Tag: انجلینا جولی

شوبز انڈسٹری کے ماڈل و اداکار عمر شہزاد کا کہنا ہے کہ انجلینا جولی ان کا کرش ہیں۔

اے آر وائی ڈیجیٹل کے ڈرامہ سیریل ’تیرے جانے کے بعد‘ میں طوبیٰ انور کے ساتھ اداکاری کے جوہر دکھانے والے اداکار عمر شہزاد نے نجی ٹی وی کے مزاحیہ پروگرام میں شرکت کی اور اس دوران محبت سے متعلق اپنی رائے کا اظہار کیا۔

شو میں شریک خاتون نے کرش سے متعلق سوال کیا جس کے جواب میں عمر شہزاد نے کہا کہ ’مجھے انجلینا جولی پر کرش ہے۔

View this post on Instagram

A post shared by Omer Shahzad (@omer_shahzad)

یکطرفہ محبت کے سوال پر اداکار نے کہا کہ محبت جو ترستا ہے اس کو ملتی نہیں جس کو ملتی ہے اس کو قدر نہیں ہوتی، محبت سزا بھی اور اس میں مزہ بھی ہے۔

اداکار نے اعتراف کیا کہ انہیں محبت ہوئی ہے اور اس میں ایک کا عمل دخل زیادہ ہوتا ہے اور وہ آگے بڑھ کر وہ کچھ کرنا چاہتا ہے جو اس کے دائرہ اختیار میں نہیں ہوتا۔

عمر شہزاد کا کہنا تھا کہ محبت کب عشق میں تبدیل ہوجاتی ہے یہ آپ کو پتا نہیں ہوتا اور جب عشق میں تبدیل ہوجائے تو انسان کہیں کا نہیں رہتا پھر انسان کے لیے دن رات وہی ہوتا ہے۔

انہوں نے کہا کہ عشق میں مبتلا ہونے کے بعد دل میں یہ خوف پیدا ہوتا ہے کہ کہیں میں اس سے الگ نہ ہوجاؤں یا میرا دل نہ ٹوٹ جائے اور وہ مجھے چھوڑ کر نہ چلا جائے۔‘

اداکار نے یہ بھی کہا کہ آج کل محبت ضرورت پر مبنی ہوگئی ہے جہاں ضرورت ختم وہاں محبت بھی ختم ہوجاتی ہے۔

واضح رہے کہ عمر شہزاد کا نیا ڈرامہ سیریل ’بھرم‘ اے آر وائی ڈیجیٹل پر جلد نشر کیا جائے گا جس میں ان کے ساتھ حنا طارق اور رابعہ کلثوم ودیگر موجود ہیں۔

View this post on Instagram

A post shared by ARY Digital (@arydigital.tv)

شہرت یافتہ ہالی وڈ اداکارہ اور انسانی حقوق کی کارکن انجلینا جولی کے فلسطین کے حق میں بیان پر ان کے والد اداکار جان ووائٹ نے ناراضگی کا اظہار کیا ہے۔

فوٹو اینڈ شیئرنگ ایپ انسٹاگرام پر اداکارہ انجلینا جولی کے والد جان ووائٹ نے ایک ویڈیو شیئر کی ہے جس میں انہوں نے کہا کہ میری بیٹی نے فلسطین کے حق میں بیان دیا جس پر میں بہت مایوس ہوں، میری بیٹی نے اپنے اس اقدام سے مجھے مایوس کیا ہے۔

اداکار کا کہنا تھا کہ میری بیٹی سچائی سے لاعلم ہے، فلسطین یہودیوں کی تاریخی اور مقدس سرزمین ہے، اسرائیلی فوج اپنی سرزمین اور وہاں اپنے لوگوں کی حفاظت کررہی ہے۔

 

View this post on Instagram

 

A post shared by Jon Voight (@jonvoight)

جان ووائٹ نے غصے میں کہا کہ حماس نے اسرائیل پر حملہ کیا کیونکہ وہ یہودیوں، عیسائیت کا صفایا کرنا چاہتے ہیں لیکن ایسا کبھی نہیں ہوگا، اسرائیل ہر ممکن طریقے سے اپنی مقدس سرزمین کی حفاظت کرے گا۔

ہالی وڈ اداکارہ انجلینا جولی بھی اسرائیلی جارحیت پر پھٹ پڑیں

اداکارہ کے والد نے کہا کہ ہم سب انصاف اور محبت چاہتے ہیں لیکن یہ اُن لوگوں کے ساتھ نہیں ہو سکتا جو یہودیوں اور عیسائیوں کو دُنیا سے مٹانا چاہتے ہیں اور یہ جھوٹ ہے کہ اسرائیل بے گناہ لوگوں کو مار رہا ہے بلکہ وہ اپنی مقدس سرزمین کو پاک کررہا ہے۔

 

View this post on Instagram

 

A post shared by Angelina Jolie (@angelinajolie)

واضح رہے کہ انجلینا جولی نے غزہ پر جاری وحشیانہ بمباری پر اسرائیل کو شدید تنقید کا نشانہ بناتے ہوئے کہا تھا کہ غزہ اجتماعی قبر بنتا جارہا ہے۔