Tag: انسداد پولیو مہم

اسلام آباد : پاکستان اور افغانستان کا بیک وقت انسداد پولیو مہم 21 اپریل سے شروع کرنے کا فیصلہ کرلیا گیا۔

تفصیلات کے مطابق پاکستان اور افغانستان نے بیک وقت انسداد پولیو مہم چلانے کا فیصلہ کرلیا، پاکستان افغانستان میں بیک وقت پولیومہم رواں ماہ منعقد ہوگی۔

ذرائع نے بتایا کہ پولیو مہم کے حوالے سے پاک افغان کوآرڈی نیشن تاحال جاری ہے ، پولیو مہم کا شیڈول پاک افغان حکام کی مشاورت سے تیار ہوا، پاک افغان مشترکہ پولیو مہم کا آغاز 21 اپریل سے ہوگا۔

ذرائع کا کہنا تھا کہ پاکستان میں159 ، افغانستان کے382  اضلاع میں پولیومہم چلائی جائے گی اور پاکستان میں ساڑھے 4کروڑ سے زائد بچوں کی ویکسی نیشن ہوگی۔

افغانستان میں ایک کروڑ16 لاکھ سےزائدبچوں کی ویکسی نیشن ہوگی، انسداد پولیو مہم کے حوالے سے پاک افغان کوآرڈی نیشن مکمل کرلی گئی ہے۔

پولیو مہم میں پاک افغان سرحد سےمتعلق خصوصی پلان تشکیل دیا گیا ہے ، پاک افغان سرحد پرفکسڈ، موبائل پولیو ٹیمیں تعینات کی جائیں گی، پاک افغان کراسنگ پوائنٹس پر تمام بچوں کی ویکسی نیشن ہو گی۔

رواں سال اب تک پاکستان میں6،افغانستان میں ایک پولیوکیس رپورٹ ہوچکا ہے ، پاکستان افغانستان ماضی میں بیک وقت پولیو مہم چلاتے رہے ہیں،ماضی میں پاک افغان روابط اور تعاون سےپولیومیں نمایاں کمی آئی تھی۔

یاد رہے پاکستان اور افغانستان پر پولیو کے باعث مشروط عالمی سفری پابندیاں عائد ہیں ، ڈبلیو ایچ او نے پاکستان، اور افغانستان کو پولیو سےمتعلق ایک بلاک قراردیا ہے۔

کراچی / اسلام آباد / لاہور : بلوچستان کے علاوہ ملک بھر میں انسداد پولیو مہم کا آغاز کردیا گیا ، مہم میں 4 کروڑ 40 لاکھ سے زائد بچوں کو پولیو سے بچاؤ کے قطرے پلائے جائیں گے۔

تفصیلات کے مطابق ملک بھر میں انسداد پولیومہم کا آغاز ہوگیا، مہم کے دوران 4 کروڑ 40 لاکھ سے زائد بچوں کو پولیو سے بچاؤ کے قطرے پلائے جائیں گے۔

آج سے 22 دسمبر تک ملک کے 143 مخصوص اضلاع میں انسداد پولیو مہم جاری رہے گی۔

وزیرِاعظم کی فوکل پرسن برائے انسدادِ پولیو عائشہ رضا فاروق کے مطابق مہم کے دوران 4 کروڑ 40 لاکھ سے زائد بچوں کو پولیو سے بچاؤ کے قطرے پلائے جائیں گے، ہمارا عزم ہے کہ 5 سال تک کی عمر کے تمام بچوں تک ویکسین کی رسائی ممکن بنائی جائے۔

وزیراعلیٰ سندھ مراد علی شاہ نے انسداد پولیو مہم کا افتتاح کردیا ، وزیراعلیٰ نے اسکول کے بچوں کو پولیو سے بچاؤ کے قطرے پلا کر مہم کا آغاز کیا۔

انسدادپولیو مہم 16 تا 22 دسمبر تک جاری رہے گی، ماحولیاتی نمونوں میں پولیو وائرس کی موجودگی صورتحال کی سنگینی ظاہر کرتی ہے، سال کی آخری پولیو مہم ہے، کوئی بچہ رہ نہ جائے۔

