ARYNews.tv | Urdu – Har Lamha Bakhabar

Tag: انسٹاگرام

  • ’مجھے آپ کی سوچ پسند آئی‘

    ’مجھے آپ کی سوچ پسند آئی‘

    کراچی: معروف اداکار زاہد احمد نے اپنے مداحوں کو دلچسپ اور مزاحیہ جوابات دیے جس سے ان کے مداح نہایت لطف اندوز ہوئے۔

    تفصیلات کے مطابق معروف اداکار زاہد احمد نے سماجی رابطے کی ویب سائٹ انسٹاگرام پر پوسٹ کیا کہ وہ 30 منٹ تک مداحوں کے کمنٹس کے جواب دیں گے، اس سیشن میں انہوں نے نہایت مزاحیہ اور دلچسپ جوابات دیے۔

    ایک مداح نے ان سے کہا مجھے آپ کی اداکاری بہت پسند ہے جس پر زاہد احمد نے کہا کہ مجھے آپ کی سوچ پسند ہے۔

     

    View this post on Instagram

     

    A post shared by Zahid Ahmed (@zahid.ahmed.official)

    ایک اور مداح نے پوچھا کہ آپ کی اسکن اتنی اچھی کیسے ہے؟ جس پر زاہد احمد نے کہا کہ اچھے میک اپ آرٹسٹس کی وجہ سے۔

    ایک اور مداح نے پوچھا کہ زاہد احمد اپنے اہلخانہ کے ساتھ تصاویر کیوں نہیں اپلوڈ کرتے؟ جس پر انہوں نے طنزیہ جواب دیا کہ میں نے انہیں کرائے پر لیا تھا۔

     

    View this post on Instagram

     

    A post shared by Zahid Ahmed (@zahid.ahmed.official)

    خیال رہے کہ 36 سالہ زاہد احمد اب تک متعدد ٹی وی ڈراموں اور فلموں میں اپنی اداکاری کے جوہر دکھا چکے ہیں۔ وہ اے آر وائی ڈیجیٹل کے ڈرامہ سیریل فریاد میں بھی مراد کا کردار ادا کر رہے ہیں۔

  • انسٹاگرام نے ایک اور شاندار فیچر متعارف کروا دیا

    انسٹاگرام نے ایک اور شاندار فیچر متعارف کروا دیا

    فوٹو اور ویڈیو شیئرنگ سروس انسٹا گرام نے لائیو رومز کے نام سے ایک نیا فیچر متعارف کروا دیا ہے جس سے بیک وقت 4 افراد لائیو اسٹریم کر سکیں گے۔

    فیس بک کی زیر ملکیت ایپ کے سربراہ ایڈم موسیری کا کہنا تھا کہ اس فیچر کا مطالبہ کافی عرصے سے صارفین کی جانب سے کیا جارہا تھا۔

    انسٹا گرام میں لائیو اسٹریمنگ کا آپشن تو کافی عرصے سے موجود ہے، جس میں کچھ عرصے پہلے ایک اور دوست کو ایڈ کرنے کی سہولت کا اضافہ کیا گیا تھا۔

    اب کمپنی کا کہنا تھا کہ ایک صارف دیگر 3 افراد کے ساتھ بیک وقت لائیو اسٹریم کرسکتا ہے۔ اس فیچر کی آزمائش دسمبر 2020 میں شروع ہوئی تھی اور لگ بھگ 3 ماہ بعد اسے متعارف کروا دیا گیا۔

    اسے استعمال کرنے کے لیے ایپ اوپن کر کے انسٹا گرام کیمرا اوپن کریں یا نیچے پلس کے آئیکون پر کلک کریں، وہاں موجود آپشنز میں لائیو کا انتخاب کریں۔

    لائیو اسٹریم میں ٹائٹل کا اضافہ کرنے کے بعد رومز کے آئیکون پر کلک کرنا ہوگا اور پھر لائیو براڈکاسٹ کے مہمانوں کو شامل کرنا ہوگا۔ انسٹا گرام صارفین اپنی لائیو ویڈیو کے دوران بھی کسی فرد کو سرچ کر کے ایڈ کر سکتے ہیں۔

