ARYNews.tv | Urdu – Har Lamha Bakhabar

Tag: انسانی اسمگلر

  • ایف آئی اے نے انسانی اسمگلر سمیت 6 افغانی باشندوں کو گرفتار کرلیا، اہم شواہد برآمد

    ایف آئی اے نے انسانی اسمگلر سمیت 6 افغانی باشندوں کو گرفتار کرلیا، اہم شواہد برآمد

    کوئٹہ(30 اگست 2025): ایف آئی اے نے انسانی اسمگلر سمیت 6 افغان باشندے گرفتار کرلیا ہے جس سے اہم شواہد برآمد ہوئے ہیں۔

    تفصیلات کے مطابق ایف آئی اے اینٹی ہیومن ٹریفکنگ سرکل کوئٹہ نے کارروائی کرتے ہوئے انسانی اسمگلر سمیت 6 افغان باشندے کو گرفتار کرلیا۔

    ترجمان ایف آئی اے کے مطابق انسانی اسمگلنگ میں ملوث منظم گینگ کا ایجنٹ طوریلائی عرف عبداللہ شامل ہیں دیگر ملزمان میں نعیم اللہ، مظہر محمد،گلاب خان، ولی خان، امین اللہ اور ولید اللہ شامل ہیں۔

    ترجمان ایف آئی اے کا کہنا ہے کہ گرفتار انسانی اسمگلر طوریلائی سے موبائل فون برآمد ہوا ہےجس سے انسانی اسمگلنگ سے متعلق شواہد حاصل کیے گئے، گرفتار  ملزم انسانی اسمگلر نور اللہ کے ساتھ رابطے میں تھا۔

    ایف آئی اے ترجمان کے مطابق گرفتار ایجنٹ طوریلائی اور نور اللہ افغان شہریوں کی اسمگلنگ میں ملوث ہیں، ملزم ساتھیوں کی مدد سے غیر قانونی بارڈر کے ذریعے ایران بھجوانے میں ملوث ہیں، دیگر سہولت کاروں کی گرفتاری کے لیے چھاپہ مار کارروائیاں جاری  ہیں۔

  • کشتی حادثے میں ملوث مطلوب انسانی اسمگلر مصر سے گرفتار

    کشتی حادثے میں ملوث مطلوب انسانی اسمگلر مصر سے گرفتار

    گوجرانوالہ : ایف آئی اے نے کارروائی کرتے ہوئے مراکش کشتی حادثے میں ملوث اشتہاری انسانی اسمگلر کو مصر سے گرفتار کرلیا۔

    اے آر وائی نیوز کی رپورٹ کے مطابق ایف آئی اے گوجرانوالہ زون نے انٹرپول کے ذریعے بڑی کارروائی کی ہے۔

    کشتی حادثات میں ملوث اور ریڈ بک میں مطلوب خطرناک انسانی اسمگلر عمران ٹونی کو مصر سے گرفتار کرلیا گیا

    ایف آئی اے حکام کے مطابق ملزم عمران ٹونی سال 2023میں یونان کشتی حادثے کا مرکزی ملزم ہے،
    ملزم کو مصر سے گرفتارکرکے ضروری قانونی کارروائی کے بعد گجرانوالہ منتقل کردیا گیا۔

    ترجمان ایف آئی اے کا کہنا ہے کہ عمران عرف ٹونی انسانی اسمگلنگ میں ملوث بین الاقوامی نیٹ ورک کاحصہ ہے، ملزم سال2012سے لیبیا سے آپریٹ کر رہا تھا۔

    ملزم سیف ہاؤسز کے نیٹ ورک کے ذریعےانسانی اسمگلنگ کی سہولت کاری کرتا تھا، ملزم شہریوں کو سمندر کے راستے لیبیا سے یورپ بھجوانے میں ملوث ہے۔

    ایف آئی اے ترجمان کا مزید کہنا ہے کہ ملزم نے شہریوں کو غیرقانونی طریقے سے بیرون ملک بھجوانے کیلئے لاکھوں روپے ہتھیائے، ملزم کیخلاف غیرقانونی انسانی اسمگلنگ کے الزام میں متعدد مقدمات درج ہیں۔

    مزید پڑھیں : مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار

    قبل ازیں گزشتہ ماہ مارچ میں ایف آئی اے گوجرانوالہ زون نے کارروائی کرتے ہوئے مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار کیے تھے۔

