ARYNews.tv | Urdu – Har Lamha Bakhabar

Tag: انسٹاگرام

  • انسٹاگرام: تکنیکی غلطی کی وجہ سے نیا فیچر سامنے آگیا

    انسٹاگرام: تکنیکی غلطی کی وجہ سے نیا فیچر سامنے آگیا

    کیلی فورنیا: سماجی رابطے اور فوٹو شیئرنگ کی ویب سائٹ انسٹاگرام کے تکنیکی ماہرین سے غلطی سرزد ہوئی جس کے نتیجے میں ایک نیا فیچر متعارف ہوگیا۔

    تفصیلات کے مطابق فیس بک کی زیرملکیت فوٹو شیئرنگ ویب سائٹ انسٹاگرام صارفین کو متاثر کرنے کے لیے نت نئے فیچرز متعارف کراتی ہے تاکہ انٹرنیٹ کی دنیا میں راج کو برقرار رکھ سکے۔

    انسٹاگرام نے گزشتہ تین ماہ کے دوران اپنے پلیٹ فارم کو بہتر بنانے اور صارفین کو صحت مند تفریح فراہم کرنے کےلیے مختلف اقدامات کیے اور فیچرز متعارف بھی کروائے۔

    انسٹاگرام کے مطابق تکنیکی ماہرین کی غلطی کے باعث ایپ میں ایک بگ آیا جس کے نتیجے میں صارفین کو مشکلات پیش آئیں تاہم 18 گھنٹے کی انتھک محنت کے بعد اس غلطی کو درست کردیاگیا۔

    مزید پڑھیں: انسٹاگرام کا زبردست فیچر متعارف

    سماجی رابطے کی ویب سائٹ کے صارفین کو پہلے تصاویر یا ویڈیو دیکھنے کے لیے اسکرول کرنا ہوتا تھا تاہم بگ کے بعد انہیں نیچے جانے نہیں بلکہ تصویر اسکرین سے دوسری طرف کرنا پڑ رہا تھا۔

    جمعرات کے روز ہونے والی غلطی کے بعد نیوز فیڈ میں غلطی ہوئی، جس پر صارفین نے انسٹاگرام کو خوب تنقید کا نشانہ بنایا اور فوری طور پر اسے واپس لینے کا مطالبہ کیا۔

    ٹیکنالوجی کے ماہرین کا کہنا تھا کہ ممکنہ طور پر انسٹاگرام مستقبل میں اپنے نیوز فیڈ کو اس طرح تبدیل کرنا چاہتا ہو مگر صارفین کے شدید ردعمل کے بعد اب کمپنی ایسا تجربہ دوبارہ نہیں کرے گی۔

  • انسٹاگرام کا زبردست فیچر متعارف

    انسٹاگرام کا زبردست فیچر متعارف

    کیلی فورنیا: سماجی رابطے کی ویب سائٹ اور موبائل ایپلیکشن انسٹاگرام نے تمام صارفین کے لیے نیا فیچر متعارف کرادیا۔

    تفصیلات کے مطابق فیس بک کی زیرملکیت فوٹو شیئرنگ ویب سائٹ انسٹاگرام صارفین کو متاثر کرنے کے لیے نت نئے فیچرز متعارف کراتی ہے تاکہ انٹرنیٹ کی دنیا میں راج کو برقرار رکھ سکے۔

    انسٹاگرام نے گزشتہ تین ماہ کے دوران اپنے پلیٹ فارم کو بہتر بنانے اور صارفین کو صحت مند تفریح فراہم کرنے کےلیے مختلف اقدامات کیے اور فیچرز متعارف بھی کروائے۔

    ٹویٹر کی طرح انسٹاگرام پر بھی فالورز کی تعداد کو اہمیت حاصل ہے اس لیے ماضی میں لوگوں نے سماجی رابطے کی ویب سائٹ پر مشہوری کے لیے جعلی فالوورز خریدے بھی تھے تاکہ وہ اپنی آئی ڈی کو آفیشل کرواکے بلیوٹک کا اعزاز حاصل کرسکیں۔

