ماسکو: روس کے صدر ولادیمیر پیوٹن نے امریکا کو خبردار کرتے ہوئے کہا ہے کہ روس میں ہونے والے الیکشن میں مداخلت نہ کرے۔
روسی صدر ولادیمیر پیوٹن نے جاری کردہ بیان میں مارچ 2024 میں ہونے والے انتخابات سے قبل مغرب کو خبردار کیا اور کہا کہ روس میں کسی بھی غیر ملکی مداخلت کو جارحیت تصور کیا جائے گا۔
روسی صدر نے کہا کہ مغرب روسوفوبیا میں مبتلا ہو چکا ہے، امیرکا روس کے وسیع وسائل کو ٹکڑے ٹکڑے کرنا اور لوٹنا چاہتا ہے،کسی نے بھی الیکشن میں مداخلت کی تو اسے جارحیت سمجھا جائے گا۔
واضح رہے کہ روس اور امریکا کے تعلقات گزشتہ کئی دہائیوں سے کشیدہ ہیں اور روس کو اہم مواقعوں پر خدشات لاحق رہتے ہیں کہ امریکا روس کو نقصان پہنچا سکتا ہے۔
دوسری جانب روس یوکرین جنگ میں بھی امریکا کی جانب سے یوکرین کو مختلف طریقوں سے امداد فراہم کی جا رہی ہے۔
