ARYNews.tv | Urdu – Har Lamha Bakhabar

Tag: اننگز ڈکلیئر

  • کراچی ٹیسٹ:نیوزی لینڈ نے 612 رنز پر پہلی اننگز ڈکلیئر کردی

    کراچی نیشنل بینک ارینا میں پاکستان اور نیوزی لینڈ کے درمیان پہلے ٹیسٹ میچ میں کیوی ٹیم نے 612 رنز پر اننگز ڈکلیئر کردی ہے۔

    نیوزی لینڈ کی جانب سے کین ولیمسن اور ایش سوڈھی نے ذمہ دارانہ بیٹنگ کی، جبکہ قومی ٹیم کے اسپنر ابرار احمد نے 5 وکٹ حاصل کی۔

    کین ولیمسن نے پاکستان کیخلاف ڈبل سینچری اسکور کی اور ناٹ آؤٹ رہے، نیوزی لینڈ کو کراچی ٹیسٹ میں پاکستان پر 174رنز کی برتری حاصل ہے۔

    گزشتہ روز ہی کین ولیمسن اور ٹام لیتھم کی سینچریوں کی بدولت نیوزی لینڈ پاکستان کی پہلی اننگز کا اسکور برابر کرنے میں کامیاب ہوگئی تھی۔

    نیوزی لینڈ کے سابق کپتان کین ولیمسن نے ٹیسٹ کرکٹ میں دو سال بعد سینچری بنائی ہے۔

    کراچی ٹیسٹ: نیوزی لینڈ کو برتری مل گئی

    اس سے قبل پاکستان ٹیم کراچی ٹیسٹ کی پہلی اننگز میں 438 رنز بناکر پویلین لوٹ گئی تھی، کپتان بابراعظم نے 161 رنز کی شاندار اننگز کھیلی، آغا سلمان نے 103 رنز کی دلکش اننگز کھیل کر ٹیم کے مجموعے کو 438 رنز تک پہنچانے میں اہم کردار ادا کیا۔

    تین سال بعد ٹیم میں کم بیک کرنے والے قومی ٹیم کے سابق قائد سرفراز احمد نے بھی 86 رنز کی عمدہ اننگز کھیل کر اپنی فٹنس کو ثابت کیا۔

  • دبئی ٹیسٹ ڈرا ہونے پر مایوسی ہوئی، مصباح الحق

    دبئی ٹیسٹ ڈرا ہونے پر مایوسی ہوئی، مصباح الحق

    دبئی: پاکستان ٹیم کے کپتان مصباح الحق کا کہنا ہے کہ دبئی ٹیسٹ ڈرا ہونے پر مایوسی ہوئی، سرفراز احمد اور یاسر شاہ کی جتینی تعریف کی جائے کم ہے، دونوں ٹیموں کے پاس میچ جیتنے کا موقع تھا۔

    دبئی ٹیسٹ میں نیوزی لینڈ کے دو سو اکسٹھ رنز کے تعاقب میں قومی بیٹنگ لائن لڑکھڑا گئی، مصباح الحق کا کہنا ہے کہ ٹیم کی کارکردگی پر مایوسی ہوئی، کیچز پکڑ لیتے تو نتائج مختلف ہوتے، ہدف کے تعاقب پر مصباح الحق نے کہا کہ چالیس سے پینتالیس اوورز تک نارمل کرکٹ کھیلنے کے بعد سرفراز کو پرموٹ کرنے کا پلان تھا لیکن وکٹیں گرنے کیوجہ سے دفاعی حکمت عملی اپنائی۔

    سرفراز احمد کی فارم کے متعلق مصباح نے کہا کہ وکٹ کیپر زندگی کی بہتری فارم میں ہے، نوجوان اسپنر یاسر شاہ کی کارکردگی کو سہراتے ہوئے مصباح نے کہا کہ یاسر شاہ کی پرفارمنس ہر میچ میں بہتر ہورہی ہے۔