    مزید پڑھیں: انسٹاگرام صارفین کا خوف ختم، نیا فیچر متعارف

    انسٹاگرام نے ایسے تمام اکاؤنٹس کے خلاف کریک ڈاؤن شروع کیا اور نشاندہی کے بعد انہیں بند کردیا بعد ازاں کمپنی کی جانب سے ایک نیا فیچر ’کلوز فرینڈ‘ کے نام سے متعارف کرایا گیا۔

    اس فیچر کا تعلق شیئرہونے والی اسٹوریز سے تھا جنہیں تمام فالوورز دیکھ سکتے تھے مگر کمپنی نے صارف کو اختیار دیا کہ وہ جس دوست کو بھی اپنی اسٹوری دکھانا چاہیے اُس کی فہرست مرتب کرلے تاکہ ذاتی چیزیں کوئی دوسرا نہ دیکھ سکے۔

    اب سے کچھ دیر قبل انسٹاگرام نے سماجی رابطے کی ویب سائٹ ٹویٹر پر صارفین کے لیے زبردست اعلان کیا اور ایسا فیچر متعارف کرادیا جس کے بارے میں کوئی شنید نہیں تھی یعنی یہ سہولت صارفین کے لیے بڑا سرپرائز ہے۔

    یہ بھی پڑھیں: انسٹاگرام کا جعلی آئی ڈیز کے خلاف کریک ڈاؤن شروع

    سماجی رابطے کی ویب سائٹ پر کمپنی کی جانب سے شیئر ہونے والی اطلاعات کے مطابق انسٹاگرام نے وائس میسج کا فیچر متعارف کرایا جس کو گروپ چیٹنگ کے دوران بھی استعمال کیا جاسکتا ہے۔

    صارفین کو یہ بھی سہولت دی گئی ہے کہ وہ اگر چاہیں تو اپنے میسج کو حذف بھی کرسکیں گے جس کے لیے انہیں اپنے آڈیو پر کلک کرنا ہوگا اور پھر سامنے ڈیلیٹ یا ٹریش کا آپشن آجائے گا۔ انسٹاگرام کا یہ فیچر موبائل استعمال کرنے والے صارفین استعمال کرسکتے ہیں۔

    طریقہ استعمال

    چیٹ کی ونڈو میں جائیں اور وہاں موجود مائیک کو دبا کر رکھیں جس کے بعد آڈیو ریکارڈ ہونا شروع ہوجائے گی اور پھر آپ سے جیسی چھوڑیں گے خود ہی دوست کو سینڈ ہوجائے گی، اگر آپ نے دوست کے دیکھنے سے پہلے وائس میسج ڈیلیٹ کردیا تو پھر یہ اُسے بھی نظر نہیں آئے گا۔

  • انسٹاگرام صارفین کا خوف ختم، نیا فیچر متعارف

    انسٹاگرام صارفین کا خوف ختم، نیا فیچر متعارف

    کیلی فورنیا: سماجی رابطے کی ویب سائٹ اور موبائل ایپلیکشن انسٹاگرام نے صارفین کی خواہش کو مدنظر رکھتے ہوئے اسٹوریز سے متعلق نیا فیچر دنیا بھر میں متعارف کرادیا۔

    فیس بک کی زیر ملکیت فوٹو شیئرنگ ویب سائٹ کے نئے فیچر کو ’کلوز فرینڈ‘ کا نام دیا گیا ہے جس کے تحت صارف کے منتخب کردہ دوست ہی اُس کی اسٹوریز  کو دیکھ سکیں گے۔

    قبل ازیں انسٹاگرام پر شیئر ہونے والی اسٹوریز تمام فالوررز دیکھ سکتے تھے مگر اب صارف اپنی مرضی سے لوگوں کا انتخاب کرے گا جو اس اسٹوری کو دیکھ سکیں گے۔

