Tag: انضمام الحق

افغانستان کے ٹی ٹوئنٹی کپتان اور ورلڈکپ کلاس لیگ اسپنر راشد خان کو افغانستان ٹیم میں لانے میں پاکستان کے سابق کرکٹر کا اہم ترین کردار ہے۔

اے آر وائی کے اسپورٹس پروگرام میں گفتگو کرتے ہوئے پاکستان کے سابق وکٹ کیپر بیٹر کامران اکمل کا کہنا تھا کہ راشد خان کو افغانستان ٹیم میں لانے میں انضام الحق کا بڑا ہاتھ ہے، جب وہ 2015 میں افغانستان ٹیم کے کوچ تھے تو انھوں نے کہا کہ مجھے ایک لیگ اسپنر چاہیے۔

انھوں نے بتایا کہ راشد کو اس وقت کے افغان ٹیم کے کوچ انضام افغان ٹیم میں لے کر آئے، اس کے علاوہ فاسٹ بولنگ میں جو بہتری آئی ہے وہ عمر گل کے بطور کوچ جانے کی وجہ سے آئی ہے۔

کامران اکمل کا کہنا تھا کہ عمر گل ایک عرصے تک افغانستان ٹیم کا بولنگ کوچ رہا ہے، اس ٹیم کے پہلے اسپنرز زیادہ وکٹیں لیتے تھے، تاہم اس کے بعد جتنا عرصہ عمر گل افغان ٹیم کے کوچ رہے فاسٹ بولرز نے سب سے زیادہ آؤٹ کیے۔

View this post on Instagram

A post shared by ARY News (@arynewstv)

انھوں نے کہا کہ یہ ایک اچھا سائن ہے کہ کوئی بھی آتا ہے تو افغانستان کے کرکٹرز اس سے سیکھتے ہیں اور عمل کرتے ہیں۔

وہ لوگ ہماری کرکٹرز کی طرح نہیں ہیں کہ ایک کان سے سنا اور دوسرے کان سے نکال دیا، اس کے علاوہ سن رائزر حیدرآباد نے بھی راشد خان کو پک کیا اور انھیں پالش کیا۔

سابق پاکستانی کپتان انضمام الحق نے کہا ہے کہ جب تک ہارنے کا ڈر دل سے نہیں نکالیں گے تو کوئی فائدہ نہیں، ہم کینیڈا کے خلاف جیت کر بھی ہار گئے۔

نجی چینل کے پروگرام میں گفتگو کرتے ہوئے پاکستان کے سابق چیف سلیکٹر انضمام الحق کا کہنا تھا کہ ہمیں کینیڈا کے خلاف 104 رنز 13 سے 14 اوورز میں کرنے تھے۔ پاکستان ٹیم کو اپنا رن ریٹ بہتر کرنا پڑے گا۔

انھوں نے کہا کہ پلیئرز نے اپنے آپ کو ایک خول کے اندر بند کررکھا ہے، انھیں اس خول کو توڑنا ہوگا ورنہ وہ کبھی جیت نہیں سکتے، کینیڈا کے خلاف جیت کو جیت نہیں کہنا چاہیے، ہم نے صرف ڈرتے ڈرتے اسکور پورا کیا ہے۔

سابق کپتان نے کہا کہ ہمارے پاس اس وقت غلطی کی گنجائش نہیں ہے، کینیڈا کے خلاف پاکستان کو ٹارگٹ 14 اوورز میں پورا کرنا چاہیے تھا، یہ 7 یا سارھے 7 رنز کی اوسط ہوتی اور یہ کوئی اتنی بڑی اوسط نہیں تھی جس کے لیے مشکل پیش آتی۔

انضمام الحق نے کہا کہ رضوان اور بابر دو اہم پلیئرز تھے اور وہ زیادہ تر اوورز کھیل کر گئے ہیں، بابر ورلڈکلاس پلیئر ہے اور رضوان کی ٹی ٹوئنٹی میں پرفارمنس بہت زبردست ہے مگر ایسی پرفارمنس کا کیا کریں جو ٹیم کے لیے فائندہ مند نہ ہو اور اسے وننگ اسٹینڈ پر نہ لاسکے۔

