ARYNews.tv | Urdu – Har Lamha Bakhabar

Tag: انتخابات کی خبریں، الیکشن کی خبریں،

  • نکلو پاکستان کی خاطر، معذور شہری نے بھی ووٹ ڈالا

    نکلو پاکستان کی خاطر، معذور شہری نے بھی ووٹ ڈالا

    کراچی:  شہر قائد کے حلقے این اے 245 میں معذور شہری نے پاکستان کی خاطر  اپنا حق رائے دہی استعمال کیا۔

    تفصیلات کے مطابق آج 25 جولائی کو ملک بھر میں عام انتخابات کا انعقاد کیا گیا جس میں ساڑھے 10 کروڑ پاکستانیوں نے قومی و صوبائی اسمبلی پر کھڑے ہونے والے امیدواروں کے لیے اپنا حق رائے دہی استعمال کیا۔

    اے آر وائی نیوز کی خصوصی ٹرانسمیشن اور اور ووٹ کی اہمیت کو اجاگر کرنے کے نعرے ’نکلو پاکستان کی خاطر‘ کے بعد ملک بھر سے بڑی تعداد میں عوام باہر نکلے اور انہوں نے ووٹ کاسٹ کیا، ماہرین کے مطابق رواں الیکشن میں تاریخ کے سب سے بڑے ٹرن آؤٹ کی امید ہے۔

    ویڈیو دیکھیں: 90 برس کی بوڑھی خاتون نے اپنا قیمتی ووٹ‌ کس کو دیا؟

    کراچی کے قومی اسمبلی کے حلقے این اے 245 میں معذور شخص اپنا ووٹ ڈالنے پولنگ بوتھ پہنچا، اُسے اہل خانہ گود میں اٹھا کر لائے اور پھر شہری نے اپنا حق رائے دہی استعمال کیا۔

    دوسری جانب ڈینگی مرض میں مبتلا شہری نے بھی اسپتال سے کچھ دیر چھٹی لی اور پھر ووٹ ڈالنے کے لیے اپنے متعلقہ پولنگ اسٹیشن پہنچا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • 90 برس کی بوڑھی خاتون نے اپنا قیمتی ووٹ‌ کس کو دیا؟

    90 برس کی بوڑھی خاتون نے اپنا قیمتی ووٹ‌ کس کو دیا؟

    کراچی: شہر قائد کے علاقے لیاری سے تعلق رکھنے والی 90 سالہ بزرگ خاتون نے بھی اپنا حق رائے دہی استعمال کیا۔

    تفصیلات کے مطابق آج 25 جولائی کو ملک بھر میں عام انتخابات کا انعقاد کیا گیا جس میں ساڑھے 10 کروڑ پاکستانیوں نے قومی و صوبائی اسمبلی پر کھڑے ہونے والے امیدواروں کے لیے اپنا حق رائے دہی استعمال کیا۔

    اے آر وائی نیوز کی خصوصی ٹرانسمیشن اور ووٹ کی اہمیت کو اجاگر کرنے کے بعد ملک بھر سے بڑی تعداد میں عوام باہر نکلے اور انہوں نے ووٹ کاسٹ کیا، ماہرین کے مطابق رواں الیکشن میں تاریخ کے سب سے بڑے ٹرن آؤٹ کی امید ہے۔

    کراچی کے علاقے لیاری سے تعلق رکھنے والی 90 سالہ خاتون زینب بی بی نے بھی اپنا حق رائے دہی استعمال کیا اور ووٹ کاسٹ کرنے کے بعد اے آر وائی سے گفتگو کرتے ہوئے کہا کہ ’ذوالفقار علی بھٹو کے دور سے تیر کو ووٹ دیا، بلاول بھٹو میرا نواسہ ہے آج بھی اُسی کو ووٹ دیا‘۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • 10 گھنٹے میں عظیم الشان جلسے کا انعقاد 70 سالہ جدوجہد کا نتیجہ ہے، خالد مقبول

    10 گھنٹے میں عظیم الشان جلسے کا انعقاد 70 سالہ جدوجہد کا نتیجہ ہے، خالد مقبول

    کراچی: ایم کیو ایم پاکستان کے سربراہ ڈاکٹر خالد مقبول صدیقی نے کہا ہے کہ ہمیں 10 گھنٹے قبل جلسے کی اجازت دی گئی، مختصر وقت میں عظیم الشان پروگرام کرنا 70 سال کی جدوجہد ہے۔