  • پاکستان اورنیوزی لینڈ کےدرمیان دبئی ٹیسٹ ڈرا ہوگیا

    پاکستان اورنیوزی لینڈ کےدرمیان دبئی ٹیسٹ ڈرا ہوگیا

    دبئی: پاکستان اور نیوزی لینڈ کے درمیان دبئی ٹیسٹ ہار جیت کے فیصلے کے بغیر ختم ہوگیا، قومی ٹیم کو سیریز میں ایک صفر کی برتری حاصل۔

    پاکستانی شاہینوں اور کیویز کے درمیان دبئی ٹیسٹ نتیجہ خیز رہا، دو سو اکسٹھ رنز کے تعاقب میں قومی ٹیم ایک سو چھیانوے رنز بناسکی، نیوزی لینڈ نے دوسری نامکمل اننگز چھ کھلاڑی آؤٹ ایک سو سٹرسٹھ رنز پر شروع کی اور پوری ٹیم دو سو پچاس رنز بناکر آؤٹ ہوگئی۔

    راس ٹیلر نے ایک سو چار رنز کی جارحانہ اننگز کھیلی، ذوالفقاربابر نے چار اور یاسر شاہ نے پانچ کھلاڑیوں کو آؤٹ کیا، باہتر اوورز میں پاکستان کو دو سو اکسٹھ رنز کا ہدف ملا، مایوس کن آغاز اور پھر مڈل آڈر کی غیر ذمہ داری بلے بازی نے پاکستان کیلئے مشکلات بڑھائی۔ رہی سہی کسر سست بیٹنگ نے پوری کردی

    وقفے وقفے سے وکٹیں کرنے کے باعث شاہین ہدف کا تعاقب نہ کرسکے۔کھیل کے اختتام تک پاکستان نے پانچ وکٹوں پر ایک سو چھیانوے رنز بنائے،سیریز کا تیسرا میچ چھبیس سے نومبر کو شارجہ میں شروع ہوگا۔

  • دبئی ٹیسٹ:نیوزی لینڈ نے نو کھلاڑی آؤٹ پراننگ ڈکلیئرکردی

    دبئی ٹیسٹ:نیوزی لینڈ نے نو کھلاڑی آؤٹ پراننگ ڈکلیئرکردی

    دبئی ٹیسٹ: پاکستان اور نیوزی لینڈ کے درمیان دبئی میں  کھیلے جارہے ٹیسٹ میچ کے پانچویں روز نیوزی لینڈ نے اپنی اننگز 167 رنز چھ کھلاڑی آؤٹ پر شروع کی تاہم نیوزی لینڈ کےکپتان میکلم نے نو کھلاڑی آؤٹ پر اننگز ڈکلیئرکردی۔

      نیوزی لینڈ کی ٹیم نے پاکستان کو 261 رنز کا ٹارگٹ دیا ہے جو پاکستانی ٹیم کو 74.1 اوورز میں پورا کرنا ہے، نیوزی لینڈ کے راس ٹیلر نے ایک سو چار،برنڈن میکلم 45 مارک کریگ چونتیس جبکہ ٹم ساؤتھی بیس رنز بنا کر نمایاں رہے۔

    پاکستانی باؤلرز یاسر شاہ نے پانچ وکٹس لیں اور ذوالفقار بابر نے چارکھلاڑیوں کو آؤٹ کیا۔تازہ ترین اطلاعات کے مطابق پاکستان کی بیٹنگ جاری ہے اور ابتک قومی ٹیم کے اوپنر توفیق عمر چاررنز بنا کرکیچ آؤٹ ہوکر پویلین لوٹ گئےہیں۔

    اس وقت شان مسعود اور محمد اظہر اکتیس رنز ایک کھلاڑی آؤٹ پرکریز پر موجود ہیں اور بارہویں اوور کا کھیل جاری ہے۔