ARYNews.tv | Urdu – Har Lamha Bakhabar

Tag: انسانی اسمگلنگ

  • 11 سال سے مطلوب اشتہاری اسپین سے پاکستان پہنچنے پر گرفتار

    11 سال سے مطلوب اشتہاری اسپین سے پاکستان پہنچنے پر گرفتار

    وفاقی تحقیقاتی ادارے (ایف آئی اے) این سی بی انٹرپول نے 11 سال سے مطلوب اشتہاری کو اسپین سے پاکستان پہنچنے پر گرفتار کرلیا۔

    تفصیلات کے مطابق ایف آئی اے این سی بی انٹرپول اور امیگریشن نے مشترکہ کارروائی کرتے ہوئے 11 سال سے مطلوب اشتہاری کو پاکستان پہنچنے پر گرفتار کر لیا۔

    ترجمان ایف آئی اے کے مطابق انسانی اسمگلنگ کے مقدمے میں مطلوب اشتہاری محمد وحید کو اسپین سے اسلام آباد پہنچنے پر گرفتار کیا گیا۔

    ترجمان کا کہنا ہے کہ ایف آئی اے این سی بی انٹرپول نے گرفتاری کیلئے ریڈ نوٹس جاری کیا تھا، ملزم کا نام اسٹاپ لسٹ میں شامل تھا اور اینٹی ہیومن ٹریفکنگ سرکل گجرات کو مطلوب تھا۔

    ترجمان کا مزید کہنا تھا کہ ملزم کیخلاف 2013 میں مقدمہ درج ہوا تھا، جس کے بعد وہ فرار ہوگیا تھا۔

  • لیبیا کشتی حادثے میں ملوث ریڈ بُک کا بدنامہ زمانہ اشتہاری ملزم یاسر محمود گرفتار

    لیبیا کشتی حادثے میں ملوث ریڈ بُک کا بدنامہ زمانہ اشتہاری ملزم یاسر محمود گرفتار

    کراچی: لیبیا کشتی حادثے میں ملوث ریڈ بُک کا بدنامہ زمانہ اشتہاری ملزم یاسر محمود گرفتار ہو گیا۔

    ایف آئی اے ترجمان کے مطابق انسانی اسمگلنگ میں ملوث نیٹ ورکس کے خلاف گھیرا تنگ کرتے ہوئے ایف آئی اے گجرانوالہ زون نے ایک بڑی کارروائی میں انسانی اسمگلنگ میں ملوث ریڈ بک کے انتہائی مطلوب اشتہاری ملزم یاسر محمود کو گرفتار کر لیا ہے۔

    یاسر محمود کے خلاف 5 سے زائد مقدمات درج ہیں، ملزم کے خلاف کمپوزٹ سرکل گجرات نے 2023 میں مقدمات درج کیے تھے، اور اس کا نام ریڈ بک کے انتہائی مطلوب افراد کی فہرست میں شامل ہے۔

    گرفتار ملزم نے متاثرین کو یورپ بھجوانے کے نام پر کروڑوں روپے ہتھیائے، ملزم نے 5 متاثرین سے فی کس 24 لاکھ روپے وصول کیے، اور گینگ کے دیگر ملزمان کی مدد سے متاثرین کو غیر قانونی طریقے سے لیبیا براستہ مصر اور دبئی بھجوایا، متاثرین کو لیبیا میں موجود سیف ہاؤسز میں نہایت برے حالات میں رکھا گیا تھا۔

    بعد ازاں ملزم نے متاثرین کو کشتی کے ذریعے لیبیا سے اٹلی بھجوانے کی کوشش کی تاہم کشتی حادثے کا شکار ہو گئی اور اس میں سوار افراد ڈوب کر مر گئے۔

    ایف آئی اے کے مطابق ملزم یاسر محمود کو جدید ٹیکنالوجی کو بروئے کار لاتے ہوئے گجرات سے گرفتار کیا گیا، ملزم کی گرفتاری کے لیے متعدد بار چھاپے مارے گئے تھے۔