    تفصیلات کے مطابق ایم کیو ایم پاکستان کی جانب سے لیاقت آباد فلائی اوور پر جلسہ عام کا انعقاد کیا گیا جس میں متحدہ قائدین اور امیدواران نے شرکا سے خطاب کیا۔

    ڈاکٹر فاروق ستار کا کہنا تھا کہ ’25 جولائی کو یہ مقابلہ نہیں کہ ایم کیو ایم کتنی نشستیں جیتے گی اصل مقابلہ یہ ہے کہ ہم مخالف کو کتنے بڑے فرق سے شکست دیں گے‘۔

    ایم کیو ایم پاکستان کے سربراہ ڈاکٹر خالد مقبول صدیقی کا کہنا تھا کہ ہمیں 10 گھنٹے قبل جلسے کی اجازت دی گئی، مختصر وقت میں عظیم الشان پروگرام کا انعقاد ہماری فتح کی نشانی ہے۔

    اُن کا کہنا تھا کہ مقابلہ کانٹےکانہیں معاملہ کانٹاکاہےاورمچھلی کانٹانگل چکی، ایم کیوایم کامقابلہ اپنے پرانے ریکارڈسےہے،ہمیں موقع ملا تو کراچی کے بعد پاکستان کا نصیب بھی بدل کررکھ دیں گے۔

    ڈاکٹر خالد مقبول صدیقی کا کہنا تھا کہ  ہم نےجن کو غلامی سےآزادی دلوائی وہ آج بھی ذہنی غلام ہیں، ہم آزادی کی پہچان ہے اور یہ شناخت ہم سے کوئی نہیں چھین سکتا۔

    جلسے سے ایم کیو ایم پاکستان کے سینئر ڈپٹی کنونیئر عامر خان، فیصل سبزواری سمیت دیگر قائدین نے خطاب کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • سیہون: ٹھپہ مافیا سرگرم، مراد علی شاہ کا ردِعمل سامنے آگیا

    سیہون: ٹھپہ مافیا سرگرم، مراد علی شاہ کا ردِعمل سامنے آگیا

    سیہون: سابق وزیراعلیٰ سندھ مراد علی شاہ نے کہا ہے کہ پوسٹل بیلٹ پیپرریٹرننگ افسر کی ذمہ داری ہے، حلقے سے انتخاب لڑنے کا یہ مقصد نہیں کہ ٹھپوں کا کام میں نے ہی کروایا۔

    اے آر وائی کی الیکشن کے حوالے سے خصوصی ٹرانسمیشن میں گفتگو کرتے ہوئے مراد علی شاہ کا کہنا تھا کہ پوسٹل بیلٹ پیپر کے معاملے پر بلاکر انکوائری کرنی چاہیے تھی مگر گرفتاری عمل میں لائی گئی۔

    اُن کا کہنا تھا کہ نگراں حکومت کی پھرتیاں قابلِ دید ہیں کہ ایف آئی آر کے بغیر گرفتاری کی گئی،  پوسٹل بیلٹس پیپرز پر میرا نام خراب نہ کریں بلکہ پہلے تحقیقات مکمل کرلیں کیونکہ حلقے سے انتخاب لڑنے کا مطلب ہرگز یہ نہیں کہ یہ کام میرا ہی ہے۔

    سابق وزیر اعلیٰ سندھ کا کہنا تھا کہ پوسٹل بیلٹس ریٹرننگ افسر کی ذمہ داری ہے اس سے میرا کیا لینا دینا، یہ اُن لوگوں کا کام ہے جو سندھ تقسیم کرنے کی باتیں کررہے ہیں۔

    مزید پڑھیں: سیہون میں دھاندلی پر اسسٹنٹ ریٹرننگ افسران کی گرفتاری کا حکم

    مراد علی شاہ نے دعویٰ کیاکہ پیپلزپارٹی سندھ سے ماضی کے مقابلے میں زیادہ نشستیں حاصل کرے گی،گرینڈ ڈیموکریٹک الائنس پچھلے الیکشن میں بھی تھی جس کا نتیجہ سب کےسامنےہے۔

    کراچی کو انتظامی یونٹ بنانے کے حوالے سے مراد علی شاہ کا کہنا تھا کہ پنجاب کے حقیقی لوگ نئے صوبے کی بات کرتے ہیں جبکہ سندھ میں نئے صوبے کے لیے جنوبی پنجاب جیسی صورتحال نہیں ہے۔

