کراچی: الطاف حسین نے سپریم کورٹ کے سابق سینئرجج جسٹس سرداررضا کوپاکستان کاچیف الیکشن کمشنر مقررکئے جانے پردلی مبارکبادپیش کی ہے۔
اپنے ایک بیان میں متحدہ قومی موومنٹ کے قائد الطاف حسین نے امیدظاہرکی کہ جسٹس سرداررضاچیف الیکشن کمشنر کی حیثیت سے پاکستان کے انتخابی نظام میں موجود خامیوں کودورکرنے ،انتخابی عمل کو بہتربنانے اورآئندہ انتخابات کو صاف وشفاف بنانے کے لئے اپنی صلاحیتوں کوبروئے کارلائیں گے۔
لندن: میٹروپولیٹن پولیس نے بانی و قائد الطاف حسین کو ان کے وکلاء کے ذریعے مطلع کیا ہے کہ انکی ضمانت میں 14اپریل 2015ء تک توسیع کردی گئی ہے۔
الطاف حسین نے اطلاع ملنے پر کہا ہے کہ ” ضمانت میں توسیع برطانوی عدالتی نظام کا معمول ہے اور مجھے توقع ہے کہ اس توسیعی عمل سے حکام کو جلد از جلد حتمی نتیجے پر پہنچنے میں مدد ملے گی،الطاف حسین نے ساری دنیا میں موجود اپنے لاکھوں کارکنان اور کروڑوں چاہنے والوں کو مخاطب کرتے ہوئے کہا کہ اس ضمن میں ثابت قدمی کا مظاہرہ جاری رکھیں اور حق کی سربلندی کے لئے دعا گو رہیں“۔
ایم کیو ایم بین الالقوامی اقدار سے ہم آہنگ قومی جماعت ہے جو قیام پاکستان سے لیکر آج تک ملک سے فرسودہ جاگیرادانہ اور وڈیرانہ نظام کے خاتمے کے لئے پر امن سیاسی وجمہوری جدودجہد میں مصرو ف ہے اور پاکستان میں عوام کے لئے حقیقی جمہوری نظام کا نفاذچاہتی ہے۔
حیدرآباد: ایم کیو ایم کے قائد الطاف حسین نے کہا ہے کہ خدا کے یہاں دیر ہے اندھیر نہیں، حیدرآباد میں یونیورسٹی کے خلاف باطل قوتوں کی گھناؤنی سازشیں ناکام ہوگئیں۔
حیدرآباد میں ارکان زونل کمیٹی سے گفتگو مین الطاف حسین کا کہنا تھا کہ حیدرآباد کی حق پرست عوام اور ایم کیو ایم کے کارکنان کی بے شمار قربانیاں ہیں باوجود شدید ظلم و ستم کے بھی حیدرآباد کے حق پرست عوام اور ایم کیو ایم کے کارکنان ثابت قدم رہے جس کے صلے میں اللہ تعالی نے ہمیں اتنی بڑی خوشخبری سے نوازا۔الطاف حسین نے کہا کہ حیدرآباد میں یونیورسٹی کے قیام میں بحریہ ٹاؤن کے روح ِ رواں ملک ریاض اور گورنر سندھ ڈاکٹر عشرت العباد کا بہت بڑا حصہ ہے۔ الطاف حسین نے حیدرآباد کی حق پرست عوام اورطلبہ و طالبات کو یونیورسٹی کے قیام کے اعلان پر مبارکباد پیش کی۔
کراچی: ایم کیو ایم کے قائد الطاف حسین نے کہا ہےکہ وزیر اعظم ، وزیر اعلیٰ پنجاب اور وفاقی وزارا تیس نومبر کو صبر و تحمل کا مظاہرہ کریں۔
الطاف حسین کا کہنا تھا کہ سندھ کوانتظامی یونٹ کی طرح بانٹ دیاجائیگا، کچھ وزرانےکہا حیدرآبادمیں یونیورسٹی نہیں بنےگی گورنرسندھ نےحیدرآبادکےعوام کی خواہش پوری کی آصف زرداری نےبخوشی یونیورسٹی کی اجازت دی ملک ریاض حیدرآبادکےعوام کیلئےرحمت کا فرشتہ بن کر آئے آج تک کوئی اردو بولنےوالاسندھ کاوزیراعلیٰ نہیں بنا کوٹاسسٹم ختم کرکے50 ,50فیصدکاسسٹم نافذکرینگے وڈیرے،جاگیر داردیہات میں اسکول نہیں بننےدیتے
الطاف حسین نے کہا کہ ہر کسی کو اس کا جائز حصہ ملنا چاہیے، سندھیوں کو آج تک چالیس فیصد حصہ نہیں ملا، کوئی اردو بولنے والا وزیراعلیٰ بھی نہیں بنا، سندھ میں پرانا کوٹہ سسٹم ختم کرکے پچاس، پچاس فیصد کوٹہ سسٹم نافذ کریں گے، سندھ تقسیم نہیں ہوگا بلکہ انتظامی یونٹس بنائیں گے۔