    مزید پڑھیں: انسٹاگرام کا جعلی آئی ڈیز کے خلاف کریک ڈاؤن شروع

    کمپنی کا دعویٰ ہے کہ انہوں نے روز مرہ کی زندگی کو مدنظر رکھتے ہوئے اس فیچر کو متعارف کرایا کیونکہ ہم اپنی کچھ باتیں صرف اہم دوستوں کے ساتھ ہی شیئر کرنا چاہتے ہیں۔

    انسٹاگرام کی جانب سے جاری بلاگ میں بتایا گیا ہے کہ ’اسٹوریز کا سیکشن اب ایسا پلیٹ فارم بن چکا ہے جہاں روزانہ لاکھوں کی تعداد میں صارفین اپنے جذبات کا اظہار اور مصروفیات شیئر کرتے ہیں، کئی لوگوں کی خواہش یہ بھی ہوتی ہے کہ اُن کی ذاتی زندگی کے بارے میں اجنبی لوگ نہ جان سکیں‘۔

    کلوز فرینڈز فیچرز کے تحت شیئر کی جانے والی تصاویر اور ویڈیوز بھی ماضی کی طرح 24 گھنٹے کے بعد خود بہ خود غائب ہوجائیں گی۔

    یہ بھی پڑھیں: انسٹاگرام نے صارفین کی دیرینہ خواہش پوری کردی

    کمپنی کے بلاگ میں یہ بھی بتایا گیا ہے کہ فیچر کی تیاری میں ایک سال سے زیادہ کا عرصہ لگا، آزمائشی مرحلے میں کامیابی کے بعد اسے 30 نومبر سے دنیا بھر میں متعارف کرایا جارہا ہے۔

    فیچر کا استعمال

    صارف کو ایک فہرست مرتب کرنا ہوگی جس میں وہ اپنے قریبی لوگوں کا انتخاب کرے گا، کسی بھی صارف کو شامل کرنے پر اُس کے پاس کوئی نوٹی فکیشن نہیں جائے گا۔

    اب کوئی بھی صارف متعلقہ پوسٹوں سے متعلق فالوورز کی مختلف فہرستیں بیک وقت ترتیب دے سکے گا اور پھر اسٹوریز کو شیئر کرنے وقت اُن کا انتخاب کرے گا۔

  • انسٹاگرام کا جعلی آئی ڈیز کے خلاف کریک ڈاؤن شروع

    انسٹاگرام کا جعلی آئی ڈیز کے خلاف کریک ڈاؤن شروع

    کیلی فورنیا: سماجی رابطے کی ویب سائٹ انسٹاگرام نے بھی ٹویٹر کے نقشِ قدم پر چلتے ہوئے جعلی فالوورز کے خلاف کریک ڈاؤن کا آغاز کردیا۔

    تفصیلات کے مطابق انسٹا گرام کو سماجی رابطے کی فوٹو ایپلیکشن شیئرنگ کا اعزاز حاصل ہے جو صارفین کی خواہشات کو مدنظر رکھتے ہوئے مختلف اوقات میں نت نئے فیچرز متعارف کرواتی ہے۔

    ٹویٹر کی طرح انسٹاگرام پر بھی فالورز کی تعداد کو اہمیت حاصل ہے اس لیے ماضی میں لوگوں نے سماجی رابطے کی ویب سائٹ پر مشہوری کے لیے جعلی فالوورز خریدے بھی تھے تاکہ وہ اپنی آئی ڈی کو آفیشل کرواکے بلیوٹک کا اعزاز حاصل کرسکیں۔

    مزید پڑھیں: انسٹاگرام نے صارفین کی دیرینہ خواہش پوری کردی

    اب کمپنی نے جعلی آئی ڈیز  اور فالوورز کے خلاف کریک ڈاؤن کا آغاز کردیا جس کا مقصد پلیٹ فارم کی شفافیت کو برقرار رکھنا ہے۔