    ایف آئی اے کے مطابق گرفتار ملزمان کی شناخت اعجاز فیصل، طارق محمود، شہباز احمد اور تنویر طارق کے نام سے ہوئی ہے، ملزمان سیالکوٹ، گوجرانوالہ اور گجرات کے مختلف علاقوں سے گرفتار کیا گیا، ملزم اعجاز فیصل اشتہاری ہے اور انسانی سمگلنگ میں ملوث گینگ کا اہم کارندہ ہے

  • بیرون ملک ملازمت کا جھانسہ دیکر شہریوں کو لوٹنے والے ایجنٹ سمیت 3 انسانی اسمگلر گرفتار

    بیرون ملک ملازمت کا جھانسہ دیکر شہریوں کو لوٹنے والے ایجنٹ سمیت 3 انسانی اسمگلر گرفتار

    ایف آئی اے نے بیرون ملک ملازمت کا جھانسہ دیکر شہریوں کو لوٹنے والے ایجنٹ سمیت 3 انسانی اسمگلر کو گرفتار کرلیا۔

    ایف آئی اے گوجرانوالہ زون نے کاروائی کرتے ہوئے بیرون ملک ملازمت کا جھانسہ دے کر لاکھوں روپے بٹورنے، اغواء اور تشدد میں ملوث ایجنٹ سمیت 3 انسانی اسمگلر گرفتار کرلئے۔

      ایف آئی اے کے مطابق گرفتار ملزمان کی شناخت اظہر اقبال، محمد اکرام اور یوسف علی کے نام سے ہوئی ہے، ملزمان کو گوجرانوالہ اور گجرات کے مختلف علاقوں سے گرفتار کیا گیا۔

    ترجمان کا کہنا ہے کہ ملزمان شہریوں کو بیرون ملک ملازمت کا جھانسہ دے کر لاکھوں روپے ہتھیانے میں ملوث پائے گئے ہیں، ملزم اظہر اقبال کو چھاپہ مار کارروائی میں محلہ عثمان پورہ گجرات سے گرفتار کیا گیا۔

    ملزم نے شہریوں کو اٹلی ملازمت دلوانے کی غرض سے 60 لاکھ روپے سے زائد ہتھیائے، ملزم نے شہریوں کو اٹلی کی بجائے لیبیا بھجوایا، ملزم نے شہریوں کو غیر قانونی طور پر کشتی کے ذریعے یورپ بھجوانے کی کوشش کی لیکن شہری نے کشتی کے ذریعے یورپ جانے سے انکار کیا اور واپس آ گیا، شہری کے ہمراہ جانے والے اس کے بھائی اور سالہ تاحال لاپتہ ہیں۔

    ترجمان کے مطابق ایک اور کارروائی میں محمد اکرام کو وزیر آباد گجرانوالہ سے گرفتار کیا، ملزم نے شہری کو اٹلی ملازمت کی غرض سے بھجوانے کے لیے 26 لاکھ روپے سے زائد ہتھیائے، ملزم نے شہری کو اٹلی کی بجائے لیبیا بھجوایا، لیبیا پہنچنے پر ملزم نے شہری کو محصور کر لیا اور تاوان کا مطالبہ کرتا رہا۔

    ملزم اس دوران شہری کو جسمانی تشدد کا نشانہ بھی بناتا رہا، 6 ماہ کے بعد شہری اغواء کاروں کے چنگل سے آزاد ہونے میں کامیاب ہو گیا اور پاکستان واپس آ گیا۔

    جبکہ ملزم یوسف علی نے شہریوں کو ترکی ملازمت کا جھانسہ دے کر 18 لاکھ روپے بٹورے، ملزم نے متاثرین کو ترکی کے بجائے زمینی راستے سے ایران بھجوایا اور بعد ازاں ایران سے ترکی بارڈر پار کروانے کی کوشش کی۔

    تاہم متاثرین نے غیر قانونی راستے سے ترکی جانے سے انکار کیا اور وطن واپس آگئے ملزمان کو گرفتار کر کے تفتیش کا آغاز کر دیا گیا ہے۔

    https://urdu.arynews.tv/morocco-boat-accident-human-smuggler-arrested/

  • مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار

    مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار

    ایف آئی اے گوجرانوالہ زون نے کارروائی کرتے ہوئے مراکش کشتی حادثے میں ملوث اشتہاری انسانی اسمگلر سمیت 4 ملزمان گرفتار کرلئے۔

