ARYNews.tv | Urdu – Har Lamha Bakhabar

Tag: انضمام

  • پی سی بی نے انضمام اور مصباح الحق کو اہم اعزاز سے نواز دیا

    پی سی بی نے انضمام اور مصباح الحق کو اہم اعزاز سے نواز دیا

    پاکستان کرکٹ بورڈ نے لیجنڈ قومی کرکٹرز سابق کپتان انضمام الحق اور مصباح الحق کی خدمات کا اعتراف کرتے ہوئے انہیں اعزاز سے نواز دیا۔

    پاکستان کرکٹ ٹیم کے سابق کپتان انضمام الحق اور مصباح الحق دونوں کرکٹ کی تاریخ کا روشن ستارا اور پاکستان کرکٹ کا فخر ہیں۔ انہوں نے اپنی کارکردگی کی بدولت پاکستان کرکٹ کا دنیا بھر میں نام روشن کیا۔ انضمام الحق 92 ورلڈ کپ فاتح ٹیم کا حصہ رہے جب کہ مصباح کی زیر قیادت پاکستان نے نمبر ون ٹیسٹ ٹیم کا اعزاز اپنے نام کیا۔

     

    View this post on Instagram

     

    A post shared by Pakistan Cricket (@therealpcb)

    دونوں لیجنڈ کرکٹرز کی خدمات کے اعتراف میں پاکستان کرکٹ بورڈ نے انضمام الحق اور مصباح الحق کو ہال آف فیم میں شامل کر لیا۔

     

    View this post on Instagram

     

    A post shared by Pakistan Cricket (@therealpcb)

    گزشتہ روز سہ فریقی ٹورنامنٹ کے آغاز سے قبل چیئرمین پاکستان کرکٹ بورڈ محسن نقوی نے قذافی اسٹیڈیم میں دونوں سابق کپتانوں کو ہال آف فیم گرین کیپ پہنائی اور شیلڈز پیش کیں۔

     

    View this post on Instagram

     

    A post shared by Pakistan Cricket (@therealpcb)

    لیجنڈز کرکٹرز نے کیپ پہن کر میدان کا چکر لگایا اور تماشائیوں نے تالیاں بجا کر ان کا خیر مقدم کیا۔ بعد ازاں انہوں نے چیمپئنز ٹرافی کے ساتھ تصاویر بھی بنوائیں۔

     

    View this post on Instagram

     

    A post shared by Pakistan Cricket (@therealpcb)

    https://urdu.arynews.tv/pakistani-pacer-haris-rauf-injury-update/

  • ہونڈا اور نسان کی گاڑیاں خریدنے والوں کے لیے خوشخبری

    ہونڈا اور نسان کی گاڑیاں خریدنے والوں کے لیے خوشخبری

    ایسے حضرات جو ہونڈا اور نسان کی گاڑیاں خریدنے کے شوقین ہیں، اب امکان ہے کہ دونوں برینڈز کے اشتراک سے انھیں مسابقتی قیمت میسر آئے گی۔

    غیرملکی میڈیا رپورٹس کے مطابق ہونڈا اور نسان کے انضمام کیلئے مذاکرات ہوچکے ہیں اور جلد ہونڈا موٹر اور نسان موٹر کے درمیان انضمام کے بنیادی معاہدے پر دستخط متوقع ہیں، ذرائع کا کہنا ہے کہ یہ اشتراک اس لیے کیا جارہا ہے کہ اخراجات میں کمی لائی جاسکے۔

    دونو ادارے جاپان کے دوسرے اور تیسرے سب سے بڑے آٹومیکرز ہیں جو ایک ہولڈنگ کمپنی بنانے کے خواہشمند ہیں تاکہ ٹیکنالوجی اور اخراجات کا اشتراک کرکے مسابقت کو بہتر بنایا جا سکے جس کا فائدہ صارفین کو پہنچے۔

    اگست میں دونوں کمپنیوں نے الیکٹرک گاڑیوں میں پرزوں کو معیاری بنانے اور مشترکہ سافٹ ویئر پلیٹ فارم تیار کرنے پر اتفاق کیا تھا جس میں ماڈل کی خصوصیات اور پارٹس کی فراہمی کے سلسلے میں بھی اشتراکی عمل کیا جائے گا۔

