Tag: اندرون و بیرون ملک سفر

کراچی : قومی ایئر لائن سے اندرون و بیرون ملک سفر کرنے والے مسافروں کو زائد سامان پر رقم ادا کرنی ہو گی ، انتظامیہ نے پسنجر ہینڈلنگ سروسز کو نیا سرکولر جاری کر دیا ہے۔

تفصیلات کے مطابق پی آئی اے انتظامیہ نے اپنے ریوینیو میں اضافہ کے لئے نئے بیگج چارجز مقرر کر دیئے اور پسنجر ہینڈلنگ سروسز کو نیا سرکولر جاری کر دیا ہے۔

جس کے مطابق قومی ایئر لائن سے اندرون و بیرون ملک سفر کرنے والے مسافروں کو زائد سامان پر رقم ادا کرنی ہو گی۔

پی آئی اے کے اندرون ملک سفر کرنے والے مسافروں کو ایگذیکٹو اکانومی میں 30 کلو سامان اور اکانومی کلاس کے مسافروں کو 25 کلو سامان ساتھ لے جانے کی اجازت ہوگی۔

مقرر سامان سے زائد لے جانے والوں سے فی بیگج 5800 روپے وصول کیئے جائیں گے جبکہ بیرون ملک مسافروں سے لندن ٹورنٹو کی پروازوں پر فی بیگج 20000 روپے وصول ہوں گے۔

قومی ایئر لائن سے چائنا کے لئے 1350 سعودیہ اور مارات کے لئے زائد سامان پر فی کلو 1200 روپے چارج ہوں گے۔

مزید پڑھیں : اب بیرون ملک جانے والوں سے 2800 روپے ایئرپورٹ چارجز لیے جائیں گے

یاد رہے چند روز قبل ہی سول ایوی ایشن اتھارٹی نے ایئرپورٹ چارجز اور امبارکیشن فیس میں اضافہ کردیا تھا، جس کے بعد بیرون ملک جانے والوں سے 2800روپے ایئرپورٹ چارجز لیے جائیں گے جبکہ غیر ملکی مسافر کے لیے چارجز 20 ڈالر رکھے گئے ہیں۔

تمام ایئر پورٹس پرعالمی پروازوں کے لیے یکساں امبارکیشن فیس کا اطلاق کیا گیا، امبارکیشن فیس سمیت دیگر نظر ثانی شدہ فیسوں کا اطلاق یکم نومبر2019 سے ہو گا۔

نئی امبارکیشن فیس اکانومی کلاس کے لیے 2، بزنس کلاس کے لیے3 ہزار روپے مقرر کی گئی تھی۔