Tag: انقلاب

کراچی: ایم کیو ایم کے قائد الطاف حسین نے اے آر وائی نیوز سے خصوصی بات کرتے ہوئے سانحہ پشاور کی شدید الفاظ میں مذمت کی ۔ ان کا کہنا تھا کہ یہ وقت آنسو بہانے کا نہیں بلکہ میدان عمل میں آنے کا ہے۔

متحدہ قومی موومنٹ کے قائد الطاف حسین نے کہاہے کہ پارلیمانی پارٹیوں کے اجلاس میں وزیراعظم نواز شریف، پی ٹی آئی کے سربراہ عمران خان اور دیگر رہنماوٴں پرزوردیا ہے کہ وہ ملک میں قتل وغارتگری میں ملوث سفاک طالبان دہشت گردوں کا کھل کرنام لیں اوربزدلی سے ہرگز کام نہ لیں۔ انہوں نے وفاقی اورصوبائی حکومتوں سے مطالبہ کیا کہ وہ تمام ٹی وی چینلز اور اسکولوں کی حفاظت یقینی بنائیں ، اساتذہ اور میڈیا کے نمائندوں کو اسلحہ کے لائسنس جاری کیے جائیں۔

 الطاف حسین نے ایک مرتبہ پھر سانحہ پشاور کے شہداء کے تمام لواحقین سے دلی تعزیت کا اظہار کرتے ہوئے کہاکہ گزشتہ روز سانحہ پشاور کے موقع پر میں نے حکومت کی مخالفت کرنے کے بجائے نہ صرف اپنا تعاون پیش کیا بلکہ تجویز دی کہ طالبان دہشت گردوں کے خاتمے کیلئے تمام سیاسی ومذہبی جماعتوں کی گول میز کانفرنس طلب کی جائے ۔

 انہوں نے کہاکہ آج وزیراعظم نوازشریف کی سربراہی میں پارلیمانی پارٹیوں کااجلاس ہوا جس میں وزیراعظم کی جانب سے بزدلی کامظاہرہ کیا گیا اور قتل وغارتگری میں ملوث طالبان کا نام لینے سے گریز کیا گیا۔

 الطاف حسین نے کہاکہ ملک وقوم اس وقت حالت جنگ میں ہیں ، اس وقت پوری قوم کو بہادری کامظاہرہ کرنا ہوگا ،اب قوم پر اپنے بچوں کی حفاظت فرض ہوچکی ہے لہٰذا پاکستان کے ہرمحلہ اور گلی میں عوام اپنی حفاظت کیلئے چوکیداری نظام قائم کریں اور اپنے اپنے علاقے میں الارم سسٹم لگوائیں ،مشکوک افراد پر کڑی نظر رکھیں اوراپنے اپنے علاقوں اور عوام کی حفاظت کریں۔

کراچی: متحدہ قومی موومنٹ کے قائد الطاف حسین نے کہاہے پاکستان کے کسی بھی علاقے میں جلسہ جلوس ، یا دھرنا دینا کسی بھی سیاسی جماعت یا شہری کاجمہوری حق ہے۔

متحدہ قومی موومنٹ کے قائد الطاف حسین نے کہاہے پر امن جلسہ ، جلوس ،مظاہرے کرنایا دھرنا دینا ہرسیاسی یامذہبی جماعت اورہرشہری کاجمہوری حق ہے،تحریک انصاف کے سربراہ عمران خان کی جانب سے بارہ دسمبر کوکراچی میں احتجاج کے بارے میں ایم کیوایم کے قائد کا کہنا ہے کراچی میں جلسہ جلوس کرنا، دھرنایامظاہرے کرنا عمران خان اوران کی جماعت کا سیاسی ،جمہوری اورآئینی حق ہے اور ایم کیوایم ان کے اس حق کااحترام کرتی ہے۔

عمران خان کراچی میں خوشی سے جلسہ جلوس کریں، دھرنادیں، احتجاج کریں، بس اتنی اپیل ہے کہ عمران خان اپنے جلسہ جلوس اوراحتجاج کوپرامن رکھیں،الطا ف حسین نےیقین کا اظہار کرتے ہوئے کہاکہ پرامن جلسے ،جلوس اور دھرنے پرکوئی اعتراض نہیں کرے گی ۔