    غیر ملکی حریفوں کی طرف سے اِن گاڑی ساز کمپنیوں کو سخت مقابلے کا سامنا ہے، برقی گاڑیوں، خودکار ڈرائیونگ اور سافٹ ویئر کی تیاری میں امریکہ کی ٹیسلا اور چین کی بی وائی ڈی دوسروں سے آگے ہیں۔

    اس سال ستمبر تک کے چھ مہینوں میں نسان کا خالص منافع گزشتہ سال کے مقابلے میں تقریباً 94 فیصد کم رہا، جس کی جزوی وجہ امریکہ میں فروخت میں کمی رہی۔

    ایک اور کمپنی مٹسوبشی کو ممکنہ ہولڈنگ کمپنی میں شامل کرنے یا نہ کرنے کے حوالے سے بھی تبادلہ خیال کیا گیا ہے، یہ کمپنی بھی ہونڈا کے ساتھ انضمام کے مذاکرات میں شامل ہو سکتی ہے۔

  • ’انضمام کو فوراً استعفیٰ دے دینا چاہیے‘

    ’انضمام کو فوراً استعفیٰ دے دینا چاہیے‘

    قومی ٹیسٹ کرکٹ ٹیم کے سابق کھلاڑی باسط علی نے کہا ہے کہ انضمام کو فوراً استعفیٰ دے دینا چاہیے۔

    آر وائی نیوز کے خصوصی ورلڈ کپ پروگرام میں بات کرتے ہوئے سابق کرکٹر باسط علی نے کہا ہے کہ پاکستان کرکٹ بورڈ نے اتنی بڑی بات کہہ دی کہ ٹیم سلیکشن میں مداحلت ہوئی تو اس صورت میں انضمام الحق کو فوراً استعفیٰ دے دینا چاہیے۔

    سابق کرکٹر باسط علی نے کہا کہ پی سی بی کی پوسٹ بہت بڑی ہے، پہلے انہیں اس بات کی تحقیق کرنی چاہیے تھی اس کے بعد ٹیم سلیکشن اور ایجنٹ  سے متعلق میڈیا پر بات کرنی چاہیے تھی۔

    دوسری جانب کامران اکمل  نے کہا کہ ایجنٹ کا کام پلئیر کے لیے کام لانا ہے، اگر وہ اپنی باؤنڈر لائن سے آگئے جاتے ہیں تو یہ ایک مسئلہ ہے۔

    کامران اکمل نے کہا کہ  اس میں ایجنٹ کا کوئی قصور نہیں کہ اس کے پاس کتنے کھلاڑی ہے لیکن اگر ٹیم کی سلیکشن میں ان کا عمل دخل ہے تو پی سی بی کو سوچنا چاہیے۔

    واضح رہے کہ اے آر وائی نیوز پر پاکستان کرکٹ بورڈ کی منیجمنٹ کمیٹی کے چیئرمین ذکا اشرف نے خصوصی انٹرویو دیا تھا جہاں انہوں نے پاکستان کرکٹ ٹیم میں مینجمنٹ کمپنی کی من مانیاں سامنے آنے پر کرکٹرز اور چیف سلیکٹرز کے بزنس معاہدوں سے متعلق پوچھ گوچھ کرنے کا عندیہ دیا تھا۔

    انہوں نے کہا تھا کہ اس سلسلے میں قانون سازی کی جائےگی، اس طرح کے بزنس معاہدے ٹیم میں مفادات کا ٹکراؤ بن سکتے ہیں۔،چیف سلیکٹرز سے اس متعلق پوچھا جائےگا۔

    انھوں نے کہا کہ پلئیرز کے ایجنٹوں سے متعلق بھی قانون سازی کی جائے گی، ایک ایجنٹ کے پاس زیادہ پلیئرز ہوں گے تو اجارہ داری قائم ہوگی، بزنس معاہدے اور ایجنٹوں کا سنجیدہ مسئلہ ہے اس پر غور کریں گے۔

  • قبائلی اضلاع میں صوبائی اسمبلی کے انتخابات کے لیے پولنگ کل ہوگی

    قبائلی اضلاع میں صوبائی اسمبلی کے انتخابات کے لیے پولنگ کل ہوگی

    پشاور: قبائلی اضلاع میں صوبائی اسمبلی کی 16 نشستوں پر انتخابات کے لیے پولنگ کل (20 جولائی کو) ہوگی۔ 28 لاکھ 1 ہزار 837 ووٹرز اپنا حق رائے دہی استعمال کریں گے۔