انھوں نے کہا کہ رنز بنانے کو کارکردگی نہیں کہتے، اگر پلیئرز کی پرفارمنس سے ٹیم وننگ اسٹینڈ پر آجائے تو اسے کارکردگی کہا جاتا ہے۔

اسلام آباد یونائیٹڈ کے خلاف پشاور زلمی کے آل راؤنڈر عامر جمال نے اچھی اننگز کھیلی تھی تاہم گراؤنڈ سے باہر جاتے ہوئے عجیب طرح کا رویہ اختیار کیا تھا۔

نجی چینل کے پروگرام میں عامر جمال کے رویے کے بارے میں بات کرتے ہوئے انضمام الحق کا کہنا تھا کہ ہمارے پاس ٹی ٹوئنٹی کے بڑے زبردست پلیئر ہیں، جیسے بابر اور رضوان تاہم انھوں نے اچھی اننگز کھیلنے کے بعد کبھی عجیب و غریب رویے کا اظہار نہیں کیا بلکہ وہ گراؤنڈ میں عاجزی سے رہتے ہیں۔

سابق پاکستانی کپتان نے کہا کہ کھلاڑی کو اپنے سینئر پلئیرز سے سیکھنا چاہیے کہ وہ پرفارمنس کے بعد کس طرح عاجزی والا رویہ اختیار کرتے ہیں، آپ جتنا درست رویہ اختیار کریں گے اتنی ہی آپ کی پرفارمنس اچھی رہیگی۔

انھوں نے کہا کہ آسٹریلیا سے آنے کے بعد عامر جمال کی کافی ہائپ بنی تھی تاہم اسلام آباد کے خلاف آؤٹ ہونے کے بعد وہ جس طرح بلا ہلا کر گئے ہیں تو میں حیران ہوگیا کہ ان کی ٹیم ہار رہی ہے اور وہ اپنی انفرادی پرفارمنس پر خوش ہورہے ہیں۔

انضام نے کہا کہ پلیئرز کو اس طرح کی چیزیں سوچنی چاہئیں اور دیکھنا چاہیے کہ وہ کس طرح کا رویہ اختیار کررہے ہیں۔ اگر کوئی پلیئر اس طرح کا رویہ اختیار کرے گا تو وہ لمبے عرصے کے لیے نہیں کھیل سکے گا۔

سابق کپتان نے کہا کہ اس طرح کی چیزیں پہلے بھی جن لوگوں نے کی ہیں ان کا اچھا خاصہ نام بنا لیکن پھر سب کے سامنے ہے کہ وہ باہر ہوگئے۔ کرکٹر جتنا عاجزی کے ساتھ رہے گا جتنا فوکس رہے گا اس کی اتنی پرفارمنس بہتر رہے گی۔

ڈائریکٹرمیڈیا پاکستان کرکٹ بورڈ نے کہا ہے کہ انضمام الحق کنٹریکٹ کے باعث میڈیا میں بیان بازی نہیں کرسکتے، انکوائری کمیٹی انضمام الحق کو بلائے گی۔

تفصیلات کے مطابق پی سی بی کی ڈائریکٹر میڈیا عالیہ رشید نے واضح کیا ہے کہ معاہدے کی وجہ سے سابق چیف سلیکٹر ذرائع ابلاغ پر بیان نہیں دے سکتے۔ انضمام الحق ہمارے لیے قابل عزت ہیں، ابھی تحقیقات ہو رہی ہیں، شواہد اکھٹے کر رہے ہیں۔

ڈائریکٹرمیڈیا پی سی بی کا کہنا تھا کہ شواہد آجائیں تو ان پر بات کے لیے انکوائری کمیٹی انضمام الحق کو بھی بلائے گی۔

