ARYNews.tv | Urdu – Har Lamha Bakhabar

Tag: انسداد پولیو مہم

  • کراچی میں انسداد پولیو مہم کل سے شروع ہوگی، انتظامات مکمل

    کراچی میں انسداد پولیو مہم کل سے شروع ہوگی، انتظامات مکمل

    کراچی: شہر قائد میں انسداد پولیو مہم کل سے شروع ہوگی، اس سلسلے میں انتظامات مکمل کر لیے گئے۔

    تفصیلات کے مطابق آج کمشنر کراچی سہیل راجپوت کی زیر صدارت انسداد پولیو مہم کا جائزہ اجلاس ہوا، جس میں تمام ڈی سیز، محکمہ صحت کے افسران، عالمی ادارہ صحت اور یونیسف روٹری کے نمائندوں نے شرکت کی۔

    کمشنر کراچی کو ای او سی نے بریفنگ دی، بتایا گیا کہ انتظامات کا تفصیلی جائزہ لیا جا چکا ہے، انسداد پولیو مہم کل سے شروع ہوگی اور 7 روز جاری رہے گی۔

    کمشنر کراچی سہیل راجپوت کل صبح ہیلتھ سینٹر بلدیہ میں اس مہم کا افتتاح کریں گے، کراچی کی 8 حساس یونین کونسلوں میں خصوصی ٹیمیں مقرر کرنے کا فیصلہ کیا گیا ہے، کمشنر کراچی نے سپر ہائی رسک یونین کونسلوں پر خصوصی توجہ دینے کی ہدایت کی۔

    اجلاس میں مائیکرو پلان اور مانیٹرنگ نظام کا بھی جائزہ لیا گیا اور مانیٹرنگ کو مؤثر بنانے کا فیصلہ کیا گیا۔

    کمشنر کراچی سہیل راجپوت نے کہا مہم کے دوران 22 لاکھ بچوں کو پولیو کے قطرے پلائے جائیں گے، 6 ہزار سے زائد پولیو ٹیمیں اور 2 ہزار سے زائد سپروائزر فرائض انجام دیں گے۔

    اجلاس میں فیصلہ کیا گیا کہ کرونا کے پیش نظر ایس او پیز کو سختی سے نافذ کیا جائے گا، کرونا سے بچاﺅ کے لیے فیس ماسک اور ہینڈ سینی ٹائزر کا استعمال لازمی ہوگا۔ اس سلسلے میں والنٹیرز کے لیے ہدایت جاری کی گئی ہے کہ گھر پر دروزاے کو ہاتھ کی بجائے پین یا رولر سے نوک کیا جائے گا۔

    اجلاس کے فیصلے کے مطابق پولیو ٹیموں کو فول پروف سیکورٹی فراہم کی جائے گی۔

  • حکومت کی رواں ماہ ملک میں قومی سطح پر انسداد پولیو مہم کی تیاری

    حکومت کی رواں ماہ ملک میں قومی سطح پر انسداد پولیو مہم کی تیاری

    اسلام آباد : سربراہ نیشنل ایمرجنسی آپریشن سینٹربرائے پولیو ڈاکٹرصفدررانا کا کہنا ہے کہ رواں ماہ ملک میں قومی سطح پرانسدادپولیو مہم کی تیاری ہے، مہم میں4کروڑ بچوں کو قطرے پلائے جائیں گے۔

    تفصیلات کے مطابق معاون خصوصی صحت کی زیرصدارت پولیوصورتحال پراجلاس ہوا ، جس میں وفاقی سیکرٹری صحت، انسداد  پولیوپروگرام حکام اور دیگر نے شرکت کی۔

    سربراہ نیشنل ایمرجنسی آپریشن سینٹربرائے پولیو ڈاکٹرصفدررانا نے بریفنگ میں بتایا کہ کورونا کے باعث انسداد پولیو سرگرمیاں 4 ماہ معطل رہیں، جولائی،اگست کےدوران کامیاب انسدادپولیو مہم چلائی گئیں۔

    ڈاکٹر صفدررانا کا کہنا تھا کہ رواں ماہ ملک میں قومی سطح پرانسدادپولیو مہم کی تیاری ہے، قومی انسدادپولیو مہم میں4کروڑ بچوں کو قطرےپلانےکاہدف ہے۔

    معاون خصوصی صحت ڈاکٹرفیصل سلطان نے کہا کہ حکومت انسدادپولیو کیلئےموثر،مربوط اقدامات یقینی بنارہی ہے اور ملک سےپولیوکےمکمل خاتمےکیلئےپرعزم ہے۔