الطاف حسین نے کہا کہ جو کام بحریہ ٹاؤن کے سربراہ نے کیا ہے کاش وزیراعلیٰ سندھ یا ان کی حکومت کرتی لیکن متعصب وزراء نے کہا کہ حیدر آباد میں یونیورسٹی نہیں بن سکتی۔ اللہ تعالی نے ملک ریاض کو فرشتہ بنا کر بھیجا ہے ان کے اعلان سے سڑسٹھ سال بعد دیرینہ خواہش پوری ہوگئی ہے۔
کراچی: گورنر سندھ سید عشرت العباد اور بحریہ ٹاﺅن کے چیئرمین ملک ریاض نے مشترکہ طور پر پاکستان ہاکی ٹیم سے ملاقات کے بعد میڈیا سے بات کرتے ہوئے اعلان کیا کہ وہ ایم کیو ایم کے قائد الطاف حسین کے نام پر یونیورسٹی بنائیں گے۔
بحریہ ٹاﺅن کے چیئرمین ملک ریاض کا کہنا تھا کہ الطاف حسین کی اپنی قوم کے لیے بہت خدمات ہیں اور ہم ان کا اعتراف کرتے ہوئے الطاف حسین کے نام کی عالمی سطح کی یونیورسٹیاں قائم کریں گے،انہوں نے بتایا کہ یونیورسٹی کی فیس سرکاری اداروں سے بھی کم ہو گی اور نہ صرف کراچی بلکہ حیدرآباد میں بھی یونیورسٹی کا قیام عمل میں لایا جائے گا۔
انہوں نے بتایا کہ پہلی یونیورسٹی کراچی میں قائم ہوگی اور اس سلسلے میں اگلے ماہ کام شروع کر دیا جائے گا،اس کے علاوہ ملک ریاض نے ایم کیو ایم کے شہید ہونے والے کارکنان کو بحریہ ٹاﺅن میں پلاٹ بھی دینے کا اعلان کیا۔
ہاکی ٹیم کی تعریف کرتے ہوئے ملک ریاض کا کہنا تھا کہ ایک وقت تھا جب ہماری ٹیم کا لوہا پوری دنیا میں مانا جاتا تھا،انہوں نے ہاکی ٹیم کو 50 لاکھ روپے اعام کے طور پر دیا جبکہ یہ اعلان بھی کیا کہ اگر ہاکی ٹیم چیمپئنز ٹرافی جیتے گی تو ٹیم کو ایک کروڑ روپے کا انعام دیا جائے گا،ان کے علاوہ گورنر سندھ عشرت العباد نے بھی ہاکی ٹیم کے لیے 10 لاکھ روپے انعام کا اعلان کیا۔
لندن: ایم کیوایم کے قائد الطاف حسین نے کہا ہے کہ دہشتگردوں کی بزدلانہ کارروائیوں سے ہمارے حوصلے پست نہیں ہوسکتے۔
ایم کیوایم کے قائد الطاف حسین نے اورنگی ٹاؤن میں دہشت گردوں کی جانب سے ایم کیوایم کے رکنیت سازی کیمپ پر دستی بم حملے کی شدید مذمت کی ، انہوں حملے میں زخمی ہونے والے ارکان سندھ اسمبلی محمدحسین ، عبداللہ اوردیگرزخمی کارکنوں کی فون پرخیریت دریافت کی اوران کی صحتیابی کیلئے دعاکی۔
اس موقع پر الطاف حسین کا کہنا تھا کہ دہشت گردوں ان کے مذموم مقاصد مہ کامیاب نہیں ہونے دینگے اور نہ ہی اس قسم کی بزلادنہ کارروائی سے ہمارے حوصلے پست ہوسکے ہیں، انہوں نے ذمہ داران و کارکنوں سے کہاکہ وہ اپنی صفوں میں اتحادبرقراررکھیں اورپرامن جدوجہدجاری رکھیں۔
کراچی: ایم کیوایم الطاف حسین کا کہنا ہےمظلوموں کیلئےوزیراعظم اوروزیراعلیٰ کےپاس کیاکچھ بھی نہیں ہے۔
متحدہ کے قائد الطاف حسین نے سینئرتجزیہ کار حسن نثار سے ٹیلیفونک گفتگو کرتے ہوئے کہا کہ وہ بلوچ عوام کے لئے ہمیشہ آواز اٹھاتے رہے گے،ان کا کہنا تھا کہ بلوچ قوم کی محرومی اور مظالم کا احساس ہے، الطاف حسین نے کہا کہ بلوچستان میں غریب پنجابیوں کوقتل کرناسراسرظلم ہے قتل پر پنجاب کے کسی رہنما یا کسی بھی جماعت نے آواز نہیں اٹھائی، الطاف حسین کا کہنا ہے کہ بلوچستان کے حقوق کی جدوجہد کرنے والوں کو پنجابی محنت کشوں کے بارے میں اپنی پالیسی پر نظر ثانی کرنی چاہیے۔
