ARYNews.tv | Urdu – Har Lamha Bakhabar

Tag: انسانی اعضا

  • گردے نکالنے اور بیچنے میں ملوث 3 ملزمان گرفتار

    گردے نکالنے اور بیچنے میں ملوث 3 ملزمان گرفتار

    پشاور : گردے نکالنے اور بیچنے میں ملوث تین ملزمان کو پشاور سے گرفتار کرلیا گیا ، ملزمان مجبور افراد کے گردے نکالنے، خریدنے اور بیچنے کے کاروبار میں ملوث ہیں۔

    تفصیلات کے مطابق پشاور میں محکمہ ایکسائز  نے انسانی اعضا کی اسمگلنگ میں ملوث ملزمان کے خلاف کارروائی کی، کارروائی میں انسانی اعضا اور گردے نکالنے اور بیچنے میں ملوث 3ملزمان کو گرفتار کرلیا۔

    ایکسائز پولیس نے بتایا کہ ملزم شہزاد علی ملتان کے رہائشی محسن اورراشد کو پشاور گردے نکالنے کیلئے لایا اور 2 لاکھ 80 ہزار کے عوض دونوں افراد کے گردے بیچنے کا ریٹ طے کیا گیا۔

    پولیس نے کہا کہ ملزمان مجبور افراد کے گردے نکالنے، خریدنے اور بیچنے کے کاروبار میں ملوث ہیں۔

    ملزم شہزاد کے موبائل سے متاثرہ افراد کی ویڈیوز بھی ملی ہیں، گرفتار ملزمان مزید تفتیش کیلئے ایف آئی آے کے حوالے کردیا ہے۔

  • لسبیلہ پل سے نیچے پھینکے جانے والے شاپنگ بیگوں سے انسانی اعضا برآمد

    لسبیلہ پل سے نیچے پھینکے جانے والے شاپنگ بیگوں سے انسانی اعضا برآمد

    کراچی: شہر قائد کے مختلف علاقوں سے انسانی اعضا برآمد ہونے کا ایک اور واقعہ پیش آیا ہے، ایک شخص نے لسبیلہ پل سے نیچے شاپنگ بیگ پھینکے تھے جن سے انسانی اعضا برآمد ہوئے ہیں۔

    ریسکیو حکام کے مطابق کراچی میں لسبیلہ پل کے پاس 2 شاپنگ بیگوں سے انسانی اعضا برآمد ہوئے ہیں، جس سے علاقے میں خوف و ہراس پھیل گیا، ریسکیو کے بعد پولیس کی ٹیمیں بھی موقع پر پہنچ گئیں۔

    ریسکیو حکام کا کہنا ہے کہ ملنے والے انسانی اعضا میں سر شامل نہیں ہے، تمام اعضا ایمبولینس کے ذریعے اسپتال منتقل کر دیے گئے ہیں۔

    ریسکیو کے مطابق شاپنگ بیگوں کو پل کے اوپر سے پھینکا گیا تھا، جو نیچے گرتے ہی پھٹ گئے جس سے گوشت بکھر گیا، قریب موجود شخص نے فوری طور پر پولیس کو اطلاع دی، پولیس جب موقع پر پہنچی تو پتا چلا یہ انسانی اعضا ہیں، شاپر پھینکنے والا شخص موقع سے فرار ہو گیا تھا۔

    ریسکیو ترجمان کے مطابق آج ہی کے روز پراچہ قبرستان سے نچلے دھڑ کے کچھ اعضا بھی ملے ہیں، جس کی شناخت ڈی این اے ٹیسٹ کے بعد ہو سکے گی کہ یہ اعضا مقتولہ کلثوم کے ہیں یا کسی اور کے، جس کا گزشتہ روز اورنگی ٹاؤن کے نالے سے سر ملا تھا۔

    اے آر وائی نیوز کی رپورٹ کے مطابق کراچی میں گزشتہ روز ایک خاتون کو قتل کیا گیا تھا جس کا سر قصبہ کالونی اورنگی ٹاؤن کے نالے سے برآمد ہوا۔ مقتولہ کے اہل خانہ نے ریسکیو ادارے سے رابطہ کیا تھا جس کے بعد مقتولہ کی شناخت 32 سالہ کلثوم کے نام سے ہوئی ہے جو خاموش کالونی کی رہائشی تھی۔

    https://urdu.arynews.tv/womans-severed-head-identification-of-body-orangi-town/

  • قصور: تین لاپتا بچوں کی مسخ شدہ لاشیں برآمد، علاقے میں خوف کی لہر

    قصور: تین لاپتا بچوں کی مسخ شدہ لاشیں برآمد، علاقے میں خوف کی لہر

    پتوکی: ضلع قصور کی تحصیل پتوکی میں چونیاں بائی پاس کے قریب تین لاپتا بچوں کی مسخ لاشیں اور انسانی اعضا برآمد ہوئے ہیں.

    تفصیلات کے مطابق ضلع قصور میں بچوں کی مسخ لاشیں ملنےکے واقعے نے سنسنی پھیلا دی ہے، زینب  قتل کیس پھر تازہ ہوگیا۔

    پتوکی میں تین بچوں کی لاشیں ملی ہیں،  ایک بچےکی لاش مکمل حالت میں، جب کہ دوبچوں کے سر  اور ہڈیاں برآمد ہوئیں۔

    قتل ہونے والا آٹھ سال کا فیضان پیرکو لاپتا ہوا تھا، سلیمان دس اگست اور  علی حسنین ایک ماہ سےلاپتا تھے، علاقہ مکینوں کے مطابق بچوں کے لاپتا ہونے کا سلسلہ دو  ماہ سے جاری ہے، مگر کوئی کارروائی نہیں کی گئی۔

    اس ضمن میں آئی جی پنجاب کا کہنا ہے کہ حالیہ واقعات میں مماثلت پائی گئی ہے، تفتیش جاری ہے، انویسٹی گیشن کے لئے خصوصی ٹیم چونیاں روانہ کردی ہے، جب کہ پنجاب فرانزک کی ٹیموں نے موقع سے اہم شواہد اکٹھے کر لیے ہیں۔

    ادھر تنقید کے جواب میں  ڈی پی او قصور نے ہاتھ کھڑے کرلیے، ان کا کہنا ہے کہ ہم ہر گلی میں پولیس والا نہیں کھڑا کرسکتے، لاش اور اعضا ملنے کے معاملے کی وجہ سے علاقے میں‌خوف و ہراس پایا جاتا ہے.