    کمپنی کی جانب سے جاری اعلامیے کے مطابق پالیسی کے خلاف کام کرنے، کسی بھی پوسٹ پر کمنٹس یا اُسے لائیک کرنے والی آئی ڈیز کے خلاف پہلے مرحلے میں کارروائی کی جائے گی۔

    انسٹاگرام کی جانب سے تمام صارفین کو انتباہی پیغام ارسال کیا جائے گا کہ وہ اپنی آئی ڈیز کے پاس ورڈ فوری طور پر تبدیل کریں اور پالیسی پر عمل درآمد بھی کریں بصورت دیگر متحرک آئی ڈیز کو بھی بند کردیا جائے گا۔

    یہ بھی پڑھیں: ٹویٹر کریک ڈاؤن سے معروف شخصیات متاثر

    ٹیکنالوجی کی مختلف ایپس پر نظر رکھنے والے ماہرین کا ماننا ہے کہ ’انسٹاگرام نے اپنی ایپ پر کی جانے والی متوقع تبدیلیوں کا آغاز کردیا جس کے تحت تمام صارفین کے اکاؤنٹس منفرد انداز سے نظر آئیں گے‘۔

    جعلی اکاؤنٹس کے حوالے سے ماہرین کا کہنا ہے کہ ’ایسی آئی ڈیز کی وجہ سے صارفین کا انسٹاگرام پر اعتبار دن بہ دن کم ہوتا جارہا ہے، اگر یہ اقدام نہ کیا گیا تو کمپنی کو بڑے نقصان کا سامنا کرنا پڑ سکتا ہے‘۔

  • فیس بک کا امریکی انتخابات میں رائے عامہ تبدیل کرنے والے جعلی اکاؤنٹس پر کریک ڈاؤن

    فیس بک کا امریکی انتخابات میں رائے عامہ تبدیل کرنے والے جعلی اکاؤنٹس پر کریک ڈاؤن

    نیویارک: سماجی رابطوں کی مشہور ویب سائٹ فیس بک کی انتظامیہ نے امریکی انتخابات میں رائے عامہ تبدیل کرنے والے جعلی اکاؤنٹس پر کریک ڈاؤن کرتے ہوئے درجنوں فیک اکاؤنٹس بند کر دیے۔

    سوشل ویب سائٹ کے دعوے کے مطابق ایسے اکاؤنٹس اور پیجز چلائے جا رہے تھے جن سے نومبر میں مِڈ ٹرم امریکی انتخابات میں عوامی رائے تبدیل کی جا رہی تھی، فیس بک نے دعویٰ کیا ہے کہ یہ ایک منظم سازش تھی۔

    فیس بک نے ایسے 32 جعلی اکاؤنٹس اور پیجز کو بند کرنے کی تصدیق کر دی ہے جن کی ’سیاسی مداخلت کے لیے منظم مہم‘ کے طور پر نشان دہی کی گئی تھی، ان اکاؤنٹس میں سات انسٹا گرام اکاؤنٹس، 17 فیس بک پروفائلز اور آٹھ فیس بک پیجز تھے۔

    فیس بک انتظامیہ کا کہنا تھا کہ ان میں سے ایک پیج پر فالوورز کی تعداد 2 لاکھ 90 ہزار تھی، انتظامیہ نے تا حال ان جعلی اکاؤنٹس کے کسی گروہ سے تعلق کے بارے میں کچھ نہیں کہا ہے۔

    انتظامیہ نے کہا ’یہ مہم اس پروپگنڈا مہم سے مماثلت رکھتی تھی جو روس کی انٹرنیٹ ریسرچ ایجنسی (IRA) نے 2016 کے امریکی صدارتی انتخابات کے لیے چلائی تھی۔‘