      ایف آئی اے کے مطابق گرفتار ملزمان کی شناخت اعجاز فیصل، طارق محمود، شہباز احمد اور تنویر طارق کے نام سے ہوئی ہے، ملزمان سیالکوٹ، گوجرانوالہ اور گجرات کے مختلف علاقوں سے گرفتار کیا گیا، ملزم اعجاز فیصل اشتہاری ہے اور انسانی سمگلنگ میں ملوث گینگ کا اہم کارندہ ہے۔

    ترجمان کے مطابق ملزم نے محمد یعقوب نامی متاثرہ شہری سے اسپین بھجوانے کے نام پر 34 لاکھ روپے بٹورے ملزم نے شہری کو سمندر کے راستے اسپین بھجوانے کی کوشش کی دوران سفر کشتی کو حادثہ پیش آیا کشتی حادثہ میں متاثرہ شہری کی موت واقع ہوگئی۔

    یونان کشتی حادثہ: ایف آئی اے کے 31 افسران و اہلکار کے ملوث ہونے کا انکشاف

    ایف آئی آے کا کہنا ہے کہ ملزم طارق محمود کا نام سال 2014 سے مطلوب انسانی اسمگلرز میں شامل تھا، ملزم شہریوں سے بیرون ملک بھجوانے کے نام پر لاکھوں روپے بٹورنے میں ملوث پایا گیا، ملزم نے شہری کو سعودی عرب ملازمت کی غرض سے بھجوانے کے لیے 2 لاکھ 40 ہزار روپے ہتھیائے۔

    عدالتی مفرور تنویر طارق سال 2022 سے مطلوب تھا، ملزم نے شہری کو دبئی ملازمت کا جھانسہ دیکر 3 لاکھ روپے سے زائد بٹورے جبکہ ملزم شہباز نے شہری کو ترکی بھجوانے کی غرض سے 6 لاکھ روپے سے زائد وصول کیے۔

    ایف آئی اے کا کہنا ہے کہ گرفتار ملزمان شہریوں کو بیرون ملک بھجوانے میں ناکام رہے ملزمان بھاری رقوم وصول کر کے روپوش ہو گئے تھے ملزمان کو گرفتار کر کے تفتیش کا آغاز کر دیا گیا ہے۔

  • انسانی اسمگلنگ میں ملوث ریڈ بک کے انتہائی مطلوب انسانی اسمگلر سمیت 4 ملزمان گرفتار

    انسانی اسمگلنگ میں ملوث ریڈ بک کے انتہائی مطلوب انسانی اسمگلر سمیت 4 ملزمان گرفتار

    ایف آئی اے نے انسانی اسمگلنگ میں ملوث ریڈ بک کے انتہائی مطلوب انسانی اسمگلر سمیت 4 ملزمان کو گرفتار کرلیا۔

    تفصیلات کے مطابق ایف آئی اے لاہور زون نے مختلف علاقوں میں کارروائیاں کرتے ہوئے انسانی اسمگلنگ میں ملوث ریڈ بک کے انتہائی مطلوب انسانی اسمگلر سمیت 4 ملزمان کو گرفتار کرلیا۔

    ترجمان ایف آئی اے کے مطابق گرفتار ملزمان کی شناخت راحیل پرویز، محمد عمر، یمام ندیم اور روحان محمود کے نام سے ہوئی ہے، گرفتار ملزمان شہریوں سے ویزا فراڈ کرنے میں ملوث پائے گئے ہیں۔

    ترجمان کا کہنا ہے کہ گرفتار ملزم راحیل پرویز ریڈ بک کا مطلوب انسانی اسمگلر ہے، ملزم 2019 سے اینٹی ہیومن ٹریفکنگ سرکل لاہور کو مطلوب تھا، ملزم نے شہریوں کو کینیڈا بھجوانے کی غرض سے 90 لاکھ روپے بٹورے۔

    حکام کا کہنا ہے کہ ملزمان بغیر لائسنس شہریوں سے پاسپورٹ وصول کررہے تھے، ملزمان بھاری رقوم وصول کرکے ویزا فراڈ کرتے تھے، ملزمان سے 12 پاکستانی پاسپورٹس، تعلیمی دستاویزات اور سمز برآمد ہوا ہے، ملزمان بھاری رقوم وصول کرنے کے بعد روپوش ہوجاتے تھے۔

  • بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر گرفتار

    بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر گرفتار

    ایف آئی اے گوجرانوالہ نے بیرون ملک بھیجنے کا جھانسہ دیکر شہریوں کو لوٹنے والے 7 انسانی اسمگلر کو گرفتار کرلیا۔

    تفصیلات کے مطابق ایف آئی اے گوجرانوالہ زون نے مختلف شہروں میں کارروائیاں کرتے ہوئے انسانی اسمگلنگ میں ملوث اشتہاریوں سمیت 7 ملزمان کو  گرفتار کرلیا۔

    ترجمان ایف آئی اے کے مطابق گرفتار ملزمان میں محمد عرفان، شوکت علی، عمر سلطان، عون ارتضیٰ، ریاست علی، علی حسن اور محمد اصغر شامل ہیں۔

    ترجمان کا کہنا ہے کہ ملزمان شہریوں کو بیرون ملک ملازمتوں کا جھانسہ دیکر ویزا فراڈ میں ملوث ہیں، ملزمان کو وزیر آباد، سیالکوٹ، نارووال، لاہور،گجرات اور گوجرانوالہ سے گرفتار کیا گیا ہے۔

    ترجمان کا مزید کہنا ہے کہ ملزمان نے عمان، البانیا، سائپرس، اٹلی، دبئی ملازمت کا جھانسہ دیکر شہریوں سے کروڑوں روپے لیے، محمداصغر نے شہری کو اٹلی ملازمت کی غرض سے بھجوانے کیلئے 26 لاکھ روپے ہتھیائے، ملزم نے سمندر کے راستے اٹلی بھجوانے کی کوشش کی شہری نے انکار کیا اور واپس آگیا، ملزمان بھاری رقوم وصول کرنے کے بعد روپوش ہو گئے تھے۔

  • لیبیا کشتی حادثے میں ملوث ریڈ بک کا انتہائی مطلوب انسانی اسمگلر زبیر مہر گرفتار

    لیبیا کشتی حادثے میں ملوث ریڈ بک کا انتہائی مطلوب انسانی اسمگلر زبیر مہر گرفتار

    گوجرانوالہ: ایف آئی اے حکام کا کہنا ہے کہ لیبیا کشتی حادثے میں ملوث ریڈ بک کے ایک انتہائی مطلوب انسانی اسمگلر کو گرفتار کر لیا گیا ہے۔

    تفصیلات کے مطابق ایف آئی اے نے زبیر مہر نامی ایک انتہائی مطلوب انسانی اسمگلر کو گجرات سے گرفتار کر لیا ہے، ملزم زبیر لیبیا کشتی حادثے میں ملوث ہے، اور اس کے خلاف 2023 میں کمپوزٹ سرکل گجرات میں 8 مقدمات درج ہوئے ہیں۔

    ایف آئی اے کے مطابق ملزم کا نام ریڈ بک کی انتہائی مطلوب انسانی اسمگلرز کی فہرست میں شامل ہے، اور وہ انسانی اسمگلنگ میں ملوث بین الاقوامی گینگ کا رکن ہے، زبیر مہر نے لیبیا کشتی حادثے کے 8 متاثرین سے فی کس 24 لاکھ روپے ہتھیائے۔

    ایف آئی اے حکام کا کہنا ہے کہ ملزم زبیر نے مجموعی طور پر متاثرین سے 1 کروڑ 92 لاکھ روپے ہتھیائے، اور اس نے 8 متاثرین کو لیبیا بھجوایا، اور وہاں متاثرین کو سیف ہاؤسز میں رکھ کر تشدد کا نشانہ بنایا۔

    لیبیا کشتی حادثے میں ملوث ریڈ بُک کا بدنامہ زمانہ اشتہاری ملزم یاسر محمود گرفتار

    ملزم نے متاثرین کو کشتی کے ذریعے لیبیا سے یورپ بھجوانے کی کوشش کی جو حادثے کا شکار ہوئی، واضح رہے کہ اس کشتی حادثے میں تمام متاثرین کی موت ہوئی تھی۔

