Tag: انسانی اسمگلرز

اسلام آباد: ایف آئی اے اینٹی ہیومن ٹریفکنگ سرکل نے انٹرنیشنل گینگ کے 2 مرکزی انسانی اسمگلرز کو گرفتار کر لیا۔

تفصیلات کے مطابق ایف آئی اے اینٹی ہیومن ٹریفکنگ سرکل اسلام آباد نے بڑی کارروائی کرتے ہوئے انٹرنیشنل گینگ کے 2 مرکزی انسانی اسمگلرز آصف محمود اور بلال حسن کو گرفتار کر لیا۔

ایف آئی اے حکام کے مطابق 35 پاکستانی شہریوں کی چین سے ہانگ کانگ اسمگلنگ کے معاملے پر پرائمنسٹر آفس کی ہدایات پر تحقیقات کی گئی، مذکورہ پاکستانیوں کو چین کے قانون نافذ کرنے والے مختلف حکام نے حراست میں لیا تھا۔

حکام نے بتایا کہ ڈائریکٹر ایف آئی اے اسلام آباد زون کی ہدایت پر تحقیقاتی ٹیم تشکیل دی گئی تھی، ڈپٹی ڈائریکٹر اینٹی ہیومن ٹریفکنگ سرکل اسلام آباد صائم سلطان کی زیر نگرانی ٹیم نے پاکستان واپس آنے والے 5 مسافروں کو حراست میں لے کر شامل تفتیش کیا۔

حکام نے بتایا کہ غیر قانونی طور پر سرحد پار کرنے والے مسافروں سے اسمگلرز کے حوالے سے ابتدائی معلومات حاصل کی گئی، ابتدائی تحقیقات سے گینگ کے مرکزی اسمگلر کی شناخت  آصف محمود کے نام سے ہوئی۔

 انسانی اسمگلر آصف محمود کی چین میں موجودگی کی بنیاد پر نام فوری طور پر اسٹاپ لسٹ میں شامل کیا گیا، ملزم آصف محمود کو چین سے پاکستان واپس آتے ہوئے گرفتار کرلیا گیا۔

حکام نے بتایا کہ ملزم آصف محمود کی نشاندہی پر اہم سہولت کار ملزم بلال حسن کو اسلام آباد سے گرفتار کر لیا گیا، ابتدائی تفتیش کے مطابق اسمگلرز جعلی دستاویزات تیار کرتے تھے۔

 ملزمان غیر قانونی تارکین وطن کو کاروباری افراد کے طور پر ظاہر کرتے تھے، ملزمان تارکین وطن کو امیگریشن کلئیرنس کے حوالے سے باقاعدہ تربیت دیتے تھے۔

حکام نے مزید بتایا کہ مذکورہ نیٹ ورک کے دیگر ملزمان کی بھی شناخت حاصل کر لی گئی ہے جن کی گرفتاری کے لیے تمام تر وسائل کو بروئے کار لایا جا رہا ہے۔

اسلام آباد : وفاقی تحقیقاتی ادارے( ایف آئی اے) نے انتہائی مطلوب انسانی اسمگلرز کی ریڈ بک جاری کر دی، جس میں 156 انسانی اسمگلرز شامل ہیں۔

تفصیلات کے مطابق بہتر مستقبل کا جھانسا دے کر یورپ سمیت دیگر ممالک بھیجنے والے انسانی اسمگلروں کے گرد گھیرا تنگ کردیا گیا ہے۔

وفاقی تحقیقاتی ادارے( ایف آئی اے) نے انتہائی مطلوب انسانی اسمگلنگ میں ملوث اشتہاریوں کی بارہویں ریڈ بک جاری کردی، 176 صفحات میں مشتمل ریڈ بک میں ایف آئی اے کو مختلف مقدمات میں 156 انسانی اسمگلرز مطلوب ہیں۔

حکام کا کہنا ہے کہ ملزمان کے خلاف ایف آئی اے کے اینٹی ہیومن ٹریفکنگ سرکلز میں متعدد مقدمات درج ہیں، ریڈ بک کے مطابق ایف آئی اے لاہور زون کو 20، گجرانوالہ زون کو 71، فیصل آباد زون کو 12، ملتان زون کو 3 ملزمان مطلوب ہیں۔

