ARYNews.tv | Urdu – Har Lamha Bakhabar

Tag: انتظار

  • انتظار قتل کیس: جے آئی ٹی کا پہلا اجلاس، مدیحہ سمیت تمام افراد کا بیان ریکارڈ

    انتظار قتل کیس: جے آئی ٹی کا پہلا اجلاس، مدیحہ سمیت تمام افراد کا بیان ریکارڈ

    کراچی: انتظار قتل کیس پر بنائی گئی مشترکہ تحقیقاتی ٹیم (جے آئی ٹی) کا آج پہلا اجلاس ہوا۔ جے آئی ٹی کے روبرو انتظار کے والد، مدیحہ کیانی اور مقدس حیدر سمیت تمام افراد نے بیان ریکارڈ کروادیا۔

    تفصیلات کے مطابق انتظار قتل کیس کی تفتیش آگے بڑھنے لگی۔ کیس کے لیے قائم کی گئی جے آئی ٹی کا پہلا اجلاس محکمہ انسداد دہشت گردی کے دفتر میں ہوا۔

    انتظار کے والد اشتیاق احمد بھی جے آئی ٹی میں پیش ہوئے جبکہ اجلاس میں کیس سے جڑے تمام افراد کا بیان ریکار ڈ کیا گیا۔

    انتظار کے والد کے مطالبے پر مدیحہ کیانی اور اینٹی کار لفٹنگ سیل کے معطل شدہ ایس ایس پی مقدس حیدر کا بیان بھی ریکارڈ کیا گیا۔

    واقعے میں ملوث ایک اہلکار نے جے آئی ٹی کو بتایا کہ انتظار بھاگنا چاہتا تھا اس لیے فائرنگ کی گئی تاہم جے آئی ٹی کو انتظار کے والد کی جانب سے ایس ایس پی مقدس حیدر کے موقع پر موجودگی کے دعوے کے باعث سچ کی تلاش ہے۔

    یاد رہے کہ جواں سال انتظار احمد کو 14 جنوری کی شب درخشاں تھانے کی حدود میں قتل کیا گیا تھا اور اس قتل کا مقدمہ اینٹی کار لفٹنگ سیل کے 9 اہلکاروں پر درج ہے۔

    انتظار قتل کیس میں اہم پیشرفت اس وقت ہوئی جب سندھ حکومت نے واقعے میں ملوث ہونے پر اے سی ایل سی کے ایس ایس پی مقدس حیدر کو عہدے برطرف کردیا۔ پولیس افسر کا سیکیورٹی اہلکار اور ڈرائیور پہلے ہی گرفتار ہیں۔

    انتظار کی کار کو سادہ لباس میں ملبوس افراد نے اس وقت گولیوں کا نشانہ بنایا جب وہ ایک لڑکی کے ہمراہ کہیں جا رہے تھے۔

    واقعے میں کار میں موجود لڑکی محفوظ رہی جس کی شناخت بعد ازاں مدیحہ کیانی کے نام سے ہوئی۔

    سی سی ٹی وی فوٹیجز سے معلوم ہوا کہ انتظار کی گاڑی کو دو موٹر سائیکل سوار افراد نے نشانہ بنایا جب کہ اے سی ایل کی موبائل بھی ساتھ تھی جس کے بعد اے سی ایل ایس کے اہلکاروں کو گرفتار کر کے تحقیقات کا آغاز کردیا گیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انتظار قتل کیس: گرفتار پولیس اہلکار سی ٹی ڈی کے حوالے

    انتظار قتل کیس: گرفتار پولیس اہلکار سی ٹی ڈی کے حوالے

    کراچی: صوبہ سندھ کے دارالحکومت کراچی میں فائرنگ سے جاں بحق ہونے والے نوجوان انتظار کے قتل میں ملوث گرفتار پولیس اہلکاروں کو محکمہ انسداد دہشت گردی (سی ٹی ڈی) کے حوالے کردیا گیا۔

    تفصیلات کے مطابق انتظار قتل کیس کی سٹی کورٹ میں سماعت ہوئی۔ قتل میں ملوث آٹھوں پولیس اہلکاروں کو سی ٹی ڈی کے حوالے کردیا گیا۔