    اس سے قبل نومبر 2024 میں بھی ایف آئی اے گجرانوالہ زون نے انسانی اسمگلنگ میں ملوث ریڈ بک کے انتہائی مطلوب اشتہاری ملزم یاسر محمود کو گرفتار کیا تھا، اس سے دو ہفتے قبل ایک اور ریڈ بک ملزم بشیر احمد کو بھی گرفتار کیا گیا تھا۔

    ان اشتہاری ملزمان کے بارے میں یہ بات سامنے آئی ہے کہ یہ انسانی اسمگلر بیرون ملک بیٹھ کر نیٹ ورک چلا رہے ہیں اور وہاں انھوں نے اپنے سیف ہاؤس بھی بنا رکھے ہیں۔

  • سمندر کے راستے معصوم شہریوں کو یورپ بھجوانے میں ملوث نیٹ ورک بے نقاب

    سمندر کے راستے معصوم شہریوں کو یورپ بھجوانے میں ملوث نیٹ ورک بے نقاب

    ایف آئی اے نے سمندر کے راستے معصوم شہریوں کو یورپ بھجوانے میں ملوث نیٹ ورک کو بے نقاب کردیا۔

    تفصیلات کے مطابق ایف آئی اے امیگریشن نے کراچی ایئرپورٹ پر کارروائی کرتے ہوئے سینیگال سے براستہ ایتھوپیا  کراچی پہنچنے والے مسافر سے پوچھ گچھ کی ہے۔

    ترجمان ایف آئی اے نے بتایا کہ سینیگال سے براستہ ایتھوپیا کراچی پہنچنے والا مسافر گزشتہ سال لاہور ایئرپورٹ سے وزٹ ویزے پر سینیگال گیا تھا، مسافر یورپ جانے کیلئے چوہدری تیمور نامی انسانی  اسمگلر سے رابطے میں تھا۔

    حکام کا کہنا ہے کہ ایجنٹ نے مسافر کو 25 لاکھ کے عوض اسپین پہنچانے  کا وعدہ کیا تھا، سینیگال پہنچنے پر مسافر کے والد نے ایجنٹ کو 25 لاکھ ادا کیے،  سینیگال پہنچنے پر ایجنٹ نے مسافر کا پاسپورٹ اپنے پاس رکھ لیا۔

    حکام کے مطابق ایجنٹ نے ہوائی جہاز کے بجائے سمندری راستے شہری کو بھجوانے کی کوشش کی لیکن مسافر نے سمندری راستے سے یورپ جانے سے انکار کیا بعد ازاں پاسپورٹ پر جعلی اسٹیمپ لگا کر یورپ بھیجنے کی کوشش بھی کی گئی لیکن اس بھی ناکام رہے۔

    ترجمان نے بتایا کہ مسافر کو سینیگال میں 4 ماہ تک سیف ہاؤسسز میں رکھا گیا، مسافر کے مطابق سیف ہاؤسز میں مزید 13 پاکستانی بھی موجود تھے، مسافر نے بعد ازاں وطن واپسی کا فیصلہ کیا۔

    https://urdu.arynews.tv/fia-arrested-10-suspects-involved-in-begging/

  • ایف آئی اے کی لاہور میں کارروائی، 2 انسانی اسمگلر گرفتار

    ایف آئی اے کی لاہور میں کارروائی، 2 انسانی اسمگلر گرفتار

    لاہور: وفاقی تحقیقاتی ایجنسی (ایف آئی اے) لاہور زون نے انسانی سمگلنگ اور ویزا فراڈ کے خلاف اپنی کارروائیاں تیز کر دیں، جس کے نتیجے میں دو اہم ملزمان کو گرفتار کر لیا گیا۔

    اے آر وائی نیوز کے مطابق ایف آئی اے کے ترجمان نے بتایا کہ لاہور اور قصور میں ٹارگٹڈ آپریشن کیے گئے، جس کے نتیجے میں دو ملزمان زاہد مصطفیٰ اور امجد بھٹی کو گرفتار کیا گیا ہے۔

    رپورٹس کے مطابق مطلوب مفرور ملزم زاہد مصطفیٰ کو کینیڈا کی جعلی نوکری کا جھانسہ دے کر مجموعی طور پر 3.99 ملین روپے غبن کرنے کے الزام میں گرفتار کیا گیا۔