    انسٹا گرام میں کریٹیئر اس نئے فیچر سے آمدنی بھی حاصل کر سکیں گے کیونکہ کمپنی کی جانب سے ویوروز کو کریٹیرز کے بیجز خریدنے کی اجازت دی جائے گی۔

    کمپنی کا کہنا تھا کہ اس سے کریٹیئرز زیادہ صارفین تک رسائی حاصل کرسکیں گے اور فالورز بھی بڑھ سکتے ہیں۔

  • فیس بک نے میانمار کی فوج سے متعلق اکاؤنٹس پر پابندی عائد کردی

    فیس بک نے میانمار کی فوج سے متعلق اکاؤنٹس پر پابندی عائد کردی

    سوشل نیٹ ورکنگ سروس کمپنی فیس بک نے میانمار کی فوج سے متعلق صفحات اور اکاؤنٹس پر پابندی عائد کردی، میانمار نے یکم فروری کو حکومت کا تختہ الٹ کر اقتدار پر قبضہ کرلیا تھا۔

    بین الاقوامی میڈیا کے مطابق سوشل نیٹ ورکنگ سروس کمپنی فیس بک نے کہا ہے کہ وہ اپنی سائٹس فیس بک اور انسٹا گرام سے، میانمار کی فوج، فوج کے زیر کنٹرول میڈیا اداروں کے صفحات اور اکاؤنٹس، اور فوج سے وابستہ تجارتی تنظیموں کے اشتہارات پر پابندی عائد کر رہے ہیں۔

    فیس بک کے مطابق ملک میں یکم فروری کو ہونے والے تشدد سمیت حکومت کا تختہ الٹنے کے واقعات کے تناظر میں یہ پابندی عائد کرنا ضروری ہوگیا ہے۔

    یاد رہے کہ میانمار میں یکم فروری کو فوج نے ملک کے اقتدار پر قبضہ کر کے ایک برس کے لیے ایمرجنسی کا اعلان کیا تھا، فوج نے گزشتہ برس 8 نومبر کو عام انتخابات کے دوران ووٹنگ میں ہونے والی مبینہ بے ضابطگیوں کو اپنے اقدام کے جواز کے طور پر پیش کیا تھا۔

    انتخابات میں نیشنل لیگ فار ڈیموکریسی (این ایل ڈی) پارٹی نے فتح حاصل کی تھی، فوج نے کہا تھا کہ وہ جمہوری نظام کے تحفظ اور ایمرجنسی ختم ہونے کے بعد منصفانہ انتخابات کے انعقاد کے لیے پرعزم ہے۔

    فوجی بغاوت کے بعد میانمار کی اسٹیٹ کونسلر آنگ سان سوچی، صدر ون منٹ اور دیگر اعلیٰ عہدیداران کو حراست میں لے لیا گیا تھا اور ان پر انتخابی دھوکہ دہی کا الزام لگایا گیا تھا۔

    فوج کے اقتدار پر قبضے کے خلاف تاحال میانمار میں مظاہرے جاری ہیں، مظاہروں کے دوران متعدد افراد زخمی ہوئے ہیں اور چار افراد ہلاک بھی ہوچکے ہیں۔

    امریکا اور برطانیہ نے میانمار کی فوج سے متعلق متعدد معاملات پر پابندی عائد کردی ہے۔

  • ہانیہ عامر وکی پیڈیا پر سخت برہم ہوگئیں

    ہانیہ عامر وکی پیڈیا پر سخت برہم ہوگئیں

    کراچی: معروف پاکستانی اداکارہ ہانیہ عامر آن لائن انسائیکلو پیڈیا وکی پیڈیا پر سخت برہم ہوگئیں، انہوں نے ایک پوسٹ میں کہا کہ وکی پیڈیا نے ان کی تاریخ پیدائش غلط درج کی ہے۔