    ،ڈاکٹر فیصل سلطان کا کہنا تھا کہ انسدادپولیو ورکرزقومی ہیروزہیں، صوبوں کےتعاون سےانسدادپولیو حکمت عملی میں بہتری لائیں گے۔

  • سندھ اور پنجاب میں ذیلی انسداد پولیو مہم کا آغاز

    سندھ اور پنجاب میں ذیلی انسداد پولیو مہم کا آغاز

    کراچی / لاہور: صوبہ سندھ اور پنجاب میں ذیلی قومی انسداد پولیو مہم کا آغاز ہوگیا، سندھ کے 41 اضلاع میں 92 لاکھ سے زائد جبکہ پنجاب کے 33 اضلاع میں 1 کروڑ 78 لاکھ سے زائد بچوں کی ویکسی نیشن ہوگی۔

    تفصیلات کے مطابق سندھ اور پنجاب میں ذیلی قومی انسداد پولیو مہم کا آغاز ہوگیا، دوںوں صوبوں میں مہم کا افتتاح وزرائے اعلیٰ مراد علی شاہ اور عثمان بزدار نے کیا۔

    سندھ اور پنجاب میں 3 روزہ پولیو مہم جاری رہے گی جبکہ ایک روز کیچ اپ ڈے ہوگا، کراچی میں 3 روزہ انسداد پولیو مہم ہوگی جبکہ 2 دن کیچ اپ ڈیز ہوں گے۔ کیچ اپ ڈیز میں رہ جانے والے بچوں کی ویکسی نیشن ہوگی۔

    سندھ کے 41 اضلاع میں 92 لاکھ سے زائد بچوں کی ویکسی نیشن ہوگی جبکہ پنجاب کے 33 اضلاع میں 1 کروڑ 78 لاکھ بچوں کی ویکسی نیشن ہوگی۔

    بلوچستان اور آزاد کشمیر میں انسداد پولیو مہم کا آغاز 17 اگست سے ہوگا، بلوچستان کے 25 اضلاع میں 21 لاکھ بچوں کی پولیو ویکسی نیشن ہوگی۔

    انسداد پولیو مہم کے دوران کرونا وائرس ایس او پیز پر سختی سے عملدر آمد ہوگا، انسداد پولیو ٹیموں کو کرونا ایس او پیز سے متعلق تربیت دی جا چکی ہے۔ پولیو ورکرز ماسک، ہینڈ سینی ٹائزرز اور ٹشو کے استعمال سمیت سماجی فاصلے کا خیال رکھیں گے۔

    انسداد پولیو مہم کے دوران بچوں کو وٹامن اے کے قطرے بھی پلائے جائیں گے، وٹامن اے کے قطرے 6 ماہ سے 6 سال تک کے بچوں کو پلائے جائیں گے۔ وٹامن اے سے بچوں میں وبائی امراض کے خلاف قوت مدافعت بڑھے گی۔

  • کرونا وائرس سے سنبھلنے کے بعد پختونخواہ میں پہلی انسداد پولیو مہم

    کرونا وائرس سے سنبھلنے کے بعد پختونخواہ میں پہلی انسداد پولیو مہم

    پشاور: صوبہ خیبر پختونخواہ میں کرونا وائرس سے سنبھلنے کے بعد پہلی انسداد پولیو مہم کا آغاز 13 اگست سے کیا جائے گا، 45 لاکھ سے زائد بچوں کو پولیو کے قطرے پلائے جائیں گے۔

    تفصیلات کے مطابق صوبہ خیبر پختونخواہ کے 21 اضلاع میں 13 اگست سے انسداد پولیو مہم کا آغاز ہوگا، ایمرجنسی آپریشن سینٹر کا کہنا ہے کہ کرونا وائرس کے بعد یہ صوبے کی پہلی بڑی انسداد پولیو مہم ہوگی۔

    ایمرجنسی سینٹر کا کہنا ہے کہ 45 لاکھ 63 ہزار سے زائد بچوں کو پولیو سے بچاؤ کے قطرے پلائے جائیں گے، مہم کے لیے 609 ٹیمیں تشکیل دی گئی ہیں جبکہ 14 ہزار 335 موبائل ٹیمیں بھی حصہ لیں گی۔