    واضح رہے کہ صوبائی اسمبلی کے حلقے پی ایس 80 سیہون کے ایجوکیشن آفس میں ٹھپے لگانے کا انکشاف سامنے آیا تھا جسے اے آر وائی نے بے نقاب کیا جس کے بعد پانچ افراد کی گرفتاری عمل میں لائی گئی۔

    الیکشن کمیشن آف پاکستان نے اے آر وائی کی خبر کا نوٹس لیا اور سیہون میں پوسٹل بیلٹ پیپرز کے ذریعے دھاندلی کے واقعے پر اسسٹنٹ ریٹرننگ افسران کی گرفتاری کا حکم جاری کیا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • انتخابی موسم، پی پی جیالے کا متحدہ کے ترانے پر والہانہ رقص

    انتخابی موسم، پی پی جیالے کا متحدہ کے ترانے پر والہانہ رقص

    کراچی: شہر قائد کے علاقے قائد آباد میں پیپلزپارٹی کے انتخابی کیمپ میں ایم کیو ایم کے پارٹی ترانے پر جیالے نے رقص کیا جس کی ویڈیو سوشل میڈیا پر وائرل ہوگئی۔

    یہ مثال تو آپ نے سُنی ہوگی بے گانی شادی میں عبداللہ دیوانہ، اس کا عمل نمونہ کراچی میں جاری الیکشن مہم میں اُس وقت نظر آیا کہ جب قائد آباد میں پی پی کے انتخابی دفتر کے باہر جیالا متحدہ کے گانے پر والہانہ رقص کرتا دکھائی دیا۔

    پاکستان پیپلزپارٹی کے کارکن چند سال قبل ’بولو ایم کیو ایم جیتے‘ گانے پر رقص کررہے تھے کہ اسی دوران کسی شہری نے جیالے کی ویڈیو بنا لی۔

    خیال رہے کہ ملک بھر میں 25 جولائی کو عام انتخابات کا انعقاد ہونے جارہا ہے، قومی و صوبائی اسمبلی کی نشستوں پر مختلف سیاسی جماعتوں و آزاد امیدواران مقابلے کے لیے میدان میں اترے ہیں۔

    الیکشن کمیشن قوانین کے تحت امیدوار کو انتخابی دن سے 48 گھنٹے قبل اپنی مہم ہر صورت ختم کرنا ہوگی، آج یعنی 23 جولائی کو رات 12 بجتے ہی ملک بھر میں انتخابی سرگرمیاں ختم ہوجائیں گی۔

    نگراں حکومت نے عام انتخابات کے موقع پر حق رائے دہی استعمال کرنے کے لیے عوام کو 25 جولائی کو سرکاری تعطیل دی جبکہ وہ ملازمین جن کی الیکشن کے روز ڈیوٹیاں لگائیں گئیں وہ اپنے امور متعلقہ پولنگ اسٹیشنز میں انجام دیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • خواتین ووٹرز کی تعداد 10 فیصد لازمی قرار، ورنہ نتائج کالعدم ہوں گے، ای سی پی

    خواتین ووٹرز کی تعداد 10 فیصد لازمی قرار، ورنہ نتائج کالعدم ہوں گے، ای سی پی

    اسلام آباد: الیکشن کمیشن آف پاکستان (ای سی پی) نے اعلان کیا ہے کہ جن حلقوں میں خواتین ووٹرز کی تعداد 10 فیصد سے کم ہوئی وہاں کے نتائج کالعدم قرار دے دیے جائیں گے۔

    الیکشن کمیشن ذرائع کے مطابق انتخابات 2018 کی تیاریاں مکمل ہوچکیں، 25 جولائی کو 10 کروڑ 55 لاکھ سے زائد ووٹر امیدواران کو منتخب کرنے کے لیے اپنا حق رائے دہی استعمال کریں گے۔

    ذرائع کے مطابق الیکشن کمیشن نے انتخابی دن کے لیے سینٹرل مانیٹرنگ اینڈ کنٹرول روم قائم کردیا جو 25 جولائی کی صبح 6 بجے سے کام شروع کردے گا، سیل میں 12 ٹیمیں تشکیل دی گئیں جن میں سے ہر ٹیم میں 3 افراد ہیں جبکہ اس کی سربراہی ایڈیشنل ڈائریکٹر جنرل کے سپرد کی گئی۔

