ARYNews.tv | Urdu – Har Lamha Bakhabar

Tag: انسداد اسمگلنگ

  • ایک کروڑ سے زائد مالیت کی منشیات برآمد، 7 ملزمان گرفتار

    ایک کروڑ سے زائد مالیت کی منشیات برآمد، 7 ملزمان گرفتار

    اے این ایف نے انسداد اسمگلنگ کی کارروائیوں کے دوران ایک کروڑ روپے سے زائد مالیت کی منشیات برآمد کرلی گئی۔

    تفصیلات کے مطابق اے این ایف کی منشیات اسمگلنگ کیخلاف کارروائیاں جاری ہیں، اسی دوران 5 مختلف کارروائیوں میں ایک کروڑ روپے سے زائد مالیت کی 164 کلو گرام منشیات برآمد کر کے 7 ملزمان کو گرفتار کرلیا گیا ہے۔

    ترجمان کا کہنا ہے کہ کوئٹہ میں کلی عمر روڈ  پر گاڑی سے 50 کلو منشیات برآمد کرکے ملزم کو گرفتار کیا گیا، ایم ٹو پر گاڑی سے 12 کلو افیون اور 18 کلو منشیات کرکے 4 ملزمان کو گرفتار کرلیا گیا۔

    اس کے علاوہ اسلام آباد میں ٹی چوک پر گاڑی سے 9 کلو 600 گرام منشیات جبکہ فیض آباد کے قریب 2 ملزمان سے 9 کلو 600 گرام منشیات برآمد کرلی گئی۔

    ترجمان کا کہنا ہے کہ راولپنڈی میں کوریئر آفس میں قطر بھیجے جانے والے پارسل سے 964 گرام آئس برآمد کرلی گئی، گرفتار ملزمان کیخلاف انسداد منشیات ایکٹ کے تحت مقدمات درج  کرلیا گیا۔

  • ملکی تاریخ میں پہلی باراسمگلنگ میں خاطرخواہ کمی آئی ہے، وزیراعظم

    ملکی تاریخ میں پہلی باراسمگلنگ میں خاطرخواہ کمی آئی ہے، وزیراعظم

    اسلام آباد: وزیراعظم شہبازشریف نے کہا ہے کہ ملک کی تاریخ میں پہلی باراسمگلنگ میں خاطرخواہ کمی دیکھنے میں آئی ہے۔

    انسداد اسمگلنگ کے حوالے سے سول آرمڈ فورسز کی کارکردگی سے متعلق اجلاس ہوا جس کی صدارت وزیراعظم شہبازشریف نے کی۔ اعلامیے میں بتایا گیا کہ اجلاس میں آرمی چیف، وفاقی کابینہ، صوبائی وزرا اور اعلیٰ حکام بھی شریک تھے۔

    وزیراعظم نے اسمگلنگ میں کمی سے متعلق قانون نافذ کرنے والے اداروں کو خراج تحسین پیش کرتے ہوئے کہا کہ فخر ہے کہ آپ کٹھن حالات اور چیلنجز کے باوجود اپنے فرائض انجام دے رہے ہیں۔

    شہبازشریف کا کہنا تھا کہ اسمگلنگ کیخلاف جنگ میں کئی اہلکاروں نے جام شہادت نوش کیا، پوری قوم ان شہدا کو سلام پیش کرتی ہے۔

    آپ کی کوششوں سے ملکی خزانے کو اربوں روپے کا فائدہ ہورہا ہے، اسمگلنگ کیخلاف جنگ میں سول آرمڈ فورسز کو حکومت کی بھرپورحمایت حاصل رہے گی۔

    اس موقع پر وزیراعظم شہباز شریف نے سول آرمڈ فورسز کو ہرممکن سہولت، جدید آلات اور ٹیکنالوجی سے لیس کرنے کی ہدایت بھی کی۔

  • کراچی میں رینجرز، کسٹمز کا انسداد اسمگلنگ کیخلاف کریک ڈاؤن

    کراچی میں رینجرز، کسٹمز کا انسداد اسمگلنگ کیخلاف کریک ڈاؤن

    کراچی: پاکستان رینجرز اور کسٹمز کی جانب سے انسداد اسمگلنگ کیلئے مختلف علاقوں میں کریک ڈاؤن کا سلسلہ جاری ہے۔

    اے آر وائی نیوز کے مطابق ترجمان رینجرز نے بتایا کہ جامعہ کلاتھ اللہ والی مارکیٹ میں گودام سے اسمگل شدہ کپڑا برآمد کیا گیا ہے۔

    ترجمان رینجرز کے مطابق برآمداسمگل شدہ کپڑا کروڑوں روپے مالیت کا ہے، برآمد سامان مزید قانونی کارروائی کیلئے کسٹمز کے حوالے کر دیا گیا ہے۔ ترجمان رینجرز کا کہنا تھا کہ اسمگلنگ کے مکمل خاتمے تک آپریشنز کا سلسلہ جاری رکھا جائیگا۔

    دوسری جانب کندھ کوٹ سے 26 روز قبل اغوا ہونے والے بچے ایاز پٹھان کو بازیاب کروالیا گیا۔

    اے آر وائی نیوز کے مطابق اے ایس پی نے دعویٰ کیا ہے کہ 6 سالہ بچے ایاز پٹھان کو کچے میں مقابلے کے بعد بازیاب کروایا گیا ہے۔