    کیمبرج اینالیٹیا اسکینڈل، برطانیہ نے فیس بک پر جرمانہ عائد کردیا

    دوسری طرف فیس بک نے اب قانون نافذ کرنے والے اداروں کے ساتھ باقاعدہ طور پر کام شروع کر دیا ہے تاکہ یہ تعین کیا جاسکے کہ مذکورہ مہم کہاں سے چلائی جا رہی تھی۔

    فیس بک نے واضح طور پر اقرار کیا ہے کہ وہ اس مہم میں روس کے ملوث ہونے کی تصدیق نہیں کر سکتے۔ خیال رہے کہ جعلی اکاؤنٹس کے ذریعے واشنگٹن ڈی سی میں دس اگست کو ہونے والی ریلی Unite the Right کے خلاف ریلی No Unite the Right 2 کے لیے عوام کو راغب کیا جا رہا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انسٹاگرام نے صارفین کی دیرینہ خواہش پوری کردی

    انسٹاگرام نے صارفین کی دیرینہ خواہش پوری کردی

    سانس فرانسسکو: سماجی رابطوں کی ویب سائٹ انسٹاگرام نے موبائل ایپ میں نیا فیچر متعارف کرادیا جس کے تحت اب صارفین غیر ضروری پوسٹیں کرنے والے دوستوں کو بغیر بتائے خاموش کرسکیں گے۔

    تفصیلات کے مطابق انسٹا گرام کو سماجی رابطے کی فوٹو ویب سائٹ کا اعزاز حاصل ہے، صارفین کی خواہشات کو مدنظر رکھتے ہوئے انتظامیہ کی جانب سے مختلف اوقات میں نت نئے فیچرز متعارف کروائے جاتے ہیں۔

    حال ہی میں انتظامیہ نے انسٹاگرام میں نئے فیچر کا اضافہ کیا جس کے تحت اب صارف نہ صرف لائیو ویڈیو چیٹ کرسکیں گے بلکہ اس کو مخصوص دوستوں اور دیگر گروپس میں بھی شیئر کرسکیں گے۔

    انسٹاگرام کی جانب سے صارفین کی خواہشات کو مدنظر رکھتے ہوئے ایپ میں ’میوٹ بٹن‘ کا اضافہ کردیا گیا جس کے بعد اب کوئی بھی صارف فضول پوسٹیں کرنے والے دوستوں کو بغیر بتائے خاموش کرسکے گا۔

    مزید پڑھیں: انسٹاگرام کا لائیو ویڈیو سے متعلق نیا فیچر متعارف

    صارفین کا کمپنی سے دیرینہ مطالبہ تھا کہ وہ فیس بک اور ٹویٹر کی طرز پر کوئی ایسا فیچر متعارف کرائے جس کے تحت ناپسندیدہ صارفین کی پوسٹوں کو روکا جاسکے یا انہیں نہیں دیکھ سکیں۔

    قبل ازیں انسٹاگرام پر ناپسندیدہ پوسٹیں کرنے والے صارف کو ان فالو کرنے کا آپشن موجود تھا جو صارفین کو بالکل بھی پسند نہیں تھا تاہم اب کمپنی نے آزمائشی طور پر آئی او ایس ورژن استعمال کرنے والے لوگوں کے لیے یہ فیچر متعارف کرایا۔

    کسی بھی آئی ڈی کی پوسٹوں کو میوٹ کرنے کے بعد صارف مذکورہ شخص کی پروفائل پر جاکر خصوصی طور پر اُس شخص کی پوسٹ کو دیکھ سکے گا تاہم مرضی کے مطابق جیسے ہی مذکورہ آئی کو ان میوٹ کرے گا تو وال پر تصاویر اور ویڈیوز نظر آنے لگیں گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پی سی بی کو منانے کا عمراکمل کا انوکھا انداز

    پی سی بی کو منانے کا عمراکمل کا انوکھا انداز

    لاہور: ٹیسٹ کرکٹرعمراکمل نے حال ہی میں انسٹاگرام پر ویڈیو شیئر کی ہے جس میں وہ جم میں محنت کررہے ہیں اور مزید فٹ ہونے کی کوشش کررہے ہیں۔