خیال رہے کہ پاکستان کرکٹ ٹیم کی سلیکشن کے حوالے سے مفادات کے ٹکراؤ کا معاملہ سامنے آنے کے بعد سابق چیف سلیکٹر انضمام الحق نے فوری طور پر استعفیٰ دیدیا تھا، پی سی بی نے تحقیقات کمیٹی بھی تشکیل دی ہے۔

ورلڈکپ کے لیے پاکستان کرکٹ ٹیم منتخب کرنے والے سابق چیف سلیکٹر انضمام الحق کا کہنا تھا کہ میرا استعفیٰ اب تک منظورنہیں کیا گیا یہ بات میڈیا کے ذریعے معلوم ہوئی، بورڈ نے نہیں بتایا۔

اس سے قبل پی سی بی کی ڈائریکٹر میڈیا اینڈ کمیونی کیشن عالیہ رشید کا کہنا تھا کہ انضمام الحق سے بلا کر پوچھا جائے گا کہ انھوں نے ایجنٹ کے معاملے پر پی سی بی کو آگاہ کیوں نہیں کیا۔

انھوں نے کہا کہ کھلاڑی اور چیف سلیکٹر کا ایجنٹ ایک ہے تو یہ مفادات کا ٹکراؤ ہے، تحقیقات میں وقت لگ رہا ہے لیکن چاہتے ہیں کہ کسی کے ساتھ زیادتی نہ ہو۔

حال ہی میں استعفیٰ دینے والے چیف سلیکٹر انضمام الحق نے کہا ہے کہ استعفیٰ منظورنہیں کیا گیا یہ بھی میڈیا سے معلوم ہوا۔

تفصیلات کے مطابق پاکستان کرکٹ ٹیم کی سلیکشن کے حوالے سے مفادات کے ٹکراؤ کا معاملہ سامنے آنے کے بعد سابق چیف سلیکٹر انضمام الحق نے فوری طور پر استعفیٰ دیدیا تھا، جب کہ پی سی بی نے تحقیقات کے لیے پانچ رکنی کمیٹی بھی تشکیل دی ہے۔

ورلڈکپ کے لیے پاکستان کرکٹ ٹیم منتخب کرنے والے سابق چیف سلیکٹر انضمام الحق نے کہا کہ میرا استعفیٰ اب تک منظورنہیں کیا گیا یہ بات میڈیا کے ذریعے معلوم ہوئی، بورڈ نے نہیں بتایا۔

انھوں نے کہا کہ سلیکشن کمیٹی کی جو ٹیم مانگی تھی وہ بھی ورلڈکپ کے دوران دی گئی، ورلڈکپ کی سلیکشن میں میری نہیں پرانی ٹیم کام کررہی تھی۔

خیال رہے کہ پی سی بی کی ڈائریکٹر میڈیا اینڈ کمیونی کیشن عالیہ رشید کا کہنا تھا کہ انضمام الحق سے بلا کر پوچھا جائے گا کہ انھوں نے ایجنٹ کے معاملے پر پی سی بی کو آگاہ کیوں نہیں کیا۔

انھوں نے کہا کہ کھلاڑی اور چیف سلیکٹر کا ایجنٹ ایک ہے تو یہ مفادات کا ٹکراؤ ہے، تحقیقات میں وقت لگ رہا ہے لیکن چاہتے ہیں کہ کسی کے ساتھ زیادتی نہ ہو۔

اس کے علاوہ انضمام الحق نے ایک نجی ٹی وی چینل کو انٹرویو میں یازو کمپنی کا ڈائریکٹر ہونے کا اعتراف کیا تھا تاہم ان کا کہنا تھا کہ یہ کمپنی کھلاڑی مینیج نہیں کرتی بلکہ اس کے ذریعے ایمازون پر سائیکلوں کے ہیلمٹ بیچنا چاہتے تھے لیکن یہ بزنس ہم سے ہو نہیں سکا۔