5سال تک کی عمرکےایک کروڑ 6 لاکھ بچوں کو قطرے پلائے جائیں گے ، 80 ہزار فرنٹ لائن ورکرز گھر گھر جا کر بچوں کو پولیو کے قطرے پلائیں گے ، اس موقع پر سندھ میں پولیو ٹیموں کی حفاظت کے لیے 15ہزار اہلکار تعینات ہیں۔

پنجاب میں انسداد پولیو مہم کا آغاز ہوچکا ہے۔ پولیو مہم 22 دسمبر جاری رہے گی، جس میں تین کروڑ تیئس لاکھ بچوں کو پولیو قطرے پلائے جائیں گے، وزیر صحت پنجاب سلمان رفیق نے پولیو مہم کا افتتاح کیا۔

پشاور میں چیف سیکریٹری کےپی ندیم اسلم نے انسدادپولیو مہم کا افتتاح کیا ، پشاور میں انسدادپولیو مہم 7 روز تک جاری رہے گی ، اس دوران 8 لاکھ بچوں کو پولیو سے بچاؤ کے قطرے پلائےجائیں گے۔

ندیم اسلم چوہدری کا کہنا تھا کہ کے پی میں ابتک 18 پولیو کے کیسز رپورٹ ہوئےہیں، پولیو کے زیادہ تر کیسز ڈی آئی خان سے رپورٹ ہوئے، سب سے درخواست ہے مہم میں حکومت کا ساتھ دیں ، انکاری والدین کاڈیٹا مرتب کیا ہے، کارروائی بھی کی جائے گی۔

پشاور اورمضافات میں انسداد پولیو مہم کے دوران سیکیورٹی کے سخت انتظامات کئے گئے ہیں ، انسداد پولیو ٹیموں کی سیکیورٹی پر 4431 جوان تعینات ہیں جبکہ سٹی پٹرول اور ابابیل اسکواڈ بھی گشت پر مامور ہیں۔

بلوچستان میں سیکیورٹی صورتحال کے باعث انسداد پولیومہم کل سےشروع ہو گی۔

کراچی : وزیراعلیٰ سندھ سید مراد علی شاہ نے 7 روزہ خصوصی انسداد پولیو مہم کا افتتاح کردیا، پولیو مہم 3 نومبر تک جاری رہے گی۔

تفصیلات کے مطابق سندھ بھر میں انسداد پولیو مہم کا آغاز ہوگیا ، 7 روزہ انسداد پولیو مہم 3 نومبر تک جاری رہے گی، اس دوران سندھ بھر میں ایک کروڑ چھ لاکھ بچوں کو پولیو سے بچاو کے قطرے پلائے جائیں گے۔

انسداد پولیو مہم کے دوران 81 ہزار پولیو ورکرز حصہ لیں گے ، پولیو ورکرز کی سکیورٹی پر 19 ہزار سکیورٹی اہلکار نافذ ہوں گے۔

وزیراعلیٰ سندھ سید مراد علی شاہ نے 7 روزہ خصوصی انسداد پولیو مہم کا افتتاح کردیا، تقریب ایس ایم بی فاطمہ جناح اسکول ، گارڈن ویسٹ، کراچی میں رکھی گئی ہے۔

تقریب میں صوبائی وزراء، جام اکرام اللہ دھاریجو، جام خان شورو، سردار شاہ، ذوالفقار شاہ، میئر کراچی مرتضیٰ وہاب، سیکریٹری اسکول ایجوکیشن زاہد عباسی، سیکریٹری صحت ریحان بلوچ اور انچارج ای سی او سندھ کوآرڈینیٹر ارشاد سوڈھر ، شہزاد رائے بھی پروگرام میں شریک تھے۔

وزیراعلیٰ سندھ نے کہا کہ سندھ کے 30 اضلاع میں انسداد پولیو مہم 28 اکتوبر تا 3 نومبر 2024ء تک جاری رہے گی، ایک کروڑ 60 لاکھ سے زائد 5 سال سے کم عمر بچوں کو قطرے پلائے جائیں گے۔

مراد علی شاہ کا کہنا تھا کہ پانچ ماہ تا چھ سال کے 95 لاکھ بچوں کی قوت مدافعت بڑھانے کے لیئے وٹامن اے کی خوراک بھی دی جائے گی، وزیراعلیٰ سندھ