    معروف اداکارہ ہانیہ عامر نے سماجی رابطے کی ویب سائٹ انسٹاگرام پر اپنی ایک ویڈیو میں کہا کہ خواتین و حضرات میں ایک مختصر اعلان کرنا چاہ رہی ہوں، میری سالگرہ 12 فروری کو ہوتی ہے 11 کو نہیں۔

    ہانیہ نے کہا کہ وکی پیڈیا نے میری تاریخ پیدائش غلط لکھی ہے، انہیں ایک دن اللہ تعالیٰ ضرور پوچھے گا۔

    انہوں نے کہا کہ کوئی بھی 11 فروری کو ان کی سالگرہ کے حوالے سے کوئی بات نہ کرے یا ان کا سرپرائز خراب کرنے کی کوشش نہ کرے ورنہ وہ بہت پریشان ہوجائیں گی۔

    بعد ازاں انہوں نے اپنی سالگرہ کے روز کی تصاویر بھی انسٹاگرام پر پوسٹ کیں۔

    یاد رہے کہ ہانیہ عامر 12 فروری 1997 کو پیدا ہوئی تھیں لیکن وکی پیڈیا پر ان کی تاریخ پیدائش 11 فروری تحریر تھی، ہانیہ کی شکایت کے بعد اب اسے درست کرلیا گیا ہے۔

  • عاصم اظہر گلوکار نہ ہوتے تو کیا ہوتے؟

    عاصم اظہر گلوکار نہ ہوتے تو کیا ہوتے؟

    کراچی: معروف گلوکار عاصم اظہر کا کہنا ہے کہ اگر وہ گلوکار نہ ہوتے تو کرکٹر ہوتے، ان کی اس پوسٹ پر کرکٹرز نے دلچسپ تبصرے کیے۔

    تفصیلات کے مطابق معروف گلوکار عاصم اظہر نے سماجی رابطے کی ویب سائٹ انسٹاگرام پر اپنی کرکٹ کھیلتے ہوئے ویڈیو پوسٹ کی۔ اپنی ویڈیو کے کیپشن میں انہوں نے لکھا کہ اگر میں گلوکار نہ ہوتا تو شاید کرکٹر ہوتا۔

    عاصم اظہر نے اپنی یہ انسٹاگرام پوسٹ پاکستان کرکٹ بورڈ پی سی بی کے آفیشل ٹوئٹر اکاؤنٹ کو بھی ٹیگ کیا، پوسٹ کو اسٹوری میں شیئر کرتے ہوئے انہوں نے لکھا کہ پی سی بی اس ٹیلنٹ کو نظر انداز کرنا بند کرے۔

     

    View this post on Instagram

     

    A post shared by Asim Azhar (@asimazhar)

    ان کی اس پوسٹ پر مداحوں کے علاوہ قومی کرکٹ ٹیم کے کھلاڑیوں نے بھی دلچسپ تبصرے کیے۔ شاداب خان نے لکھا کہ پاکستان سپر لیگ (پی ایس ایل) کے لیے یہ بیٹسمین دستیاب ہے، جس کا جواب دیتے ہوئے عاصم اظہر نے لکھا کہ اگر کپتان آپ ہوں تو۔

    کرکٹر اعظم خان نے بھی عاصم اظہر کی پوسٹ پر تبصرہ کرتے ہوئے لکھا کہ ہم غریبوں کے پیٹ پر کیوں لات مار رہے ہو جس پر اصم اظہر نے جواب دیا کہ لوگوں کو پتہ ہے کہ آپ کے پاس بھی بیٹس سے زیادہ گٹارز ہیں۔

  • نادیہ خان نے اپنے شوہر کا تعارف کروا دیا

    نادیہ خان نے اپنے شوہر کا تعارف کروا دیا

    معروف اداکار اور ٹی وی ہوسٹ نادیہ خان نے اپنے شوہر کا تعارف کروا دیا، نادیہ خان حال ہی میں ازدواجی بندھن سے منسلک ہوئی ہیں۔