    ایمرجنسی سینٹر کے مطابق مہم میں کرونا ایس او پیز پر سختی سے عمل ہوگا، عملے کو سرجیکل ماسک، ہینڈ سینی ٹائزرز، پی پی ایز اور تھرمل گنز دی جائیں گی۔

    خیال رہے کہ اب تک ملک میں رواں برس پولیو کیسز کی تعداد 64 ہوچکی ہے، سب سے زیادہ پولیو کیسز پختونخواہ میں سامنے آئے جن کی تعداد 22 ہے۔

  • کراچی میں خصوصی انسداد پولیو مہم کا آج آخری دن

    کراچی میں خصوصی انسداد پولیو مہم کا آج آخری دن

    کراچی : شہر قائد کے چار مخصوص ٹاونز میں کوویڈ19کے دوران پانچ روزہ انسداد پولیو مہم کا آج آخری روز ہے، پولیو حکام نے والدین سے اپیل کی ہے کہ آج آخری روز مہم میں بھی بھرپورحصہ لیں۔

    تفصیلات کے مطابق کراچی میں انسداد پولیو مہم کا آج آخری دن ہے، انسداد پولیو مہم کوویڈ19کے باعث کراچی کے چار مخصوص ٹاون میں کرائی جارہی ہے، اس مہم کے دوران مجموعی طور پر دو لاکھ ساٹھ ہزار بچوں کو پولیو قطرے پلانے کا ہدم مقرر کیا گیا تھا۔

    ایمرجنسی آپریشن سینٹرفار پولیو کے مطابق ایس او پی پر عمل کرتے ہوئے لیاقت آباد ناظم آباد بلدیہ اور اورنگی ٹاون میں پولیو ہیلتھ ورکرز انسداد پولیو مہم میں حصہ لے رہے ہیں۔

    پولیو مہم کے دوران پانچ سال تک کی عمر کے بچوں کو گھر گھر جا کر پولیو قطرے پلانے کے علاوہ محکمہ صحت حکومت سندھ اور بلدیہ کراچی کے بنیادی صحت اور فلاحی مراکز میں بھی پولیو قطرے پلانے کے انتظامات کئے گئے ہیں۔

    پولیو حکام نے والدین سے اپیل کی ہے کہ آج آخری روز مہم میں بھی بھرپورحصہ لیں۔

    یاد رہے سربراہ قومی پولیو پروگرام ڈاکٹرصفدر رانا کا کہنا تھا  کہ ویکسین بچے کی عمر بھر کی معذوری سے بچاؤ کا واحد حل ہے، والدین بچوں کوپولیو سے بچاؤ کے قطرے ضرور پلوائیں۔

    خیال رہے  این سی او سی کا کہنا تھا کہ اگست، ستمبر میں بڑے پیمانے پر انسداد پولیو مہم چلے گی اور قومی انسدادپولیومہم کا تیسرا مرحلہ سال کی آخری سہ ماہی میں ہو گا، گھر گھر مہم پولیو اور کوروناسےشعور اجاگر کرنےمیں مددگار ہوگی۔

  • تیسرا روز: پولیو ورکرز ایس او پیز کے ساتھ گھر گھر پہنچنے لگے

    کراچی: ملک کے مخصوص اضلاع میں انسداد پولیو مہم تیسرے روز بھی جاری ہے، پولیو ورکرز مکمل ایس او پیز کے ساتھ گھر گھر جا رہے ہیں، اس موقع پر سیکورٹی کے بھی سخت انتظامات کیے گئے ہیں۔

    اے آر وائی نیوز کے مطابق آج ملک کے مخصوص اضلاع میں انسداد پولیو مہم کا تیسرا روز ہے، بچوں کو پلائے جانے والے پولیو کے دو بوند نہ صرف اپنے بچوں کی خاطر، اپنے گھر کی خاطر ہیں بلکہ یہ پاکستان کی خاطر ہیں۔

    بچوں کو پولیو کے قطرے پلانے کے لیے تربیت یافتہ رضا کار ایس او پیز کے ساتھ گھر گھر جا رہے ہیں، کراچی میں بلدیہ، اورنگی، نارتھ نآظم آباد اور لیاقت آباد میں 2 لاکھ 60 ہزار بچوں کو انسداد پولیو کے قطرے پلائیں جا رہے ہیں۔

