Tag: انسداد پولیو مہم

اسلام آباد : حکومت نے ملک میں خصوصی انسداد پولیو مہم چلانے کا فیصلہ کرلیا، مہم چاروں صوبوں کے 31 اضلاع میں چلائی جائے گی۔

تفصیلات کے مطابق ملکی سیوریج میں پولیو وائرس کی موجودگی نے خطرے کی گھنٹی بجا دی ، حکومت نے ملک میں خصوصی انسداد پولیو مہم چلانے کا فیصلہ کرلیا۔

ذرائع نے بتایا کہ خصوصی پولیو مہم چاروں صوبوں کے 31 اضلاع میں چلائی جائے گی، آؤٹ بریک رسپانس نام سے مہم پازیٹو سیوریج سیمپلز والے اضلاع میں چلائی جائے گی۔

ذرائع کا کہنا تھا کہ چاروں صوبوں کے 6 آوٹ بریک زونز میں خصوصی پولیو مہم چلے گی، آوٹ بریک رسپانس پولیو مہم تین مراحل میں چلائی جائے گی۔

او بی آر پولیو مہم کا پہلا فیز 30 اکتوبر تا 5 نومبر تک اور سیکنڈ فیز 27 نومبر تا 2 دسمبر چلے گا جبکہ اختتامی فیز دسمبر کے آخری ہفتے منعقد ہو گا۔

زرائع کے مطابق خصوصی پولیو مہم میں 1 کروڑ 8 لاکھ 2342 بچوں کی ویکسینیشن ہو گی، کراچی سنٹرل، ایسٹ، ویسٹ، ساوتھ میں خصوصی پولیو مہم چلے گی، کورنگی، ملیر، کیماڑی میں خصوصی پولیو مہم چلائی جائے گی۔

اس کے علاوہ پشاور، ہنگو، خیبر ، اسلام آباد، راولپنڈی، اپر جنوبی وزیرستان ، کوئٹہ، چمن، قلعہ عبداللہ، پشین ، ڈیرہ بگٹی، کشمور، راجن پور، جعفر آباد ، نصیر آباد، صحبت پور، اوستہ محمد ، گوادر، آواران، حب، خضدار، لسبیلہ میں خصوصی انسداد پولیو مہم چلے گی۔

ذرائع نے کہا ہے کہ محسود بیلٹ او بی آر میں 3404 بچوں کی پولیو ویکسینیشن ہو گی، پشین، چمن او بی زون میں 820125 بچوں ، ڈیرہ بگٹی او بی زون میں 13 لاکھ 7836 بچوں ، کراچی، حب میں 29 لاکھ 30861 بچوں ، لاہور، راولپنڈی، اسلام آباد 37 لاکھ 76728 بچوں اور پشاور آوٹ بریک زون میں 1243388 بچوں کی پولیو ویکسینیشن ہو گی۔

رواں برس ملک بھر سے 54 سیوریج سیمپلز پولیو پازیٹو نکلے ہیں،رواں برس ملک بھر سے چار پولیو وائرس کیس رپورٹ ہو چکے ہیں۔

کراچی: سندھ کے مختلف اضلاع میں انسداد پولیو مہم 7 سے 13 اگست تک ہوگی، مہم کے دوران صوبے کے متعلقہ اضلاع کی 374 یوسیز کو کور کیا جائے گا۔

اے آر وائی نیوز کے مطابق 7 سے 13 اگست تک سندھ کے مختلف اضلاع میں انسداد پولیو مہم کا آغاز کیا جارہا ہے، صوبے کے متعلقہ اضلاع کی 374 یوسیز میں بچوں کو پولیو کے قطرے پلائے جائیں گے۔

ذرائع کے مطابق مہم کراچی وسطی، شرقی، جنوبی، غربی، ملیر، کورنگی، کیماڑی، حیدرآباد اور جامشورو میں ہوگی۔

