Tag: انتخابی مہم

بھارتی سرکاری ایجنسی مودی سرکار کی انتخابی مہم کی آلہ کار بن گئی اور انتخابی نعروں کی تشہیر میں کروڑوں روپے خرچ کرنے لگیں۔

ہندوتوا نظریہ بھارت میں چند حلقوں تک محدود سمجھا جاتا تھا لیکن آج یہ ملکی سیاست کامحوربن چکا ہے، بھارتی سیاست میں انتہا پسند ہندوؤں نےجامع حکمت عملی کے تحت بھارت کی سیکولر شناخت کو عملی طورپرختم کردیا۔

بھارتی انتہاپسندوں کی یلغارنے ہرجائز اور ناجائز ہتھکنڈوں کا استعمال کرتے ہوئے مودی کے بھارتی حکومت پرقبضے کو سازگاربنایا۔

ہندوتوانظریہ اوراقلیتوں کےدشمن مودی کی شخصی تشہیرمیں سب سےبڑاکردار الیکٹرانک اورسوشل میڈیا کا ہے، جس میں مودی کومسیحابناکرپیش کیا گیا۔

بھارت کے تمام سرکاری اداروں پر اس وقت انتہا پسند ہندوؤں کا قبضہ ہوچکاہے اور یہ ادارے مودی کو الیکشن میں جتوانے کے لیے مکمل طور پر فعال ہیں۔

اس حوالےسے حال ہی میں الجزیرہ کی ایک رپورٹ منظر عام پر آئی ہے جس کے مطابق ’’بھارتی سرکاری ایجنسی سنٹرل بیورو آف کمیونیکیشن بی جے پی کے انتخابی نعروں کی تشہیر میں کروڑوں روپے خرچ کر رہی ہے‘‘۔

الجزیرہ رپورٹ میں کہا گیا کہ سی بی سی بی جےپی کے گوگل اشتہارات پر سب سے زیادہ خرچ کرنے والی ایجنسی بن گئی، بی جے پی نے نومبر کے تیسرے ہفتے میں’’مودی سرکار کی گارنٹی” نامی ٹیگ لائن کو گوگل پر نشر کیا گیا جس پر کروڑوں روپے لگائے گئے۔

حال ہی میں نشر ہونے والے ایک اشتہار میں مودی کو بھگوان کا درجہ دے دیا گیا، درج کردہ شکایت کے مطابق ’’بی جےپی ان اشتہارات میں عوامی فنڈز کا غلط استعمال کر کے انتخابی قواعد کی خلاف ورزی کر رہی ہے”۔

گوگل ایڈز ٹرانسپرنسی کےمطابق کانگریس نے 6 سالوں میں اتنے سیاسی اشتہارات نہیں چلوائے جتنے مودی سرکار نے 3 ماہ میں چلوائے ،

رپورٹ کے مطابق مئی 2023میں مودی سرکارنے اپنی اشتہاری مہم کوتیزکرنےکےلیےسی بی سی کابجٹ 275فیصدبڑھاکر2بلین روپے سے تقریباً 7.5 بلین روپے کر دیا۔

اپوزیشن جماعتوں نے بی جے پی پر بار ہا الزام لگایا ہے کہ وہ غیر جانبدار سرکاری ایجنسیوں کو اپنے مقصد کے لیے استعمال کر رہی ہے
عام آدمی پارٹی کے رکن اکشے مراٹھے نے کہا کہ’’مودی سرکار پورے بھارت کو ہندوتوا رجیم میں تبدیل کرنا چاہتی ہے‘‘۔

مودی سرکار کی جانب سے الیکشن مہم کی مد میں سرکاری خزانے سے کروڑوں روپے خرچ کرنا اس بات کی واضح نشاندہی کرتا ہے کہ اکھنڈ بھارت کے مقاصد کو پورا کرنے کے لیے مودی دوبارہ سے حکومت میں آنا چاہتا ہے۔

ٹوکیو: جاپان کے وزیراعظم فومیو کشیدا نے بم دھماکے کے بعد انتخابی مہم دوبارہ شروع کردی۔

جاپانی وزیراعظم نے کہا ہے کہ میرے خطاب کے مقام پر زوردار دھماکے کی آواز آئی تھی جس کی تحقیقات کی جارہی ہے۔

فومیو کشیدا نے کہا ہے کہ لوگوں کی پریشانی کا باعث بننے پر معذرت چاہتا ہوں، ملک کے لیے انتخابات اہم ہیں جو ہونےجا رہے ہیں، ہمیں انتخابات کے لیے مل کر کام کرنا چاہیے۔

جاپان کے وزیراعظم کی تقریر کے دوران بم دھماکا ، حملہ آور گرفتار

واضح رہے کہ جاپان کے وزیراعظم کی تقریر کے دوران دھماکا ہوا، حملے میں جاپانی وزیراعظم محفوظ رہے تاہم حملہ آور کو گرفتار کرلیا گیا۔

مقامی ذرائع ابلاغ کے مطابق جاپان کے شہر وکایامہ میں انتخابی مہم کے دروان وزیراعظم فومیو کیشیدہ تقریر کر رہے تھے کہ اچانک ایک شخص نے دھوئیں والا بم پھینک دیا تاہم سیکیورٹی اہلکاروں نے حملہ آور کو دبوچ لیا۔