Tag: انورمجید

اسلام آباد : اومنی گروپ کے سربراہ انور مجید نے سپریم کورٹ میں اسلام آباد میں تحقیقات کے حکم پر نظرثانی کی اپیل دائر کردی، ان کا کہنا ہے کہ مقدمہ نیب نہیں بلکہ ایف آئی اےسےمتعلق ہے، میرے خلاف میڈیا مہم چلائی گئی۔

تفصیلات کے مطابق جعلی اکاؤنٹس کیس کی اسلام آباد میں تحقیقات کے حکم پر نظرثانی کی جائے، اومنی گروپ کے سربراہ انور مجید نے سپریم کورٹ میں اپیل دائرکردی۔

درخواست میں کہا گیا ہے مقدمہ نیب نہیں بلکہ ایف آئی اےسےمتعلق ہے، میرے خلاف میڈیا مہم چلائی گئی، فرض کرلیا گیا کہ اکاؤنٹس میں تمام پیسے جرائم سے کمائے گئے۔

درخواست میں مزید کہا گیا ہے کہ الزامات کراچی سے متعلق ہیں، جےآئی ٹی اور نیب کراچی میں تفتیش کرسکتے ہیں، تمام گواہان بھی کراچی سے ہی تعلق رکھتے ہیں، نیب کو اسلام آبادمیں ریفرنس دائرکرنے کا حکم غیرقانونی ہے۔

انورمجید نے مؤقف اختیار کیا کہ مذکورہ مقدمہ نیب نہیں بلکہ ایف آئی اے سے متعلق ہے، ایف آئی اے بینکنگ کورٹ میں چالان پیش نہیں کرسکی، مقدمے کو غیرقانونی طور پر لٹکایا جارہا ہے۔

ایف آئی اے کو ہدایات دی جائیں کہ مقدمے کا چالان جلد پیش کرے، اس کے علاوہ جےآئی ٹی بھی اپنی رپورٹ پیش کرچکی ہے، مزید تفتیش کا بھی جواز نہیں بنتا۔

انور مجید نے جےآئی ٹی کا مکمل ریکارڈ فراہم کرنے کی استدعا کرتے ہوئے مزید کہا کہ ایف آئی اے نےدرخواست گزار کے خلاف میڈیا مہم بھی چلائی، فرض کرلیا گیا کہ اکاؤنٹس میں تمام پیسے جرائم سے کمائے گئے ہیں۔