کراچی: الطاف حسین کہتےہیں کہ پی ٹی آئی کےایک کارکن کےقتل پرملک بھرمیں احتجاج ہوا، متحدہ کےکارکن کی ہلاکت پراحتجاج ہوتودہشتگردقراردے دیا جاتاہے، کیاملک کی تیسری بڑی جماعت کااتنابھی حق نہیں ہے۔

متحدہ قومی موومنٹ کے زیرِاہتمام حق پرست شہداء کو خراجِ عقیدت پیش کرنے کے لیے یومِ شہداء کے سلسلے میں یادگارِ شہداء پرقرآن خوانی کی گئی۔ اس موقع پرایم کیو ایم کے قائد الطاف حسین کا کہناتھا کہ36 سال کی جدوجہد میں شہید ہونےوالےحق پرستوں کوخراج عقیدت پیش کرتا ہوں، کارکنان کو بے دردی سے اغوا کرکے قتل کردیا جاتا ہے، الله تعالیٰ سےدعا ہےکہ شہداء کےلواحقین کوصبر کرنےکی ہمت اورطاقت عطا فرمائیں۔

انہوں نے کہا کہ سانحۂ ماڈل ٹاؤن کے خلاف دھرنادینےوالوں کی کوئی مددنہیں کرتا،2 خواتین سمیت13افرادکےقتل پربہت دکھ اورافسوس ہوا،کئی دن تک اس پربات ہوتی رہی، ایک شہادت پر پورے ملک میں یوم سوگ منایا جاتا ہے ، تو کچھ نہیں اورایم کیو ایم کیو کے گلی گلی کارکنان شہید ہونے پر یوم سوگ منایا جائے تو دہشتگرد کہہ کر بلایا جاتا ہے، طاہرالقادری کےکارکنوں پرآنسوگیس کی گئی شیلنگ اورلاٹھی چارج کیاگیا، ایم کیو ایم پرگزری ہےاس لیےایم کیوایم دھرنےوالوں کی مددکرنے گئی۔

الطاف حسین نے کہا کہ کیاپاکستان کی تیسری بڑی جماعت کاکوئی حق نہیں، سرکاری ٹی وی ایک فیصدبھی ایم کیوایم کی خبرنہیں دیتا، موت موت ہوتی ہےچاہےوہ کسی بھی مذہب سےتعلق رکھنےوالےشخص کی ہو، صرف2013اور2014میں ایم کیوایم کے300سےزائدکارکنان جاں بحق ہوئے۔

متحدہ کے قائد کا کہنا تھا کہ زمین کے فرزندوں کی ہرغلطی معاف کی جاتی ہےلیکن پاکستان بنانےوالےپاکستانی نہیں سمجھےجاتے، سال میں ایک مرتبہ حق پرست یومِ شہدامنایاجاتاہے، 65سال میں بھی پاکستانی نہ سمجھاجائےاوراسکی بات کروں توعصبیت کاالزام لگایاجاتاہے، کارکن خوداندازہ لگائیں کہ ایم کیوایم بنانےکی ضرورت کیوں پیش آئی؟ ایم کیو ایم کےکارکنان کی ہلاکت پراحتجاج ہوتودہشتگردقراردیاجاتاہے، کسی بھی دورمیں سرکاری ٹی وی ہماری خبرنشرنہیں کرتاکیا ہم پاکستانی نہیں ہیں۔

الطاف حسین نے کہا کہ پاکستان کاتیسرابڑاشہرحیدرآبادہوتاتھاجوآج پانچواں یاساتواں ہے، دنیاکاکوئی وزیرتعلیم ایسانہیں ہوگاجو یونیورسٹی نہ بننےدے، وزیرتعلیم نےکہا کہ حیدرآبادمیں یونیورسٹی بنےگی تومیری لاش پربنےگی67سال سےحیدرآبادکےعوام شہر میں یونیورسٹی بنانےکامطالبہ کررہےہیں، حق پرست شہداءکےباعث کچھ ہواہویانہیں لیکن حیدرآبادمیں یونیورسٹی بن رہی ہے۔،