Tag: انسانی اسمگلنگ

اسلام آباد: وزیر اعظم نے انسانی اسمگلنگ میں ملوث گروہ کے سرغنہ کی گرفتاری پر ایف آئی اے اور آئی بی کے افسران کی پذیرائی کی ہے، اور انھیں ملاقات کے لیے بلایا۔

تفصیلات کے مطابق وزیر اعظم نے آئی بی اور ایف آئی اے کے ہر افسر و اہلکار کو 10، 10 لاکھ روپے انعام دے دیا ہے، افسران و اہلکاروں سے ملاقات میں وزیر اعظم شہباز شریف کو انسانی اسمگلنگ کی روک تھام سے متعلق اقدامات پر بریفنگ دی گئی۔

وزیر اعظم شہباز شریف نے کہا ججا گینگ کے سرغنہ عثمان ججا کی گرفتاری قابل ستائش ہے، انسانی اسمگلنگ کے مکروہ فعل میں ملوث افراد قیمتی جانوں کے ضیاع کا باعث بنتے ہیں، ایسے عناصر کو کیفر کردار تک پہنچانے کے لیے ادارے اپنی کارروائیاں مزید تیز کریں۔

انھوں نے کہا انسانی اسمگلنگ کے گھناؤنے جرم کے مرتکب عناصر کی سرکوبی حکومت کی اوّلین ترجیح ہے، کالے دھندے میں ملوث افراد نے پاکستان کے تشخص کو ٹھیس پہنچانے کی کوشش کی، مکروہ عمل کے باعث کئی لوگ ڈوبے اور اپنی زندگیاں گنوا بیٹھے۔

مریم نواز پر تنقید، پی پی نے ہاتھ ہلکا رکھنے، ن لیگ نے مطالبات پورے کرنے کا وعدہ کر لیا

وزیر اعظم کا کہنا تھا کہ انسانی اسمگلنگ میں ملوث عناصر کی وجہ سے پاکستان کی بدنامی ہوئی، اس لیے یہ کالا دھندا مکمل طور پر بند کرانے کا پختہ عزم کر رکھا ہے۔ انھوں نے کہا انسانی اسمگلنگ کے خلاف کارروائی کرنے والے افسران نے ملک کو عزت بخشی، متعلقہ ادارے ایسے ہی اپنی اعلیٰ کارکردگی کا سلسلہ جاری رکھیں۔

لاہور : بیرون ملک جانے کی خواہش مند لڑکیاں ہوشیار ہوجائیں، انسانی اسمگلنگ میں ملوث ایجنٹ کا بڑا انکشاف سامنے آگیا۔

تفصیلات کے مطابق ایف آئی اے نے کارروائی کرتے ہوئے انسانی اسمگلنگ میں ملوث ایجنٹ کو فیصل آباد کے علاقے بٹالہ کالونی سے گرفتار کرلیا۔

ایف آئی اے نے بتایا کہ ملزم نے بیرون ملک ملازمت کا جھانسہ دیکرشہریوں سےلاکھوں روپے لیے، ملزم شہریوں کو غیر قانونی طور پر برطانیہ، چین ، آسٹریلیا اور یورپی ممالک بھیجتا تھا۔

ملزم نے بیرون ملک جانے کی خواہش مند لڑکیوں کی جعلی شادیاں کرانے کا انکشاف بھی کیا، لڑکیوں نے جعلی نکاح نامہ کے سرٹیفکیٹس پر ڈیپنڈنٹ ویزے بھی جاری کرائے۔

ترجمان کا کہنا تھا کہ 6 پاکستانی پاسپورٹ،36 ویزہ ایپ فائل، 14میرج سرٹیفکیٹ،5 ورک ویزہ ایگریمنٹ برآمد کرلی گئی ہے۔

ملزم سے4موبائل فون ، لیپ ٹاپ اور دیگر شواہد بھی برآمد کیے گئے، ملزم کےدیگرساتھیوں کیخلاف کارروائیاں جاری ہیں۔