    ڈی آئی جی سی ٹی ڈی عامر فاروقی نے اے آر وائی نیوز سے گفتگو کرتے ہوئے بتایا کہ سی ٹی ڈی نے تمام دستاویزات حاصل کرلی ہیں۔ جس پر بھی شک ہوا فوری ایکشن لیا جائے گا چاہے وہ پولیس اہلکار ہی کیوں نہ ہو۔

    عامر فاروقی نے کہا کہ وہ انتظار کے والد سے جلد ملاقات کریں گے جبکہ واقعے کی سی سی ٹی وی فوٹیج آج دیکھیں گے۔

    سماعت میں ایک اور ملزم طارق رحیم کی عبوری ضمانت میں 27 جنوری تک توسیع کردی گئی۔

    یاد رہے کہ جواں سال انتظار احمد کو 14 جنوری کی شب درخشاں تھانے کی حدود میں قتل کیا گیا تھا اور اس قتل کا مقدمہ اینٹی کار لفٹنگ سیل کے 9 اہلکاروں پر درج ہے۔

    انتظار قتل کیس میں اہم پیشرفت اس وقت ہوئی جب سندھ حکومت نے واقعے میں ملوث ہونے پر اے سی ایل سی کے ایس ایس پی مقدس حیدر کو عہدے برطرف کردیا۔ پولیس افسر کا سیکیورٹی اہلکار اور ڈرائیور پہلے ہی گرفتار ہیں۔

    خیال رہے کہ 14 جنوری 2018 کو ڈیفنس کے علاقے میں انتظار کی کار کو سادہ لباس میں ملبوس افراد نے اس وقت گولیوں کا نشانہ بنایا جب وہ ایک لڑکی کے ہمراہ کہیں جا رہے تھے۔

    واقعے میں کار میں موجود لڑکی محفوظ رہی جس کی شناخت بعد ازاں مدیحہ کیانی کے نام سے ہوئی۔

    سی سی ٹی وی فوٹیجز سے معلوم ہوا کہ انتظار کی گاڑی کو دو موٹر سائیکل سوار افراد نے نشانہ بنایا جب کہ اے سی ایل کی موبائل بھی ساتھ تھی جس کے بعد اے سی ایل ایس کے اہلکاروں کو گرفتار کر کے تحقیقات کا آغاز کردیا گیا۔

     

  • میری شادی ہوچکی ہے ، اداکارہ میرا

    میری شادی ہوچکی ہے ، اداکارہ میرا

    لاہور: اداکارہ میرا کا کہنا ہے کہ ان کی شادی کی ہسپتال سے ہو چکی ہے اور وہ ہی ان کا شوہر ہے۔

    شرمیلافاروقی کی دعوت ولیمہ پرمیرا نے اسپتال کیلئےعطیہ کی اپیل کترے ہوئے کہا کہ ان کی شادی ہسپتال سے ہو چکی ہے اور وہ ہسپتال بنانے کے بعد ہی اپنی اصل شادی کا سوچیں گی۔

    اداکارہ میرا کا کہنا تھا کہ عوام پانچ پانچ روپے بھی دیں تواسپتال کیلئے کروڑوں روپے جمع ہوجائیں۔

    پاک افریقہ میچ پر بات کرتے ہوئے میرا کا کہنا تھا کہ سرفراز نے میچ میں اچھی کارکردگی دکھائی ہے ان کو اگلے میچز میں بھی موقع دینا چاہیے۔

    اداکارہ میرابھی سرفرازکی مداح نکلیں،شرمیلافاروقی کی شادی میں وہ وکٹ کیپربیٹسمین کےگن گاتی رہیں ان کا کہناتھا کہ سرفرازنےدھوکہ نہیں دیا، بہتریں بیٹنگ کی اور بہت اچھے کیچ پکڑے۔

  • شادی بوڑھے سے نہیں بلکہ جوان آدمی سے ہی کرونگی، اداکارہ میرا

    شادی بوڑھے سے نہیں بلکہ جوان آدمی سے ہی کرونگی، اداکارہ میرا

    کراچی: (ویب ڈیسک) فلم سٹار میرانے کہا ہے کہ مجھے شادی کی کوئی جلدی ہے اور نہ ہی دولت کا لالچ کر تی ہوں جب بھی شادی کر ونگی کسی بوڑھے سے نہیں بلکہ جوان آدمی سے ہی کر ونگی ۔