    مزید پڑھیں: الیکشن کے دن قیام امن کو یقینی بنایا جائے گا: آئی جی سندھ

    ای سی پی ذرائع کے مطابق 25 جولائی کو پاک فوج کے ساٹھے 3 لاکھ اور پولیس کے چار لاکھ جوان اپنی ڈیوٹیاں انجام دیں گے جبکہ پی سی ایس آئی آر نے 10 لاکھ سیاہی پیڈ اور انمٹ انک بھی حوالے کردی۔

    خیال رہے کہ ملک بھر میں 25 جولائی کو عام انتخابات کا انعقاد ہونے جارہا ہے، قومی و صوبائی اسمبلی کی نشستوں پر مختلف سیاسی جماعتوں و آزاد امیدواران مقابلے کے لیے میدان میں اترے ہیں۔

    الیکشن کمیشن قوانین کے تحت امیدوار کو انتخابی دن سے 48 گھنٹے قبل اپنی مہم ہر صورت ختم کرنا ہوگی، آج یعنی 23 جولائی کو رات 12 بجتے ہی ملک بھر میں انتخابی سرگرمیاں ختم ہوجائیں گی۔

    یہ بھی پڑھیں: آج رات 12 بجے الیکشن مہم کا وقت ختم ہو جائے گا

    نگراں حکومت نے عام انتخابات کے موقع پر حق رائے دہی استعمال کرنے کے لیے عوام کو 25 جولائی کو سرکاری تعطیل دی جبکہ وہ ملازمین جن کی الیکشن کے روز ڈیوٹیاں لگائیں گئیں وہ اپنے امور متعلقہ پولنگ اسٹیشنز میں انجام دیں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • بیرون ملک پاکستانیوں کے آن لائن ووٹ سے متعلق جعلسازی پکڑی گئی

    بیرون ملک پاکستانیوں کے آن لائن ووٹ سے متعلق جعلسازی پکڑی گئی

    اسلام آباد: الیکشن کمیشن نے انکشاف کیا ہے کہ بیرونِ ملک پاکستانیوں کے ووٹ سے متعلق جعلسازی اور آن لائن ووٹ سسٹم کا نیا فراڈ پکڑا گیا۔

    ترجمان الیکشن کمیشن کے مطابق نادرا اور ای سی پی کے نام پر بیرونِ ملک مقیم پاکستانیوں کے شناختی کارڈ، پاسپورٹ نمبر سمیت دیگر  دستاویزات کا ریکارڈ حاصل کر کے اُن کا باقاعدہ بینک اکاؤنٹ کھولا جارہا ہے۔

    ای سی پی نے اوورسیز پاکستانیوں کو متنبہ کیا ہے کہ یہ سب فراڈ ہے اور اس سے الیکشن کمیشن کا کوئی تعلق نہیں، بیرون ملک مقیم پاکستانی اپنی ذاتی معلومات کسی کونہ دیں۔

    ترجمان الیکشن کمیشن کا کہنا ہے کہ بیرون ملک پاکستانیوں سےمتعلق ٹاسک فورس نےعدالت میں رپورٹ دی تھی جس میں اس فراڈ کا انکشاف سامنے آیا تھا۔

    ای سی پی ترجمان کا کہنا تھا کہ انتخابات میں بیرونِ ملک پاکستانیوں کے ووٹ ڈالنے پر کوئی پیشرفت نہیں ہوئی، الیکشن کے بعد پائلٹ پروجیکٹ کے طور پر کام کیا جائے گا۔

    واضح رہے کہ کچھ روز قبل سوشل میڈیا پر خبریں  زیر گردش تھیں کہ الیکشن کمیشن کی جانب سے سمندر پار پاکستانیوں کو ووٹ ڈالنے کا حق دے دیا گیا تاہم الیکشن کمیشن نے اس بات کی تردید کی۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انتخابات 2018: نادرا کا شہریوں کو 25 جولائی سے قبل شناختی کارڈ جاری کرنے کا فیصلہ

    انتخابات 2018: نادرا کا شہریوں کو 25 جولائی سے قبل شناختی کارڈ جاری کرنے کا فیصلہ

    کراچی: نادرا (نیشنل ڈیٹابیس اینڈ رجسٹریشن اتھارٹی) کے چیئرمین نے 16 جولائی سے پہلے موصول ہونے والی درخواستوں کے شناختی کارڈ قبل از انتخابات پرنٹ کرنے کی ہدایت جاری کردی۔