وزارت داخلہ نے قومی اسمبلی کو مطلع کیا ہے کہ انسانی اسمگلنگ کے بیشتر واقعات گجرات، منڈی بہاؤالدین اور وزیرآباد سے رپورٹ ہوتے ہیں۔

تفصیلات کے مطابق پاکستانی وزارت داخلہ نے قومی اسمبلی میں جواب جمع کراتے ہوئے بتایا کہ نوجوان بیرون ملک جانے کے لیے زیادہ تنخواہ کے لالچ میں اسمگلرز کے چنگل میں پھنستے ہیں، گجرات، وزیرآباد اور منڈی بہاؤالدین میں نوجوان اسمگلرز پر انحصار کرتے ہیں

وزارت داخلہ نے بتایا کہ بیشتر لوگ قانونی طور پر بیرون ملک جانے کے اخراجات برداشت نہیں کرسکتے، غیرتعلیم یافتہ افراد انسانی اسمگلرز کے جھوٹے وعدوں کا آسان ہدف ہیں

قومی اسمبلی میں تحریری جواب میں وزارت داخلہ کی جانب سے بتایا گیا کہ ایف آئی اے انسانی اسمگلرز کی بیخ کنی کیلئے ٹھوس اقدامات کررہا ہے۔

یونان کشتی حادثے کے 17 اشتہاری مجرم، ریڈبک کے 6 انتہائی مطلوب اسمگلرز شامل ہیں، انسانی اسمگلرز کی 661 ملین روپے کی جائیدادیں ضبط کی گئی ہیں، انسانی اسمگلرز سے 10 ملین روپے کی ریکوریاں کی جاچکی ہیں۔

وزارت داخلہ نے کہا کہ انسانی اسمگلرز کے 73 ملین روپے کے اکاؤنٹس منجمد کئے گئے ہیں، این سی بی انٹرپول ایف آئی اے ہیڈ کوارٹرز نے 26 ریڈ نوٹس جاری کیے ہیں،

جواب میں بتایا گیا کہ انسانی اسمگلنگ کی روک تھام کیلئےقوانین میں ترامیم تجویزکی گئی ہیں، ایف آئی اے انسانی اسمگلنگ کے حوالے سے آگاہی مہم چلارہی ہے۔

https://urdu.arynews.tv/prevention-of-human-trafficking-amendment-bill-2025-passed/

وفاقی تحقیقاتی ادارے (ایف آئی اے) نے بڑی کارروائی کرتے ہوئے انسانی اسمگلنگ میں ملوث گینگ کے سرغنہ کو گرفتار کر لیا ہے۔

اے آر وائی نیوز کے مطابق ایف آئی اے کمپوزٹ سرکل گجرات نے ایک گودام پر کامیاب چھاپہ مار کارروائی کی اور انسانی اسمگلنگ میں ملوث گینگ کے سرغنہ یاسر شوکت کو گرفتار کر لیا۔

گودام سے 7 پاکستانی پاسپورٹ، 18 پاکستانی پاسپورٹ کی نقول، لیبیا کے 9 ویزہ اسٹیکرز اور عمرہ ویزہ کی 4 نقول برآمد ہوئی ہیں جب کہ اس کے پاس سے 8 مصری ویزے، 23 ہوائی جہاز کے ٹکٹس اور 2 موبائل فون بھی ملے ہیں۔

ملزم کے دیگر ساتھیوں کی گرفتاری کیلیے چھاپہ مار کاروائیاں جاری ہیں۔

ایف آئی اے ترجمان کا کہنا ہے کہ ملزم شہریوں کو غیر قانونی طور پر سمندر کے راستے یورپ اور دیگر ممالک میں بھجوانے میں ملوث ہے۔ ملزم ابتدائی طور پر شہریوں کو عمرہ ویزہ پر سعودی عرب بھجواتا تھا اور وہاں سے انہیں لیبیا اور مصفر منتقل کرتا تھا۔

ترجمان کے مطابق متعدد پاکستانی غیر قانونی طریقے سے بیرون جانے کی کوششوں میں کشتیوں کے حادثات میں جاں بحق ہو چکے ہیں۔