    فلم سٹار میر انے کہا کہ کچھ لوگ سستی شہرت کیلئے مجھ سے شادی کی بات کرتے اور دولت کا بھی لالچ دیتے ہیں مگر میں جب سے شوبز میں آئی ہوں کبھی پیسے کالالچ نہیں کیا کیونکہ خد انے میرے نصیبوں میں جو کچھ لکھ دیا ہے وہ مجھے ضرور ملے گا ۔

     ایک سوال کے جواب میں میرانے کہا کہ میں ابھی جوان ہوں کسی بوڑھے سے شادی کیوں کر وں ؟میں جب بھی شادی کر ونگی سب کے سامنے اور کسی جوان آدمی سے ہی کر ونگی۔

    میرا نے کہا کہ شادی تب ہی ہوگی جب خدا کو منظور ہو گی اس سے پہلے ممکن نہیں ہو سکتی ۔

    انہوں نے کہا کہ میں ہسپتال کے کاموں میں مصروف ہوں، میرے پاس کسی سے بھی لڑائی جھگڑے کا ٹائم نہیں ہے۔

  • عمران خان کی شادی، میرا کا دل ٹوٹ گیا

    عمران خان کی شادی، میرا کا دل ٹوٹ گیا

    لاہور: عمران خان کی شادی پر اداکارہ میرا کے بھی دل کے ٹکڑے ٹکڑے کردئیے ہیں۔

    میرا ہمیشہ سے خبروں میں رہنے والی اداکارہ ہیں انہوں نے یہ خبر دے کر ایک مرتبہ پھر تمام میڈیا کو چونکا دیا تھا کہ میرا بھی تحریک انصاف کی خاتون اؤل بننے کی خواہشمند ہیں، لیکن ریحام خان نے ان کے بھی ارمانوں کا خون کردیا۔

    اداکارہ میرا کا کہنا تھا کہ عمران خان ایک وجیہہ انسان ہیں اور وہ اگر شادی کے لئے کہیں گے تو ان کا جواب یقینا ہاں کی صورت میں ہوگا، میرا عمران خان کو نئے پاکستان میں وزیر اعظم کے روپ میں دیکھنے کی خواہش مند بھی تھی، عمران خان کی شادی کی خبر ان پر بجلی بن کر گری اور دل برداشتہ اداکارہ نے بھی شادی کرنے کا اعلان کردیا۔

  • میرا کا رو رو کر بُرا حال ہوگیا

    میرا کا رو رو کر بُرا حال ہوگیا

    لاہور: ادکارہ میرا ن کو والدہ نے عمران خان کے دھرنے میں جانے سے روک دیا ۔

    تفصیلات کے مطابق میرا کی والدہ نے کہا کہ عمران خان کے چاہنے والوں کی تعداد بہت زیادہ ہے ,ان کے جواب کے بعد ہی میرا کی باری آئے گی لہذا اتنی دیر وہ اور کیسے انتظار کر سکے گی,میراسارا دن روتی رہی پھر بھی والدہ نے جانے کی اجازت نہ دی۔

    ذرائع کے مطابق میرا نے عمران خان سے اظہار محبت اور ان کے کنٹینر کے روبرو جانے کے لیے سات بینرز اور ٹی شرٹس بنوائی تھیں جن پر اپنی اور عمران خان کی تصاویر نقش کروائی تھیں لیکن جب وہ گھرسے نکلنے لگی تو ماں نے جانے سے سختی سے منع کر دیا اور جانے کی اجازت نہ دی اس طر ح میرا کے ارمان آنسو ں میں بہہ گئے۔

  • فلم اسٹار میرا کو عمران خان کی ”ہاں “ کا انتظار

    فلم اسٹار میرا کو عمران خان کی ”ہاں “ کا انتظار

    لاہور: فلم اسٹار میرا کا کہنا ہے کہ انہیں شادی کے لیے عمران خان کی ہاں کا انتظار ہے ۔

    میڈیا سے گفتگو کرتے ہوئے اداکارہ میرا کا کہنا تھا کہ انہوں نے تو تحریک انصاف کے چیئر مین عمران خان سے شادی کی خواہش کا اظہار کر دیا تھا اور اب انہیں عمران خان کی ”ہاں “ کا انتظار ہے۔

    ان کا مزید کہنا تھا کہ ان کے خلاف سازشیں کر نیوالے شوبز کی ترقی کے دشمن ہیں۔