نوجوان بلے باز خواجہ نافع نے پی ایس ایل کی تاریخ میں منفرد ریکارڈ قائم کرتے ہوئے وہ کارنامہ کردکھایا جو اب تک کوئی نہ کرسکا۔
کوئٹہ گلیڈی ایٹرز کے جارح مزاج بیٹر خواجہ نافع پاکستان سپر لیگ کی تاریخ کے پہلے بلے باز بن گئے ہیں جنھوں نے 30 سے زائد گیندوں کا سامنا کرتے ہوئے صرف ایک ڈاٹ بال کھیلی۔
انھوں نے اپنی اننگز کے دوران 31 بالز کا سامنا کیا اور سوائے ایک بال کے ہر گیند پر رن اسکور کیا۔ ان کی شاندار اننگز میں 3 چھکے اور 4 چوکے بھی شامل تھے۔
نوجوان بیٹر پی ایس ایل کے 9 ایڈیشن میں اب تک کے ایسے پہلے بلے باز بنے جنھوں نے 30 گیندوں سے زائد کی اننگز کے دوران صرف ایک بار بال ضائع کی اور اسے ڈاٹ کی صورت میں کھیلا۔
View this post on Instagram
واضح رہے کہ پی ایس ایل 9 میں کوئٹہ گلیڈی ایٹرز کے نوجوان بیٹر خواجہ نافع نے میچ وننگ اننگز کھیل کر اپنی ٹیم کو کامیابی دلوائی۔
قذافی اسٹیڈیم میں کھیلے گئے میچ میں لاہور قلندرز کی جانب دیا گیا 188 رنز کا ہدف کوئٹہ گلیڈی ایٹرز نے آخری اوور میں 5 وکٹوں کے نقصان پر حاصل کیا.
کوئٹہ گلیڈی ایٹر کے ون ڈاؤن بیٹر خواجہ نافع کو ناقابل شکست 60 رنز کی اننگز کھیلنے پر میچ کا بہترین کھلاڑی بھی قرار دیا گیا۔