اس کے علاوہ اسلام آباد زون کو 34، کراچی زون کو 12، بلوچستان اور کے پی زون کو دو۔ دو انسانی اسمگلرز مطلوب ہیں۔

ایف آئی اے کے مطابق انسانی سمگلرز کی گرفتاری کے لئے کریک ڈاون جاری ہے، مطلوب ملزمان کے شناختی کارڈ اور پاسپورٹس بلیک لسٹ کئے گئے ہیں۔

لاہور: ایف آئی اے اینٹی ہیومن ٹریفکنگ سرکل نے مزید 3 انسانی اسمگلرز کو گرفتار کرلیا، ملزمان شہریوں کوغیر قانونی طریقے سےیورپ بھجوانےمیں ملوث ہیں۔

تفصیلات کے مطابق ایف آئی اے اینٹی ہیومن ٹریفکنگ سرکل گجرات کا انسانی اسمگلروں کیخلاف کریک ڈاون جاری ہے، کارروائیوں میں مزید 3 انسانی اسمگلرز کو گرفتار کرلیا۔

ترجمان ایف آئی اے نے بتایا کہگرفتارملزمان میں ارشد اللہ، مبشر نذیر اور عمر حیات شامل ہیں ، ملزمان کو منڈی بہاؤالدین اور ملکوال سے گرفتار کیا گیا۔

ترجمان نے کہا کہ ملزمان شہریوں کوغیر قانونی طریقے سےیورپ بھجوانےمیں ملوث ہیں، ملزمان نےشہریوں کو یورپ بھجوانے کے لئے بھاری رقوم وصول کی۔

ایف آئی اے کا کہنا تھا کہ ملزمان شہریوں کوجال میں پھنسانےکیلئےسرحدپارکروانے کی ویڈیوزدکھاتےتھے اور ملزمان سے سرحدپار کرانے اور کشتی پر سوار متاثرین کے حوالے سے متعدد ویڈیوز برآمد بھی کی۔

ترجمان کے مطابق ملزمان ان ویڈیوز کو مختلف سوشل میڈیا اکاونٹس پر بھی اپلوڈ کرتے تھے، شہری ویڈیوز سےمتاثر ہو کر مذکورہ اسمگلروں سے رابطہ کرتے تھے، ملزمان کے خلاف متعدد مقدمات درج تھے، تفتیش کا آغاز کر دیا گیا ہے۔

گجرات: ایف آئی اے اینٹی ہیومن ٹریفیکنگ سرکل گجرات نے یونان کشتی حادثہ میں ملوث بد نامے زمانہ 2 انسانی اسمگلر گرفتار کرلئے۔

تفصیلات کے مطابق یونان کشتی حادثہ کیس کے معاملے پر ایف آئی اے اینٹی ہیومن ٹریفیکنگ سرکل گجرات نے کارروائیاں کیں۔

کارروائیوں میں یونان کشتی حادثہ میں ملوث بد نامے زمانہ 2 انسانی اسمگلر گرفتار کرلئے گئے، ترجمان ایف آئی اے نے بتایا کہ گرفتار ملزمان میں کاشف بٹ اور عمران عزیز شامل ہیں۔

ترجمان کا کہنا تھا کہ ملزمان کو منڈی بہاولدین سے گرفتار کیا گیا، ملزمان نے متعدد پاکستانیوں کو غیر قانونی راستے سے یورپ بھجوانے کے لئے لاکھوں روپے بٹورے۔

ایف آئی اے کے مطابق ملزمان کے خلاف ایف آئی اے گجرات سرکل میں مقدمات درج تھے،ملزمان یونان کشتی حادثے کے بعد روپوش ہو گئے تھے،ملزمان کو جدید ٹیکنالوجی کا استعمال کرتے ہوئے گرفتار کیا گیا،ملزمان سے مزید تفتیش جاری ہے۔