    تفصیلات کے مطابق نادرا کے چیئرمین عثمان مبین کی زیرصدارت اجلاس ہوا جس میں انتخابات کے پیش نظر شناختی کارڈ کی بروقت اور جلد پرنٹنگ کا فیصلہ کیا گیا۔

    اجلاس میں طے پایا کہ عام انتخابات سے قبل شناختی کارڈ کی ترسیل اور نادرا کے تمام دفاتر کھلے رہیں گے جبکہ ہنگامی بینادوں پر 16 جولائی سے قبل موصول ہونے والی درخواستوں کو 25 جولائی تک نمٹایا جائے گا۔

    مزید پڑھیں: الیکشن کمیشن انتخابات 2018 کے نتائج نادرا سے منسلک موبائل سے وصول کرے گا

    چیئرمین نادرا کو بریفنگ دی گئی کہ 16 جولائی سے شہریوں کے زائد المعیاد شناختی کارڈ ضبط نہیں کیے جارہے کیونکہ ایسے تمام افراد عام انتخابات میں ووٹ ڈالنے کے اہل ہیں۔

    چیئرمین نے ملک بھرمیں نادرا سینٹرز ہفتہ  اور اتوار کے روز رات 9بجے تک جبکہ 25 جولائی کو دفاتر دوپہر 2 بجے تک کھولنے کی ہدایت دی۔

    اجلاس میں فیصلہ کیا گیا کہ شناختی کارڈ کی چھپائی 24 گھنٹے جاری رہے گی اور اگر کسی شہری کو 25 جولائی کے بعد کی تاریخ دی گئی تھی تو اسے پہلے ہی کارڈ جاری کردیا جائے گا۔

    یہ بھی پڑھیں: نادرا نے قومی شناختی کارڈ کی فیس میں اضافہ کردیا

    ترجمان نادرا کا کہنا ہے کہ تمام نارمل درخواستوں کو ایگزیکٹو کیٹگری میں ڈال دیا گیا تاکہ انتخابات سے قبل اُن کی ترسیل کو یقینی بنایا جائے اور متعلقہ کوریئر کمپنیوں کو بھی بہتر سروس فراہم کرنے کی ہدایت جاری کی گئی۔

    یاد رہے کہ ملک بھر میں 25 جولائی کو عام انتخابات کا انعقاد کیا جارہا ہے جس میں 10کروڑ 59 لاکھ اور 60 ہزار ووٹرز اپنا حق رائے دہی استعمال کریں گے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اگر الیکشن لڑنے کی اجازت نہیں تو بتا دیا جائے، خالد مقبول

    اگر الیکشن لڑنے کی اجازت نہیں تو بتا دیا جائے، خالد مقبول

    کراچی: ایم کیو ایم پاکستان کے سربراہ ڈاکٹر خالد مقبول صدیقی نے کہا ہے کہ انتظامیہ کہیں بھی جلسے کی اجازت نہیں دے رہی، اگر ہمیں الیکشن کی اجازت نہیں تو اپنا لائحہ عمل طے کرلیتے ہیں۔

    ایم کیو ایم پاکستان کے مرکز بہادرآباد میں پریس کانفرنس کرتے ہوئے خالد مقبول صدیقی کا کہنا تھا کہ جو جماعت 35 سال سے85 فیصدمینڈیٹ رکھتی ہے وہی تر جیح ہونی چاہیے، ہم نے باغ جناح پر جلسہ کرنے کی درخواست سب سے پہلے انتظامیہ کو دی مگر ابھی تک پروگرام کرنے کی اجازت نہیں دی گئی۔

    اُن کا کہنا تھا کہ باغ جناح کے علاوہ ایم کیو ایم نے لیاقت آباد فلائی اوور پر جلسہ کرنے کی اجازت مانگی وہ بھی نہیں دی گئی، نگراں حکومت اور اتنظامیہ  بتائےکیاہمیں الیکشن کی اجازت نہیں ہے؟  اگرہمیں ایسا ہی ہے تو ہم اپنالائحہ عمل طےکرلیتےہیں۔

    مزید پڑھیں: عوام کو تحفظ فراہم کرنا ریاست کی ذمہ داری ہے، خالد مقبول صدیقی

    خالد مقبول صدیقی کا کہنا تھا کہ ایم کیوایم  کےکارکنوں کی بلاجواز گرفتاریوں کو سلسلہ تاحال جاری ہے اور ہمیں انتخابی مہم چلانے کے لیے بھی برابری کا موقع فراہم نہیں کیا گیا۔