    تفصیلات کے مطابق ٹیسٹ کرکٹر عمراکمل ٹیم سے ڈراپ ہونے کے بعد اپنی فٹنس پرخصوصی توجہ دے رہے ہیں اور اس حوالے سے وہ سماجی رابطے کی ویب سائٹ انسٹاگرام پر ویڈیوز پوسٹ کرتے رہتے ہیں جس میں انہیں جم میں بھرپور محنت کرتے ہوئے دیکھا جاسکتا ہے۔

    #gym #fit #fitness #fitnessgoals

    A post shared by Umar Akmal (@u_akmal) on

    عمراکمل رواں برس مئی میں قومی کرکٹ ٹیم کے 15 رکنی اسکواڈ کے ہمراہ چیمپیئنز ٹرافی کھیلنے کے لیے انگلینڈ روانہ ہوتے تھے لیکن انہیں ایونٹ سے قبل ہی فٹنس ٹیسٹ میں ناکامی کے بعد ڈراپ کردیا گیا تھا۔

    عمر اکمل چیمپیئنز ٹرافی سے باہر

    بعدازاں عمراکمل کی جگہ کرکٹ ٹیم میں حارث سہیل کو ٹیم میں شامل کرلیا گیا تھا۔

    خیال رہے کہ گزشتہ ماہ عمراکمل نے انسٹاگرام پر اپنی ویڈیو شیئر کی تھی اور اپنے پیغام میں کہا تھا کہ آج کا جم سیشن اچھا رہا۔

    The gym session went well today

    A post shared by Umar Akmal (@u_akmal) on

    اس سے قبل 2 اگست کو عمراکمل نے انسٹاگرام پر اپنے پیغام میں کہا تھا کہ انہوں نے فٹنس ٹیسٹ دیا ہے اور انہوں نے اپنے ٹرینر اور جم اسٹاف کا شکریہ بھی ادا کیا تھا۔

    یاد رہے کہ رواں سال 25 جولائی کو عمراکمل نے اپنے ایک اور پیغام میں کہا تھا کہ جب تک وہ جم میں محنت نہ کرلیں تب تک ان کا دن اچھا نہیں گزرتا۔

    Its not a great day until i workout.. #FeelingMotivated #Strong

    A post shared by Umar Akmal (@u_akmal) on

    واضح رہے کہ عمر اکمل کی جم ویڈیوز سے ان کے مداح تو متاثر ہوتے ہیں لیکن دیکھنا ہوگا کہ یہ پی سی بی کو کب متاثر کرتی ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • انسٹاگرام فلٹرز دماغی خلل کی طرف اشارہ

    انسٹاگرام فلٹرز دماغی خلل کی طرف اشارہ

    سماجی رابطوں کی مختلف ویب سائٹس آج کل ہر شخص کی زندگی کا اہم حصہ بن چکی ہیں۔ ماہرین کے مطابق سوشل میڈیا کا استعمال ہماری جسمانی، نفسیاتی اور دماغی صحت پر مختلف اثرات مرتب کرنے کا باعث بنتا ہے۔

    حال ہی میں ماہرین نے انکشاف کیا ہے کہ کسی شخص کی انسٹا گرام پروفائل اس میں ڈپریشن کی نشاندہی کرسکتی ہے۔

    امریکا کی ہارورڈ یونیورسٹی کے شعبہ نفسیات کی جانب سے کی جانے والی ایک تحقیق کے مطابق کسی شخص کی انسٹاگرام پروفائل ایک ڈاکٹر سے زیادہ بہتر طریقے سے اس میں ڈپریشن کی تشخیص کرسکتی ہے۔