    لاہور کی 6 یونین کونسلز میں اب تک (دو روز میں) 28 ہزار سے زائد بچوں کو پولیو سے بچاؤ کے قطرے پلائے گئے ہیں، فیصل آباد میں ایک لاکھ 53 ہزار اور اٹک میں 35 ہزار سے زائد بچوں کو پولیو سے بچاؤ کے قطرے پلائے گئے، باقی بچوں کو آج اور آنے والے دنوں میں قطرے پلائے جائیں گے، ڈی ڈی ایچ او راوی ٹاؤن کے مطابق لاہور میں آج 27 ہزار بچوں کو پولیو کے قطرے پلانے کا ٹاسک ہے۔

    پنجاب کے 3 اضلاع میں انسداد پولیو مہم کا دوسرا روز

    کوئٹہ کی 10 یونین کونسلز میں ایک لاکھ 10 ہزار سے زائد بچوں کو انسداد پولیو کی دو بوندیں پلانے کا ہدف ہے، جنوبی وزیرستان کے علاقے وانا، انگوراڈا سمیت مختلف علاقوں میں بھی انسداد پولیو مہم جاری ہے، پولیو ٹیموں کی سیکورٹی کے لیے سخت اقدامات کیے گئے ہیں۔

    واضح رہے کہ کرونا کے پیش نظر انسداد پولیو ورکرز ہینڈ سینی ٹائزر کا استعمال کر رہے ہیں، فیلڈ میں جانے سے قبل ورکرز کی اسکریننگ بھی کی گئی ہے۔ یاد رہے کہ پنجاب میں پولیو مہم کے حوالے سے وزیر اعلیٰ عثمان بزدار نے اہم بیان دیتے ہوئے کہا تھا کہ اگر کسی علاقے میں پولیو کیس نکلا تو متعلقہ سی ای او ہیلتھ کے خلاف ایکشن لیا جائے گا اور ڈپٹی کمشنر سے پوچھ گچھ کی جائے گی۔

  • انسداد پولیو مہم کا پنجاب کے3 اضلاع میں آغاز

    انسداد پولیو مہم کا پنجاب کے3 اضلاع میں آغاز

    لاہور: صوبہ پنجاب کے تین اضلاع میں آج سے انسداد پولیو مہم کا آغاز ہوگیا، پولیو مہم کرونا کی وجہ سے تاخیر کا شکار تھی۔

    تفصیلات کے مطابق صوبہ پنجاب کے تین اضلاع میں آج سے چار روزہ پولیو مہم کا آغاز ہوگیا، انسداد پولیو مہم کے لیے 9 سو سے زائد پولیو ٹیمیں فیلڈ میں کام کر رہی ہیں۔

    نمائندہ اے آروائی نیوز حسن حفیظ نے لاہور میں راوی ٹاؤن کی ڈپٹی ڈسٹرکٹ ہیلتھ آفیسر ڈاکٹر نادیہ سے سوال کیا کہ پولیو مہم کے دوران ایس او پیز کا کس حد تک خیال رکھا جا رہے ہے جس پر انہوں نے جواب دیا کہ کرونا وائرس کی وجہ سے احتیاطی تدابیر استعمال کرتے ہوئے ہم نے ٹیموں کو ماسک اور سینیٹائزر فراہم کیے ہیں۔

    ڈاکٹر نادیہ کا کہنا تھا کہ لاہور کی 6 یونین کونسلز میں 3 سو سے زائد پولیو ورکرز 56 ہزار 22 بچوں کو پولیو کے قطرے پلائیں گے۔

    پولیو کیس آنے پر ڈپٹی کمشنر سے جوابدہی ہوگی: عثمان بزدار

    دوسری جانب وزیر اعلیٰ پنجاب کا کہنا تھا کہ پنجاب کو پولیو فری بنانا ہمارا مشن ہے، پنجاب میں انسداد پولیو کی مہم میں غفلت یا کوتاہی برداشت نہیں کروں گا۔

    سردار عثمان بزدار کا مزید کہنا تھا کہ پولیو کیس آنے پر ڈپٹی کمشنر سے پوچھ گچھ کی جائے گی۔

  • 4 ماہ کے وقفے کے بعد ملک میں 5 روزہ انسداد پولیو مہم کا آغاز

    4 ماہ کے وقفے کے بعد ملک میں 5 روزہ انسداد پولیو مہم کا آغاز

    اسلام آباد : 4 ماہ کے وقفے کے بعد ملک میں انسداد پولیو مہم کا آغاز ہوگیا ، کراچی، کوئٹہ، فیصل آباد، اٹک اور جنوبی وزیرستان میں انسداد پولیومہم جاری ہے، مہم میں 8 لاکھ بچوں کو پولیو سے بچاؤ کے قطرے پلائے جائیں گے۔