    تفصیلات کے مطابق سابق فاٹا (وفاق کے زیر انتظام قبائلی علاقے) کے صوبہ خیبر پختونخواہ میں انضمام کے بعد قبائلی اضلاع کے عوام کل پہلی بار اپنے صوبائی ارکان اسمبلی کا انتخاب کریں گے۔

    الیکشن کمیشن کے مطابق مجموعی طور پر 16 صوبائی نشستوں پر 285 امیدوار میدان میں ہیں،جن میں 2 خواتین بھی شامل ہیں۔ 28 لاکھ 1 ہزار 837 ووٹرز اپنا حق رائے دہی استعمال کریں گے۔

    الیکشن کمیشن نے قبائلی اضلاع میں 1 ہزار 897 پولنگ اسٹیشنز قائم کیے ہیں جس میں 554 کو انتہائی حساس اور 461 کو حساس قرار دیا گیا ہے۔

    شمالی اور جنوبی وزیرستان کے تمام پولنگ اسٹیشنز انتہائی حساس اور حساس کیٹگریزمیں شامل ہیں جن پر فوج تعینات ہوگی۔ پولنگ صبح 8 بجے شروع ہو کر شام پانچ بجے تک بغیر وقفے کے جاری رہے گی۔

    خیال رہے کہ فاٹا کا صوبہ خیبر پختونخواہ میں انضمام گزشتہ برس کیا گیا تھا، وزیر اعظم عمران خان نے جلد سے جلد فاٹا میں صوبائی اور بلدیاتی انتخابات کروانے کا اعلان کیا تھا۔

    وزیراعظم نے کہا تھا کہ تمام صوبے این ایف سی میں 3 فیصد فاٹا کو دیں گے، فاٹا میں دہشت گردی کے خلاف جنگ کے باعث بہت نقصان ہوا۔ رواں مال سال کے بجٹ میں فاٹا کے لیے 73 ارب روپے کا ترقیاتی بجٹ بھی رکھا گیا ہے۔

  • پاک آسٹریلیا سیریز: اسکواڈ کا اعلان، سرفراز کپتانی نہیں کریں گے

    پاک آسٹریلیا سیریز: اسکواڈ کا اعلان، سرفراز کپتانی نہیں کریں گے

    لاہور: پاکستان کرکٹ بورڈ نے قومی ٹیم کے آسٹریلیا کے خلاف سیریز کے لیے اسکواڈ کا اعلان کردیا، سرفراز احمد ٹیم کا حصہ نہیں ہیں۔

    تفصیلات کے مطابق پاکستان کرکٹ بورڈ نے یواے ای میں آسٹریلیا کے ساتھ ہونے والی پانچ ایک روزہ میچز کی سیریز کے لیے اپنے اسکواڈ کا اعلان کیا ہے۔

    ٹیم کے کپتان سرفراز احمد کے بجائے شعیب ملک ہوں گے۔ ان کے علاوہ عابد علی ، فہیم اشرف، حارث سہیل، عماد وسیم، عماد الحق، جنید خان، محمد عباس، محمد عامر، محمد حسنین، محمد رضوان ، سعد علی، شان مسعود، عمر اکمل، عثمان شنواری اور یاسر شاہ شامل ہیں۔

    اس موقع پر چیف سلیکٹرانضمام الحق کا کہنا تھا کہ بابراعظم،فخرزمان،سرفرازاحمد،شاہین شاہ آفریدی کوآرام کاموقع دیاگیاہے جبکہ حسن علی اورشاداب خان کوبھی دیا گیا ہے۔

    آسٹریلیا کے خلاف پانچ ایک روزہ میچز کی یہ سیریز 22 مارچ سے 3 مارچ تک شارجہ کے میدان میں کھیلی جائے گی۔

    شعیب ملک ایک بار پھر کپتانی کے فرائض انجام دیں گے، اس سے قبل ان کی سربراہی میں 38 ایک روزہ میچز منعقد ہوئے ہیں جس میں سے 25 میں وہ فتح یاب ہوئے جبکہ 13 میں شکست ان کے حصے میں آئی ، اس حساب سے ان کی فتح کا تناسب بہت عمدہ ہے۔

