Tag: انوار الحق کاکڑ

نگراں وزیراعظم انوار الحق کاکڑ نے کہا کہ پاکستان نے تارکین وطن کو فراخدلی سے سنبھالا ہے تارکین وطن کو رجسٹریشن اور واپسی کے مواقع دیئے جلد بازی سے کام لینے کا کہنا بالکل غلط ہے۔

تفصیلات کے مطابق نگران وزیر اعظم انوار الحق کاکڑ نے برطانیہ کے بڑے اخبار ٹیلی گراف میں لکھا کہ گزشتہ دہائیوں کے دوران آئرلینڈ کی آبادی کے برابر تارکین وطن آچکے ہیں اور ہم نے فراخدلی سے تارکین وطن کی اتنی بڑی تعداد کو سنبھالا ہے۔

وزیر اعظم نے کہا کہ مہمان نوازی پاکستان کے ڈی این اے میں شامل ہے، غیر قانونی تارکین وطن کو رضاکارانہ طور پر رجسٹریشن اور واپسی کے مواقع دیئے، یہ کہنا بالکل غلط ہے کہ پاکستان نے جلد بازی سے کام لیا۔

انہوں نے کہا کہ بہت سے غیر قانونی لوگ بلیک مارکیٹ میں کام کرتے ہیں، کوئی ٹیکس نہیں دیتے، یہ لوگ انڈر ورلڈ کے استحصال کا شکار بھی ہیں، اگست 2021 سے کم از کم 16 افغانیوں نے پاکستان میں خودکش حملے کئے۔

وزیر اعظم کا کہنا تھا کہ پاکستان نے افغان حکومت کے ساتھ سیکیورٹی مسائل پر بات کی افغان حکومت نے ہمیں کہا اپنے اندرونی معاملات خود ٹھیک کریں پھر پاکستان نے فیصلہ کر لیا کہ ہم اپنے اندرونی معاملات ٹھیک کریں گے۔

وزیراعظم نے کہا کہ غیر قانونی تارکین وطن کے انخلا پر سوشل میڈیا پر غلط معلومات، بے بنیاد الزامات کی بھر مار ہے، غیر قانونی افراد کے ساتھ احترام اور دیکھ بھال کے ساتھ برتاؤ کرنے کے سخت احکامات ہیں، تقریباً 79 ٹرانزٹ مراکز قائم کیے جو مفت کھانا، پناہ گاہ اور طبی سہولیات فراہم کر رہے ہیں۔

انوالحق نے کہا کہ اتنی بڑی تعداد میں غیر قانونی افراد کو قیام کی اجازت دیکر قومی سلامتی پر مزید سمجھوتہ نہیں کرسکتے ہمارا  مقصد پاکستان کو محفوظ، پر امن اور خوشحال بنانا ہےپاکستان میں تارکین وطن کا مسئلہ بالکل مختلف نوعیت کا ہے۔

نگراں وزیراعظم کا کہنا تھا کہ دنیا بھر میں حکومتیں بڑے پیمانے پر تارکین وطن کیلئے پالیسیاں بنارہی ہیں، کئی ممالک معاشی، موسمیاتی تبدیلی مد نظر رکھ کر تارکین وطن کیلئے فیصلے کرتے ہیں۔

اسلام آباد : نگراں وزیراعظم انوار الحق کاکڑ کا کہنا ہے کہ اگر کوئی سرنڈر نہیں کرے گا تو بات نہیں ہوگی، یہ انہیں بتانا چاہیے وہ رجوع کرنا چاہتے یا نہیں، ایسانہیں ہوسکتا سکندراعظم کی طرح ٹریٹ کرکےبٹھایا جائے۔

تفصیلات کے مطابق نگراں وزیراعظم انوار الحق کاکڑ نے شہداء کے لواحقین سے گفتگو کرتے کہا کہ شہدا کے لواحقین کے غم کا مداوا کرنے کیلئے ہمارے پاس کچھ بھی نہیں، یہ وہ لوگ ہیں جنہوں نےقیمت اداکی ہے، قوم ان لوگوں کی مقروض رہے گی۔

انوار الحق کاکڑ کا کہنا تھا کہ کوئی بھی ریوارڈ ماسوائے خدا کی ذات کے کوئی نہیں دے سکتا، شہید مرتا نہیں ہے ہمیشہ زندہ رہتاہے، یہ واحدلوگ ہوتےہیں جو کسی بھی رکاوٹ کےبغیراللہ کے حضورپہنچ جاتے ہیں، جانے کا غم اپنی جگہ جورہ جاتے ہیں ان کیلئے باقی کی زندگی چیلنج ہوتی ہے۔