    ملزم 2024 سے فرار تھا، جس کے خلاف لاہور کے انسداد انسانی سمگلنگ سرکل میں مقدمہ درج ہے۔ جبکہ امجد بھٹی نے جعلی روزگار سکیم چلائی، متعدد شہریوں کو بیرون ملک ملازمت کے جعلی وعدوں سے دھوکہ دیا۔

    چھاپے کے دوران اہلکاروں نے ان کے قبضے سے متعدد پاکستانی پاسپورٹ اور جعلی ہسپانوی پاسپورٹ برآمد کر لیے۔ ان میں سے کوئی بھی ان دستاویزات کی درست وضاحت فراہم نہیں کرسکا۔

    تفتیش کے دوران دونوں ملزمان انکشاف کیا کہ انہوں نے شہریوں سے غیر قانونی طور پر پاسپورٹ حاصل کیے تھے تاہم لوگوں کو بیرون ملک بھیجنے میں ناکام رہے، بڑی رقم لینے کے بعد وہ حکام سے بچنے کے لیے روپوش ہو گئے۔

    پولیس اہلکار بن کر لوٹ مارکر کرنے والے 3 جعلی کانسٹیبلز گرفتار

    وفاقی تحقیقاتی ایجنسی لاہور زون کے ڈائریکٹر نے تصدیق کی کہ انسانی سمگلروں کے خلاف کارروائیاں تیز کر دی گئی ہیں، متاثرین کے ساتھ رابطے جاری ہیں۔ انسانی سمگلنگ کے بین الاقوامی نیٹ ورک کو مکمل طور پر ختم کر دیا جائے گا۔

  • مراکش کشتی حادثے میں ملوث انسانی اسمگلر عدیل احمد گرفتار

    مراکش کشتی حادثے میں ملوث انسانی اسمگلر عدیل احمد گرفتار

    ایف آئی اے گجرات نے مراکش کشتی حادثے میں ملوث انسانی اسمگلر عدیل احمد کو گرفتار کرلیا۔

    تفصیلات کے مطابق وفاقی تحقیقاتی ادارہ (ایف آئی اے) کمپوزٹ سرکل گجرات اور ڈی جی خان نے مظفر گڑھ میں مشترکہ کارروائی کرتے ہوئے مراکش کشتی حادثے میں ملوث انسانی اسمگلر کو گرفتار کرلیا، ملزم کی شناخت عدیل احمد کے نام سے ہوئی ہے، گرفتار ملزم مراکش کشتی حادثے میں ملوث پایا گیا ہے۔

    ایف آئی اے ترجمان کے مطابق ملزم ایف آئی اے کمپوزٹ سرکل گجرات کو مطلوب تھا، ملزم کو چھاپہ مار کارروائی میں مظفر گڑھ سے گرفتار کیا گیا، ملزم نے دیگر ساتھیوں کے ساتھ مل کر متاثرہ ریحان اسلم کو اسپین بھجوانے کے لئے 40 لاکھ روپے کا معاہدہ کیا تھا۔

    ترجمان کا کہنا تھا کہ متاثرہ کے گھر والوں نے رقم گرفتار ملزم کے بینک اکاونٹ میں ٹرانسفر کیں ملزمان کی جانب سے متاثرہ کو پہلے پاکستان سے دبئی اور بعد ازاں دبئی سے ایتھوپیا، سینیگال بھجوایا گیا، ملزم نے دیگر ساتھیوں کے ساتھ مل کر متاثرہ کو کشتی کے ذریعے موریطانیہ سے اسپین اسمگلنگ کی کوشش کی گئی لیکن کشتی حادثے میں متاثرہ کی موت واقع ہوئی۔

    ترجمان ایف آئی اے کے مطابق متاثرہ کا تعلق جوڑہ کھاریاں سے ہے ملزم کے خلاف مقدمہ درج کر کے تفتیش کا آغاز کر دیا گیا گینگ کے دیگر ملزمان کی گرفتاری کے لئے چھاپے مارے جا رہے ہیں۔

    ایف آئی اے ترجمان کا کہنا ہے کہ شتی حادثات میں ملوث عناصر کے خلاف کریک ڈاون جاری رہے گا بین الاقوامی سطح پر انسانی سمگلنگ کے نیٹ ورک کو جڑ سے ختم کیا جائے۔

    https://urdu.arynews.tv/boats-carrying-illegal-immigrants-arrive-greece/