئی جی کراچی امیر شیخ نے کہا ہے کہ بد امنی کا خاتمہ ہوا ہے اب ریکوری کے مرحلے سے گزر رہے ہیں، کراچی میں بد امنی کبھی واپس نہیں آنے دیں گے۔

    ڈاکٹر امیر شیخ کا کہنا تھا کہ غربت اور بے روزگاری کے باعث جرائم بڑھ رہے ہیں، پڑھے لکھے نوجوان اسٹریٹ کرائمز میں ملوث ہیں۔

    انھوں نے کہا کہ نوکری پیشہ نوجوان موبائل چھینتے ہیں، غربت اور بے روزگاری جرائم بڑھنے کی وجوہات ہیں، نوجوانوں سے جیلیں بھری ہوئی ہیں۔

    دریں اثنا، کراچی میں اسٹریٹ کرائم پر قابو پانے کے لیے پولیس نے خصوصی مہم چلانے کا اعلان کر دیا ہے۔

    ایک نوٹی فکیشن کے مطابق شہر کے تمام زونز میں ایک ہفتے کی خصوصی اسنیپ چیکنگ مہم چلائی جا رہی ہے، مہم کے دوران ڈبل سواری پر جانے والے افراد، کالے شیشے والے ہیلمٹ اور ماسک لگانے والے افراد کو چیک کیا جائے گا۔

    آئی جی سندھ نے ہدایت کی ہے کہ رش والے علاقوں، رات کے اوقات اور اندھیری جگہوں پر اسنیپ چیکنگ کو یقینی بنایا جائے۔

    دوسری طرف کراچی میں اسٹریٹ کرائمز کی وارداتوں میں اضافہ ہو گیا ہے، آج کورنگی میں بینک سے رقم نکلوانے والے شہری کو گھر کے باہر لوٹ لیا گیا۔

  • سانحہ 12 مئی کو 12 سال بیت گئے، ڈیڑھ ماہ میں جے آئی ٹی رپورٹ فائنل کرنے کی تیاری

    سانحہ 12 مئی کو 12 سال بیت گئے، ڈیڑھ ماہ میں جے آئی ٹی رپورٹ فائنل کرنے کی تیاری

    کراچی: میں کس کے ہاتھ پہ اپنا لہو تلاش کروں؟ سانحہ 12 مئی کو 12 سال بیت گئے، متاثرین آج بھی انصاف کے منتظر ہیں۔

    دوسری طرف پولیس نے سانحہ 12 مئی کے سلسلے میں جے آئی ٹی کی 6 ماہ کی کارکردگی رپورٹ تیار کر لی، پولیس کا کہنا ہے کہ سانحے میں ملوث مزید ملزمان گرفتار کیے گئے ہیں اور 9 کیس چالان کر دیے گئے۔

    تفصیلات کے مطابق کراچی پولیس نے سانحہ 12 مئی میں ملوث مزید ملزمان گرفتار کر لیے ہیں، ایڈیشنل آئی جی امیرشیخ کی قیادت میں سانحے پر بنائی گئی جے آئی ٹی نے چھ ماہ کارکردگی کی رپورٹ تیار کر لی۔

    امیر شیخ کا کہنا تھا کہ میڈیا اور دیگر اداروں کو ثبوتوں اور فوٹیج کے لیے خط لکھے گئے ہیں، کوشش کریں گے ڈیڑھ ماہ میں جے آئی ٹی رپورٹ فائنل کر دیں۔

    ڈاکٹر امیر شیخ نے میڈیا کو بتایا کہ ایسٹ زون پولیس کی جانب سے 9 مقدمات کا چالان کیا گیا ہے، 3 ماہ میں ایسے ملزمان پکڑے جن کا تعلق 12 مئی سے تھا، گرفتار ہونے والے زیادہ تر ملزمان کا تعلق ضلع شرقی سے ہے۔

    یہ بھی پڑھیں:  کراچی میں موٹر سائیکل چوری کی وارداتوں میں اضافہ، روک تھام کے لیے حکمت عملی تیار

    کراچی پولیس چیف نے کہا کہ مجموعی طور پر 45 مقدمات کا چالان کر دیا گیا ہے، 7 مزید نئے مقدمات کے ساتھ 31 مقدمات زیر سماعت ہیں، اب تک درج مقدمات کی تعداد 65 ہو گئی ہے۔

    انھوں نے کہا کہ 12 مئی کیس میں 3 ملزمان کو سزا دی جا چکی ہے، اب تک 19 ایسے مقدمات ہیں جو حل نہیں ہو سکے، جے آئی ٹی اب تک اپنے 2 سیشن مکمل کر چکی ہے، تیسرا سیشن 15 رمضان، چوتھا عید کے بعد شروع کیا جائے گا۔