  • مسافروں کو عمرہ کی آڑ میں سعودی عرب بھجوانے والے 2 ایجنٹ گرفتار

    مسافروں کو عمرہ کی آڑ میں سعودی عرب بھجوانے والے 2 ایجنٹ گرفتار

    ملتان : مسافروں کو عمرہ کی آڑ میں سعودی عرب بھجوانے والے دو ایجنٹوں کو گرفتار کرلیا گیا، ایجنٹس نے فی کس مسافر سے 14لاکھ سے 15 لاکھ روپے وصول کئے۔

    تفصیلات کے مطابق ایف آئی اے ملتان کی کارروائی کرتے ہوئے انسانی اسمگلنگ میں ملوث دو ایجنٹوں کو گرفتار کرلیا۔

    ترجمان نے بتایا کہ گرفتارایجنٹوں نے 15مسافروں کو عمرہ کی آڑمیں سعودی عرب بھجوانےکی کوشش کی، عمرہ کی آڑ میں سفرکرنے والے 15 مسافروں کو آف لوڈ کیا گیا تھا۔

    ترجمان کا کہنا تھا کہ مسافروں کے پاس نہ ہوٹل بکنگ تھی، نہ ریٹرن ٹکٹ اوراحرام بھی موجود نہیں تھے، مسافروں نے ایجنٹس کے ذریعے اسپین براستہ سعودی عرب جانے کی کوشش کی۔

    ایف آئی اے نے بتایا کہ فی کس مسافر نے 14 لاکھ سے 15 لاکھ روپے ایجنٹس کو ادا کیے تاہم مسافروں کی نشاندہی پر ملزمان کو گرفتار کیا گیا۔

    گذشتہ روز بھی ایف آئی اے کمپوزٹ سرکل ملتان نے انسانی اسمگلنگ اور منشیات کی اسمگلنگ میں ملوث 2 خواتین ملزمان کو گرفتار کیا تھا۔

    ترجمان نے بتایا تھا کہ ملزمان کی شناخت کنول مشتاق اور نرگس مشتاق کے نام سے ہوئی گرفتار خواتین ملزمان نے سونیا اور شکیل نامی شہریوں کو ملازمت کی غرض سے عمرہ ویزہ پر سعودی عرب بھیجا۔

    ترجمان کاکہنا تھا کہ مذکورہ شہریوں کے سامان سے منشیات برآمد ہونے پر سعودی حکام کی جانب سے دونوں شہریوں کو 25 سال قید کی سزا سنائی گئی، سعودی عرب میں قید کے دوران خاتون ملزمہ کی سعودی عرب میں ہی موت واقع ہوئی۔

  • انسانی اسمگلنگ کا بین الاقوامی نیٹ ورک پکڑا گیا، ڈنکی گروہوں سے رابطے کا انکشاف

    انسانی اسمگلنگ کا بین الاقوامی نیٹ ورک پکڑا گیا، ڈنکی گروہوں سے رابطے کا انکشاف

    اسلام آباد: سیکیورٹی اداروں اور ایف آئی اے نے مشترکہ  کارروائی کرتے ہوئے انسانی اسمگلنگ میں ملوث بین الاقوامی گروہ کو قانون کے شکنجے میں لے لیا۔

    انٹیلی جنس ایجنسیوں کی معلومات پر ایف آئی اے نے کارروائی کرتے ہوئے انسانی اسمگلنگ کا نیٹ ورک پکڑا ہے، نیٹ ورک سادہ لوح عوام کو بیرون ملک روزگار کے جھانسے دے کر لوٹنے میں ملوث تھا، گینگ نے سادہ لوح عوام سے کروڑوں روپے ہتھیائے، گروہ جعلی دستاویزات کی تیاری میں مہارت رکھتا تھا اور اپنا پرنٹنگ پریس تھا۔

    ایف آئی اے کا کہنا ہے کہ پرنٹنگ پریس میں کئی ملکوں کی جعلی دستاویزات تیار کی جاتی تھیں، مختلف ممالک میں سیاسی پناہ لینے والے افراد بھی اس گروہ سے معاونت لیتے رہے، اس مجرمانہ سرگرمیوں میں بھارتی اور افغانی باشندے ملوث پائے گئے۔

