Tag: انجری کا شکار

بنگلہ دیش کے اوپنر محمود الحسن انجری کے باعث پاکستان کے خلاف راولپنڈی میں ہونے والے پہلے ٹیسٹ میچ سے باہر ہوگئے۔

بی سی بی نے بتایا کہ بنگلہ دیش کے اوپنر محمود الحسن انجری کا شکار ہوگئے ہیں، اوپننگ بلے باز محمود الحسن کمر کی تکلیف میں مبتلا ہیں، محمود الحسن نے پاکستان اے کے خلاف میچ میں کمرکی دائیں طرف درد کی شکایت کی تھی۔

بنگلہ دیش کرکٹ ٹیم کے فزیو نے اس حوالے سے بتایا کہ اوپنر محمودالحسن کی کمر کے دائیں طرف گریڈ 1 کے ایڈکٹر کا تناؤ ہے۔

فزیو بنگلہ دیش نے کہا کہ محمود الحسن کی انجری ٹھیک ہونے میں 10 سے 14 دن لگیں گے، امید ہے محمود الحسن 30 اگست سے شروع دوسرے ٹیسٹ کیلئے فٹ ہوں گے۔

خیال رہے کہ 21 اگست سے شروع ہونے والے راولپنڈی ٹیسٹ کے لیے پچ پر ہلکی گھاس چھوڑی جائے گی اور پاکستان 4 فاسٹ بولرز کے ساتھ بنگلہ دیش کے خلاف میدان میں اترے گا۔

قومی آل راؤنڈر شاداب خان نیشنل ٹی20 کپ میں کھیلے جانے والے میچ کے دوران انجری کا شکار ہوگئے، فیلڈنگ کے دوران ان کا پاؤں مڑ گیا۔

تفصیلات کے مطابق نیشنل ٹی ٹوئنٹی کپ میں راولپنڈی اور سیالکوٹ کا مقابلہ جاری تھی۔ فیلڈنگ کرتے ہوئے قومی کرکٹر کا پاؤں گیند پر آگیا جس سے ان پیر مڑ گیا اور وہ تکلیف سے کراہنے لگے۔

اتوار کو یو بی ایل کرکٹ اسٹیڈیم میں کھیلے جانے والے میچ کے دوران انھیں فوری طور میدان سے باہر لے جانا پڑا۔

گراؤنڈ میں اسٹریچر دستیاب نہیں تھا جس کے سبب شاداب خان کو کندھے پر اٹھا کر میدان سے باہر لے جایا گیا۔ آل راؤنڈر کی انجری کا معائنہ جاری ہے۔

واضح رہے کہ قومی کرکٹر ڈومیسٹک ٹورنامنٹ میں راولپنڈی کے کپتان ہیں۔ شاداب کے لیے حالیہ ورلڈکپ کچھ اچھا نہیں رہا تھا جبکہ وہ عالمی ایونٹ کے دوران بھی انجری کا شکار ہوگئے تھے۔