نگراں وزیراعظم نے کہا کہ معاشرےکافرض ہےانہیں عام نظر سے نہ دیکھیں کیونکہ یہ عام لوگ نہیں ہوتے، پوری قوم کی طرف سے ہم آپ کوخراج تحسین پیش کرتے ہیں ، آپ اورآپ کےخاندان جس مرحلےسےگزررہےہیں یہ آسان کام نہیں۔

ان کا مزید کہنا تھا کہ اس میں پولیس،سیاستدان،فوج اورعام شہری موجودہیں، ہماراوہ بچہ جس نےاسکول میں خودکش بمبار کو گلے لگا کر روکااوروہ پھٹ گیا، حیران ہوں کس طرح اسکےذہن میں یہ بات آئی اوراس نےموت کوگلے لگایا۔

انوار الحق کاکڑ نے واضح کیا کہ کسی بھی گروہ یا فرد کو دہشتگردی کی اجازت نہیں دی جاسکتی ، کوئی طالبان توکوئی بی ایل اے سے بات چیت کرنا چاہتا ہے، کوئی کسی سے بھی بات نہیں کرنا چاہتا، کوئی ان میں سے کسی ایک سے بات کرنا چاہتا ہے لیکن کسی فردکوخلاف ورزی کرنےکاحق نہیں۔

نگراں وزیراعظم کا کہنا تھا کہ ریاست نے جووردی پہنائی ہےان پرفرض ہےوہ وطن کی حفاظت کریں، کیا وہ گروہ ہمارے درمیان آچکے ہیں ان سےبات کرنی چاہیے یا نہیں، یہ انہیں بتانا چاہیے وہ رجوع کرنا چاہتے یا نہیں ریاست کیوں پیچھے پڑے۔

انھوں نے کہا کہ ایسا نہیں ہوسکتا سکندر اعظم کی طرح ٹریٹ کرتے ہوئے انہیں بٹھایا جائے، اگر وہ اپنی غلطی نہیں مانتےتو ہم ان کیساتھ بیٹھنے کو تیارنہیں۔

انوار الحق کاکڑ نے واضح پیغام میں کہا کہ اگر کوئی سرنڈرنہیں کرے گا تو کوئی بات چیت نہیں ہوگی، اگر سرنڈر کرنا ہے تو غیرمشروط کرنا ہوگا، بات چیت کرنے کا کسی کو کوئی شوق نہیں ہے۔

اسلام آباد : نگران وزیراعظم انوار الحق کاکڑ جڑانوالہ کے دورے پر روانہ ہوگئے ، دورے کے دوران وہ متاثرہ خاندانوں سے اظہار یکجہتی کریں گے اور مدادی چیکس تقسیم کریں گے۔

تفصیلات کے مطابق نگران وزیراعظم انوار الحق کاکڑ جڑانوالہ کے دورے پر اسلام آباد سے روانہ ہوگئے ، جہاں وہ سانحہ جڑانوالہ کے متاثرہ خاندانوں سے اظہار یکجہتی کریں گے اور امدادی چیکس تقسیم کریں گے۔

محسن نقوی نگران وزیر اعظم کے ہمراہ متاثرہ مسیحی آبادی کا دورہ کریں گے اور متاثرہ خاندانوں سے اظہار یکجہتی کریں گے۔

وزیر اعظم اور وزیر اعلی متاثرین میں 20 ،20 لاکھ روپے کے چیک تقسیم کریں گے، اس دوران محسن نقوی وزیر اعظم کو مسیحی آبادی میں بحالی کے کاموں میں پیشرفت سےبھی آگاہ کریں گے۔

نگران وزیر اعظم کو ملزمان کے خلاف کے حوالے سے بھی بریفنگ دی جائے گی۔

نگران وزیراعظم انوار الحق کاکڑ نے روانگی سے قبل اپنے ٹوئٹ میں کہا کہ مسیحی بھائیوں سے ملنے اور ہمدردی کیلئےجڑانوالہ جا رہا ہوں۔

I’m heading to Jaranwala to meet and empathize with our Christian brethren

— Anwaar ul Haq Kakar (@anwaar_kakar) August 21, 2023

اسلام آباد: نگران وزیراعظم انوار الحق کاکڑ نے سربراہ ق لیگ چوہدری شجاعت حسین سے ٹیلی فونک رابطہ کیا اور  انکی خیریت دریافت کی۔

اے آر وائی نیوز کے مطابق ٹیلی فونک رابطے کے دوران نگران وزیراعظم انوار الحق کاکڑ نے چوہدری شجاعت حسین کی قومی خدمات کو خراج عقیدت پیش کیا۔