    ایف آئی اے کے مطابق نیٹ ورک کا انٹرنیشنل ڈنکی گروہوں سے بھی رابطے کا انکشاف ہواہے، دورانِ تفتیش پاکستان کو بدنام کرنے کی بھارتی سازش بھی بےنقاب ہوئی ہے، تفتیش کا دائرہ کار وسیع کردیا گیا مزید گرفتاریاں متوقع ہیں۔

    دوسری جانب وفاقی وزیر داخلہ محسن نقوی نے نیٹ ورک کو قانون کی گرفت میں لانے پر انٹیلیجنس ایجنسی اور ایف آئی اے لاہور کو شاباش دی ہے اور کہا ہے کہ یہ کامیاب آپریشن انسانی اسمگلنگ کے خلاف پاکستان کی کارروائیوں میں ایک اہم سنگ میل ہے۔

    محسن نقوی نے کہا کہ انٹیلیجنس ایجنسی کی معلومات پر ایف آئی اے لاہور نے کامیاب آپریشن کیا جس پر مبارکباد دیتا ہوں، انسانی سمگلنگ روکنے کے اس طرز پر مزید آپریشن جاری رکھیں جائیں گے۔

    وفاقی وزیر داخلہ کا مزید کہنا تھا کہ انسانی اسمگلنگ کے خاتمے کیلئے آخری حد تک جائیں گے۔ انسانی اسمگلنگ میں ملوث مافیا سے آہنی ہاتھوں سے نمٹا جائے گا۔

  • انسانی اسمگلنگ میں ملوث 8 سال سے روپوش ملزم گرفتار

    انسانی اسمگلنگ میں ملوث 8 سال سے روپوش ملزم گرفتار

    کراچی: اینٹی ہیومن ٹریفکنگ سرکل کراچی نے کورنگی میں کارروائی کرتے ہوئے انسانی اسمگلنگ میں ملوث 8 سال سے اشتہاری ملزم گرفتار کرلیا۔

      ایف آئی اے کے مطابق ملزم غلام محمد انسانی اسمگلنگ کے گھناونے جرم میں ملوث ہے ملزم نے بھاری رقم کے عوض اپنے پاسپورٹ پر مسافر کو بیرون ملک بھجوانے کی کوشش کی تھی۔

    ایف آئی اے ترجمان کا کہنا ہے کہ مسافر کو دوران امیگریشن گرفتار کیا گیا تھا گرفتار ملزم کی نشاندہی پر ملزم غلام محمد کے خلاف سال 2017 میں مقدمہ درج ہوا تھا۔

    ایف آئی اے کا کہنا ہے کہ ملزم گزشتہ 8 سال سے روپوش تھا، ملزم کی گرفتاری کے لئے متعدد بار چھاپے مارے گئے ملزم کو گرفتار کر کے تفتیش کا آغاز کر دیا گیا۔

  • بیرون ملک جانے کے خواہشمند افراد ہوشیار ہوجائیں!

    بیرون ملک جانے کے خواہشمند افراد ہوشیار ہوجائیں!

    گوجرانوالہ : ایف آئی اے نے انسانی اسمگلنگ اور ویزہ فراڈ میں ملوث ملزم کو گرفتار کرکے 36پاکستانی پاسپورٹس برآمد کرلیے۔

    تفصیلات کے مطابق گوجرانوالہ سے انسانی اسمگلنگ اور ویزہ فراڈ میں ملوث ملزم کو گرفتار کرلیا گیا ، ایف آئی اے نے بتایا کہ ملزم علی آفاق سے 36پاکستانی پاسپورٹس برآمد ہوئے ہیں۔

    ملزم نے بیرون ملک بھجوانے کیلئے شہریوں سے لاکھوں روپےلیے تاہم ملزم کےدیگر ساتھیوں کی گرفتاری کیلئےچھاپےماررہےہیں۔

    یاد رہے کراچی میں اینٹی ہیومن ٹریفکنگ سرکل نے انسانی اسمگلرز کے خلاف کریک ڈاؤن میں کلفٹن میں چھاپے کے دوران پانچ ملزمان کو گرفتار کر کے ان کے قبضے سے 187 پاکستانی پاسپورٹس برآمد کر لیے تھے۔

