پاکستان تحریک انصاف (پی ٹی آئی) کے مرکزی رہنما فواد چوہدری کا کہنا ہے اگر عدالتوں کے آئینی احکامات کی حیثیت نہ رہی تو پھر انارکی ہی ہو گی۔
پی ٹی آئی کے مرکزی رہنما فواد چوہدری نے سماجی رابطے کی ویب سائٹ ٹوئٹر پر جاری بیان میں سندھ حکومت کے بلدیاتی الیکشن ملتوی کرونے کے حوالے سے کہا کہ حکومت نے اسلام آباد بلدیاتی انتخابات کے حکم کو جوتے کی نوک پررکھا، اب سندھ ہائیکورٹ کے فیصلے کو ہوا میں اڑایا جا رہا ہے۔
حکومت نے پہلے اسلام آباد میں بلدیاتی انتخابات کرانے کے عدالتی حکم کو جوتے کی نوک ہر رکھا اب سندہ ہائیکورٹ کے فیصلے کو ہوا میں اڑایا جا رہا ہے، نئی برائلز پارٹی نے پہلی پریس کانفرنس میں ہی عدالتوں کو دھمکی دی اگر عدالتوں کے آئینی احکامات کی حیثئت نہ رہی تو پھر انارکی ہی ہو گی،
— Ch Fawad Hussain (@fawadchaudhry) January 13, 2023
پی ٹی آئی رہنما نے مزید کہا کہ نئی پارٹی نے پہلی پریس کانفرنس میں ہی عدالتوں کو دھمکی دی، اس طرح اگر عدالتوں کے آئینی احکامات کی حیثیت نہ رہی تو پھر ملک میں انارکی ہی ہو گی۔
دوسری جانب اس ضمن میں پی ٹی آئی کی رہنما شیریں مزاری نے کہا کہ ایک بار پھر بلدیاتی انتخابات ملتوی کردیا گیا اس سے الیکشن کمیشن ایک مذاق بن چکا ہے۔
رہنما پی ٹی آئی نے کہا کہ الیکشن کمیشن اپنے بنیادی کام الیکشن کرو انے سے بھی قاصر ہے، زرداری مافیا ہر اس انتخاب سے بھاگ رہا ہے جہاں وہ نتائج خرید نہیں سکتا، سوال یہ ہے الیکشن کمیشن اس مشکوک ایجنڈے کوکیوں آگےبڑھارہاہے۔