کراچی: ایم کیوایم کے قائد الطاف حسین نے ممبرشپ فارم بھرکرایم کیوایم میں شامل ہونے والوں کوخوش آمدید کہاہے۔
رابطہ کمیٹی سے گفتگو کرتے ہوئے الطا ف حسین نے عوام سے اپیل کی کہ وہ حقیقی تبدیلی کیلئے زیادہ سے زیادہ تعدادمیں ایم کیوایم میں شامل ہوں،ان کاکہناتھا ایم کیوایم نےمتوسط طبقے کے نوجوانوں کواسمبلیوں میں بھیج کر ملک کی سیاسی تاریخ میں انقلاب برپاکیا۔ایم کیوایم متوسط طبقے کواس کاجائزمقام دلانے کیلئے پرامن انقلاب کی جدوجہدکررہی ہے ۔
الطاف حسین نے بھرپوراندازمیں ممبرسازی مہم شروع کرنے پر کراچی سمیت سندھ ،پنجاب ،بلوچستان ،خیبرپختونخوا ،گلگت بلتستان اورآزادکشمیر کے عہدیداران کوزبردست خراج تحسین پیش کیا
کراچی: تھر کا درد لیے ایم کیوایم کاوفد پیرپگارا کےراجہ ہاؤس پہنچ گیا اور تھر واسیوں کے لئےمل کرآواز اٹھانے کی اپیل کی گئی۔
ایم کیو ایم رابطہ کمیٹی کے وفد نے مسلم لیگ فنکشنل کے سربراہ پیرپگارا سے ملاقات کی ، رابطہ کمیٹی کے ڈپٹی کنوینر خالد مقبول صدیقی،بابر غوری، ور وسیم اختر پر مشتمل وفد نے پیرپگارا سے تھر کی صورتحال، سیاسی امور پرتبادلہ خیال کیا۔ ملاقات کے بعد میڈیا سے گفتگو کرتے ہوئے خالد مقبول صدیقی نے کہا کہ سندھ حکومت نے پورے سندھ کو تھر بنادیا ہے ، وزیراعلیٰ سندھ کہتے ہیں کہ تھر کی صورتھال بہتر کرنا انسان کے ہاتھ میں نہیں ہے ، تھر خدا کے حوالے سے ہے ، تو ہم وزیراعلیٰ سندھ سے کہتے ہیں کہ وہ خدا کے حوالے کرکے چلے جائیں، انہوں نے کہا کہ پیرپگارا نے ہم کو یقین دلایا ہے کہ سندھ کے مسائل پر متفقہ جدوجہد کی جائے گی۔
اس موقع پر پیرپگارا نے کہا کہ گذژتہ چھ برسوں سے سندھ کی حالت بہت خراب ہے ، اس کی ذمہ دار ی سندھ حکومت کی ہے ، تھر میں لوگوں کو گندم میں مٹی ملاکر دی جارہی ہے ، ایک سوال پر پیرپگارا نے کہا کہ پنجاب صوبہ بڑا ہے ، وہاں بہاولپور صوبہ بحال ہونا چاہیے ، نئے صوبوں کیلئے آئین اور اسمبلیاں موجود ہیں کسی کے کہنے سے نہ کوئی صوبہ بن سکتا ہے اور کوئی صوبہ مٹاسکتا ہے ۔
کراچی: ایم کیو ایم کے قائد الطاف حسین کا کہنا ہے کہ تھر کے درد ناک مناظر دیکھ کر شاید کوئی آنکھ ہو جو اشکبار نہ ہو۔
متحدہ قومی مومنٹ کے قائد الطاف حسین نے کہا ہے کہ تھر میں قحط او رخشک سالی اور حکومتی بدانتظامی کی وجہ سے آج جو صورتحال ہوگئی ہے اور جو درد ناک مناظر ہیں وہ انتہائی دلخراش ہیں، انہوں نے یہ بات آج ایم کیوایم انٹر نیشنل سیکر یٹریٹ لندن میں رابطہ کمیٹی اور پاکستان سے آنیوالے ذمہ داران سے گفتگو کرتے ہوئے کہی، ایم کیوایم میڈیکل ایڈ کمیٹی اور خدمت خلق فائونڈیشن کی جانب سے تھر کے علاقوں مٹھی ، ننگر پار کر اور چھاچھر و میں طبی امدادی کیمپ بھی قائم کئے گئے ہیں جہاں بیمار بچوں ،عورتوں او ردیگر افراد کو علاج معالجہ کی سہولیتیں فراہم کی جارہی ہیں ۔