    مزید پڑھیں: آپ کی فیس بک پروفائل آپ کی شخصیت کی عکاس

    تحقیق میں شامل پروفیسرز کے مطابق انسٹاگرام کے بعض فلٹرز شدید ڈپریشن کی طرف اشارہ کرتے ہیں۔

    ماہرین کا کہنا ہے کہ ڈپریشن کا شکار افراد سوشل میڈیا پر تصاویر پوسٹ کرتے ہوئے یا تو فلٹرز کا بالکل استعمال نہیں کرتے، یا پھر تصویر کو سیاہ و سفید کرنے والے فلٹر ’انک ویل‘ استعمال کرتے ہیں۔

     ان کے مطابق اس فلٹر کا سیاہ و سفید رنگ ڈپریشن کا شکار شخص کے ذہن میں پلنے والے منفی اور ناامیدی کے خیالات کی عکاسی کرتا ہے۔

    ماہرین کا کہنا ہے کہ تصویر کو ذرا سا بہتر کرنے والا فلٹر جیسے ویلینیسا کا استعمال دماغی طور پر صحت مند افراد کی نشانی ہے۔

    تحقیق میں کہا گیا کہ سوشل میڈیا کے بڑھتے ہوئے استعمال کے سبب یہ اب ہماری نفسیاتی و ذہنی صحت کا آئینہ دار بن گیا ہے اور اس کی بنیاد پر کسی بھی شخصیت کے بارے میں خاصی حد تک اندازہ لگایا جاسکتا ہے۔

    ڈپریشن کے بارے میں مزید مضامین پڑھیں

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سنجے دت کی بیٹی نے اپنی نئی تصاویر سے دھوم مچادی

    سنجے دت کی بیٹی نے اپنی نئی تصاویر سے دھوم مچادی

    بالی ووڈ کے ستاروں کے بعد اب ان کے بچوں نے میڈیا پر دھوم مچانا شروع کردیا ہے، بالی ووڈ اداکاروں کے بچوں بھی اپنے والدین کے نقش قدم پر چلتے ہوئے نت نئے فیشن اور اسٹائل کے سوشل میڈیا پر نموادار ہونا شروع ہوگئے ہیں ۔

    سوشل میڈیا پر سب سے پہلے بالی ووڈ کے لیجنڈ اداکار امیتابھ بچن کی نواسی اور اس کے بعد بالی ووڈ کے کنگ شاہ رخ خان کی صاحبزادی نے اپنی ایڈوانس تصویروں کے باعث شہرت حاصل کرنے میں کامیاب ہوئیں، تاہم اب اداکار سنجے دت کی صاحبزادی نے اپنی تصاویر سوشل میڈیا ہر اپ لوڈ کرکے دھوم مچا دی ہے۔

    سنجے دت کی صاحبزادی ترشلا دت انسٹاگرام پر اپنی دلکش تصاویر اپ لوڈ کر کے آج کل توجہ کا مرکز بنی ہوئی ہیں، اس قبل ترشیلا اس طرح منظر عام پر نہیں آئیں تھیں۔ ،

    عام طور پر ترشیلا دت کو کبھی اپنے والد کے ساتھ کسی پروگرام نہیں دیکھا گیا ، وہ زیادہ تر بیرونِ ملک مقیم رہتی ہیں، تاہم اگر ترشیلا کی نئی تصاویر اور بچن کی تصاویر کا موازنہ کیا جائے تو وہ اب ایک نئے اور دلکش روپ جلوہ گر ہوئی ہیں ۔

    بھارتی مشہور شخصیات کے بچوں کی پیروی کرتے ہوئے ترشیلا نے اپنی تصاویر کے باعث انسٹاگرام پر 71،000 مداح حاصل کرلیے ہیں۔

    POST 8

    POST 4

    POST 1

    POST 2

    POST 3

    POST 5

    POST 6

    POST 7

    POST 10

    POST 11

    POST 12

    POST 13

    POST 14

    POST 15

    POST 17

    POST 18

    POST 9

    POST 16