مرد و خواتین چاہے کسی قسم کی پریشانی یا بیماری سے نبرد آزما ہیں تو یاد رکھیں ڈیٹاکس مشروب ہماری جلد سے لے کر معدے اور بالوں تک کے مسائل کے لئے بے حد مفید ہوتے ہیں۔
اس کی اہم وجہ یہ ہے کہ اس میں پانی، قدرتی ہربلز اور ساتھ ہی پھل یا کوئی خاص سبزی شامل ہوتی ہے جو اس کو آپ کی جلد اور جسم کے کئی مسائل کے لئے اور زہریلے مادوں کا زائل کرنے کے لئے بہت کار آمد ہے۔
اے آر وائی ڈیجیٹل کے پروگرام باخبر سویرا میں معروف ہربلسٹ ڈاکٹر عیسیٰ نے ایسا ہی ایک انرجی ڈرنک بنانے کی ترکیب بیان کی اور کہا کہ اس آپ بھی گھر میں موجود ان چیزوں کا استعمال کرکے یہ صحت بخش مشروب بناکر اور اس کا روزانہ استعمال کریں۔
انہوں نے بتایا کہ ایک گلاس پانی میں ایک چمچ تخمِ بالنگا، ایک چمچ کوکونٹ آئل ڈال کر اسے رکھ دیں، اس کے بعدایک عدد کیلا یا اپنا کوئی بھی پسندیدہ پھل کاٹ کر بلنڈر میں ڈال دیں۔
جب تخم بالنگا اچھی طرح بھیگ کر پھول جائے تب اسے بھی بلنڈر میں ڈالر مکس کرلیں، بہترین انرجی ڈرنک تیار ہے۔ ان کا کہنا تھا کہ اس کو پینے سے آپ دن بھر چاق و چوبند اور ہشاش بشاش رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
