لاہور: پاکستان تحریک انصاف کا آفیشل گانا ’اب صرف عمران خان گلوکار فرحان سعید کی آواز میں ریلیز کردیا گیا ہے۔
یہ گانا پی ٹی آئی کی انتخابات 2018 کے لیے جاری انتخابی مہم کے لیے جاری کیا گیا ہے جس میں ملک کے حالات کو اجاگر کرتے ہوئے تبدیلی کی نوید سنائی گئی ہے۔
گانا ’اب صرف عمران خان‘ میں مثبت تبدیلی کے لیے آواز اٹھانے کے عزم کا اظہار کرتے ہوئے بتایا جارہا ہے کہ الیکشن کے دن ’بلے‘ پر مہر لگانے سے کرپشن کا خاتمہ ہوگا، بیروزگاری ختم ہوگی اور بجلی پانی ودیگر مسائل حل کیے جائیں گے۔
PTI Official Anthem for General Elections 2018 – Farhan Saeed – Ab Sirf Imran Khan (05.07.18)
#AbSirfImranKhanYouTube link : https://t.co/2Oy1y2TiGu@farhan_saeed
— PTI (@PTIofficial) July 5, 2018
گانے میں ملک کی نوجوان نسل کو ترقی کا ضامن قرار دیتے ہوئے کہا گیا ہے کہ اب نہ تو کوئی بھوکا سوئے گا اور نہ ہی کوئی بچہ تعلیم سے محروم رہے گا۔
یہ گانا 3 منٹ 48 سیکنڈز پر مشتمل ہے اور مداحوں کی جانب سے اسے بے حد سراہا جارہا ہے اب تک متعدد لوگ اس گانے کو دیکھ چکے ہیں اور شیئر بھی کررہے ہیں۔
Our youth have been central to our Movement for Justice and they have set the trend for our Party anthems. Proud of @farhan_saeed for this composition for our Movement for Justice. Election 2018: PTI is an idea whose time has come.https://t.co/wJ6iXFXXkI
— Imran Khan (@ImranKhanPTI) July 5, 2018
چیئرمین تحریک انصاف عمران خان نے انتخابی مہم کے لیے گائے جانے والے فرحان سعید کے گانے کو خوب سراہا اور کہا کہ ہمارے نوجوان تحریک انصاف کا مرکز ہیں، اس گانے کی تیاری پر مجھے فرحان سعید پر فخر ہے جو انصاف کی تحریک کے لیے ہے، انہوں نے کہا کہ پی ٹی آئی ایک تصور ہے اور جس کا وقت آگیا ہے۔
Humbled, honored, touched. Pakistan owes you for everything you have done, especially giving the youth immense hope and passion for a New Pakistan. Thank you @ImranKhanPTI ! #AbSirfImranKhan https://t.co/VKyrJpVpVd
— Farhan Saeed (@farhan_saeed) July 6, 2018
دوسری جانب فرحان سعید نے بھی اپنے جوابی ٹویٹ میں عمران خان کا شکریہ ادا کیا اور کہا کہ آپ نے جو کچھ کیا اس پر پاکستان آپ کا شکر گزار ہے، خاص طور پر جس طرح آپ نے نوجوانوں کو نئے پاکستان کی امید دی ہے، اس کے لیے آپ کے شکر گزار ہیں۔