    تفصیلات کے مطابق کورونا کے باعث 4 ماہ کے وقفے کے بعد ملک کے 5مخصوص اضلاع میں انسدادپولیومہم کا آغاز ہوگیا ، حکام انسداد پولیوپروگرام کا کہنا ہے کہ کوروناکےباعث 20مارچ کو مہم معطل کی گئی تھی، کراچی،کوئٹہ،فیصل آباد،اٹک،جنوبی وزیرستان میں انسداد پولیومہم جاری ہے، مہم میں 5سال سےکم عمر 8لاکھ بچوں کوپولیوسےبچاؤ کےقطرے پلائے جائیں گے۔

    حکام کے مطابق انسداد پولیو مہم میں 8 ہزار ہیلتھ ورکرز حصہ لے رہے ہیں، والدین بچوں کو پولیو سے بچاؤ کے قطرے ضرور پلوائیں اور انسداد پولیو ٹیموں کے ساتھ بھرپور تعاون کریں۔

    حکام کا کہنا ہے کہ انسداد پولیو مہم 20 جولائی سے 24 جولائی تک جاری رہے گی۔

    شہر قائد میں انسداد پولیو مہم کورونا کے باعث مخصوص ٹائونز میں شروع کردی گئی ہے، ترجمان کے مطابق پولیومہم بلدیہ،اورنگی،نارتھ نآظم آباداور لیاقت آباد میں چلائی جائے گی، مہم کے دوران 5سال سے کم عمر کے2 لاکھ60ہزار بچوں کو پولیوسے بچائو کے قطرے پلائے جائیں گے۔

    مختلف علاقوں میں ٹیموں کو سیکورٹی فراہم کرنے کے لئے ٹیمیں تشکیل دے دی گئی ہیں رواں سال کے دوران سندھ بھرمیں 20 بچے پولیو کاشکار ہوئے۔

    پنجاب پولیو پروگرام کے تحت ان اضلاع میں پولیو وائرس کے پھیلاؤ اور پولیو کیسوں کو مدنظر رکھتے ہوئے پولیو مہم کا آغاز کردیا ہے، مہم کا انعقاد لاہور راوی ٹاؤن کی 6 یونین کونسلوں، فیصل آباد کی 44 اور اٹک کی 14 یونین کونسلوں میں کیا جارہا ہے۔

    پولیو مہم کے کامیاب انعقاد کے لئے 900 سے زائد پولیو ٹیموں کی تشکیل کر دی گئی ہے، کوروناکے پھیلاؤ کے پیش نظر پولیو ٹیموں اور بچوں کی حفاظت کے لئے پولیو ٹیمں کو ماسک اور سینیٹائزر فراہم کر دیئے گئے ہیں۔

    خیبر پختونخوا میں بھی آج سے قبائلی ضلع جنوبی وزیرستان میں پانچ روزہ خصوصی انسدادپولیو مہم کا آغازہوگیا ، مہم کے دوران5سال سے کم عمر کے 78ہزاربچوں کو پولیو کے قطرے پلائے جائیں گے۔

    پولیو مہم کے لئے تربیت یافتہ پولیو ورکرز پر مشتمل 609ٹیمیں تشکیل دی گئی ہیں۔ 594موبائل اور15 فکسڈٹیمیںاور نگرانی کے لئے 167 ایریا انچارجز بھی تعینات ہوں گے

    مہم میں تعطل سے بچوں کی قوت مدافعت کم ہونے کے خطرات بڑھ گئے ہیں مہم کی بحالی کا فیصلہ وفاقی حکومت اور معاون اداروں کی مشاورت سے کیا گیا۔

    مہم کے دوران سماجی فاصلہ سمیت تمام ایس او پیز پر سختی سے عملدرآمد کو یقینی بنایا جائے گا۔ پولیوورکرزکو ماسکس، ہینڈ سینیٹائزرز، انفراریڈ تھرمامیٹرز سمیت تمام پی پی ایزفراہم کی گئی ہے۔

    یاد رہے این سی او سی کا کہنا تھا کہ اگست، ستمبر میں بڑے پیمانے پر انسداد پولیو مہم چلے گی اور قومی انسدادپولیومہم کا تیسرا مرحلہ سال کی آخری سہ ماہی میں ہو گا، گھر گھر مہم پولیو اور کوروناسےشعور اجاگر کرنےمیں مددگار ہوگی۔