    اس 16 رکنی اسکواڈ میں تین اوپننگ بلے باز ہیں جبکہ 4 مڈل آرڈر بلے باز شامل ہیں۔ ایک وکٹ کیپر، دو آل راؤنڈراور پانچ فاسٹ باولر بھی ٹیم کا حصہ ہیں۔

  • فاٹا کو جلد از جلد خیبر پختونخواہ میں ضم کیا جائے، عمران خان

    فاٹا کو جلد از جلد خیبر پختونخواہ میں ضم کیا جائے، عمران خان

    پشاور : چیئرمین تحریک انصاف عمران خان نے کہا ہے کہ فاٹا کا خیبر پختونخواہ میں انضمام دہشت گردی کے خاتمے کے لیے نہایت ضروری امر ہے۔

    سربراہ تحریک انصاف پشاور میں وزیر اعلیٰ خیبر پختونخواہ پرویز خٹک کے ہمراہ حیات آباد میڈیکل کمپلیکس میں میڈیا سے گفتگو کرتے ہوئے پشاور اور لاہو ر میں ہونے والے دہشتگردانہ حملوں کی شدید الفاظ میں مذمت کی اور نیشنل ایکشن پلان پر اس کی روح کے مطابق عمل درآمد کرنے کی ضرورت پر ذور دیا۔

    عمران خان کا کہنا تھا کہ فاٹا دہشت گردوں کی آماج گاہ بن چکا ہے جہاں سے دہشت گرد آ کر ملک کے دورے حصوں میں کارروائیاں کرتے ہیں اس لیے ضروری ہو گیا ہے کہ جتنا جلد ممکن ہوسکے فاٹا کو خیبر پختونخواہ میں ضم کردیا جائے تاکہ اس علاقے کے مسائل کو حل کر کے دیگر شہروں کے مقابلے میں کھڑا کیا جا سکے۔

    انہوں نے کہا کہ فاٹا میں سیکیورٹی صورتِ حال انتہائی خراب ہے جس کے باعث دہشت گردی کی ایک نئی لہر آ رہی ہے اس لیے ہماری ایجنسیوں سمیت سب لوگوں کو آپس میں تعاون اور ربط کو بڑھانا پڑے گا۔

    انہوں نے فاٹا کے خیبرپختونخواہ کے ساتھ ضم کرنے کی ضرورت پر ذور دیتے ہوئے کہا کہ اگر ضربِ عضب اور نیشنل ایکشن پلان سے فائدہ اٹھانا ہے تو جتنی جلدی ممکن ہو سکے فاٹا کو خیبر پختونخواہ میں شامل کریں اور اس کام میں تاخیر کی گئی تو اس کا فائدہ دہشت گردوں کو ہوگا۔

    انہوں نے کہا کہ فاٹا کے پاس وسائل نہیں ہیں اور قبائلی علاقوں کا سارا نظام تباہ ہوچکا ہے اس لیے اگر وہاں بلدیاتی حکومتیں قائم کردی جائیں تو اس طریقے سے قبائلی عوام کو فائدہ پہنچ سکتا ہے اور وہاں بھی ترقی ہو سکتی ہے۔

    اس موقع پر وزیر اعلیٰ خیبر پختونخوا پرویز خٹک نے اپنی جماعت کے سربراہ عمران خان کے مطالبے کی پوری حمایت کرتے ہوئے کہنا تھا کہ فاٹا کو فی الحال 50 ارب روپے مل رہے ہیں لیکن پختونخوا میں ضم ہونے کے بعد فاٹا کو سالانہ 80 سے 100 ارب روپے ملیں گے۔

    اس موقع پر پرویز خٹک نے اسپتال میں موجود میڈیا نمائندگان اور لواحقین سے اپیل کی کہ وہ مریضوں کی سہولت کے لیے اسپتال سے باہر چلے جائیں تاکہ مریضوں کو تکلیف کا سامنا کرنا پڑتا ہے۔

    علاوہ ازیں وزیراعلیٰ خیبر پختونخواہ نے اسپتال کا دورہ کرنے والے سیاسی رہنماﺅں نے سے اپیل کی کہ وہ میڈیا سے گفتگواسپتال کے باہر کریں تاکہ ڈاکٹرز کو مریضوں کی دیکھ بھال میں پریشانی کا سامنا نہ کرنا پڑے۔