    ایم کیو ایم پاکستان کے سربراہ کا کہنا تھا کہ الیکشن کمیشن کا ضابطہ اخلاق صرف متحدہ کے لیے ہے ؟ کیونکہ کل میرپور خاص میں جلسہ کرنے کی اجازت مانگی وہ بھی انتظامیہ نے نہیں دی جبکہ سہولت یافتہ تنظیم کو کل ریلی نکالنے کی اجازت مل گئی، اس طرح کے اقدامات اور پھرتیاں بتاتی ہیں کہ ماحول ہمارے لیے نہیں ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں انتظامی یونٹس بڑھائیں گے، صدرالدین شاہ کا اعلان

    کراچی میں انتظامی یونٹس بڑھائیں گے، صدرالدین شاہ کا اعلان

    خیرپور: گرینڈ ڈیموکریٹک الائنس اور مسلم لیگ ن فنکشنل کے سربراہ صدر الدین شاہ نے کہا ہے کہ کالا باغ ڈیم گھوڑا اور بچھو کی مانند ہے جو کبھی تعمیر نہیں ہوسکتا، حکومت میں آنے کے بعد کراچی میں بھی انتظامی یونٹس بڑھائیں گے۔

    خیرپور میں میڈیا سے گفتگو کرتے ہوئے صدر الدین شاہ کا کہنا تھا کہ بھاشا ڈیم وقت کی ضرورت ہے اور یہ تعمیر بھی ہوجائے گا، چھوٹے ڈیموں کی تعمیر جلد از جلد مکمل ہونی چاہیے۔

    اُن کاکہنا تھا کہ سندھ میں پہلے بھی اضلاع بنے جس پر کسی کو اعتراض نہیں تھا، ہم کراچی میں بھی انتظامی یونٹس بنائیں گے البتہ دھرتی کی جغرافیائی حدود پر کبھی سمجھوتا نہیں ہوگا، ملک مضبوط ہوگا تو صوبے بھی مضبوط ہوں  گے۔

    گرینڈ ڈیموکریٹک الائنس کے سربراہ کا کہنا تھا کہ سندھ میں کسی کو لوٹ مار نہیں کرنے دیں گے، زرداری نے خود کہا بے نظیر کے قاتلوں کو وہ جانتے ہیں تو اقتدار میں آکر اُن سے قاتلوں کا ضرور پوچھا جائے گا۔

    مزید پڑھیں: آصف زرداری کو شکست دینے کے لیے ایم کیو ایم اور جی ڈی اے نے ہاتھ ملا لیے

    واضح رہے کہ پیرصدرالدین شاہ راشدی کی سربراہی میں سندھ کی قوم پرست جماعتوں اور معروف سیاسی شخصیات نے جی ڈی اے نامی گروپ تشکیل دیا جو ستارے کےنشان پر الیکشن لڑ رہا ہے۔

    پیپلزپارٹی کی جانب سے جی ڈی اے پر الزامات عائد کیے گئے جبکہ گرینڈ ڈیموکریٹک الائنس اپنی انتخابی مہم میں پی پی قیادت کی مبینہ کرپشن کا ذکر کرتی نظر آرہی ہے۔

    قبل ازیں ایم کیو ایم اور جے ڈی اے نے نوابشاہ میں آصف علی زرداری کو شکست دینے اور پیپلزپارٹی کو ٹف ٹائم دینے کا اعلان کرتے ہوئے میدان میں مشترکہ امیدوار کھڑے کیے۔

    پی پی شریک چیئرمین کے مدقابل متحدہ کے حلقہ این اے 213 پر نامزد امیدوار عبدالرؤف صدیقی گرینڈ ڈیموکریٹک الائنس کے امیدوار کے حق میں دستبردار ہوئے جس کے بعد دونوں جماعتوں نے مشترکہ طور پر سردار بشیر محمد رند کو امیدوار نامزد کیا۔

    یہ بھی پڑھیں: ڈاکٹر فہمیدہ مرزا کا گرینڈ ڈیموکریٹک الائنس کا حصہ بننے کا اعلان

    اسی طرح گرینڈ ڈیموکریٹک الائنس نے صوبائی اسمبلی کی نشست پی ایس 38 پر متحدہ کے امیدوار کی حمایت کا اعلان کیا، دونوں جماعتوں کے مشترکہ امیدوار نعیم اختر ہیں جن کا تعلق ایم کیو ایم پاکستان سے ہے۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