گجرات : وفاقی تحقیقاتی ادارے ( ایف ائی اے) نے کارروائی کرتے ہوئے لیبیا سے واپس آنیوالے نوجوانوں کی شناخت پر 2 انسانی اسمگلرز کو گرفتار کرلیا۔

تفصیلات کے مطابق گجرات میں وفاقی تحقیقاتی ادارے ( ایف ائی اے) نے کارروائی کرتے ہوئے 2 انسانی اسمگلرز کو گرفتار کرلیا۔

ڈپٹی ڈائریکٹر طارق مسعود نے بتایا کہ لیبیا سے واپس آنیوالے نوجوانوں کی شناخت پر ایجنٹس کو گرفتار کیا گیا، ملزمان محمد عاطف اور عباس بخاری کے خلاف مقدمات درج کرلیے گئے ہیں۔

گذشتہ روز ایف آئی اےاینٹی ہیومن ٹریفکنگ سرکل گجرات نے کارروائی کرتے ہوئے یونان کشتی حادثےمیں ملوث اہم سرغنہ کو گرفتار کرلیا تھا۔

ترجمان کا کہنا تھا کہ ملزم محمد سلیم یونان کشتی حادثے کے مرکزی ملزم آصف سنیارےکابھائی ہے، ملزم نے متعدد پاکستانیوں کوغیر قانونی راستے سے یورپ بھجوانے کیلئے کروڑوں روپے لئے۔

ملزم کے خلاف 9 مقدمات ایف آئی اے گجرات سرکل میں درج تھے، محمدسلیم ہنڈی حوالہ کےذریعے اپنےبھائی آصف سنیارے کو پیسے بھجواتا تھا۔

ایف آئی اے نے کہا کہ ملزم یونان کشتی حادثے کے بعد روپوش ہو گیا تھا، گرفتار ملزم کا بھائی آصف اس وقت لیبیا میں موجود ہے، آصف سنیارے نے لیبیا میں متعدد سیف ہاؤسزبنائے ہوئے ہیں۔

اسلام آباد : یونان کشتی حادثے پر حکومتی کمیٹیاں اور ایف آئی اے کے کریک ڈاؤن بھی ناکافی ہے، حادثے کے بعد بھی سوشل میڈیا پر انسانی اسمگلرز کے اشتہاروں کی بھرمار ایف آئی اے کارکردگی پرسوال اٹھارہی ہے۔

تفصیلات کے مطابق یونان کشتی حادثے کے بعد ایف آئی اے کی کارروائیوں کے باوجود انسانی اسمگلرز کا مکروہ دھندا چل رہا ہے، سنہرے مستقبل کا خواب نوجوانوں کو بیچنے کےلئے سوشل میڈیا ڈنکی مافیا کاسب سے موثر ہتھیار ہے، فیس بک،، انسٹاگرام، ٹک ٹاک کے ذریعے باقاعدہ اشتہار دیکر لوگوں کوجال میں پھنسایا جاتا ہے۔

فیس بک، انسٹاگرم اور ٹک ٹاک سمیت دیگر پلیٹ فارمز پر دھڑادھڑ پوسٹیں جاری ہیں، ایک فیس بک گروپ پر تو گزشتہ روز ہی ڈنکی لگانے یا غیرقانونی طور پر یورپ جانے کا اشتہار یا پوسٹ لگائی گئی۔

بی بی سی رپورٹ کے مطابق فیس بک کےذریعے رابطہ کرنے پر اسمگلرز واٹس ایپ پر رابطہ کرتے ہیں اور زمینی راستے سے ایران،ترکی اور پھر یورپ میں داخل کرایاجاتاہے۔ جس کے لئے لوگوں سے لاکھوں روپے بٹورے جاتے ہیں۔

ترکی کے ذریعے یورپ میں داخلہ کافی مشکل ہوگیا ہے اس لئے اب اسمگلر مصر،، لیبیا اور پھر یونان کا روٹ اختیار کررہے ہیں۔

یونان کشتی حادثے جیسے اتنے بڑے سانحے کے باوجود انسانی اسمگلروں کا دھڑلے سے سوشل میڈیا پر سرگرمیاں جاری رکھناحکومتی اداروں کی کارکردگی پر سوالیہ نشان ہے۔