    کراچی میں 23 مارچ کو ہونے والا پولیس مقابلہ جعلی نکلا

    پولیس کچے میں پہنچی تو ڈاکو بچے کو چھوڑ کر فرار ہوگئے۔

    گزشتہ روز ڈاکوؤں نے بچے کی ویڈیو بھی سوشل میڈیا پر پھیلائی تھی، ویڈیو میں زنجیروں میں بندھا ہوا بچہ مدد کے لیے پکار رہا تھا۔

  • کراچی، 12 سالہ بچی کو اغوا، زیادتی کا نشانہ بنانے والے مجرم کو سزا

    کراچی، 12 سالہ بچی کو اغوا، زیادتی کا نشانہ بنانے والے مجرم کو سزا

    کراچی: انسداد دہشت گردی عدالت نے 12 سالہ بچی کو اغوا، زیادتی کا نشانہ بنانے والے مجرم کو عمر قید کی سزا سنادی۔

    اے آر وائی نیوز کی رپورٹ کے مطابق کراچی کی انسداد دہشت گردی عدالت میں کمسن بچی کو قتل کرنے کے کیس کی سماعت ہوئی، عدالت نے 12 سالہ بچی کو اغوا، زیادتی کا نشانہ بنانے کا جرم ثابت ہونے پر مجرم کو عمر قید کی سزا کا حکم سنادیا۔

    عدالت نے مجرم کو جرمانے کی عدم ادائیگی پر مزید ایک سال قید کا حکم دے دیا۔

    واضح رہے کہ 29 اگست 2015 کو مجرم اس کے ساتھی نے میمن گوٹھ سے بچی کو اغوا اور زیادتی کا نشانہ بنانے کے بعد قتل کردیا تھا۔

    ادھر لاہور کے علاقے نواب ٹاؤن میں 10 سالہ لڑکے کو زیادتی کے بعد قتل کرنے والا ملزم گرفتار کرلیا گیا جبکہ ملزم اس سے قبل بھی دو بچوں کو زیادتی کا نشانہ بنانے کا اعتراف کرلیا۔

    ترجمان پنجاب حکومت کے مطابق نواب ٹاؤن میں 2 روز قبل 10 سالہ غلام مصطفیٰ واردات کے روز گھر سے کزن کے ساتھ سودا لینے گیا اور لاپتا ہو گیا تھا جس کی لاش اس کے گھر کے قریب زیرتعمیر پلازہ سے ملی تھی۔

    سی آئی اے اقبال ٹ ٹاؤن پولیس نے ملزم عبدالرحمان کو گرفتار کیا، ملزم نے لڑکے کو قتل کرنے کے بعد ثبوت مٹانے کے لیے لاش جلانے کی بھی کوشش کی۔ترجمان نے بتایا کہ ملزم اس قبل بھی علاقے میں 2 بچوں کو زیادتی کا نشانہ بنا چکا ہے۔

  • انسداد اسمگلنگ کا آرڈیننس تیار

    انسداد اسمگلنگ کا آرڈیننس تیار

    کراچی: وزارت قانون نےانسداداسمگلنگ کا آرڈیننس تیارکرلیا ، جس کے تحت اسمگلنگ کرنےوالےکو14سال قید، سامان ضبط اور50فیصد جرمانہ ہو گا۔

    تفصیلات کے مطابق وزارت قانون نےانسداد اسمگلنگ کیلئے آرڈیننس تیار کر لیا، جس میں ان ڈکلیئرڈروٹس سےڈالرز، گندم،چینی ،چاول کی ترسیل اسمگلنگ قرار دی گئی ہے

    وزارت قانون کا کہنا ہے کہ ہینڈ سینیٹائزرز،ماسک سمیت ضرورت کی اشیا کی ترسیل بھی اسمگلنگ ہوگی، کسٹمزایکٹ کے تحت ڈکلئیرڈ روٹس سے ہی اشیا کی ترسیل قانونی طور پرجائز ہو گی.

    وزارت قانون کے مطابق اسمگلنگ کرنےوالےکو14سال قید، سامان ضبط اور50فیصد جرمانہ ہو گا اور کسٹم حکام نےشکایت کے باوجود ایکشن نہ لیا تو سیکریٹری قانون کارروائی کریں۔

    یاد رہے گذشتہ روز وفاقی حکومت نے اسمگلنگ کی روک تھام کے لیے انٹیلی جنس ایجنسیوں کی خدمات حاصل کرنے کا فیصلہ کیا تھا۔

    وزیراعظم عمران خان کا کہنا تھا کہ اسمگلنگ ملکی معیشت کے لیے ناسور ہے، ذخیرہ اندوزی،ناجائز منافع خوری کے خلاف سخت ایکشن ہوگا،ایسی سرگرمیوں میں ملوث عناصر کی حوصلہ شکنی ضروری ہے، قانون کے مطابق سخت ترین سزا ئیں دی جائیں گی۔

    وزیراعظم نے کہا  تھا کہ اسمگلنگ اور ذخیرہ اندوزی کا بوجھ غریب عوام برداشت کرتے ہیں، اسمگلنگ کی روک تھام کے لیے انٹیلی جنس ایجنسیوں کی خدمات حاصل کرنے کا فیصلہ کیا گیا،  متعلقہ محکمے دیانت دار ،فرض شناس افسران کی خدمات لیں،افسران وہاں تعینات کریں جہاں اسمگلنگ،ذخیرہ اندوزی کاخدشہ ہو۔

    ان کا کہنا تھا کہ صوبوں کے ساتھ کوآرڈینیشن کو مزید مؤثر بنایا جائے،صورتحال کی روزانہ کی بنیاد پر مانیٹرنگ کی جائے،کسی قسم کی انتظامی رکاوٹ نہ آنے دی جائے۔