    تفصیلات کے مطابق نادیہ خان کی شادی اس وقت سوشل میڈیا پر موضوع بحث بنی ہوئی ہے، ان کی شادی اور بچوں کے حوالے سے مختلف تبصرے کیے جارہے تھے جن کا نادیہ خان نے جواب دے دیا ہے۔

    اب اپنی حالیہ پوسٹ میں انہوں نے اپنے شوہر کا تعارف بھی کروا دیا، سماجی رابطے کی ویب سائٹ انسٹاگرام پر ایک طویل پوسٹ میں انہوں نے اپنے شوہر اور ان کے اہلخانہ کا تعارف کروایا۔

     

    View this post on Instagram

     

    A post shared by Nadia Khan (@outstylewithnadia)

    اپنی پوسٹ میں نادیہ خان نے بتایا کہ ان کے شوہر ونگ کمانڈر فیصل ممتاز راؤ پاکستان ایئر فورس (پی اے ایف) کے ریٹائرڈ افسر اور فائٹر پائلٹ ہیں، وہ سنہ 1970 میں لاہور میں پیدا ہوئے۔

    نادیہ خان نے لکھا کہ فیصل نے سنہ 1990 میں 90 ویں جی ڈی پی کورس میں بطور کمیشنڈ آفیسر پاک فضائیہ میں شمولیت اختیار کی۔ وہ دنیا کی معروف فضائیہ کے ساتھ فلائنگ اینڈ مینجمنٹ کا 30 سالہ تجربہ رکھنے والے ایک انتہائی قابل پائلٹ کے طور پر جانے جاتے ہیں۔

    نادیہ خان کے شوہر فیصل نے پاکستان اور متحدہ عرب امارات میں تربیت کے تمام بڑے کورسز میں سرفہرست مقام حاصل کیا ہے۔ وہ 18 سال تک خدمات انجام دینے کے بعد سنہ 2009 میں ونگ کمانڈر کی حیثیت سے پاک فضائیہ سے ریٹائر ہوئے اور متحدہ عرب امارات کی فضائیہ میں پہلے انسٹرکٹر پائلٹ اور پھر بطور چیف آف سیفٹی کی حیثیت سے شامل ہوئے۔

    نادیہ کا کہنا تھا کہ فیصل میڈیا سے واقف ہیں، وہ آئی ایس پی آر کے نغمے ہوا کا سپاہی میں بھی کام کرچکے ہیں۔

     

    View this post on Instagram

     

    A post shared by Nadia Khan (@outstylewithnadia)

    نادیہ خان نے بتایا کہ فیصل کے والد الیکٹرانک میڈیا صحافی اور پاکستان ٹیلی ویژن کے سابق ڈائریکٹرنیوز اور کرنٹ افیئر مرحوم ممتاز حامد راؤ ہیں، والدہ ایک گھریلو خاتون ہیں اور دونوں کا تعلق جموں و کشمیر سے ہے۔

    نادیہ نے فیصل کے بیٹے، ان کے تینوں بھائیوں اور ان کے اہلخانہ کا بھی تعارف کروایا۔ فیصل کے ایک بھائی برطانیہ، دوسرے راولپنڈی اور تیسرے اسلام آباد میں مقیم ہیں۔

  • عمران عباس کو غصہ کیوں آیا؟

    عمران عباس کو غصہ کیوں آیا؟

    پاکستانی ٹی وی کے معروف اداکار عمران عباس ویڈیو شیئرنگ پلیٹ فارم ٹک ٹاک سے متعلق پوچھے جانے والے سوال پر برہم ہوگئے اور مداح کو نہایت سختی سے جواب دے دیا۔

    تفصیلات کے مطابق سماجی رابطے کی ویب سائٹ انسٹاگرام پر معروف اداکار عمران عباس نے گزشتہ روز سوال و جواب کا ایک سیشن رکھا، سیشن کے دوران عمران عباس کے مداحوں نے ان سے مختلف سوالات کیے جن کے اداکار نے جواب دیے۔

