نیویارک : اقوام متحدہ سیکریٹری جنرل انتونیو گوتریس نے عالمی برادری پرشدیدتنقید کرتے ہوئے کہا کہ فلسطینیوں کی چیخیں سن کربھی خاموشی ناقابل معافی ہے۔
سیکریٹری جنرل اقوام متحدہ انتونیوگوتریس کا انسانی حقوق کی عالمی کانفرنس میں جذباتی خطاب میں کہا غزہ کے معاملے پر عالمی بےحسی انسانیت پردھبہ ہے، فلسطینیوں کےدردپرخاموشی،دنیااخلاقی بحران کاشکار ہے۔
،سیکریٹری جنرل اقوام متحدہ کا کہنا تھا کہ میں عالمی بے حسی کی وضاحت نہیں کر سکتا،انسانیت ختم ہو چکی ہے، عالمی برادری میں ہمدردی،سچائی اورانسانیت کافقدان ہے ، فلسطینیوں کی چیخیں سن کربھی خاموشی ناقابل معافی ہے۔
خیال رہے غزہ میں بھوک اور غذائی قلت کے باعث مزید دس فلسطینیوں نے دم توڑ دیا اور اب تک بھوک سے تیراسی بچوں سمیت ایک سو بائیس فلسطینی جاں بحق ہوچکے ہیں۔
اسپتالوں میں زیرِعلاج غذائی قلت کے شکار بچوں کی زندگیوں کو شدید خطرات لاحق ہیں۔
دوسری جانب غزہ میں اسرائیل کی وحشیانہ بمباری بھی جاری ہے، چوبیس گھنٹے میں اسرائیلی حملوں میں امداد کے منتظردس فلسطینیوں سمیت اسی فلسطینی شہید اور چارسو پچاس سے زائد زخمی ہوئے۔
خیال رہے غزہ جنگ میں اب تک انسٹھ ہزار چھ سو چھیتر فلسطینی شہید ہوچکے ہیں۔