  • ملک میں کل سے انسداد پولیو مہم کا آغاز ہوگا، این سی او سی

    ملک میں کل سے انسداد پولیو مہم کا آغاز ہوگا، این سی او سی

    اسلام آباد: ملک میں کل سے انسداد پولیو مہم کا آغاز ہوگا، انسداد پولیو مہم میں 8 ہزار ہیلتھ ورکرز حصہ لیں گے۔

    این سی او سی کے مطابق ملک میں انسداد پولیو مہم کا از سر نو آغاز ہونے جا رہا ہے، 4ماہ کے وقفے کے بعد کل سے انسداد پولیومہم کا آغاز ہو گا۔ کرونا کے باعث 20 مارچ کو انسداد پولیو مہم معطل ہوئی تھی۔

    کراچی، کوئٹہ، فیصل آباد، اٹک اور جنوبی وزیرستان میں انسداد پولیومہم چلے گی، انسداد پولیو مہم میں 8 ہزار ہیلتھ ورکرز حصہ لیں گے۔

    این سی او سی کے مطابق اگست، ستمبر میں بڑے پیمانے پر انسداد پولیو مہم چلے گی، قومی انسداد پولیومہم کا تیسرا مرحلہ سال کی آخری سہ ماہی میں ہو گا۔

    نیشنل کمانڈ اینڈ آپریشن سینٹر کا کہنا ہے کہ والدین انسداد پولیو مہم میں بڑھ چڑھ کر حصہ لیں، والدین بچوں کو پولیو سے بچاؤ کے قطرے ضرور پلوائیں۔

    این سی او سی نے کہا کہ والدین انسداد پولیو ٹیموں کے ساتھ بھرپور تعاون کریں،گھر گھر مہم پولیو اور کرونا سے شعور اجاگر کرنےمیں مددگار ہوگی۔

  • 20 جولائی سے دوبارہ انسداد پولیو مہم کا آغاز، والدین سے تعاون کی درخواست

    20 جولائی سے دوبارہ انسداد پولیو مہم کا آغاز، والدین سے تعاون کی درخواست

    اسلام آباد : معاون خصوصی ڈاکٹر ظفر مرزا کا کہنا ہے کہ انشااللہ 20جولائی سے دوبارہ انسداد پولیو مہم شروع ہورہی ہے ، والدین سے تعاون کی درخواست ہے۔

    تفصیلات کے مطابق معاون خصوصی ڈاکٹر ظفر مرزا نے سماجی رابطے کی ویب سائٹ ٹوئٹر پر اپنے پیغام میں کہا کہ انشااللہ 20جولائی سے دوبارہ انسداد پولیو مہم شروع ہورہی ہے، مہم میں 32 ہزار سےزیادہ ورکرز 8 لاکھ بچوں کو حفاظتی قطرے پلائیں گے، کورونا وبا سےویکسین سےتدارک کرنےوالی بیماریوں کا خدشہ زیادہ ہوگیا تھا، والدین سے تعاون کی درخواست ہے۔

    یاد رہے حکومت نے ملک میں خصوصی انسداد پولیو مہم چلانے کا فیصلہ کرتے ہوئے کہا تھا کہ انسداد پولیو مہم چاروں صوبوں کے مخصوص علاقوں میں چلائی جائے گی۔

    ذرائع کے مطابق خصوصی پولیو مہم ٹارگٹڈ کیس رسپانس کے نام سے چلائی جائے گی،مہم کا آغاز رواں ماہ 20 جولائی سے ہو گا،خصوصی انسداد پولیو مہم میں 8 لاکھ بچوں کی ویکسی نیشن ہوگی۔

    ذرائع وزارت صحت کا کہنا ہے کہ رواں سال کی آخری انسداد پولیو مہم مارچ میں چلائی گئی تھی، کوروناکےباعث مارچ2020کےبعدپولیومہم نہیں چلائی جا سکیں۔

    رواں سال ملک میں 58 پولیو کیس سامنے آچکے ہیں، پولیو مہم میں کورونا سے حفاظت کیلئے خصوصی انتظامات کئے جائیں گے، پولیو ورکرز، سیکورٹی اہلکاروں کو کورونا حفاظتی کٹس فراہم کی جائیں گی جبکہ مہم کیلئے کورونا حفاظتی کٹس صوبے اور این ڈی ایم اے فراہم کریں گے۔