    ایک صارف نے ان سے پوچھا کہ کیا آپ ویڈیو شیئرنگ پلیٹ فارم ٹک ٹاک استعمال کرتے ہیں؟ اور اس کے بارے میں آپ کی کیا رائے ہے؟

    اس سوال پر عمران عباس برہم ہوگئے اور ہاتھ جوڑے والا ایموجی استعمال کرتے ہوئے لکھا کہ میں ٹک ٹاک استعمال نہیں کرتا اور مجھ سے اس ایپ کے بارے میں میری رائے نہ پوچھیں۔

    خیال رہے کہ کچھ عرصہ قبل جب پاکستان ٹیلی کمیونیکیشن اتھارٹی کی جانب سے ٹک ٹاک پر پابندی لگائی گئی تھی تو عمران عباس بھی ان لوگوں میں شامل تھے جنہوں نے ٹک ٹاک پر پابندی کو خوش آئند قرار دیا تھا۔

  • بختاور زرداری کی منگنی کے موقع پر والد اور بہن کے ساتھ یادگار ویڈیو

    بختاور زرداری کی منگنی کے موقع پر والد اور بہن کے ساتھ یادگار ویڈیو

    کراچی: سابق صدر آصف علی زرداری کی صاحبزادی بختاور زرداری نے اپنی منگنی کی ویڈیو جاری کردی جس میں وہ اپنے والد کے ساتھ موجود ہیں۔

    تفصیلات کے مطابق سابق صدر مملکت آصف علی زرداری اور سابق وزیر اعظم بے نظیر بھٹو کی صاحبزادی بختاور زرداری نے سماجی رابطے کی ویب سائٹ انسٹاگرام پر اپنی منگنی کی ویڈیو جاری کردی۔

    ویڈیو میں بختاور اپنے والد زرداری کے ساتھ موجود ہیں جبکہ ان کی بہن آصفہ بھی ان کے ساتھ ہیں، تینوں اس موقع پر نہایت خوش ہیں۔

    بعد ازاں تینوں افراد اپنے گھر کے نئے رکن یعنی بختاور کے منگیتر محمود چوہدری کے ساتھ تصاویر کھنچواتے نظر آرہے ہیں۔

    خیال رہے کہ بختاور زرداری کی منگنی 27 نومبر کو بلاول ہاؤس کراچی میں منعقد ہوئی تھی، ان کے منگیتر محمود چوہدری پنجاب کے ایک کاروباری خاندان سے تعلق رکھتے ہیں۔

    منگنی کی تقریب میں پیپلز پارٹی کے چیئرمین بلاول بھٹو زرداری کوویڈ 19 کا شکار ہونے اور قرنطینہ میں ہونے کے باعث شریک نہ ہوسکے تاہم وہ ویڈیو کال کے ذریعے تقریب میں موجود رہے۔

    منگنی کی تقریب سے قبل بختاور نے ٹویٹ کرتے ہوئے کہا تھا کہ آج کا دن بہت جذباتی ہے، آپ سب کے پیار اوردعاؤں کا شکریہ، ہماری خوشیوں میں شامل پیپلز پارٹی کے کارکنوں کا بھی شکریہ۔

    انہوں نے کہا تھا کہ یہ صرف شروعات ہے، ہم سب کرونا وائرس کے بعد مل کر خوشیاں منائیں گے۔

  • ننھا اذہان والدہ کی سالگرہ پر خوشی سے نہال

    ننھا اذہان والدہ کی سالگرہ پر خوشی سے نہال

    قومی کرکٹ ٹیم کے آل راؤنڈر شعیب ملک اور معروف ٹینس اسٹار ثانیہ مرزا کے بیٹے اذہان ملک کی تصویر سوشل میڈیا پر وائرل ہوگئی جس میں وہ اپنی والدہ کی سالگرہ کو بہت انجوائے کرتے دکھائی دے رہے ہیں۔

    تفصیلات کے مطابق معروف ٹینس اسٹار ثانیہ مرزا اور قومی کرکٹ ٹیم کے آل راؤنڈر شعیب ملک کے بیٹے اذہان ملک کے سماجی رابطے کی ویب سائٹ انسٹاگرام اکاؤنٹ سے ایک پوسٹ کی گئی۔