  • کراچی: پولیس اہلکار نشے کے عادی نکلے، ویڈیو منظر عام پر آگئی

    کراچی: پولیس اہلکار نشے کے عادی نکلے، ویڈیو منظر عام پر آگئی

    کراچی: سندھ پولیس کے اہلکار نشے کے عادی نکلے، منشیات کے گڑھ ریڑھی گوٹھ سے پولیس اہلکار کی منشیات لینے کی فوٹیج منظر عام پر آئی۔

    نمائندہ اے آر وائی نیوز نذیر شاہ کے مطابق منشیات کے گڑھ ریڑھی گوٹھ سے پولیس اہلکار نے یکے بعد دیگرے تین ڈوز لیں پھر وہاں سے چلا گیا، فوٹیج میں منشیات فروش، منشیات کے خریدار اور پولیس اہلکار کو دیکھا جاسکتا ہے۔

    نمائندہ اے آر وائی نیوز کے مطابق ریڑھی گوٹھ سکھن تھانے کی حدود میں درجنوں آپریشن منشیات فروشوں کے خلاف کیے گئے ہیں ابھی بھی آپریشن جاری ہے لیکن اس کی جڑ اس لیے ختم نہیں ہورہی ہے کہ آپریشن میں حصہ لینے والے اہلکار خود ہی نشے کے عادی ہیں۔

    رپورٹ کے مطابق پولیس اہلکاروں کے منشیات فروشوں سے بھتے بھی بندھے ہوئے ہیں پولیس اہلکار یہاں سے ہر ہفتے آکر بھتہ لے کر جاتے ہیں۔

    ایڈیشنل آئی جی کراچی امیر شیخ کا نوٹس

    دوسری جانب نشے کے عادی پولیس اہلکاروں کی ویڈیو اے آر وائی نیوز پر نشر ہونے کا ایڈیشنل آئی جی کراچی ڈاکٹر امیر شیخ نے نوٹس لے لیا ہے۔

    ایڈیشنل آئی جی کراچی نے ڈی آئی جی ایسٹ سے واقعے کی تفصیلی رپورٹ طلب کرلی ہے، ڈاکٹر امیر شیخ نے کہا کہ ملوث پولیس اہلکار کے خلاف فوری کارروائی کی جائے، منشیات فروشی کی روک تھام کے لیے وسائل بروئے کار لائے جائیں۔

    مزید پڑھیں: ریڑھی گوٹھ میں پولیس کا گرینڈ آپریشن، چار خواتین سمیت11 منشیات فروش گرفتار

    واضح رہے کہ دو ماہ قبل بھی ریڑھی گوٹھ میں پولیس نے بڑا آپریشن کیا تھا، منشیات کے مکروہ دھندے میں ملوث چار خواتین سمیت گیارہ ملزمان کو گرفتار کیا گیا تھا۔

    کارروائی کے دوران 15 کلو چرس، ہیروئن کے300 سے زائد ٹوکن اور دیگر منشیات برآمد کی گئی تھی۔

  • کراچی میں رہزنی کی وارداتوں کو روکنے کیلئے "اسٹریٹ واچ فورس” کا قیام

    کراچی میں رہزنی کی وارداتوں کو روکنے کیلئے "اسٹریٹ واچ فورس” کا قیام

    کراچی : شہر قائد میں رہزنی کی بڑھتی ہوئی وارداتوں کی روک تھام کے لیے "اسٹریٹ واچ فورس” تشکیل دی گئی ہے، موٹر سائیکل سوار مسلح اہلکار اسٹریٹ کرائم کی بیخ کنی کے لیے کام کریں گے۔

    تفصیلات کے مطابق سندھ پولیس نے کراچی میں پے در پے ہونے والی لوٹ مار کی وارداتوں پر قابو پانے کیلئے اسٹریٹ کرائم کے خلاف 1870 اہلکاروں پر مشتمل”اسٹریٹ واچ فورس” تیار کرلی۔

    اس سلسلے میں کراچی میں ایک تقریب کا اہتمام کیا گیا، اس موقع پر ایڈیشنل آئی جی کراچی امیر شیخ نے اسٹریٹ واچ فورس کے جوانوں سے خطاب کرتے ہوئے کہا کہ فورس کو ملزمان کی فوری گرفتاری کیلئے اسٹریٹ کرائم کے حوالے سے بدنام علاقوں میں تعینات کیا گیا ہے۔

    ،مزید پڑھیں : کراچی میں اسٹریٹ کرائم کی وارداتیں بدستور جاری

    انہوں نے کہا کہ کراچی ساؤتھ اور سٹی ایریا میں اسٹریٹ کرائم واچ فورس کو80، ضلع شرقی میں8موٹر سائیکلیں فراہم کی گئی ہیں، اس کے علاوہ ضلع وسطی، ملیر، ویسٹ اور کورنگی میں20،20نئی موٹر سائیکلیں فراہم کردی گئیں ہیں، دو موٹر سائیکلوں پر چار اہلکار ٹولیوں کی شکل میں آٹھ آٹھ گھنٹے ڈیوٹیاں ادا کریں گے۔