نگران وزیراعظم انوار الحق کاکڑ کا کہنا تھا کہ سیاسی سفر کی ابتدا آپ کیساتھ کی، اب بھی سرپرستی چاہتا ہوں، بلوچستان کے حقوق کے لیے آپ نے ہمیشہ آواز بلند کی۔

انوار الحق کاکڑ کا کہنا تھا کہ بلوچستان کے عوام بنیادی حقوق دلانے پر ہمیشہ آپکے مشکور ہیں، قومی، عوامی مسائل کے حل، ملکی ترقی کیلئے آپ سے رہنمائی کا طالب ہوں۔

دوسری جانب چوہدری شجاعت حسین نے انوارالحق کاکڑ کو نگران وزیر اعظم بننے پر مبارکباد دی اور کہا کہ مجھے امید ہے آپ کے دور میں معاشی بہتری آئے گی۔

سربراہ ق لیگ چوہدری شجاعت حسین نے مزید کہا کہ ملکی مسائل کے لیے تمام سیاسی قوتوں کو ساتھ لے کر چلیں، عوام مہنگائی کے ہاتھوں پریشان ہیں، تدارک کیلئے اقدامات کریں۔

واشنگٹن : امریکی وزیرخارجہ انٹونی بلنکن نے انوار الحق کاکڑ کو نگراں وزیراعظم بننے پر مبارکباد دیتے ہوئے کہا کہ امریکا معاشی خوشحالی کے لیے اپنا تعاون جاری رکھے گا۔

تفصیلات کے مطابق امریکی وزیرخارجہ انٹونی بلنکن نے نگراں وزیراعظم انوارالحق کاکڑ کو مبارکباد دی ، انٹونی بلنکن نے اپنے پیغام میں کہا ہے کہ پاکستان آئین کے مطابق شفاف انتخابات کیلئے تیاریاں جاری رکھے۔

انٹونی بلنکن کا کہنا تھا کہ امریکا معاشی خوشحالی کے لیے اپنا تعاون جاری رکھے گا، پاکستان کاآئین آزادی اظہاراوراجتماع کا حق دیتا ہے۔۔

اسلام آباد : نگران وزیراعظم انوار الحق کاکڑ نے وزارت عظمیٰ کی ذمہ داریاں سنبھال لیں اور تمام وزارتوں سے اہم امور پر بریفنگ طلب کرلی۔

تفصیلات کے مطابق نگراں وزیراعظم انوارالحق کاکڑ وزارت عظمیٰ کی ذمہ داریاں سنبھال لیتے ہوئے تمام وزارتوں سے اہم امور پر بریفنگ طلب کرلی۔

ملک کو اس وقت سیاسی اور معاشی چیلنجز کا سامنا ہے جبکہ نئی مردم شماری کی منظوری کے بعد آئندہ عام انتخابات کا انعقاد بھی کسی چیلنج سے کم نہیں ہے۔

نگراں حکومت کے سربراہ کی حیثیت سے صاف شفاف انتخابات کو ممکن بنانا نگراں وزیراعظم انوارالحق کاکڑ کی ذمہ داری ہے تاہم الیکشن سے پہلے نئی حلقہ بندیاں ہونی ہیں اور یہ ذمہ داری الیکشن کمیشن کو انجام دینی ہے۔

اختیارات کی بات کی جائے تو موجودہ نگراں وزیراعظم کو اضافی اختیارات حاصل ہیں، نگران حکومت کومنصوبوں کے تسلسل اور دیگر ممالک کے ساتھ معاہدوں کا اختیار بھی مل چکا ہے۔

یاد رہے شہبازشریف وزیراعظم ہاؤس سے رخصت نگراں وزیراعظم انوارالحق کاکڑ کووزیراعظم ہاؤس پہنچنے پر چاق چوبند دستے نے سلامی دی۔

انوار الحق کاکڑ نے بطور نگران وزیراعظم پاکستان عہدے کا حلف اٹھایا تھا ، جس کے بعد انہیں وزیراعظم ہاؤس میں گارڈ آف آنر دیا گیا تھا۔

نگران وزیراعظم نے تینوں مسلح افوج کے چاک و چوبند دستوں سے سلامی لی اور گارڈ آف آنر کا معائنہ کیا تھا۔

بعد ازاں نگران وزیراعظم کی وزیراعظم آفس کے افسران وعملے سے ملاقات کرائی گئی، ملاقات میں افسران نےنگران وزیراعظم کواپنا تعارف کرایا گیا۔

نگران وزیراعظم نے سبکدوش وزیراعظم شہبازشریف کا شکریہ ادا کیا ، جس کے بعد سبکدوش وزیراعظم محمدشہبازشریف کوگارڈآف آنرپیش کیاگیا اور نگران وزیراعظم نے سبکدوش وزیراعظم کورخصت کیا۔