    اذہان کے نام سے قائم اس اکاؤنٹ سے پوسٹ میں کہا گیا کہ میری ماما کی سالگرہ بہت شاندار تھی، اس میں بہت سے غبارے اور کیک تھے۔

    اذہان مرزا ملک کے نام سے یہ انسٹاگرام اکاؤنٹ خود ثانیہ مرزا ہی چلاتی ہیں اور اس پر اکثر و بیشتر ننھے اذہان کی تصاویر و ویڈیوز پوسٹ کر کے اذہان کی طرف سے اس میں کیپشن ڈالتی ہیں۔

    خود ثانیہ مرزا بھی اپنے انسٹاگرام پر اپنی اور اپنے بیٹے کی تصاویر پوسٹ کرتی رہتی ہیں۔ اپنی سالگرہ کی تصاویر بھی انہوں نے اپنے انسٹاگرام پر پوسٹ کیں۔

     

    View this post on Instagram

     

    A post shared by Sania Mirza (@mirzasaniar)

     

    View this post on Instagram

     

    A post shared by Sania Mirza (@mirzasaniar)

    اس سے قبل انہوں نے بیٹے کی ایک ویڈیو پوسٹ کی تھی جس میں وہ والدہ کو دعا پڑھ کر سنا رہے تھے۔ ثانیہ نے لکھا تھا کہ اذہان نے یہ دونوں دعائیں 5 دن کے عرصے میں سیکھی ہیں، ان میں انشا اللہ بہتری آئے گی۔

    انہوں نے لکھا تھا کہ انہیں اذہان پر فخر ہے، اذہان نے سونے سے پہلے کی دعا بھی یاد کرلی ہے۔ وہ مجھے ہر گزرتے دن کے ساتھ حیران کردیتا ہے، اس کی یادداشت بہت اچھی ہے۔

  • عرفان جونیجو کا اپنے چینل کی پہلی سبسکرائبر کے لیے یادگار تحفہ

    عرفان جونیجو کا اپنے چینل کی پہلی سبسکرائبر کے لیے یادگار تحفہ

    کراچی: معروف پاکستانی یوٹیوبر اور ولاگر عرفان جونیجو کا کہنا ہے کہ ان کی تمام بڑی کامیابیوں کی وجہ ان کی اہلیہ ہیں، عرفان کے مطابق ان کے یوٹیوب چینل کی پہلی سبسکرائبر ان کی اہلیہ ہی تھیں۔

    سماجی رابطے کی ویب سائٹ انسٹا گرام پر اسٹوری میں عرفان جونیجو نے اپنی اہلیہ کی سالگرہ پر ان کے نام محبت بھرا پیغام لکھا۔ انہوں نے لکھا کہ اس شخص کو سالگرہ مبارک جس نے مجھ پر اس وقت یقین کیا جب مجھے خود بھی اپنی ذات پر یقین نہیں تھا۔

    عرفان نے لکھا کہ میری اہلیہ نے اس وقت مجھ پر بھروسہ کیا جب کسی کو میری موجودگی کے بارے میں علم بھی نہیں تھا۔

    انہوں نے لکھا کہ آج میں سالگرہ کے موقع پر ایسا تحفہ دینا چاہتا ہوں جو مکمل طور پر میرے جذبات کی ترجمانی کرے۔

    عرفان نے یہ بھی بتایا کہ ان کے یوٹیوب چینل کی پہلی سبسکرائبر ان کی اہلیہ تھیں اور انہوں نے اہلیہ کی وجہ سے ہی بڑی کامیابیاں حاصل کی ہیں۔

    خیال رہے کہ عرفان جونیجو ولاگنگ کی دنیا کا ایک اہم نام ہیں اور ان سے متاثر ہو کر کئی نوجوانوں نے ولاگز بنانا شروع کیے تھے۔ وہ گزشتہ برس رشتہ ازدواج میں منسلک ہوئے تھے۔