Tag: انتخابات

اوٹاوا: کینیڈا میں ایک بار پھر لبرل پارٹی کی حکومت بننے کا امکان ہے۔

کینیڈا میڈیا کے مطابق ملک میں لبرل پارٹی کی مسلسل چوتھی بار حکومت بننے کا امکان ہے، لبرل پارٹی کینیڈا کی اگلی حکومت تشکیل دے گی، تاہم ابھی یہ واضح نہیں ہے کہ لبرل پارٹی کی اکثریتی حکومت بنے گی یا مخلوط ؟

ووٹنگ کے بعد ابتدائی اعداد و شمار سے ظاہر ہوتا ہے کہ لبرل پارٹی کو کنزرویٹو پارٹی پر برتری حاصل ہے، ووٹرز نے معیشت اور امریکا سے سفارتی و تجارتی معاملات پر ووٹ دیا۔

343 کے ایوان میں اکثریت حاصل کرنے کے لیے کسی بھی پارٹی کو 172 نشستیں درکار ہیں، کینیڈا کے قومی نشریاتی ادارے سی بی سی نیوز کے مطابق لبرلز فی الحال 161 نشستیں جیتنے کے راستے پر ہیں۔ اب تک اس نے 118 سیٹیں جیت لی ہیں جب کہ 43 پر انھیں برتری حاصل ہے، دوسری طرف کنزرویٹو پارٹی نے 110 سیٹیں جیت لی ہیں جب کہ اسے 40 سیٹوں پر برتری حاصل ہے۔

موجودہ وزیر اعظم مارک کارنی نے اوٹاوا میں اپنی نشست جیت لی ہے۔ اگر لبرلز یہ الیکشن جیت جاتے ہیں تو 10 سال بعد یہ ان کی چوتھی فتح ہوگی۔

روس کے یک طرفہ جنگ بندی کے اعلان پر یوکرین کا ناراضی بھرا مؤقف سامنے آ گیا

لبرل پارٹی کے ووٹرز کا کہنا تھا کہ وہ ٹرمپ کو بتانا چاہتے ہیں کہ کینیڈا کبھی بھی 51 ویں ریاست نہیں بنے گا، اور یہ ایک قابل فخر ملک ہے۔ ایک ووٹر نے بتایا کہ کنزرویٹو لیڈر پیئر پوئیلیور صحیح شخص اس لیے نہیں ہیں کیوں کہ وہ ٹرمپ کے قریبی ساتھی ہیں، وہ امریکا کے ریپبلکن پارٹی کے ساتھ نظریاتی اتحاد رکھتے ہیں۔

اوٹاوا: کینیڈا کی تحقیقاتی مشن نے انکشاف کیا ہے کہ بھارت نے کینیڈا میں انتخابات پر اثر انداز ہونے کی کوشش کی ہے۔

غیر ملکی میڈیا رپورٹس کے مطابق کینیڈین انتخابات میں بیرونی مداخلت کی تحقیقات کرنے والے مشن کا کہنا ہے کہ بھارت کینیڈا میں گمراہ کُن پروپیگنڈا مہم چلانے اور اپنے نیٹ ورک کے ذریعے غیر ملکی کمیونیٹیز پر دباؤ ڈالنے میں ملوث رہا ہے۔

بھارتی مداخلت کی کوششوں میں کینیڈا میں ہونے والے گزشتہ 2 انتخابات کے نتائج پر اثر نہیں پڑا، کمیشن کا یہ بھی کہنا ہے کہ گمراہ کن معلومات کینیڈا کے لیے سب سے بڑا خطرہ ہے، جس سے حکومتی ادارے تنہا مقابلہ نہیں کر سکتے۔

دوسری طرف بھارت نے کینیڈا کے انتخابات پر اثر انداز ہونے کے الزامات کو مسترد کر دیا ہے اور الٹا کینیڈا پر بھارت کے اندرونی معاملات میں مداخلت کا الزام لگا دیا ہے۔

کمبھ کے میلے میں بھگڈر، 38 افراد ہلاک

واضح رہے کہ یہ رپورٹ منگل کو جاری کی گئی ہے، اس حتمی رپورٹ میں سرکاری تحقیقات میں کہا گیا ہے کہ کینیڈا کی حکومت نے چین اور بھارت کی جانب سے ملکی انتخابات میں مداخلت کی کوششوں کا جواب دینے میں سست روی کا مظاہرہ کیا، تاہم مداخلت سے ان کے نتائج متاثر نہیں ہوئے۔

یہ رپورٹ 2019 اور 2021 کے انتخابات سے متعلق تحقیقات پر مبنی ہے، جس کا آغاز ستمبر 2023 میں کیا گیا تھا، یہ دونوں انتخابات حکمران پارٹی لبرلز نے جیتے تھے۔ رپورٹ میں کہا گیا ہے کہ غیر ملکی مداخلت نے انتخابات کے نتائج کو تبدیل نہیں کیا بلکہ انتخابی نظام پر عوام کے اعتماد کو ختم کیا ہے۔

بھارت کی طرح چین نے بھی مداخلت کا الزام مسترد کر دیا ہے اور کینیڈا میں قائم سفارت خانے نے کہا کہ چین ہمیشہ اندرونی معاملات میں عدم مداخلت کے اصول کو برقرار رکھتا ہے اور اس نے کبھی بھی کینیڈا کے اندرونی معاملات میں مداخلت نہیں کی اور نہ ہی وہ ایسا کرنے میں دل چسپی رکھتا ہے۔