پاکستان تحریک انصاف کے چیئرمین اور سابق وزیر اعظم عمران خان نے کہا کہ ہمارا فوکس انتخابات ہے اسی لئے ہم انتشار نہیں چاہتے۔
پی ٹی آئی کے چیئرمین عمران خان نے صحافیوں سے غیر رسمی گفتگو کرتے ہوئے کہا کہ سب سے اہم بنیادی حقوق ہوتے ہیں، جب حقوق نہ دیں آئین کے مطابق چلنے کیلئے بھی تیار نہیں تو قانون ختم ہے، حکومت آئین پر چلنے کو تیار نہیں تو پھر پاکستان میں قانون ختم ہوگیا، ووٹ کا حق سب سے بڑا بنیادی حق ہے۔
عمران خان نے کہا کہ اگر یہ حق نہیں دیا جاتا تو اس کا مطلب آپ آئین کو نہیں مانتے، اس کا مطلب آپ من پسند آئینی شقوں کو تسلیم کرتے ہیں، پھر تو یہ ہو گا طاقتور فیصلہ کرے گا کہ کون سی شق ماننی ہے کون سی نہیں۔
دوسری جانب عمران خان نے عدلات میں کہا کہ قوم مجھے پچاس سالوں سے جانتی ہے، انہوں نے کہا کہ ہم انتشار پھیلا رہے ہیں، ہمارا تو فوکس ہے انتخابات ہوں اسی لئے ہم انتشار نہیں چاہتے، انتشار تو یہ پھیلا رہے ہیں پیسے نہ دے کر اور سکیورٹی فراہم نہ کر کے۔
پی ٹی آئی کے چیئرمین نے مزیدکہا کہ اسلام آباد جاتے ہی میرے گھر پر 26 گھنٹے حملہ کیا گیا، ہم آپ کے پاس نہ آئیں تو کدھر جائیں گے، یہاں تو آئین پر کوئی نہیں چل رہا، ان کی باتوں سے لگ رہا ہے کہ یہ حملہ کریں گے۔