5 سال سے کم عمر کے 30 لاکھ 64 ہزار 750 بچوں کو پولیو سے بچاؤ کے قطرے پلائے جائیں گے جب کہ انسداد پولیو مہم کے دوران صوبے کے متعلقہ اضلاع کی 374 یوسیز کو کور کیا جائے گا۔

14 ہزار سے زائد فرنٹ لائن ورکرز انسداد پولیو مہم میں حصہ لیں گے، وزیر صحت سندھ ڈاکٹر عذرا پیچوہو نے مہم کے دوران ہائی رسک یوسیز پر توجہ دینے کی ہدایت کی ہے۔

کراچی/ پشاور : سندھ اور خیبرپختونخوا میں 5 روزہ انسداد پولیو مہم کا آغاز ہوگیا ، انسداد پولیو مہم تئیس جون تک جاری رہے گی۔

تفصیلات کے مطابق سندھ اورخیبرپختونخوا میں انسدادپولیو مہم آج سے شروع ہوگئی، پانچ روزہ پولیو مہم کراچی اور پشاور سمیت سندھ اور خیبرپختونخوا کے چوبیس اضلاع میں چلائی جائے گی۔

کراچی، حیدرآباد اور جامشورو کے نو اضلاع میں انسداد پولیو مہم تئیس جون تک جاری رہے گی، مہم میں اٹھارہ لاکھ پچیس ہزار اٹھانوے بچوں کو پولیو سے بچاؤ کے قطرے پلانے کا ہدف مقرر کیا گیا ہے۔

پشاور، نوشہرہ، چارسدہ اور مردان سمیت خیبرپختونخوا کے پندرہ اضلاع میں تئیس لاکھ انیس ہزار سات سو پچاس بچوں کو انسداد پولیو ویکسین پلائی جائے گی۔

محکمہ صحت نے والدین پر زور دیا ہے کہ پانچ سال تک کی عمر کے تمام بچوں کو پولیو ویکسین کے قطرے ضرور پلوائیں، کیونکہ فیصلہ آج کرنا ہے، اگر کل بچّے کو چلنا ہے۔

اسلام آباد: ملک میں قومی ذیلی انسداد پولیو مہم کا آغاز ہوگیا، ذیلی پولیو مہم کا پہلا مرحلہ 13 تا 17 مارچ اور دوسرا فیز 3 تا 7 اپریل کے پی اور بلوچستان میں ہو گا۔

تفصیلات کے مطابق ذیلی قومی انسداد پولیومہم کا آغاز ہو گیا، مہم 2 مراحل میں منعقد ہوگی ، ذرائع وزارت صحت نے بتایا کہ قومی ذیلی انسداد پولیو مہم 3 روزہ ہے اور دو کیچ اپ ڈے ہوں گے۔

ذرائع کا کہنا تھا کہ کیچ اپ ڈے میں رہ جانے والے بچوں کی پولیو ویکسی نیشن ہو گی، ذیلی پولیو مہم کا پہلا مرحلہ 13 تا 17 مارچ اور دوسرا فیز 3 تا 7 اپریل کے پی اور بلوچستان میں ہو گا۔

وزارت صحت نے کہا کہ پہلے فیز میں 28 اضلاع میں مکمل، 2 میں جزوی انسدادپولیو مہم منعقد ہو گی، ذیلی پولیو مہم کا پہلا فیز پنجاب، سندھ کی 2189 یو سیز میں منعقد ہو گا۔

پہلے فیز میں پنجاب کے 13 اضلاع کی 1503 یو سیز اور سندھ کے 17 اضلاع کی 686 یو سیز میں انسدادپولیو مہم چلے گی۔

پہلے فیز میں 1 کروڑ 74 لاکھ 12317 بچوں کی پولیو ویکسی نیشن ہو گی، پنجاب میں 1358755 بچوں اورسندھ میں 5634107 بچوں کی پولیو ویکسی نیشن ہو گی۔

اس کے علاوہ اسلام آباد کی 80 یو سیز میں 421455 بچوں کی ویکسی نیشن ہو گی۔