خیال رہے رواں سال ملک بھر میں 41 پولیو کے کیسز رپورٹ ہوئے ہیں ، جن میں سے 12 کا تعلق سندھ سے ہے جبکہ کراچی کے تمام اضلاع کے ماحولیاتی نمونوں میں پولیو وائرس مثبت آیا ہے۔

اسلام آباد : ملک بھرمیں انسداد پولیو مہم کا آغاز ہوگیا،115 اضلاع میں پانچ سال سے کم عمر 3 کروڑ بچوں کو پولیو ویکسین دی جائے گی۔

تفصیلات کے مطابق وزیراعظم نے ملک میں انسداد پولیو مہم کا آغاز کردیا، آج سے سات روزہ پولیو مہم چلائی جائے گی، جس میں 115 اضلاع میں پانچ سال سے کم عمر 3 کروڑ بچوں کو پولیو ویکسین دی جائے گی۔

وزیراعظم شہباز شریف نے تقریب سے خطاب میں کہا کہ قابل ٹیم کی نگرانی میں مہم شروع ہورہی ہے، مجھے امید ہے پولیو کا پاکستان سے خاتمہ ہوجائے گا، وفاق اور صوبائی حکومتیں ملکر اس مہم کو مؤثر بنائیں گی،یقین ہے اجتماعی کوششوں سے وطن کو پولیو سے پاک کریں گے۔

پنجاب میں کے مختلف شہروں پر ماحولیاتی نمونے میں پولیو وائرس پائے جانے پر پندرہ اضلاع میں آج سے انسداد پولیو مہم کا آغاز ہوگیا ہے، سربراہ پنجاب پولیو پروگرام خضر افضال کا کہنا ہےکہ مہم کے دوران ترجیحی آبادیوں پر خصوصی توجہ دی جائے گی۔

مہم میں لاہور، راولپنڈی، فیصل آباد،چکوال، اٹک، اوکاڑہ، شیخوپورہ، گجرانوالہ، ملتان، بہاولپور، بہاولنگر، مظفر گڑھ، ڈیرہ غازی خان، رحیم یار خان اور راجن پور شامل ہیں۔

انسداد پولیو ٹیمیں گھر گھر قطرے پلانے میں مصروف ہیں ، سربراہ پنجاب پولیو پروگرام خضر افضال کا کہنا ہے کہ مہم میں ایک کروڑ 39 لاکھ بچوں کو قطرے پلائے جائیں گے، عوام پولیو ٹیموں سے تعاون کریں۔

وزیر اعلیٰ پنجاب مریم نواز نے مہم کے آغاز پر پیغام میں کہا کہ پنجاب میں پولیوکے10فیصدخاتمےکاہد ف پوراکریں گے، والدین بچوں کو پولیو کے خاتمے کیلئےقطرے ضرور پلائیں۔

کراچی : پولیو سے بچاؤ کی ویکسین پلانے سے انکارکرنے والے والدین کو جرمانے اور سزا دینے کا اعلان کردیا۔

تفصیلات کے مطابق سندھ حکومت نے انسداد پولیو مہم تیز کرنے کا فیصلہ کرلیا، بچوں کو پولیو سے بچاؤ کی ویکسین نہ پلانے والے والدین کے خلاف کارروائی کا اعلان کردیا۔

سندھ امیونائزیشن اینڈایپیڈیمکس کنٹرول بل 2023 کے تحت ڈپٹی کمشنرز کو اختیارات تفویض کر دیے گئے۔

ڈپٹی کمشنر حیدرآباد طارق قریشی نے جرمانے اور سزاؤں سے متعلق نوٹیفکیشن جاری کردیا، جس میں کہا کہ
ویکسین سے انکاری والدین کو ایک ماہ قید اور 50 ہزار جرمانے کا سامنا کرنا پڑے گا۔

نوٹیفکیشن میں کہنا تھا پولیس اور پولیوورکرزٹیموں کی نشاندہی پر ویکسین نہ پلانے والے والدین کیخلاف کارروائی ہوگی ، سندھ پولیس کو محکمہ صحت اورپولیوورکرزکے ساتھ بھرپورتعاون کرنےکی ہدایت کردی۔

ڈپٹی کمشنر نے اپیل کی کہ والدین انسدادپولیوٹیموں سےاپنےبچوں کوویکسین پلوائیں، والدین پولیووائرس کے پھیلاؤ کو روکنے کیلئے ہمارا ساتھ دیں۔