    گرفتار ملزمان میں محمد عباس، خواجہ کلیم، محسن رضا، غلام عباس اور عامر علی شامل ہیں، یہ ملزمان شہریوں سے بیرون ملک بھجوانے کے نام پر پیسے بٹورنے میں ملوث تھے، اور بغیر لائسنس شہریوں سے پاسپورٹ وصول کر رہے تھے۔

  • انسانی اسمگلنگ میں ملوث اشتہاری سمیت 2 ملزمان گرفتار

    انسانی اسمگلنگ میں ملوث اشتہاری سمیت 2 ملزمان گرفتار

    لاہور: ایف آئی اے نے انسانی اسمگلنگ میں ملوث اشتہاری سمیت 2 ملزمان کو گرفتار کرلیا۔

    تفصیلات کے مطابق وزیر داخلہ محسن نقوی کی ہدایات پر انسانی اسمگلرز کیخلاف کریک ڈاؤن جاری ہے، ایف آئی نے انسانی اسمگلنگ میں ملوث اشتہاری سمیت 2 ملزمان کو گرفتار کرلیا۔

     ایف آئی اے ترجمان کا کہنا ہے کہ گرفتار ملزمان میں اشتہاری عابد حسین اور محمد ذیشان شامل ہیں، ملزمان کو لاہور اور ننکانہ صاحب کے مختلف علاقوں سے گرفتار کیا گیا، اشتہاری عابد حسین نے شہری کو کینیڈا بھجوانے کیلئے لاکھوں روپے ہتھیائے تھے۔

    ترجمان کا کہنا ہے کہ شہری کو کینیڈا کا ورک ویزہ فراہم کرنے کیلئے 10 لاکھ 90 ہزار وصول کیے، ملزم سال 2022 سے ایف آئی اے کو مطلوب تھا، اس کے علاوہ ملزم محمد ذیشان نے ساتھیوں کیساتھ مل کر شہری سے 6 لاکھ 60 ہزار ہتھیائے تھے۔

    ترجمان کا کہنا ہے کہ ملزم شہری کو یو اے ای ملازمت کی غرض سے بھجوانے میں ناکام رہا، گرفتار ملزمان متاثرین سے رقم وصول کرنے کے بعد روپوش ہو گئے تھے۔

  • جعلی سفری دستاویزات پر شہریوں کو برطانیہ بھیجنے والے ملزمان گرفتار

    جعلی سفری دستاویزات پر شہریوں کو برطانیہ بھیجنے والے ملزمان گرفتار

    کراچی: ایف آئی اے نے انسانی اسمگلنگ میں ملوث 2 ملزمان کو طارق روڈ سے گرفتار کرلیا۔

    تفصیلات کے مطابق اینٹی ہیومن ٹریفکنگ سرکل کراچی نے بڑی کارروائی کرتے ہوئے جعلی کمپنی کے نام پر بیرون ملک بھجوانے میں ملوث 2 انسانی سمگلرز کو گرفتار کر لیا گیا۔

    ایف آئی اے کے مطابق گرفتار ملزمان میں عمر عاصم اور حارث خان شامل ہیں ملزمان امگرا لمیٹڈ کے نام سے کنسلٹینسی فرم چلا رہے تھے، ملزمان کو طارق روڈ سے گرفتار کیا گیا۔گرفتار ملزمان نے جعلی ہیلتھ کئیر فرم ظاہر کر کے شہری کو برطانیہ ملازمت کا ویزا دیا ملزمان نے شکایت کنندہ سے مجموعی طور پر 70 لاکھ روپے بٹورے۔

    ایف آئی اے کا کہنا ہے کہ ابتدائی تفتیش کے مطابق ملزمان نے جعلی کمپنی کے نام پر مجموعی طور پر 40 شہریوں کو ویزے دئیے چھاپے کے دوران ملزمان سے چیک بکس، اسٹیمپ پیپر، وزیٹنگ کارڈز برآمد کرلئے گئے ملزمان سے لیپ ٹاپ، موبائل فون اور متعدد سفری دستاویزات برآمد کر لی گئی ملزمان کو گرفتار کر کے تفتیش کا آغاز کر دیا گیا دیگر ملزمان کی گرفتاری کے لئے چھاپے مارے جا رہے ہیں۔

