Tag: انتخابات کا شیڈول

پشاور : خیبرپختونخوا میں ضم ہونیوالے قبائلی اضلاع کی تاریخ میں پہلی بار صوبائی اسمبلی کی سولہ نشستوں پر انتخابات کا شیڈول جاری کردیا گیا ہے، ان سولہ حلقوں میں پولنگ دوجولائی کو ہوگی۔

تفصیلات کے مطابق خیبرپختونخوا میں ضم ہونےوالے قبائلی اضلاع کی تاریخ میں پہلے انتخابات ہونے جارہے ہیں ، الیکشن کمیشن نے سولہ صوبائی نشستوں کےلیے انتخابات کا شیڈول جاری کردیا، 16 حلقوں میں پولنگ 2 جولائی ہو گی، ریٹرننگ افسر 7 مئی کو پبلک نوٹس جاری کرےگا۔

الیکشن کمیشن نے قبائلی اضلاع کوسولہ حلقوں میں تقسیم کیا، باجوڑ کوتین، پی کے100،پی کے101،پی کے 102، مہمندکودو حلقوں پی کے 103، پی کے 104، خیبرکوتین حلقوں پی کے 105 ، پی کے 106 ، پی کے 107، کرم دوحلقوں،پی کے 108، پی کے 109 ، اورکزئی ایک حلقہ پی کے 110، شمالی وزیرستان دوحلقوں پی کے111 ،پی کے 112، جنوبی وزیرستان دو حلقوں پی کے 113 ،پی کے 114، اورسابق فرنٹیئر ریجن کوایک حلقے پی کے 115میں شامل کیاگیاہے۔

الیکشن کمیشن کے مطابق کاغذات نامزدگی نو تا گیارہ مئی تک جمع کرائے جاسکیں گے، امیدواروں کی فہرست بارہ مئی کو جاری ہوگی ،کاغذات نامزدگی کی اسکروٹنی اٹھارہ مئی تک ہوگی، اپیلوں پر فیصلے بائیس مئی تک ہوں گے۔

الیکشن کمیشن کے مطابق 29 مئی کو امیدوار اپنے کاغذات نامزدگی واپس لیں سکیں گے اور حتمی فہرست بھی اسی روز آویزاں کی جائےگی جبکہ 30 مئی کو الیکشن میں حصہ لینے والے امیدواروں کو انتخابی نشانات الاٹ کئے جائیں گے۔

دوسری جانب الیکشن کمیشن نے خیبر پختونخواہ کے 16 حلقوں میں ترقیاتی کاموں اور تقرر اور تبادلوں پر پابندی عائد کر دی ہے ، اس سلسلے میں الیکشن کمیشن کی جانب سے نوٹیفکیشن جاری کر دیا گیا ہے۔