  • منشیات فروشوں کے سر کی قیمت مقرر کی جائے، ایڈیشنل آئی جی کی محکمہ داخلہ سندھ سے سفارش

    منشیات فروشوں کے سر کی قیمت مقرر کی جائے، ایڈیشنل آئی جی کی محکمہ داخلہ سندھ سے سفارش

    کراچی: کراچی پولیس چیف امیر شیخ نے محکمہ داخلہ سندھ سے منشیات فروشوں کے سر کی قیمت مقرر کرنے کی سفارش کردی۔

    تفصیلات کے مطابق ایڈیشنل آئی جی کراچی امیر شیخ نے محکمہ داخلہ سندھ سے بیس بڑے منشیات فروشوں کے سر کی قیمت 10 لاکھ روپے مقرر کرنے کی سفارش کردی۔

    اے آر وائی نیوز نے نشاندہی کی تو ڈاکٹر امیر شیخ نے ریڑھی گوٹھ میں منشیات فروشی کا منظم کاروبار چلانے والے تین پولیس اہلکاروں رستم حمائیتی، عمر اور آدم کو تین روز میں گرفتار کرنے کا دعویٰ کردیا۔

    پولیس رپورٹ کے مطابق 90 فیصد جرائم میں منشیات کے عادی افراد ملوث ہوتے ہیں جو اپنا نشہ اور دیگر خرچہ چلانے کے لیے وارداتیں کرتے ہیں۔

    مزید پڑھیں: ریڑھی گوٹھ میں پولیس کا گرینڈ آپریشن، چار خواتین سمیت11 منشیات فروش گرفتار

    واضح رہے کہ گزشتہ روز پولیس نے ریڑھی گوٹھ میں کامیاب کارروائی کرتے ہوئے منشیات فروشی میں ملوث 11 ملزمان کو گرفتار کیا تھا، ملزمان میں چار خواتین بھی شامل تھیں۔

    کارروائی کے دوران 15 کلو چرس، ہیروئن کے300 سے زائد ٹوکن اور دیگر منشیات برآمد کی گئی جبکہ نشے کا زہر گھولنے والے کئی افراد کو پکڑ کر بحال مرکز بھیج دیا گیا تھا۔

  • آرٹس کونسل میں مفت ہیلمیٹ کی تقسیم کے دوران چھینا جھپٹی

    آرٹس کونسل میں مفت ہیلمیٹ کی تقسیم کے دوران چھینا جھپٹی

    کراچی : آرٹس کونسل کراچی میں مفت ہیلمیٹ تقسیم کئے گئے ۔ اس دوران چھینا جھپٹی کا سلسلہ شروع ہوگیا،اس موقع  پر  خواتین نے ہیلمٹ لئے کسی کو ایک بھی پیلمٹ نہ ملا اور کوئی دو لے اڑا۔

    تفصیلات کے مطابق آرٹس کونسل میںسندھ حکومت کی جانب سے مفت ہیلمٹ تقسیم کرنے کی تقریب بدنظمی کا شکار ہوگئی۔

    ڈی آئی جی ٹریفک امیر شیخ کی موجودگی میں شرکاءنے ہیلمٹ لوٹ لئے۔ جبکہ ٹریفک پولیس  کی جانب سےشہرمیں تین روزکیلئے ہیلمٹ کی پابندی میں نرمی کردی گئی ہے۔

    سائیں سرکارکی حکومت میں ٹوپی کی جگہ ہیلمٹ آگیا۔ کراچی میں موٹر سائیکل سواروں کوہیلمٹ کی پابندی کرانے کیلئے ڈی آئی جی ٹریفک امیر شیخ خود میدان میں آگئے۔

    آرٹس کونسل میں مفت ہیلمٹ تقسیم کی تقریب جاری تھی کہ اچانک ہلڑ بازی شروع ہوگئی۔ ہیلمٹ اور وہ بھی مفت دیکھ کرشرکاء سے رہا نہ گیا۔

    تقریب میں موجود  پولیس کا حصار دیکھا نہ سیکیورٹی کا کوئی ڈراور ہال میں موجود ہیلمٹ لوٹ لئے۔ کسی کے ہاتھ دو لگے تو کسی نے دس سمیٹے اور کوئی بیچارہ ننگے سر ہی رہ گیا۔

    ڈی آئی جی امیرشیخ نے شہر میں تین دن کیلئے ہیلمٹ پہننے کی پابندی میں نرمی کا اعلان کردیاہے۔