  • انسانی اسمگلنگ میں ملوث 3 ملزمان گرفتار

    انسانی اسمگلنگ میں ملوث 3 ملزمان گرفتار

    ایف آئی اے نے انسانی اسمگلنگ میں ملوث 3 ملزمان کو گرفتار کرلیا۔

    تفصیلات کے مطابق ایف آئی اے کی انسانی اسمگلروں کیخلاف کریک ڈاون کا سلسلہ جاری ہے، ایف آئی اے گجرانوالہ زون نے ویزا فراڈ اور انسانی سمگلنگ میں ملوث 3 ملزمان کو گرفتار کر لیا گیا۔

      ایف آئی اے کے مطابق گرفتار ملزمان میں محمد وسیم، رانا نعیم اور خلیل ستار شامل ہیں گرفتار ملزمان جعلی سفری دستاویزات بنانے کے حوالے سے منظم گینگ چلا رہے تھے۔

    ایف آئی اے ترجمان نے بتایا کہ مذکورہ گینگ شہریوں کو بیرون ملک ملازمت کا جھانسہ دے کر لاکھوں روپے بٹورتا تھا، گینگ بھاری رقوم وصول کرنے کے بعد پاسپورٹ پر جعلی ویزے چسپا کرتے تھے۔

    ترجمان نے مزید بتایا کہ ملزم رانا نعیم نے شہری کو غیر قانونی طریقے سے ترکیہ بھجوایا، ملزم غیر قانونی طریقے سے بارڈر پار کرانے میں بھی ملوث ہے۔

  • بھاری رقم کے عوض پاسپورٹ پر جعلی ویزے چسپاں کرنے والا بدنام زمانہ انسانی اسمگلر گرفتار

    بھاری رقم کے عوض پاسپورٹ پر جعلی ویزے چسپاں کرنے والا بدنام زمانہ انسانی اسمگلر گرفتار

    کراچی: ایف آئی اے گجرات سرکل نے بدنام زمانہ انسانی اسمگلر اعجاز علی کو گرفتار کر لیا ہے، جو بھاری رقوم کے عوض پاسپورٹس پر جعلی ویزے چسپاں کرنے کے جرم میں ملوث تھا۔

    ترجمان ایف آئی اے کے مطابق انسانی اسمگلر اعجاز علی کو جی ٹی ایس چوک گجرات سے گرفتار کر لیا گیا ہے، گرفتار ملزم انسانی اسمگلنگ اور ویزا فراڈ کے گھناؤنے جرم میں ملوث ہے۔

    ایف آئی اے کا کہنا ہے کہ ملزم جعلی سفری دستاویزات بنانے کے حوالے سے منظم گینگ چلا رہا تھا، دیگر ساتھیوں کے ساتھ مل کر مختلف ممالک کے جعلی ویزے بنائے، یہ گینگ شہریوں کو بیرون ملک ملازمت کا جھانسا دے کر لاکھوں روپے بٹورتا تھا۔

    ملزم اعجاز علی بھاری رقوم وصول کرنے کے بعد پاسپورٹ پر جعلی ویزے چسپاں کرتا تھا، چھاپے کے دوران ملزم سے متعدد شناختی کارڈز کی کاپیاں، جعلی ویزا اسٹیکرز برآمد ہوئے، ملزم سے اسپین، انڈین، بیلجئم، یونان، آئرلینڈ، پرتگال، اٹلی اور پاکستانی پاسپورٹ کے جعلی کور بھی برآمد ہوئے۔

    ملزم سے پاسپورٹ بنانے میں استعمال ہونے والی لیمینیشن شیٹ، یو اے ای کا جعلی آقامہ ویزا بھی برآمد ہوا۔

    ایف آئی اے کا کہنا ہے کہ ملزم سے تفتیش کا آغاز کر دیا گیا ہے، اس کے دیگر ساتھیوں کی گرفتاری کے لیے بھی چھاپے مار کارروائیاں جاری ہیں، شہریوں سے گزارش ہے کہ وہ اپنی ذاتی دستاویزات غیر متعلقہ شخص کے حوالے نہ کریں، اور ویزا حصول کے لیے ہمیشہ متعلقہ ملک کی ایمبیسی سے رابطہ کریں۔