پشاور: وزیرخزانہ خیبرپختونخوا تیمور سلیم جھگڑا کا کہنا ہے کہ تعلیم کے شعبے میں انقلابی تبدیلیاں لائی جارہی ہیں، گزشتہ 5 سالوں میں تعلیمی شعبے میں اصلاحات کی گئی ہیں۔
تفصیلات کے مطابق وزیرخزانہ خیبرپختونخوا تیمورسلیم جھگڑا نے نیوزکانفرنس کرتے ہوئے کہا کہ مختلف شعبوں میں اصلاحات کاعمل تعلیم سے کیا ہے۔
صوبائی وزیرخزانہ نے کہا کہ سرکاری اسکولوں میں اساتذہ کی کمی کوپورا کر رہے ہیں، وزیراعظم کے وژن کے مطابق تعلیمی ترقی اولین ترجیح ہے، تعلیمی شعبے میں تعلیمی سیاست کی کوئی گنجائش نہیں ہے۔
تیمورسلیم جھگڑا نے کہا کہ تعلیم کے شعبے میں انقلابی تبدیلیاں لائی جارہی ہیں، گزشتہ 5 سالوں میں تعلیمی شعبے میں اصلاحات کی گئی ہیں۔
انہوں نے کہا کہ تعلیم کی بہتری کے لیے جدید ٹیکنالوجی کا استعمال کررہے ہیں، تعلیم کے شعبےمیں مزید بہتری کے لیے گنجائش اب بھی ہے۔
تعلیم کے شعبے میں 6 سالوں سے ترجیحی بنیادوں پرکام کررہے ہیں، محمود خان
یاد رہے کہ گزشتہ ہفتے محمود خان کا کہنا تھا کہ تعلیم کے شعبے میں 6 سالوں سے ترجیحی بنیادوں پرکام کر رہے ہیں، ہرایک ماہ بعد یا 2ماہ بعد اسکولوں کی کارکردگی دیکھتے ہیں۔
